Ding Dalit 17
17
Ing Panalangin nang David
1O Ginu, pakiramdaman mu ku;
katuliran ing aduan ku;
kakung dalangin miras sa king kekang panandam,
uling tau kung e maglinlang.
2Keka ku sana tanggapan ing kayatulan a kakung katuliran,
bustan mu sanang karelang akit ing katutuan.
3Pusu ku balu me;
bengi man sisi-siasatan me.
Sibukan mu ku at ala kang ikit a e mayap;
uling kakung pamagsalita kakung ingatan.
4Ding taung mapanagkas e ku la pakiapusan,
uling tapat ku lang pamintuan ding amanung king labi mu manibatan.#17:4 Ing metung a matuang likas: e ke tikian ing dalan na ning katampalasanan; king Hebreo: tikian ke ing tiru mung dalan.
5Karing kekang dalan bitis ku karin la daralan,
inya e ku mitakid king kakung pamaglakbang.
6Keka maus ku, O Dios ko, uling pakibatan mu ku,
keka sanang pakiramdaman ing kakung sasabian.
7Ipakit mu ing alang kupas mung lugud,
O talapagligtas ding keka#17:7 King Hebreo: gamat mung wanan. lalapit pasaup;
siping mu ligtas ku karing kakung kalaban.
8Ingatan mu ku antimong pekamal keka,
lalam mung pakpak ingat mu makanyan sana;
9uling ding taung e mayap buri da keng panasakitan.
Kaku makapadurut la,
10lunus ala karela; kapalaluan ing pamaniabian da.
11Tekikian da ku at pedurutnan;
buri dang arakap da ku sana.
12Balamu leon lang danupan manintun paglapakan;
balamu leon lang malati, pakasalikut lang manaya ban aku ing karelang sagmitan.
13 Ginu, me keni keka lang arapan;
gisanan mu lang sambutan!
Iligtas mu ku karing taung e mayap king kapamilatan ning kekang panabak.
14 Ginu, iligtas mu ku karing taung anti kareti;
gamat mung mayupaya gamitan mu ne
kareting taung labis-labis king pagkabie;
parusan mu la ketang parusang sidia mu karela;
ding anak at apu ra idame mu la.
15Lupa mu kaku yang tangalan,
uling darapat kung katuliran,
at kagising ku neng abak
tula kumatmu ku uling 'tyu ku arapan mu.
Currently Selected:
Ding Dalit 17: PmPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
