Ding Dalit 59
59
Ing Pamaniawad Kaligtasan
1Iligtas mu ku karing kalaban ku, O Dios ko;
idipensa mu ku laban karing lulusub kaku.
2Karing darapat e mayap iligtas mu ku
at karing makamate-tau.
3Buri da kung tambangan deting kalaban;
mikampi-kampi la ban aku ing karelang labanan,
e uling atin kung kasalanan
o pamagkamaling depatan, O Ginu.
4Ala ku mang gewang e ustu;
makanyan man aku ing karelang lulusuban.
5Mibangun ka, O Ginung Dios a Mayupaya,
me keni at saupan mu ku,
at lawan kakung kabilian, O Dios ning Israel.
Migising ka at layun parusan ding paganu,
at e ka papakit lunus karing taksil a tau.
6Neng bengi anti lang asung daratang
king siudad magbitaul at limbun-limbun.
7Ding asbuk da bubula la,
karelang dila anti lang mataram a espada!
Makanyan man karela pang sasabian,
Alang makaramdam king kekatamung pamaniabian.
8Oneng ika, O Ginu, kaylian mu la mu;
e mu la man pansin deting paganu.
9Ing sikanan mu yang kakung panaligan;
ika ing kakung salilungan, O Dios, inya ika ing kakung purian.
10Kaluguran na ku ning kakung Dios, uli niti, saupan na ku,
ban ipakit na lang mesambut ding kakung kalaban.
11O Dios, kalaban e mu la pa mu papaten,
magkang mangalinguan yang kakung balen;
nune keka lang isalbag at ibagsak kapamilatan ning kekang kayupayan,
O Ginung kekeng talapagligtas.
12Karing asbuk da at labi e mayap ing karelang pamaniabian;
bustan mu lang marakap king karelang kapalaluan.
Uli ning pamaniumpa ra at pamaglaram.
13Lubus mu lang gisanan paten; king kekang mua papagdusan mo ngan,
kanita ding tau karelang kilalanan king ika ing Dios a mag-ari
king Israel at king meto yatu.#59:13 O kaya: meto sikluban.
14-15Neng bengi magbalik la; king siudad gagala la;
anti lang asu king pamagbitaul da; gala-gala lang manintun alaklak da, at nung e la kumabsi mimimua la.
16Oneng aku, ikanta ku ing kekang kayupayan;
balang abak kakung ikanta kekang pakamal,
uling ika ing meging kakung salilungan,
ing kakung salikutan king oras ning kaguluan.
17Keka, O kakung sikanan, magkanta kung kapurian;
uling ika, O Dios, ing kakung salilungan,
ing Dios a e mapapagal king pamaglugud.
Currently Selected:
Ding Dalit 59: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
