Ding Dapat ding Apostol
ding Apostol
Pamuklat a Amanu
Tataglus na ning librung Ding Dapat ding Apostol ing Mayap a Balita o ing Ebanghelyu agpang king sinulat nang Lucas. Ing maragul nang kapagnasan niting kasulatan ya ing istoria na ing sangkan nung makananung king pamanimuna na ning Banal a Espiritu, pepalaganap de ring minunang talatuki nang Jesus ing Mayap a Balita tungkul keya manibat Jerusalem, king mabilug a Judea at Samaria angga na karing wakas ning yatu (1:8). Iti ya ing istoria na ning kasalpantayanan Cristianu a megumpisa king bansang Judio at menatili ya ban maging metung yang kasalpantayanan king mabilug a yatu. Buri nang malinawan ning sinulat king ing Cristianismu e ya pangimut subersibo a magnasang ibagsak ya ing kapamahalan na ning Imperyo ning Roma, nune pangimut yang bunga na ning kaganapan na at katuparan ning relihiun Judaismo.
Malyari yang gawan ing libru na ning Ding Dapat ding Apostol king atlung dake a mag-istoria king alang tuknang nang pangalaganap ning Mayap a Balita at ing pangatatag na ning iglesia. Mumuna, ing pamagumpisa na ning Cristianismu king Jerusalem kaybat ning pangaitas na banuang Jesus. Ing kadua, ing paniulung ning Cristianismu karing aliwang lugal ning Palestina. Ing katlu, ing lalu nang pangaragul at pangalaganap ning Cristianismu king Mediteraneo angga na inyang miras ya Roma.
Ing metung a maulaga nang dake niting libru ya ing pamagobra na ning Banal a Espiritu a dinatang kayabe ning upaya karing talasalpantaya inyang aldo na ning Pentecoste. Menatili yang matnube at babie sikanan lub king iglesia at karing manimuna na niti karing sablang mepalyari a makasulat keting libru. Mesampulung ya ing minunang diling mensahi karing mapilan a sermon, at ding sablang mepalyari a misulat keting libru pepalkas na ing upaya na niting mensahi king bie da ring talasalpantaya at king pamilalaguyo Cristianu.
Ing Balangkas na niting Libru
Ing Pamagsadia para king Pamagsaksi 1:1-26
a. Ing tauling utus at pangaku nang Jesus 1:1-14
b. Ing kayalili nang Judas 1:15-26
Ing Pamagsaksi karin king Jerusalem 2:1—8:3
Ing Pamagsaksi karin king Judea at Samaria 8:4—12:25
Ing Ministeryu nang Pablo 13:1—28:31
a. Ing mumuna nang pamag-misyun 13:1—14:28
b. Ing pulung a merapat Jerusalem 15:1-35
k. Ing kadua nang pamag-misyun 15:36—18:22
d. Ing katlu nang pamag-misyun 18:23—21:16
e. I Pablo, ing Bihag king Jerusalem, Cesarea at Roma 21:17—28:31 2
Currently Selected:
Ding Dapat ding Apostol: PmPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994