Mateo 5
5
Ing Aral king Bunduk-bundukan
1Panakit nang Jesus karing dakal a tau, minukiat ya king bunduk-bundukan. Inyang mekalukluk ne, linapit la ding alagad na. 2Kaybat, megumpisa yang migsalita at nganang tinuru karela:
Ding Tune Mapalad at Masaya
(Lucas 6:20-23)
3Mapalad la ding pakakalulu king espiritu,
uling karela ya ing Kayarian ning Banua!
4 # Isa 61:2. Mapalad la ding malungkut,
uling paligayan na la ning Dios!
5 # Dalit 37:11. Mapalad la ding mapagpakumbaba,
uling tanggapan da ing pengaku ning Dios!#5:5 King Griego: Uling amana re ing labuad.
6 # Isa 55:1, 2; Sir 24:21. Mapalad la ding daranup at kakau king kabanalan na ning Dios,
uling pakabsian na la!
7Mapalad la ding mapaglunus,
uling lunusan na la ning Dios!
8 # Dalit 24:3, 4; 2ES 7:98. Mapalad la ding malinis a pusu,
uling akit de ing Dios!
9Mapalad la ding gagawang paralan para king pamikakasundu da ring tau,
uling mayaus lang anak na ning Dios!
10 # 1 Ped 3:14. Mapalad la ding daralan kaligaligan uli na ning pamanupad da king kaburian ning Dios,
uling karela ya ing Kayarian ning Banua!
11 # 1 Ped 4:14. Mapalad kayu neng insultuan da kayu deng tau at liligaligan at magsalita lang miyayaliwang kapanyiran laban kekayu king uli ku. 12#2 Cro 36:16; Sir 2:8; Dapat 7:52.Tumula kayu at magsaya uling mikamaragul kayung ablas karin banua. Makanyan da la namang ligalig ding propetang minuna kekayu.
Ing Asin at Sulu ning Yatu
(Marcos 9:50; Lucas 14:34-35)
13 # Mc 9:50; Lc 14:34, 35. Ikayu ing asin ning yatu. Nung milako kalat ing asin, makananu mu pang abalik ing kalat na? Ala nang kasilbian. Inya miyugse na mu king lual king daramusakan da ring tau.
14 # Jn 8:12; 9:5. Ikayu ing sulu ning yatu. E ya malyaring isalikut ing balen a makatalakad king babo ning bunduk-bundukan. 15#Mc 4:21; Lc 8:16; 11:33.Alang manyinding sulu at kaybat takpan ne king palanggana; nune ibibili ya iti king tumpakan ba yang munie sala karing sablang atyu king bale. 16#1 Ped 2:12.Makanyan ya namang sukat sunlag king arapan da ring tau ing sulu yu ban akit da ing dapat yung mayap, at paligayan de ing Ibpa yung atyu banua.
Ing Turu nang Jesus tungkul king Kautusan
17E yu isipan king dinatang ku ba keng payalan kabaldugan ing Kautusan o ing turu da ring propeta. Dinatang ku e ban payalan ku lang kabaldugan, nune ba ku lang iganap at tuparan deti. 18#Lc 16:17.Ing katutuan sasabian ku kekayu, matda ya man ing banua at ing yatu, ni metung mang tuldik o metung mang malati nang gulis ning Kautusan e ya mabura anggang e metupad ing parasan na. 19Uli na niti, ninuman ing taung labag agyang king malating dili kareting kautusan at ituru na ing makanyan karing aliwa, mibilang yang mababang dili king Kayarian ning Banua. Ing ninumang tutupad kareti at ituru na ing makanyan karing aliwa, ita ing makilalang pekamarangal king Kayarian ning Banua. 20Sasabian ku kekayu, nung e yu la igitan ding talaturu ning Kautusan at ding Pariseo king pamanupad king kaburian ning Dios, e kayu milub king Kayarian ning Banua.
