2 Macabeo 4
4
Delum neng Simon i Onias
1I Simon a mebanggit na, itang taung migsalita laban king bansa na tungkul king salapi, migsalita ya namang kalaraman tungkul kang Onias. Sasabian na king i Onias ya ing menampalasan kang Heliodoro at ya ing penibatan na ning sablang kaguluan. 2E ya tatakut tulduan ne i Onias anting magtangkang laban king gobiernuiting Onias a e mu ing minie yang saup king Jerusalem at dipensa ne ing Templo, nune pignasan na pa ing mipamintuan la sana deng kautusan. 3Ing pamipate meging matindi angga king ing metung karing talatuki nang Simon a pagkatiwalan na, mekamate yang tau. 4Inyang akilala nang Onias king ing pamipate dang Simon mapanganib na at king i Apolonio a anak nang Menesteo, ing gobernador ning Cele-siria at Fenicia, susubung ne pa i Simon king dapat nang e mayap, 5minta yang dinalo king ari. E ya dinatang ban sangkanan na la ding kabalen na, nune anting taung maki malasakit king kapakanan da ring sablang Judio, bilang metung a makabansa at memalen. 6Ikit na king nung e ya mamilatan ing ari e mika kapayapan at e na tuknangan Simon ing kamulangan na.
Pegumpisan nang Tikian Jason ing Ugali da ring Griego
7 # 1 Mac 1:10. Kaybat na nita, inyang mete ne i Aring Seleuco, meging ari ya i Antiocus a kakilala da king lagyung Epifanes, i Jason a kapatad nang Onias ya ing meging Pekapun ding Pari king kapamilatan na ning e ustung paralan. 8Pintalan ne ing ari#4:8 O kaya: silatanan ne ing ari... at kaybat pengakuanan neng dinan aduang pulu at pitung libung librang pilak at kaybat anam pang libu a ibat king paintungulan a buis. 9Pengaku na namang Jason ing karagdagan pang labing metung a libu aduang dalan limang pulung librang pilak para mika kapaintulutan yang patalakad metung a pipamialungan, nung nukarin malyari lang magsane ding kayanakan a lalaki, at buri na la namang mayaus memalen na ning Antiokia ding tau Jerusalem.#4:9 O kaya: ding tau Jerusalem anting talasaup ning Aring Antiocus.
10Dininan neng kapaintulutan ning ari, at kabud ikua ne ing katungkulan Pekapun ding Pari, inutus na ing tukian da ring Judio ing ugali da ring Griego king karelang pamibiebie. 11#1 Mac 8:17.Leko na la ding pribilegio a ikua nang Juan para karing Judio ibat karing minunang ari ning Siria. (I Juan ya i tata nang Eupolemus a kaybat minta Roma ban gawang pamakikaluguran at pamikampi.) Leko na la naman ding ugaling Judio at inalilan na karing bayung ugali a labag king Kautusan. 12E meluat pepatalakad ne ing metung a pipamialungan king kabitisan na ning bunduk-bundukan na ning Templo at tinaid na la ding mayap dili karing kayanakan a lalaki ban tukian ing ugali da ring Griegong makiabe karing miyayaliwang pialung. 13Uli na ning alang kalupa ing e mayap nang dapat Jason, itang alang Dios at meging Pekapun ding Pari king e ustung paralan, miras ing kasusukdulan ning pamanuki ra king pamibiebie ra at panugali da ring Griego 14angga na king pati ding pari pepaburen da ing katungkulan da. Milako la interes karing kasuyuan king Templo at pepaburen da na ing pamanain. Matula lang sinaup king gastus na ning eskwela ning batbatan#4:14 O kaya: wrestling school. at kabud miyabie ya ing kapabaluan mabilis lang pupunta ban makiabe karing pialung a labag karing kekaming Kautusan. 15E ra na dininan pansin itang lalawan dang maulaga ding makatua da bagkus ing pigmalasakitan da ila ding parangal da ring Griego. 16Inya digpa karela ing mangabayat a kasakitan, uling ding mismung taung ing pamibiebie ra at panugali ya ing buri dang apusan ila na pin man ding meging mabagsik dang kalaban. 17E mayan a bage ing labagan la ding Kautusan ning Dios, antimo ing mayakit karing panaun a datang.
