Ding Dalit 41
41
Ing Panalangin na ning Metung a Masakit
1Masaya ya ing taung karing kalulu magmalasakit,
uling ing Ginu matula neng saupan
king oras ning kagipitan.
2Ingatan ne ning Ginu at pakaban a bie at gawan masaya keti king masala;
karing gamat ding kalaban na e ne paburen mipailalam.
3Uluan ne ning Ginu potang sakit ya,
at ibalik na ing sikanan a mewala.
4Ngakung sinabi king Ginu,
Ginu, keka mikasala ku;
malunus ka at uluan mu ku.
5Ngarang magsalitang kapanyiran ding kakung kalaban,
Mate ne sana ban makalinguan yang lagyu na.
6E la tapat detang kaku magbisita;
lalawe lang e mayap a ipagindredus da,
at makanyan ing daraptan da potang kalako ra.
7Detang kaku masama pisisitsitan da ku;
e mayap ing isipan da tungkul king sakit a miras kaku.
8Ngara, Grabi ing sakit a miras king katawan na;
e ne kumayap king pangarate na.
9 # Mt 26:23; Mc 14:18; Lc 22:21; Jn 13:18. Pati na ing matalik kung kakaluguran at pagkatiwalan;
itang kasulu kung mamangan pigtaksilan na ku naman.
10O Ginu, malunus ka kaku;
ibalik mu ing sikanan a mewala kaku
ban karela makaganti ku!
11Kanita ku abalu king matula ka kaku;
nung ding kalaban e la magtagumpe kaku.
12Balu ku ing saupan mu ku,
uling ing mayap ya ing daraptan ku;
arap mu talakad ku king kapilan pa man.
13 # Dalit 106:48. Purian ya ing Ginu, ing Dios ning Israel!
Purian ye angga king kapilan pa man.
Amen! Amen!
Currently Selected:
Ding Dalit 41: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