Ing Turu nang Jesus tungkul king Mua
21 # Exo 20:13; Deut 5:17. Dimdam yu king kanitang minuna mituru karing tau: E ka makamate; ing ninumang makamate mika pakibatan ya king arapan ning husgadu. 22Oneng ngeni sasabian ku kekayu: ninuman ing mimua king kapatad na mika pakibatan ya king arapan ning husgadu; ing ninuman maninsultu king kapatad na mika pakibatan ya king arapan ning Sanhedrin, at ninuman ing sumabi king kapatad na, Ala kang isip! miyugse ya king api ning impierno. 23Uli na niti, nung atin kang yayain king Dios at aganaka mu king atin yang samang lub keka ing kapatad mu, 24lakuan mu ing kekang yayain king arap ning altar at munta ka pa mung makikasundu king kekang kapatad. Kanita na ka magbalik at main king Dios.
25Nung ating mandalum keka, makipagkasalese ka king mandalum kabang ating panaun, bayu na ka iyarap king husgadu. Nung ali, intriga na ka king ukum at ibie na ka ning ukum karing pulis, at ikulung da ka ding pulis king sukulan. 26Sasabian ku keka: karin ka manatili anggang e ka makabayad king katataulian a sentimo.
Ing Turu nang Jesus tungkul king Pamakipangalugud
27 # Exo 20:14; Deut 5:18. Dimdam yu king kanitang minuna mituru karing tau: E ka makipangalugud. 28Oneng ngeni sasabian ku kekayu: ing ninumang lumawe a ating pamagnasa king metung a babai, mikakasala neng pamakipangalugud king pusu na king babaing ita. 29#Mt 18:9; Mc 9:47.Nung ing kekang mata#5:29 King Griego: ing mata mung wanan. ya ing maging sangkan ning kekang pamikasala, dukitan me at iyugse! Mayap pa ing ala kang metung a dake ning katawan kesa king ala yang bawas miyugse king impierno ing kekang katawan. 30#Mt 18:8; Mc 9:43.Nung ing kekang gamat#5:30 King Griego: ing gamat mung wanan. ya ing sangkan ning kekang pamikasala, pututan me at iyugse! Mayap pang ala na kang metung a dake ning katawan kesa king ala yang bawas miyugse king impierno ing kekang katawan.
Ing Turu nang Jesus tungkul king Diborsyu
(Mateo 19:9; Marcos 10:11-12; Lucas 16:18)
31 # Deut 24:1-4; Mt 19:7; Mc 10:4. Dimdam yu king kanitang minuna mituru karing tau: Ing ninumang midiborsyu king asawa na sukat neng dinan kasulatan bilang katibayan ning karelang pamikawani. 32#Mt 19:9; Mc 10:11, 12; Lc 16:18; 1 Cor 7:10, 11.Oneng ngeni sasabian ku kekayu: nung kawanian ne ning lalaki ing asawa nang e naman mekipangalugud at makiasawa ya ing babai king aliwa, mikakasala ya ing lalakiuling ya ing mitulak king asawa na king pamakipangalugud. At ing ninumang makiasawa king babaing kewanian ning asawa na, makipangalugud ya naman.
Ing Turu nang Jesus tungkul king Pamaniumpa
33 # Lev 19:12; Bilang 30:2; Deut 23:21. Dimdam yu naman king kanitang minuna mituru karing tau, E ka lalabag king sumpa a kekang pengaku nune tuparan mu ing pengaku mu king Ginu. 34#Santi 5:12; Isa 66:1; Mt 23:22.Oneng ngeni sasabian ku kekayu: e kayu bitasang susumpa neng mangaku kayu. E yu sasabian: Saksi ke ing banua, uling ing banua ya ing tronu na ning Dios; 35#Isa 66:1; Dalit 48:2.o kaya, Saksi ke ing yatu, uling iti ya ing tumpakan da ring bitis na. E yu naman sasabian: Saksi ke ing Jerusalem, uling iti ya ing siudad ning marangal a Ari. 36Ni e mu sasabian: Mate ku man,#5:36 King Griego: E ka susumpa king kekang buntuk. uling agyang metung mang buak king buntuk mu e me apaputi o apatuling. 37Makagyu nang sabian mu Wa, nung wa ing buri mung sabian, at Ali, nung ali; uling king Marawak na manibatan ing nanumang idagdag mu.
