2 Macabeo 8
8
Mig-rebeldi ya i Judas Macabeo
(1 Macabeo 3:1-26)
1Lihim yang minta kareng baryu i Judas Macabeo at ding kayabe na. Inaus da la ring kamaganak da at menagkat la pa karing aliwang menatiling tapat king Judaismo angga king mekatipun lang anam a libu katau. 2Inawad da king Ginu king saupan na la ding memalen na a ngeni lulupigan da ring heganaganang bansa, king malunus ya sa king Templong dinatan da ring taung alang Dios a katawan, 3at malunus ya sana king Jerusalem a ngeni lasak na at malapit nang mipatag king gabun. 4Penalangin da naman ing ipakit na ing kasaman na ing e mayap kapamilatan na ning pamagbengansa na karetang makamate karing memalen na, ing alang lunus dang pamakamate karing anak a alang kasalanan, at pamagsalita rang e mayap laban king Ginu.
5Kabud atalakad neng Judas ing grupu na, e ra ne simbut ding paganu uling ing mua ning Ginu laban king Israel miyalilan lunus. 6Bigla na lang lisuban Judas ding balen at baryu at silaban na la. Abihag na la ding piling puestu at mebigla la king pangasambut da ring kalaban na. 7Ikit na king lalu yang matagumpe neng bengi. Pisasabian da nu man karin ing tepangan na.
Tinubud neng Tolomeo i Nicanor ban Lusuban ne i Judas
(1 Macabeo 3:38-41)
8Inyang akilala nang Felipe king ding lati-lati nang tagumpe Judas bibilis la datang, silatanan ne i Tolomeo, ing Gobernador ning Cele-siria at Fenicia; maniawad yang saup ban idipensa na ing kapakanan na ning kayarian. 9Agad neng tilduan Tolomeo i Nicanor, ing anak nang Patroclus, kayabe ya karing piling grupung makayangat karing Kakaluguran ning Ari, at tinubud neng pamuntuk da ring ating aduang pulung libung sundalus a ibat karing miyayaliwang bansa ban paten ya ing mabilug a lahing Judio. Tilduan nia namang Tolomeo i Gorgias, ing metung a heneral da ring sundalus a dakal na sibukan king labanan. 10Planu nang Nicanor ing bayaran na la ding dinalan limang pulung libung librang pilak a utang nang buis ning Aring Antiocus king Roma kapamilatan da ring abli na karing Judiong bihag a pisali da anting ipus.
11Inya agad neng pepadalang amanu karing balen lele ning dagat; babalita na karela king mamisali yang Judio a kulang pa king metung a librang pilak ing bayad king balang metung. Oneng e na balu ing kayatulan a ipagpa na ning Dios a Mayupaya king pangatau na.
Abalitan nang Judas ing Balak nang Nicanor
(1 Macabeo 3:42-54)
12Abalitan nang Judas king daratang ne i Nicanor; belita na karing tauan na king atyu ne ing kalaban. 13Kinawani la at tinakas ding mataloti a e maniwala king hustisia na ning Dios. 14Pisali da ring aliwa ing makatagan dang pibandian, at abe-abe lang menalangin king Ginu king iligtas na la sana kang Nicanor a alang Dios a katawan, at memisali na karela anting ipus bayu la pa miyarapan king labanan. 15Penalangin da king nung ing Dios e na buring daptan iti alang-alang karela, marahil mabisa yang iligtas na la alang-alang king kasunduan a gewa na karing makatua da, at uli na ning ya ing mayupaya at makapagmulalang Dios a minaus karela ban maging memalen na. 16Tinipun na lang Judas ding talatuki nang anam a libu king kabilangan. Pepasiknangan na la lub king e la sa matatarantang tatakas arap da ring kalaban o mitatakutan karing dakal a sundalus a lulusub karela a ala namang matulid a sangkan. Bagkus lumaban la king mitmung tepangan, 17at e ra kakalinguan ing e ustung depat ding paganu laban king Templo, at nung makananu reng masolung pepasakitan ing Jerusalem subali pa king piglako da ing sadia rang kaugalian ding Judio. 18Nganang Judas, Manalig la karing karelang armas at king sikanan dang lub, oneng itamu, manalig tamu king Dios a Mayupaya a makapate e mu karing sundalus nune king mabilug a yatu king metung nang tangu ning buntuk na.