Ing Jerusalem Lalam ning Kapamahalan ning Siria
18Misan inyang tegunan na la ning ari ding pialung a mararapat Tiro balang kalimang banua, 19ing alang atdung i Jason, mitubud yang lalaking ibat Jerusalem a mibibilang memalen ning Antiokia ban magdalang aduang pulu't aduang libu at limang dalan a librang pilak ban pamayad king metung a ain-sakripisyu king kikilalanan dang dios a i Hercules. Agyang deting lalaki e ra isipan ing karapatdapat ing gamitan ing anti kaniting maragul a alaga para king ain-sakripisyu, inya 20ding alagang makatalaga king ain-sakripisyu kang Hercules ginamit da la para king pamipagawang barkung panggera.
21Inyang i Apolonio a anak nang Menesteo mituburan yang munta Ehipto ban tumagun king pangakorona nang Filometor bilang ari, abalitan nang Antiocus ing laban ya i Filometor karing palakad na. Migaganaka ya i Antiocus king kapanatagan na ning sarili nang kayarian, inya minta ya Jopa at kaybat tinaglus ya Jerusalem. 22Tinggap neng Jason at ning siudad king labis-labis a parangal a maki sulung pakasindi kareng tukil at king maragul a tula. Manibat Jerusalem penimunan na lang Antiocus ding sundalus nang papunta Fenicia.
Meging Pekapun de ring Pari i Menelao
23Kaybat ning atlung banua, tinubud neng Jason i Menelao (kapatad neng Simon a minunang mebanggit na) ban magdalang salapi king ari, at ban aduan na ing pasya na karing dakal a maulagang bage. 24Inyang talakad ne arap ning ari, ikua na ing mayap nang pilubluban ning ari king kapamilatan na ning pepakit nang kayupayan, at minie yang labis aduang pulu't aduang libu at limang dalan a librang pilak kesa karing binie nang Jason. Ikua na ing panga Pekapun ding Pari. 25Inya migdala yang papelis a ibat king ari i Menelao a patutu king ya ing Pekapun ding Pari. Oneng ala neng aliwa pang kayapan ban maging karapatdapat ya bilang Pekapun ding Pari. Atyu kang Menelao ing ugali na ning taksil at mabangis yang anti ing malyap a animal ning gubat. 26Inya i Jason a memirait king sarili nang kapatad ban milako ya king panga Pekapun ding Pari mepilitan yang tumakas king bansang Ammon. 27Menatili yang Pekapun ding Pari i Menelao, oneng e na tiparan ing pangaku nang munie salapi king ari. 28Makanyan man i Sostratus, ing pekapun ning kuta ning Jerusalem, uling katungkulan na ing singilan na la, ala yang patugut sisingil karing salapi. Inya king katataulian, deting adua meyaus la ban marap king ari tungkul keting bage. 29Likuan neng Menelao ing kapatad nang i Lisimaco bilang pansamantalang Pekapun ding Pari, at i Sostratus naman likuan ne ing kuta lalam nang pamamahalang Crates, ing pekapun da ring upahan a sundalung ibat Cyprus.
Pete re i Onias
30Samantala, mig-rebeldi la ding memalen da ring siudad ning Tarsus at Malus karin Cilicia uling binie na la ning ari deting siudad bilang regalu king babaing kasese na a i Antiokis. 31Inya likuan ne ning ari bilang manimuna i Andronico, ing metung karing matas nang opisyal, at memirapal yang minta Cilicia ban ibalik na ing kaayusan. 32Semantalanan nang Menelao iting oportunidad at dininan ne i Andronico karing mapilan a gintung pinggan a kasangkapan ning Templo a kinua na. Mekapisali neng mapilan kareti king Tiro at karing aliwa pang kasiping a siudad. 33Inyang abalitan na iting Onias, tinakas ya at sinalikut king metung a templo king Dafne a malapit king siudad ning Antiokia at karin na bilalag ing depat nang Menelao. 34#Dan 9:26.Kanita lepitan neng lihim Menelao i Andronico at inawad na ing paten ne i Onias. Inya minta ya i Andronico kang Onias at alinlang ne kapamilatan na ning malugud nang pamanialubung at pangakung e ya numanu balang. Agyamang atin yang alinlangan i Onias, ikua nia mu ring alinlang Andronico ban mako king templo a pisalikutan na, at agad-agad neng pete alang lunus.
