Ding Dalit 3
3
Ing Panalangin king Abak#Ing pamansag na king Hebreo: Ing Dalit nang David kanitang tatakas ya kang Absalon a anak na.
1O Ginu, karakal da ring kakung kalaban;
e la ditak ding kaku bisang lumaban!
2Kaku karelang sasabian,
Ing Dios e ne saupan.
3Oneng ika, O Ginu, ing kalasag ku,
ika ing babie tagumpe kaku;
babalik mu kaku ing sikanan lub.
4King Ginu maus kung masikan,
at ya naman king bunduk nang banal,
kaku munie yang kapakibatan.
5Malyari na ku ngening magkera ban matudtud, at kaybat migising ku,
uling ing Ginu ya ing magbante kaku.
6Laksa-laksa la man ding kalaban
a kaku makapadurut e ku la rin pitakutan.
7Me keni, Ginu! Iligtas mu ku, O Dios ko!
Ding kakung kalaban keka lang parusan,#3:7 King Hebreo: panampalingan.
at ilako sikanan.#3:7 King Hebreo: pamaklian a ipan. ding sablang makasalanan.
8King Ginu manibatan ing kaligtasan;
keka ya sanang bendisyunan ing kekang balen.
Currently Selected:
Ding Dalit 3: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
