Ding Dalit 57
57
Ing Panalangin Maniawad Kasaupan
1Malunus ka kaku, O Dios, malunus ka sa,
uling ika ing kakung lalapitan;
king lalam ding kekang bagyus karin ku salilung,
anggang e la mako ding bagyung masikan.
2Maus ku king Dios a Kakataskatasan;
king Dios a babie king sablang kakung kailangan.
3Ibat banua pakiramdaman na ku at iligtas,
at daigan na la ding kaku manalipusta.
Kaku iparala nang lugud na at katapatan.
4Atyu ku libutad ding taung balamu leon,
balamu leon lang mamangan-tau;
ding ipan da balamu paku#57:4 O kaya: tandus. la at paslu,
at dila ra anti lang espadang mataram.
5Pakit mu ing dangalan mu, O Dios ko,
at king mabilug a yatu ipakit mung ligaya mu.
6Miyumang lang silu ding kakung kalaban,
inyang masasambut ku king kakung kaligaligan;
ginawa lang kulkul king kakung daralanan,
oneng ila mismu ding menabu.
7Lubus keng keka manalig, O Dios;
pagkanta da ka't purian.
8Migising ka, O kakung kaladua!
Migising ka, kakung alpa at lira!
Pati aldo gisingan ku na.
9Pasalamatan da ka, O Ginu, arap ding sablang tau;
magkanta kung kapurian keka libutad ding sablang bansa.
10Uling ing lugud mung e kukupas miraras king banua,
at ing kekang katapatan lalagpus king biga.
11Ing dangalan mu, O Dios ko, pakit mu king banua,
at king mabilug a yatu ipakit mung kekang ligaya.
Currently Selected:
Ding Dalit 57: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
