Ding Dalit 92
92
Ing Kantang Kapurian
1Mayap ing pasalamat king Ginu, at ing magkantang kapurian
king lagyu ning Dios a Kakataskatasan.
2Mayap ing isalita ing lugud nang e kukupas balang abak,
at ing keyang katapatan karas ning kabengian,
3at bagayan karing instrumentong de kuerdas,
at sunis ning alpa.
4Ding dapat mu, O Ginu, paligayan da ku;
uli ding dapat ding gamat mu king tula mipapakanta ku.
5Ding dapat mu, O Ginu, tutu lang marangal!
Ding kekang pamisip bina lang malalam!
6 # Kab 13:1. Iti makalingad karing taung alang beluan,
at e na aintindian ning taung mangmang.
7Agyang pang lumabung lang anting dikut ding taung e mayap,
at dakal man ing karelang pibandian,
makanyan man miras karela ing mitakdang kasiran,
8uling ika, O Ginu, ing Kakataskatasan king kapilan pa man.
9Wa, Ginu, ding sablang kekang kalaban magisan la ngan, at masambut ding darapat kasalanan.
10Oneng gewa mu kung kasing sikan ning toro,
at dininan tulang e makanyan- kanyan.
11Ikit ku lang mesambut ding kakung kalaban,
at karelang kulisak kakung dimdam.
12Ding taung banal lumabung lang kalupa ning palma;
lumabung lang kawangis ding tanaman a sedro ning Lebanon.
13Mangari la karing tanaman a mitanam king tuknangan ning Ginu,
king Templo ning Dios dagul la at lumabung.
14Agyang matua na la mamunga la pa;
manatili lang mabie at sagiwa.
15Pakilala na niti king ing Ginu makatuliran ya;
ya ing kakung talaingat a alang kakulangan.
Currently Selected:
Ding Dalit 92: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