Ing Turu nang Jesus tungkul king Pamanablas
(Lucas 6:29-30)
38 # Exo 21:24; Lev 24:20; Deut 19:21. Dimdam yu naman king kanitang minuna mituru karing tau: Mata libe mata at ipan libe ipan. 39Oneng ngeni sasabian ku kekayu: e ye ablasan e mayap ing taung dinapat e mayap#5:39 King Griego: e ye lalabanan ing marawak. kekayu. Nung ating tampaling keka king wanan mung pisngi, iyarap mia naman ing kayli mung pisngi. 40Nung ating mandalum keka ba nia mung akua ing kekang baru, ibie mu pati na ing balabal mu. 41Nung ating mamilit kekang papusan na ing karga na kilub ning metung a kilometru, pusanan mu nang anggang aduang kilometru. 42Nung ating maniawad keka, dinan me; at nung ating mandam keka, paraman me.
Luguran la ding Kalaban
(Lucas 6:27-28, 32-36)
43 # Sir 12:4-7. Dimdam yu naman king kanitang minuna mituru karing tau: Luguran me ing kakaluguran mu at pikasaman me ing kalaban mu. 44Oneng ngeni sasabian ku kekayu: luguran yu la ding kalaban yu, at ipanalangin yu la ding liligalig kekayu. 45#Sir 4:10.Kanita maging tune na kayung anak ning Ibpa yung atyu banua, uling papaslag ne ning Dios ing aldo na karing e mayap at karing mayap a tau, at babie na ing uran na karing darapat mayap at karing darapat e mayap. 46Nanung ablas ing panenayan yu king Dios nung luluguran yu la mu detang malugud kekayu? Agyang ding talapanyingil buis makanyan ing daraptan da! 47At nung ding kakaluguran yu ila mung pakisabian yu, atin waring e karaniwan kanita? Agyang ding paganu makanyan la daraptan! 48#Lev 19:2; Deut 18:13.Inya sukat kayung maging ganap, nung makananu yang ganap antimo ing Ibpa yung atyu banua.
Currently Selected:
Mateo 5: PmPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
Mateo 5
5
Ing Aral king Bunduk-bundukan
1Panakit nang Jesus karing dakal a tau, minukiat ya king bunduk-bundukan. Inyang mekalukluk ne, linapit la ding alagad na. 2Kaybat, megumpisa yang migsalita at nganang tinuru karela:
Ding Tune Mapalad at Masaya
(Lucas 6:20-23)
3Mapalad la ding pakakalulu king espiritu,
uling karela ya ing Kayarian ning Banua!
4 # Isa 61:2. Mapalad la ding malungkut,
uling paligayan na la ning Dios!
5 # Dalit 37:11. Mapalad la ding mapagpakumbaba,
uling tanggapan da ing pengaku ning Dios!#5:5 King Griego: Uling amana re ing labuad.
6 # Isa 55:1, 2; Sir 24:21. Mapalad la ding daranup at kakau king kabanalan na ning Dios,
uling pakabsian na la!
7Mapalad la ding mapaglunus,
uling lunusan na la ning Dios!
8 # Dalit 24:3, 4; 2ES 7:98. Mapalad la ding malinis a pusu,
uling akit de ing Dios!
9Mapalad la ding gagawang paralan para king pamikakasundu da ring tau,
uling mayaus lang anak na ning Dios!
10 # 1 Ped 3:14. Mapalad la ding daralan kaligaligan uli na ning pamanupad da king kaburian ning Dios,
uling karela ya ing Kayarian ning Banua!
11 # 1 Ped 4:14. Mapalad kayu neng insultuan da kayu deng tau at liligaligan at magsalita lang miyayaliwang kapanyiran laban kekayu king uli ku. 12#2 Cro 36:16; Sir 2:8; Dapat 7:52.Tumula kayu at magsaya uling mikamaragul kayung ablas karin banua. Makanyan da la namang ligalig ding propetang minuna kekayu.