Miparusan ya i Andronico
35Dakal lang Judio at paganu ding mimua uling pete re i Onias. 36Inya kabalik na ning ari ibat king sakup ning Cilicia, pintalan de ring Judiong atyu Antiokia at rineklamu ra iting alang matulid a pamakamate. Dakal la naman karing paganu ding makanyan a pamisip tungkul keting mepalyaring pamakamate. 37Maragul nang penamdaman at kelungkut ning Aring Antiocus angga king mipakiak ya inyang aganaka na ing kabiasnan na at ing disiplina na ning meyangu-bie Onias. 38Uli na ning maragul nang mua, ginabak neng Antiocus ing balabal nang purpurang Andronico, linubas ne, at pepalakaran ne king mabilug a siudad angga na ketang lugal nung nune pete i Onias. Karin ne pepapate Antiocus iting makamate tau. Perusan ne ning Ginu i Andronico agpang karing krimen a depat na.
Pete re i Lisimaco
39King pamakisabuatan nang Lisimaco king kapatad nang i Menelao, penakawanan ne ing Templo karing dakal nang kasangkapan a gintu. Inyang miras ing balita karing tau mitipun-tipun la laban kang Lisimaco. 40Uli na ning mua da ring memalen at mabayat na ing mapigil la pa, peparala yang atlung libung paka armas a tau i Lisimaco ban lusuban da la. Penimunan na lang Aurano, ing taung kabud na metua a ala namang beluan. 41Inyang ikit da ring Judiong atyu king patyu ning Templo ing malilyari, memangua lang batu at pirapirasung dutung o kaya kasakmal a abung ibat king altar at pemasibas da iti kang Lisimaco at karing tauan na. 42Dakal la ding mesugat, atin pang mete karing tauan na at misambulat lang tinakas ding aliwa. Ing mapanako karing sagradung kasangkapan, i Lisimaco, pete de siping ning pisisinupan bandi ning Templo.
Inarap de king Piukuman i Menelao
43Uli na ning mengapalyari misampa lang dalum laban kang Menelao. 44Inyang datang ya ing ari king siudad ning Tiro, peparala lang atlu katau ding manungkulan Jerusalem ban misampa lang dalum laban kang Menelao. 45Inyang ikit na ing masasambut ya king kasu na, sihulan neng maragul a alaga i Tolomeo a anak nang Dorymenes ban agkatan neng magpanig ya ing ari kang Menelao. 46Inagkat neng Tolomeo kanita ing ari ban magpatingangin kilual at karin ne inagkat magbayu isip ing ari. 47Inatulan neng alang kasalanan ning ari i Menelao, ing penibatan ning sablang kaguluan, king dalum a simpa ra laban kang Menelao. Oneng ding atlu katau, a agyang ding mabagsik a Esita nung ila ding minatul king kasu, mipayalan la sang kasalanan; ngeni ila ding mesentensiang mate. 48Ding atlu katau a menalakaran para king karelang siudad at para karing karelang kabalen, at ding sagradung kasangkapan a mepanako king Templo, ila ding agad at e makatuliran dang pete. 49Makanyan man, ba rang apakit ding mapilan a tau Tiro ing e ra tula ing pangapate ra dininan da lang marangal a pangakutkut. 50Uli na ning tako da ring atyu king upaya menatili ya king puestu na i Menelao. Lalu yang e meging mayap aldo-aldo at ya ing e mayap diling kalaban ding mismung kabalen na.