19Kaybat sindu na lang selese karela ding panaun inyang seupan na la ning Dios ding makatua na: nung makananung kanitang panaun nang Senakerib, dinalan walung pulu at limang libu la ding kalaban a mete, 20at nung makananung ketang misan king Babilonia inyang ding walung libung Judio seupan da la ring apat a libung tau Macedonia, at simbut da la ring dinalan aduang pulung libung tau Galacia, at ikua ra ing dakal a pibandian. Iti milyari ngan uli na ning saup ning Dios.
Simbut neng Judas i Nicanor
(1 Macabeo 3:55—4:27)
21Mesikan la lub ding tauan nang Judas karing amanu na at makasadia na lang mate para karing kautusan da at para king bansa ra. Kaybat gewa na lang apat a grupu ding sundalus na 22a maki libu limang dalan a katau ing balang metung, at ing sarili na at ding kapatad na, i Simon, Jose at i Jonatan bilang pamuntuk ning balang metung. 23#1 Mac 3:48.Kaybat neng pepabasang masikan ing banal a libru kang Eleazar, binie ne ing senias para makilaban na inyang ikulisak na: Saupan na katamu ning Dios! at ya mismu ing menimuna laban kang Nicanor.
24Kayabe re king labanan ing Dios at pete da la ring maygit siam a libu karing kalaban. Sugatan la at e na la malyari ding mas dakal at tinakas la ngan ding sablang kalaban. 25Kinua da la ring salapi da retang taung dinatang ban saliwan da la anting ipus. Kaybat malambat da la ring penagal ding kalaban angga king kailangan na lang magbalik uling 26malapit na ing oras ning pamagumpisa ning Aldo ning Sabbath. 27Kaybat da lang tinipun ding armas da ring kalaban at kinua ing pibandian da ring mete, pigselebran de ing Aldo ning Sabbath. Minie lang makaba at masikan a pasalamat at kapurian king Ginu uling iningat na la king kapayapan angga ketang aldong ita, ing mumuna nang tanda ning lunus na. 28Kalabas ning Aldo ning Sabbath, pemie ra ing mapilan king ikua rang pibandian karing dinalan pangalupig at karing babaing mebalu at ulila; at pipartian-partian da ing mitagan karing karelang pamilya. 29Kaybat, miyabe-abe lang menalangin king malunusan a Dios; inawad da ing ibie na sa ing ganap dang pangasut ding talasuyu na.
Simbut neng Judas i Timoteo at i Bakides
30Kaybat na nita, lebanan da la ring sundalus nang Timoteo at Bakides, at pete da la ring maygit aduang pulung libu karela. Asamsam da la ring mapilan a makamatas a kuta, at dakal a pibandian ing ikua ra at paraparehu dang pipartian-partian karela at karing dinalan pangalupig, ding babaing mebalu, ding ulila, at pati na ding mangatua nang lalaki. 31Maingat da lang tinipun ding armas da ring kalaban at selikut da la karing piling lugal; at dela ra Jerusalem ing tagan king ikua ra karing kalaban. 32Pete de ing pekapun da ring sundalus nang Timoteo, ing taung alang Dios a katawan a dinapat king dakal a kasakitan karing Judio. 33Kabang pagsayan da ing tagumpe da king karelang kabisera, silaban da lang mabie ding menyilab karing sagradung pasbul dalan, pati na i Calistenes a sinalikut king metung a malating bale. Makanyan nang tinggap ing parusang mangaintulid karing e mayap nang dapat.
34King makanyan a paralan, ing e mayap a i Nicanor a migdalang libung mangalakal ban sali karing Judio, 35mesambut ya uli na ning saup ning Dios karing taung linawe nang mababa uri. Inugse ne ing masanting nang unipormi at antimong takas a ipus magdili-dili yang tinakas. Masuerti ya pin miras ya Antiokia kaybat dang megisan mete ding sundalus na. 36Ing taung mignasang bayaran na ing utang na king Roma kapamilatan na ning pamipisali na karing memalen ning Jerusalem, pepakit na king e la malyaring sambutan ding Judio. Ing Dios ya ing mayupaya dang Talaingat, uling pemintuan da la ring kautusan a binie na karela.