Ing Asin at Sulu ning Yatu
(Marcos 9:50; Lucas 14:34-35)
13 # Mc 9:50; Lc 14:34, 35. Ikayu ing asin ning yatu. Nung milako kalat ing asin, makananu mu pang abalik ing kalat na? Ala nang kasilbian. Inya miyugse na mu king lual king daramusakan da ring tau.
14 # Jn 8:12; 9:5. Ikayu ing sulu ning yatu. E ya malyaring isalikut ing balen a makatalakad king babo ning bunduk-bundukan. 15#Mc 4:21; Lc 8:16; 11:33.Alang manyinding sulu at kaybat takpan ne king palanggana; nune ibibili ya iti king tumpakan ba yang munie sala karing sablang atyu king bale. 16#1 Ped 2:12.Makanyan ya namang sukat sunlag king arapan da ring tau ing sulu yu ban akit da ing dapat yung mayap, at paligayan de ing Ibpa yung atyu banua.
Ing Turu nang Jesus tungkul king Kautusan
17E yu isipan king dinatang ku ba keng payalan kabaldugan ing Kautusan o ing turu da ring propeta. Dinatang ku e ban payalan ku lang kabaldugan, nune ba ku lang iganap at tuparan deti. 18#Lc 16:17.Ing katutuan sasabian ku kekayu, matda ya man ing banua at ing yatu, ni metung mang tuldik o metung mang malati nang gulis ning Kautusan e ya mabura anggang e metupad ing parasan na. 19Uli na niti, ninuman ing taung labag agyang king malating dili kareting kautusan at ituru na ing makanyan karing aliwa, mibilang yang mababang dili king Kayarian ning Banua. Ing ninumang tutupad kareti at ituru na ing makanyan karing aliwa, ita ing makilalang pekamarangal king Kayarian ning Banua. 20Sasabian ku kekayu, nung e yu la igitan ding talaturu ning Kautusan at ding Pariseo king pamanupad king kaburian ning Dios, e kayu milub king Kayarian ning Banua.
Ing Turu nang Jesus tungkul king Mua
21 # Exo 20:13; Deut 5:17. Dimdam yu king kanitang minuna mituru karing tau: E ka makamate; ing ninumang makamate mika pakibatan ya king arapan ning husgadu. 22Oneng ngeni sasabian ku kekayu: ninuman ing mimua king kapatad na mika pakibatan ya king arapan ning husgadu; ing ninuman maninsultu king kapatad na mika pakibatan ya king arapan ning Sanhedrin, at ninuman ing sumabi king kapatad na, Ala kang isip! miyugse ya king api ning impierno. 23Uli na niti, nung atin kang yayain king Dios at aganaka mu king atin yang samang lub keka ing kapatad mu, 24lakuan mu ing kekang yayain king arap ning altar at munta ka pa mung makikasundu king kekang kapatad. Kanita na ka magbalik at main king Dios.
25Nung ating mandalum keka, makipagkasalese ka king mandalum kabang ating panaun, bayu na ka iyarap king husgadu. Nung ali, intriga na ka king ukum at ibie na ka ning ukum karing pulis, at ikulung da ka ding pulis king sukulan. 26Sasabian ku keka: karin ka manatili anggang e ka makabayad king katataulian a sentimo.
Ing Turu nang Jesus tungkul king Pamakipangalugud
27 # Exo 20:14; Deut 5:18. Dimdam yu king kanitang minuna mituru karing tau: E ka makipangalugud. 28Oneng ngeni sasabian ku kekayu: ing ninumang lumawe a ating pamagnasa king metung a babai, mikakasala neng pamakipangalugud king pusu na king babaing ita. 29#Mt 18:9; Mc 9:47.Nung ing kekang mata#5:29 King Griego: ing mata mung wanan. ya ing maging sangkan ning kekang pamikasala, dukitan me at iyugse! Mayap pa ing ala kang metung a dake ning katawan kesa king ala yang bawas miyugse king impierno ing kekang katawan. 30#Mt 18:8; Mc 9:43.Nung ing kekang gamat#5:30 King Griego: ing gamat mung wanan. ya ing sangkan ning kekang pamikasala, pututan me at iyugse! Mayap pang ala na kang metung a dake ning katawan kesa king ala yang bawas miyugse king impierno ing kekang katawan.
