Ding Dalit 62
62
Ing Pamagtiwala king Ingat ning Dios
1Bukud mung ing Dios ya ing kakung panenayan;
ing kakung kaligtasan king Dios manibatan.
2Ya ing bukud kung talaingat at talapagligtas;
ya ing kuta a kakung dipensa, inya kapilan man e ku numanu balang.
3Angga ye kapilan lulusuban
ing taung kalupa ning bakud a makaragsa?
4Ing bukud yung nasa ya ing milako ya king marangal a kabilian.
Ing tula yu ya ing magsalitang kalaraman,
karing labi yu kekayu yang pamurian,
oneng ing pusu yu mitmu yang kapanyiran.
5Bukud mung ing Dios ya ing kakung asahan;
ing kakung kapanayan king Dios manibatan.
6Ya mung bukud ing mimingat at magligtas kaku;
ya ing kakung kuta a kakung salilungan,
inya e ku bitasang mitakutan.
7King Dios makatalakad ing kakung kaligtasan at dangalan;
ya ing mayupaya kung talapagligtas;
ing Dios ya ing kakung salilungan.
8Ikong kakung kabalen,
manalig kayu sana king Dios king sablang panaun.
Sabla yung kaguluan king Dios idala yu,
uling ya ing salilungan tamu.
9Ding tau mengari lang bula#62:9 King Hebreo: pangisnawa. a agad matatda,
taung marangal at mababa ala na lang ulaga.
Nung parehu mu lang timbangan ala kang akit dang beyatan.
Bula ing karelang kalupa.
10E kayu sa manalig king pamanampalasan;
ala kayung apala nung manako na kayu man.
Nung sakaling dakal man ing kekong pibandian,
iti e yu sa panaligan.
11E mu mekatadua ku ne dimdam ing Dios, agpang king sasabian na,
bukud mung bandi na ing kayupayan
12 # Job 34:11; Jer 17:10; Mt 16:27; Roma 2:6; Kap 2:23. at king ing lugud na manatili kapilan man.
Ika, O Ginu, keka yang ablasan ing ninuman
ketang depat na.
Currently Selected:
Ding Dalit 62: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
