Ding Dalit 90
90
Ing tungkul king Dios at king Tau
1 Ginu, ika ing kekeng meging tuknangan
karing dakal a panaun a milabasan.
2Bayu mo pa pepalto ding kabundukan
o ing yatung kekang lelangan, ika na ing Dios a alang kayangganan, at Dios ka kapilan man.
3Babalik me ing tau king alikabuk a keyang ibatan;
kekang sasabian, O anak ding tau, king alikabuk mibalik kayu.
4 # 2 Ped 3:8. Anti lang patingapun ding libung banua keka;
mengari la king napun a linabas na
o anting oras a makuyad neng bengi.
5Tatange mu la ding tau anting agus ning albug;
kasing kaba na kami mu ning paninap;
mengari kaming dikut a neng abak sisibut.
6Kabang abak pa sagiwa la at mamulaklak;
karas ning bengi lanat la.
7King pelian ning mua mu magigisan kami;
king kekang kasbu gagalgal ke ngan.
8Atyu la king kekang arapan
ding kekeng kasalanan;
ding makasalikut ming kasalanan balu mu la ngan.
9Kukuyad ing bie mi uli ning kekang mua;
lalbug yang kalupa ning bage bilung ning tau.
10 # Sir 18:8, 9. Ing bie mi angga mung pitung pulung banua;
miraras kaming walung pulung banua nung masikan ke pa;
makanyan man, kaguluan at problema ing darala ra;
mabilis yang lilipas ing bie at kaybat mawala ne.
11Ninu ing makibalu king puersa ning kekang mua?
Ninu ing makaintindi king kasbung makatakut a kekang darala?
12Inya ituru mu kekami king ing bie makuyad ya,
ban pusu mi king beluan mipabiasnan la.
13 Ginu, ing kekang mua kekami angga kapilan?
Keka la sanang lunusan dening kekang alipan.
14Kagising mi neng abak katmuan mu ke sa king lugud mung alang kupas,
ban magkanta kami at tumula kabang mabie kami.
15Alilan mung tula itang lungkut a kekami kekang peparala
kanitang panaun ning kekeng kasakitan.
16Ipakit mu karing talasuyu mu ing makapagmulalang dapat mu;
paintulut mung ding lahi mi karelang akit ing mayupaya mung dapat.
17O Ginung Dios, ing keka sanang bendisyun ibie mu kekami;
king sablang dapat mi tagumpe keka sanang ibie.
Currently Selected:
Ding Dalit 90: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