Currently Selected:
2 Macabeo 4: PmPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
2 Macabeo 4
4
Delum neng Simon i Onias
1I Simon a mebanggit na, itang taung migsalita laban king bansa na tungkul king salapi, migsalita ya namang kalaraman tungkul kang Onias. Sasabian na king i Onias ya ing menampalasan kang Heliodoro at ya ing penibatan na ning sablang kaguluan. 2E ya tatakut tulduan ne i Onias anting magtangkang laban king gobiernuiting Onias a e mu ing minie yang saup king Jerusalem at dipensa ne ing Templo, nune pignasan na pa ing mipamintuan la sana deng kautusan. 3Ing pamipate meging matindi angga king ing metung karing talatuki nang Simon a pagkatiwalan na, mekamate yang tau. 4Inyang akilala nang Onias king ing pamipate dang Simon mapanganib na at king i Apolonio a anak nang Menesteo, ing gobernador ning Cele-siria at Fenicia, susubung ne pa i Simon king dapat nang e mayap, 5minta yang dinalo king ari. E ya dinatang ban sangkanan na la ding kabalen na, nune anting taung maki malasakit king kapakanan da ring sablang Judio, bilang metung a makabansa at memalen. 6Ikit na king nung e ya mamilatan ing ari e mika kapayapan at e na tuknangan Simon ing kamulangan na.
Pegumpisan nang Tikian Jason ing Ugali da ring Griego
7 # 1 Mac 1:10. Kaybat na nita, inyang mete ne i Aring Seleuco, meging ari ya i Antiocus a kakilala da king lagyung Epifanes, i Jason a kapatad nang Onias ya ing meging Pekapun ding Pari king kapamilatan na ning e ustung paralan. 8Pintalan ne ing ari#4:8 O kaya: silatanan ne ing ari... at kaybat pengakuanan neng dinan aduang pulu at pitung libung librang pilak at kaybat anam pang libu a ibat king paintungulan a buis. 9Pengaku na namang Jason ing karagdagan pang labing metung a libu aduang dalan limang pulung librang pilak para mika kapaintulutan yang patalakad metung a pipamialungan, nung nukarin malyari lang magsane ding kayanakan a lalaki, at buri na la namang mayaus memalen na ning Antiokia ding tau Jerusalem.#4:9 O kaya: ding tau Jerusalem anting talasaup ning Aring Antiocus.
10Dininan neng kapaintulutan ning ari, at kabud ikua ne ing katungkulan Pekapun ding Pari, inutus na ing tukian da ring Judio ing ugali da ring Griego king karelang pamibiebie. 11#1 Mac 8:17.Leko na la ding pribilegio a ikua nang Juan para karing Judio ibat karing minunang ari ning Siria. (I Juan ya i tata nang Eupolemus a kaybat minta Roma ban gawang pamakikaluguran at pamikampi.) Leko na la naman ding ugaling Judio at inalilan na karing bayung ugali a labag king Kautusan. 12E meluat pepatalakad ne ing metung a pipamialungan king kabitisan na ning bunduk-bundukan na ning Templo at tinaid na la ding mayap dili karing kayanakan a lalaki ban tukian ing ugali da ring Griegong makiabe karing miyayaliwang pialung. 13Uli na ning alang kalupa ing e mayap nang dapat Jason, itang alang Dios at meging Pekapun ding Pari king e ustung paralan, miras ing kasusukdulan ning pamanuki ra king pamibiebie ra at panugali da ring Griego 14angga na king pati ding pari pepaburen da ing katungkulan da. Milako la interes karing kasuyuan king Templo at pepaburen da na ing pamanain. Matula lang sinaup king gastus na ning eskwela ning batbatan#4:14 O kaya: wrestling school. at kabud miyabie ya ing kapabaluan mabilis lang pupunta ban makiabe karing pialung a labag karing kekaming Kautusan. 15E ra na dininan pansin itang lalawan dang maulaga ding makatua da bagkus ing pigmalasakitan da ila ding parangal da ring Griego. 16Inya digpa karela ing mangabayat a kasakitan, uling ding mismung taung ing pamibiebie ra at panugali ya ing buri dang apusan ila na pin man ding meging mabagsik dang kalaban. 17E mayan a bage ing labagan la ding Kautusan ning Dios, antimo ing mayakit karing panaun a datang.
