Job 40
40
1-2Ngana pang migsalita ning Ginu kang Job:
Ing taung mapanintun kamalian makilaban ya king Mayupaya?
Paburen mung makibat ya itang bisang makipagsalita king Dios.
Job
3Mekibat ya i Job king Ginu. Ngana:
4Migsalita kung kamangmangan, Ginu.
Nanu ing apakibat ku?
Isara ku ne ing asbuk ku.
5Labis na king dapat kung sabian ing sinabi ku.
6Kanita busal ning bagyu pasibayu yang migsalita ing Ginu.
Ing Ginu
7Antimong lalaki talakad ka,
at pakibatan mu la ding kutang ku keka.
8Keka ya ngening buring ipakilala king e ku makatuliran,
ba mung apakilala ing ika ing ustu at aku ing mali?
9Kasing sikan mu ko?
Aparisan ne ning siwala mu ing duldol?
10Nung makanyan, talakad kang marangal, at maki dangalan;
miblas ka king ligaya at kamalan.
11Lawan mu la ding maki ketasan;
ibugnus mu ing mua mu karela
at keka lang insultuan.
12Wa, lawan mu la at ikuldas mu la;
keka lang lasawan ding marawak ketang karelang katatalakaran.
13Ikutkut mu la ngan king gabun;
itali mu la king tuknangan da ring mete.
14Kanita aku ing mumunang keka munie kapurian,
at tanggapan king ing tagumpe mu sariling keka ya.
15Lawan me ing dambualang Behemot;#40:15 BEHEMOT: ding aliwa pakilupa de karing hippopotamus.
aku ing linalang king dambuala; aku munaman ing linalang keka.
Kalupa ding baka dikut ing kakanan na,
16oneng lawan mu ing sikanan ning katawan na,
at ing upayang atyu karing laman na!
17Ing iki na katalakad yang tanaman a sedro;
masikan la ding kalamnan ning bitis na.
18Kasing tibe lang tangsu ding butul na,
at ding bitis na anti lang bakal.
19Ya ing makapagmulalang dili karing kakung lelangan!
Ing bukud mung Linalang ya ing malyaring sumambut keting dambuala.
20Ing dikut a pamangan na
tutubu karing bunduk-bundukan nung nukarin mamialung la ding malyap at mabagsik a animal.
21Magkera ya lalam ding masuksuk a tanaman,
at sasalikut ya lalam ding timbu ning sapa.
22Sasalilung ya lalam da ring masuksuk a tanaman,
at ding tanaman ning sapa makapaligid la king dambuala.
23Ala yang takut agyang mabilis ya ing agus;
tahimik ya agyang sapulan ne ning danum ning Jordan.
24Ninu ing makabulag ba reng arakap?
Ninu ing makasilu king arung na?
Currently Selected:
Job 40: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
