Job 7
7
Migreklamu ya i Job
1E wari king yatu ing bie ning tau anting pilit a pamagserbisyu?
E wari ing bie nang daralanan kalupa na mu ning king upahan?
2Kalupa na mu ning ipus a magnasang salilungan
o ning upahan a manayang bayaran.
3Lalabas la ding pabulan ala lang kapupuntalan;
ding kaku miyabie bengi pawa lang mitmung lungkut.
4Ngakung kukutang potang magkera na ku: Kapilan ku mibangun?
Uli ning ing bengi tutu yang makaba;
kabukas bibiling ku anggang sasala.
5Katawan ku mitmu yang ulad at dinat;
maglangib yang kakung balat kaybat pasibayung mangatdas.
6Ding aldo ku lalabas lang ala namang kapanayan,
lalabas lang mabilis kesa king gamat ning gagawang imalan.
7Ganakan mu, O Dios ko, king ing bie ku metung yang inawa;
e na ku manakit pang tula kapilan man.
8Itang mata na nitang lalawe kaku e na ku akit;
panintunan da ku ding mata mu,
oneng ala na ku.
9 # Kab 2:1-4. Nung makananung ing biga matatda ya at mawawala,
makanyan ya namang e na magbalik ing taung mete na.
10King pibalebale na e ne magbalik pa;
e da ne kakilala ding kayabe king bale na.
11Inya e ku malyaring manahimik.
Magsalita ku pin uli ning sakit a kakung daralanan.
Magreklamu ku pin
uli ning mapait kung panamdaman.
12Aku wari ing ubingan ning dagat o ing dambuala nang mabagsik
ban banten mu ku at tanuran?
13Isipan ku mo ing kakera ku king kakung pagkeran
mapawi nang sakit a kakung panamdaman.
14Oneng ali uling king kakung paninap pamasdanan mu ku; karing vision#7:14 O kaya: tagimpan o malikmata. pamatakutan mu.
15Angga king buri ku pa ing mabite at mate
kesa kening kabilian ning katawan kung mabie.
16Kasaman ke ing bie ku;
e na ku man mie kabang-kaba.
Paburen mu na ku mung makanyan, ing bie ku ala nang kabaldugan.
17 # Dalit 8:4; 144:3. Nanu ya wari ing tau para keka?
Baket dirinan meng maragul a ulaga,
at ing pamisip mu pane makaukul king tau?
18Balang abak keka yang daralawan,
at balang penandit keka yang paniubukan.
19Baket e mu ilako saguli kaku ding mata mu
ban ining wawa king asbuk ayakmul ku.
20Ikang magbante karing tau,
nung mikasala ku, nanu keka ing gewa ku?
Baket apili mu kung kekang puntirian?
Baket tutu kung makapangabayat keka?
21Baket e mu pa patawaran ing kakung kasalanan,
at panupaya ing maling kakung depatan?
Saguli namu ikutkut da na ku,
panintunan mu ku man, ala na ku.
Currently Selected:
Job 7: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
Job 7
7
Migreklamu ya i Job
1E wari king yatu ing bie ning tau anting pilit a pamagserbisyu?
E wari ing bie nang daralanan kalupa na mu ning king upahan?
2Kalupa na mu ning ipus a magnasang salilungan
o ning upahan a manayang bayaran.
3Lalabas la ding pabulan ala lang kapupuntalan;
ding kaku miyabie bengi pawa lang mitmung lungkut.
4Ngakung kukutang potang magkera na ku: Kapilan ku mibangun?
Uli ning ing bengi tutu yang makaba;
kabukas bibiling ku anggang sasala.
5Katawan ku mitmu yang ulad at dinat;
maglangib yang kakung balat kaybat pasibayung mangatdas.
6Ding aldo ku lalabas lang ala namang kapanayan,
lalabas lang mabilis kesa king gamat ning gagawang imalan.
7Ganakan mu, O Dios ko, king ing bie ku metung yang inawa;
e na ku manakit pang tula kapilan man.
8Itang mata na nitang lalawe kaku e na ku akit;
panintunan da ku ding mata mu,
oneng ala na ku.
9 # Kab 2:1-4. Nung makananung ing biga matatda ya at mawawala,
makanyan ya namang e na magbalik ing taung mete na.
10King pibalebale na e ne magbalik pa;
e da ne kakilala ding kayabe king bale na.
11Inya e ku malyaring manahimik.
Magsalita ku pin uli ning sakit a kakung daralanan.
Magreklamu ku pin
uli ning mapait kung panamdaman.
12Aku wari ing ubingan ning dagat o ing dambuala nang mabagsik
ban banten mu ku at tanuran?
13Isipan ku mo ing kakera ku king kakung pagkeran
mapawi nang sakit a kakung panamdaman.
14Oneng ali uling king kakung paninap pamasdanan mu ku; karing vision#7:14 O kaya: tagimpan o malikmata. pamatakutan mu.
15Angga king buri ku pa ing mabite at mate
kesa kening kabilian ning katawan kung mabie.
16Kasaman ke ing bie ku;
e na ku man mie kabang-kaba.
Paburen mu na ku mung makanyan, ing bie ku ala nang kabaldugan.
17 # Dalit 8:4; 144:3. Nanu ya wari ing tau para keka?
Baket dirinan meng maragul a ulaga,
at ing pamisip mu pane makaukul king tau?
18Balang abak keka yang daralawan,
at balang penandit keka yang paniubukan.
19Baket e mu ilako saguli kaku ding mata mu
ban ining wawa king asbuk ayakmul ku.
20Ikang magbante karing tau,
nung mikasala ku, nanu keka ing gewa ku?
Baket apili mu kung kekang puntirian?
Baket tutu kung makapangabayat keka?
21Baket e mu pa patawaran ing kakung kasalanan,
at panupaya ing maling kakung depatan?
Saguli namu ikutkut da na ku,
panintunan mu ku man, ala na ku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994