Ing Jerusalem Lalam ning Kapamahalan ning Siria
18Misan inyang tegunan na la ning ari ding pialung a mararapat Tiro balang kalimang banua, 19ing alang atdung i Jason, mitubud yang lalaking ibat Jerusalem a mibibilang memalen ning Antiokia ban magdalang aduang pulu't aduang libu at limang dalan a librang pilak ban pamayad king metung a ain-sakripisyu king kikilalanan dang dios a i Hercules. Agyang deting lalaki e ra isipan ing karapatdapat ing gamitan ing anti kaniting maragul a alaga para king ain-sakripisyu, inya 20ding alagang makatalaga king ain-sakripisyu kang Hercules ginamit da la para king pamipagawang barkung panggera.
21Inyang i Apolonio a anak nang Menesteo mituburan yang munta Ehipto ban tumagun king pangakorona nang Filometor bilang ari, abalitan nang Antiocus ing laban ya i Filometor karing palakad na. Migaganaka ya i Antiocus king kapanatagan na ning sarili nang kayarian, inya minta ya Jopa at kaybat tinaglus ya Jerusalem. 22Tinggap neng Jason at ning siudad king labis-labis a parangal a maki sulung pakasindi kareng tukil at king maragul a tula. Manibat Jerusalem penimunan na lang Antiocus ding sundalus nang papunta Fenicia.
Meging Pekapun de ring Pari i Menelao
23Kaybat ning atlung banua, tinubud neng Jason i Menelao (kapatad neng Simon a minunang mebanggit na) ban magdalang salapi king ari, at ban aduan na ing pasya na karing dakal a maulagang bage. 24Inyang talakad ne arap ning ari, ikua na ing mayap nang pilubluban ning ari king kapamilatan na ning pepakit nang kayupayan, at minie yang labis aduang pulu't aduang libu at limang dalan a librang pilak kesa karing binie nang Jason. Ikua na ing panga Pekapun ding Pari. 25Inya migdala yang papelis a ibat king ari i Menelao a patutu king ya ing Pekapun ding Pari. Oneng ala neng aliwa pang kayapan ban maging karapatdapat ya bilang Pekapun ding Pari. Atyu kang Menelao ing ugali na ning taksil at mabangis yang anti ing malyap a animal ning gubat. 26Inya i Jason a memirait king sarili nang kapatad ban milako ya king panga Pekapun ding Pari mepilitan yang tumakas king bansang Ammon. 27Menatili yang Pekapun ding Pari i Menelao, oneng e na tiparan ing pangaku nang munie salapi king ari. 28Makanyan man i Sostratus, ing pekapun ning kuta ning Jerusalem, uling katungkulan na ing singilan na la, ala yang patugut sisingil karing salapi. Inya king katataulian, deting adua meyaus la ban marap king ari tungkul keting bage. 29Likuan neng Menelao ing kapatad nang i Lisimaco bilang pansamantalang Pekapun ding Pari, at i Sostratus naman likuan ne ing kuta lalam nang pamamahalang Crates, ing pekapun da ring upahan a sundalung ibat Cyprus.
Pete re i Onias
30Samantala, mig-rebeldi la ding memalen da ring siudad ning Tarsus at Malus karin Cilicia uling binie na la ning ari deting siudad bilang regalu king babaing kasese na a i Antiokis. 31Inya likuan ne ning ari bilang manimuna i Andronico, ing metung karing matas nang opisyal, at memirapal yang minta Cilicia ban ibalik na ing kaayusan. 32Semantalanan nang Menelao iting oportunidad at dininan ne i Andronico karing mapilan a gintung pinggan a kasangkapan ning Templo a kinua na. Mekapisali neng mapilan kareti king Tiro at karing aliwa pang kasiping a siudad. 33Inyang abalitan na iting Onias, tinakas ya at sinalikut king metung a templo king Dafne a malapit king siudad ning Antiokia at karin na bilalag ing depat nang Menelao. 34#Dan 9:26.Kanita lepitan neng lihim Menelao i Andronico at inawad na ing paten ne i Onias. Inya minta ya i Andronico kang Onias at alinlang ne kapamilatan na ning malugud nang pamanialubung at pangakung e ya numanu balang. Agyamang atin yang alinlangan i Onias, ikua nia mu ring alinlang Andronico ban mako king templo a pisalikutan na, at agad-agad neng pete alang lunus.