Currently Selected:
2 Macabeo 8: PmPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
2 Macabeo 8
8
Mig-rebeldi ya i Judas Macabeo
(1 Macabeo 3:1-26)
1Lihim yang minta kareng baryu i Judas Macabeo at ding kayabe na. Inaus da la ring kamaganak da at menagkat la pa karing aliwang menatiling tapat king Judaismo angga king mekatipun lang anam a libu katau. 2Inawad da king Ginu king saupan na la ding memalen na a ngeni lulupigan da ring heganaganang bansa, king malunus ya sa king Templong dinatan da ring taung alang Dios a katawan, 3at malunus ya sana king Jerusalem a ngeni lasak na at malapit nang mipatag king gabun. 4Penalangin da naman ing ipakit na ing kasaman na ing e mayap kapamilatan na ning pamagbengansa na karetang makamate karing memalen na, ing alang lunus dang pamakamate karing anak a alang kasalanan, at pamagsalita rang e mayap laban king Ginu.
5Kabud atalakad neng Judas ing grupu na, e ra ne simbut ding paganu uling ing mua ning Ginu laban king Israel miyalilan lunus. 6Bigla na lang lisuban Judas ding balen at baryu at silaban na la. Abihag na la ding piling puestu at mebigla la king pangasambut da ring kalaban na. 7Ikit na king lalu yang matagumpe neng bengi. Pisasabian da nu man karin ing tepangan na.
Tinubud neng Tolomeo i Nicanor ban Lusuban ne i Judas
(1 Macabeo 3:38-41)
8Inyang akilala nang Felipe king ding lati-lati nang tagumpe Judas bibilis la datang, silatanan ne i Tolomeo, ing Gobernador ning Cele-siria at Fenicia; maniawad yang saup ban idipensa na ing kapakanan na ning kayarian. 9Agad neng tilduan Tolomeo i Nicanor, ing anak nang Patroclus, kayabe ya karing piling grupung makayangat karing Kakaluguran ning Ari, at tinubud neng pamuntuk da ring ating aduang pulung libung sundalus a ibat karing miyayaliwang bansa ban paten ya ing mabilug a lahing Judio. Tilduan nia namang Tolomeo i Gorgias, ing metung a heneral da ring sundalus a dakal na sibukan king labanan. 10Planu nang Nicanor ing bayaran na la ding dinalan limang pulung libung librang pilak a utang nang buis ning Aring Antiocus king Roma kapamilatan da ring abli na karing Judiong bihag a pisali da anting ipus.
11Inya agad neng pepadalang amanu karing balen lele ning dagat; babalita na karela king mamisali yang Judio a kulang pa king metung a librang pilak ing bayad king balang metung. Oneng e na balu ing kayatulan a ipagpa na ning Dios a Mayupaya king pangatau na.
Abalitan nang Judas ing Balak nang Nicanor
(1 Macabeo 3:42-54)
12Abalitan nang Judas king daratang ne i Nicanor; belita na karing tauan na king atyu ne ing kalaban. 13Kinawani la at tinakas ding mataloti a e maniwala king hustisia na ning Dios. 14Pisali da ring aliwa ing makatagan dang pibandian, at abe-abe lang menalangin king Ginu king iligtas na la sana kang Nicanor a alang Dios a katawan, at memisali na karela anting ipus bayu la pa miyarapan king labanan. 15Penalangin da king nung ing Dios e na buring daptan iti alang-alang karela, marahil mabisa yang iligtas na la alang-alang king kasunduan a gewa na karing makatua da, at uli na ning ya ing mayupaya at makapagmulalang Dios a minaus karela ban maging memalen na. 16Tinipun na lang Judas ding talatuki nang anam a libu king kabilangan. Pepasiknangan na la lub king e la sa matatarantang tatakas arap da ring kalaban o mitatakutan karing dakal a sundalus a lulusub karela a ala namang matulid a sangkan. Bagkus lumaban la king mitmung tepangan, 17at e ra kakalinguan ing e ustung depat ding paganu laban king Templo, at nung makananu reng masolung pepasakitan ing Jerusalem subali pa king piglako da ing sadia rang kaugalian ding Judio. 18Nganang Judas, Manalig la karing karelang armas at king sikanan dang lub, oneng itamu, manalig tamu king Dios a Mayupaya a makapate e mu karing sundalus nune king mabilug a yatu king metung nang tangu ning buntuk na.