Ing Turu nang Jesus tungkul king Diborsyu
(Mateo 19:9; Marcos 10:11-12; Lucas 16:18)
31 # Deut 24:1-4; Mt 19:7; Mc 10:4. Dimdam yu king kanitang minuna mituru karing tau: Ing ninumang midiborsyu king asawa na sukat neng dinan kasulatan bilang katibayan ning karelang pamikawani. 32#Mt 19:9; Mc 10:11, 12; Lc 16:18; 1 Cor 7:10, 11.Oneng ngeni sasabian ku kekayu: nung kawanian ne ning lalaki ing asawa nang e naman mekipangalugud at makiasawa ya ing babai king aliwa, mikakasala ya ing lalakiuling ya ing mitulak king asawa na king pamakipangalugud. At ing ninumang makiasawa king babaing kewanian ning asawa na, makipangalugud ya naman.
Ing Turu nang Jesus tungkul king Pamaniumpa
33 # Lev 19:12; Bilang 30:2; Deut 23:21. Dimdam yu naman king kanitang minuna mituru karing tau, E ka lalabag king sumpa a kekang pengaku nune tuparan mu ing pengaku mu king Ginu. 34#Santi 5:12; Isa 66:1; Mt 23:22.Oneng ngeni sasabian ku kekayu: e kayu bitasang susumpa neng mangaku kayu. E yu sasabian: Saksi ke ing banua, uling ing banua ya ing tronu na ning Dios; 35#Isa 66:1; Dalit 48:2.o kaya, Saksi ke ing yatu, uling iti ya ing tumpakan da ring bitis na. E yu naman sasabian: Saksi ke ing Jerusalem, uling iti ya ing siudad ning marangal a Ari. 36Ni e mu sasabian: Mate ku man,#5:36 King Griego: E ka susumpa king kekang buntuk. uling agyang metung mang buak king buntuk mu e me apaputi o apatuling. 37Makagyu nang sabian mu Wa, nung wa ing buri mung sabian, at Ali, nung ali; uling king Marawak na manibatan ing nanumang idagdag mu.
Ing Turu nang Jesus tungkul king Pamanablas
(Lucas 6:29-30)
38 # Exo 21:24; Lev 24:20; Deut 19:21. Dimdam yu naman king kanitang minuna mituru karing tau: Mata libe mata at ipan libe ipan. 39Oneng ngeni sasabian ku kekayu: e ye ablasan e mayap ing taung dinapat e mayap#5:39 King Griego: e ye lalabanan ing marawak. kekayu. Nung ating tampaling keka king wanan mung pisngi, iyarap mia naman ing kayli mung pisngi. 40Nung ating mandalum keka ba nia mung akua ing kekang baru, ibie mu pati na ing balabal mu. 41Nung ating mamilit kekang papusan na ing karga na kilub ning metung a kilometru, pusanan mu nang anggang aduang kilometru. 42Nung ating maniawad keka, dinan me; at nung ating mandam keka, paraman me.
Luguran la ding Kalaban
(Lucas 6:27-28, 32-36)
43 # Sir 12:4-7. Dimdam yu naman king kanitang minuna mituru karing tau: Luguran me ing kakaluguran mu at pikasaman me ing kalaban mu. 44Oneng ngeni sasabian ku kekayu: luguran yu la ding kalaban yu, at ipanalangin yu la ding liligalig kekayu. 45#Sir 4:10.Kanita maging tune na kayung anak ning Ibpa yung atyu banua, uling papaslag ne ning Dios ing aldo na karing e mayap at karing mayap a tau, at babie na ing uran na karing darapat mayap at karing darapat e mayap. 46Nanung ablas ing panenayan yu king Dios nung luluguran yu la mu detang malugud kekayu? Agyang ding talapanyingil buis makanyan ing daraptan da! 47At nung ding kakaluguran yu ila mung pakisabian yu, atin waring e karaniwan kanita? Agyang ding paganu makanyan la daraptan! 48#Lev 19:2; Deut 18:13.Inya sukat kayung maging ganap, nung makananu yang ganap antimo ing Ibpa yung atyu banua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994