Miparusan ya i Andronico
35Dakal lang Judio at paganu ding mimua uling pete re i Onias. 36Inya kabalik na ning ari ibat king sakup ning Cilicia, pintalan de ring Judiong atyu Antiokia at rineklamu ra iting alang matulid a pamakamate. Dakal la naman karing paganu ding makanyan a pamisip tungkul keting mepalyaring pamakamate. 37Maragul nang penamdaman at kelungkut ning Aring Antiocus angga king mipakiak ya inyang aganaka na ing kabiasnan na at ing disiplina na ning meyangu-bie Onias. 38Uli na ning maragul nang mua, ginabak neng Antiocus ing balabal nang purpurang Andronico, linubas ne, at pepalakaran ne king mabilug a siudad angga na ketang lugal nung nune pete i Onias. Karin ne pepapate Antiocus iting makamate tau. Perusan ne ning Ginu i Andronico agpang karing krimen a depat na.
Pete re i Lisimaco
39King pamakisabuatan nang Lisimaco king kapatad nang i Menelao, penakawanan ne ing Templo karing dakal nang kasangkapan a gintu. Inyang miras ing balita karing tau mitipun-tipun la laban kang Lisimaco. 40Uli na ning mua da ring memalen at mabayat na ing mapigil la pa, peparala yang atlung libung paka armas a tau i Lisimaco ban lusuban da la. Penimunan na lang Aurano, ing taung kabud na metua a ala namang beluan. 41Inyang ikit da ring Judiong atyu king patyu ning Templo ing malilyari, memangua lang batu at pirapirasung dutung o kaya kasakmal a abung ibat king altar at pemasibas da iti kang Lisimaco at karing tauan na. 42Dakal la ding mesugat, atin pang mete karing tauan na at misambulat lang tinakas ding aliwa. Ing mapanako karing sagradung kasangkapan, i Lisimaco, pete de siping ning pisisinupan bandi ning Templo.
Inarap de king Piukuman i Menelao
43Uli na ning mengapalyari misampa lang dalum laban kang Menelao. 44Inyang datang ya ing ari king siudad ning Tiro, peparala lang atlu katau ding manungkulan Jerusalem ban misampa lang dalum laban kang Menelao. 45Inyang ikit na ing masasambut ya king kasu na, sihulan neng maragul a alaga i Tolomeo a anak nang Dorymenes ban agkatan neng magpanig ya ing ari kang Menelao. 46Inagkat neng Tolomeo kanita ing ari ban magpatingangin kilual at karin ne inagkat magbayu isip ing ari. 47Inatulan neng alang kasalanan ning ari i Menelao, ing penibatan ning sablang kaguluan, king dalum a simpa ra laban kang Menelao. Oneng ding atlu katau, a agyang ding mabagsik a Esita nung ila ding minatul king kasu, mipayalan la sang kasalanan; ngeni ila ding mesentensiang mate. 48Ding atlu katau a menalakaran para king karelang siudad at para karing karelang kabalen, at ding sagradung kasangkapan a mepanako king Templo, ila ding agad at e makatuliran dang pete. 49Makanyan man, ba rang apakit ding mapilan a tau Tiro ing e ra tula ing pangapate ra dininan da lang marangal a pangakutkut. 50Uli na ning tako da ring atyu king upaya menatili ya king puestu na i Menelao. Lalu yang e meging mayap aldo-aldo at ya ing e mayap diling kalaban ding mismung kabalen na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994