19Kaybat sindu na lang selese karela ding panaun inyang seupan na la ning Dios ding makatua na: nung makananung kanitang panaun nang Senakerib, dinalan walung pulu at limang libu la ding kalaban a mete, 20at nung makananung ketang misan king Babilonia inyang ding walung libung Judio seupan da la ring apat a libung tau Macedonia, at simbut da la ring dinalan aduang pulung libung tau Galacia, at ikua ra ing dakal a pibandian. Iti milyari ngan uli na ning saup ning Dios.
Simbut neng Judas i Nicanor
(1 Macabeo 3:55—4:27)
21Mesikan la lub ding tauan nang Judas karing amanu na at makasadia na lang mate para karing kautusan da at para king bansa ra. Kaybat gewa na lang apat a grupu ding sundalus na 22a maki libu limang dalan a katau ing balang metung, at ing sarili na at ding kapatad na, i Simon, Jose at i Jonatan bilang pamuntuk ning balang metung. 23#1 Mac 3:48.Kaybat neng pepabasang masikan ing banal a libru kang Eleazar, binie ne ing senias para makilaban na inyang ikulisak na: Saupan na katamu ning Dios! at ya mismu ing menimuna laban kang Nicanor.
24Kayabe re king labanan ing Dios at pete da la ring maygit siam a libu karing kalaban. Sugatan la at e na la malyari ding mas dakal at tinakas la ngan ding sablang kalaban. 25Kinua da la ring salapi da retang taung dinatang ban saliwan da la anting ipus. Kaybat malambat da la ring penagal ding kalaban angga king kailangan na lang magbalik uling 26malapit na ing oras ning pamagumpisa ning Aldo ning Sabbath. 27Kaybat da lang tinipun ding armas da ring kalaban at kinua ing pibandian da ring mete, pigselebran de ing Aldo ning Sabbath. Minie lang makaba at masikan a pasalamat at kapurian king Ginu uling iningat na la king kapayapan angga ketang aldong ita, ing mumuna nang tanda ning lunus na. 28Kalabas ning Aldo ning Sabbath, pemie ra ing mapilan king ikua rang pibandian karing dinalan pangalupig at karing babaing mebalu at ulila; at pipartian-partian da ing mitagan karing karelang pamilya. 29Kaybat, miyabe-abe lang menalangin king malunusan a Dios; inawad da ing ibie na sa ing ganap dang pangasut ding talasuyu na.
Simbut neng Judas i Timoteo at i Bakides
30Kaybat na nita, lebanan da la ring sundalus nang Timoteo at Bakides, at pete da la ring maygit aduang pulung libu karela. Asamsam da la ring mapilan a makamatas a kuta, at dakal a pibandian ing ikua ra at paraparehu dang pipartian-partian karela at karing dinalan pangalupig, ding babaing mebalu, ding ulila, at pati na ding mangatua nang lalaki. 31Maingat da lang tinipun ding armas da ring kalaban at selikut da la karing piling lugal; at dela ra Jerusalem ing tagan king ikua ra karing kalaban. 32Pete de ing pekapun da ring sundalus nang Timoteo, ing taung alang Dios a katawan a dinapat king dakal a kasakitan karing Judio. 33Kabang pagsayan da ing tagumpe da king karelang kabisera, silaban da lang mabie ding menyilab karing sagradung pasbul dalan, pati na i Calistenes a sinalikut king metung a malating bale. Makanyan nang tinggap ing parusang mangaintulid karing e mayap nang dapat.
34King makanyan a paralan, ing e mayap a i Nicanor a migdalang libung mangalakal ban sali karing Judio, 35mesambut ya uli na ning saup ning Dios karing taung linawe nang mababa uri. Inugse ne ing masanting nang unipormi at antimong takas a ipus magdili-dili yang tinakas. Masuerti ya pin miras ya Antiokia kaybat dang megisan mete ding sundalus na. 36Ing taung mignasang bayaran na ing utang na king Roma kapamilatan na ning pamipisali na karing memalen ning Jerusalem, pepakit na king e la malyaring sambutan ding Judio. Ing Dios ya ing mayupaya dang Talaingat, uling pemintuan da la ring kautusan a binie na karela.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994