2 Cronica 1
1
Meniawad yang Kabiasnan i Solomon king Dios
(1 Ari 3:1-15)
1Meging matatag ya ing kayarian nang Aring Solomon a anak nang David uling minantabe ya kang Solomon ing Ginung Dios na at gewa neng tune marangal at mayupaya.
2Migsalita ya i Solomon karing opisyal da ring sundalus a mamahala karing libu at tia dinalan a tauan, karing ukum, karing pamuntuk ning Israel, at karing buntuk da ring pamilya. 3Kaybat, ya ampon ila minta la ketang matas a lugal a pisasamban king Gibeon, uling atyu karin ing Toldang tuknangan ning Ginu a gewa nang Moises, ing talasuyu ning Ginu, kanitang atyu la king ilang. ( 4#2 Sam 6:1-17; 1 Cro 13:5-14; 15:25—16:1.Kanitang milabas a panaun, kinua neng David karin king Kiriat Jearim ing Kaban ning Dios at dela ne king Jerusalem at binili ketang toldang pepagawa na.) 5#Exo 38:1-7.Oneng ing tangsung altar a gewa nang Bezalel, ing anak nang Uri at apu nang Hur, atyu king Gibeon arap ning Toldang tuknangan ning Ginu. Inya karin ya sinamba king Ginu i Solomon at ding taung kayabe na. 6Linapit ya i Solomon king tangsung altar ning Toldang tuknangan ning Ginu at minain yang libung ain-a-durulukan.
7Itang benging ita, pepakit ya ing Dios kang Solomon at ngana, Solomon, nanu ing buri mung ibie ku keka?
8Pekibat nang Solomon, Meging maganaka kayu at e merimla ing lugud yu kang David a tata ku angga na king peintulut yu ing maging kayalili na ku bilang ari. 9#Gen 13:16; 28:14.O Ginung Dios, tuparan yu ngeni itang pengaku yu kang tata ku, anti na ning gewa yu kung ari da reting taung kasing dakal na ning alikabuk ning yatu. 10Dinan yu ku sanang kabiasnan at beluan ban apamahalan ku la, uling ninu ing karapatdapat mamahala kareting dakal a tau nung e yu ku saupan?
11Nganang mekibat ning Dios kang Solomon, Anti na ning yan ing buri mu, at ing inawad mu e pibandian o dangalan o kamatayan para karing kalaban mu o makabang bie para keka, nune kabiasnan at beluan ban apamahalan mu la bilang ari ding kanakung memalen, 12ibie ku keka ing kabiasnan at beluan. E mu ita, dinan da ka namang dakal a pibandian at kabantugan a e ra bitasang tikman ding meging ari king milabasan o king panaun a datang.
Ing Upaya na at Pibandian Aring Solomon
(1 Ari 10:26-29)
13Kaybat na nita, meko ya i Solomon arapan na ning Toldang tuknangan ning Ginu king Gibeon at mibalik ya king Jerusalem. Karin ne pemahalan ing mabilug a Israel. 14#1 Ari 4:26.Mekatipun yang dakal a karung panggera ampon kabayu i Solomon. Atin yang libu apat a ralan a karung panggera at labing aduang libung kabayung saken da ring sundalus na. Dela na la ding aliwa kareti king Jerusalem at ding aliwa karing miyayaliwang siudad. 15King kapanaunan na, meging pangkaraniwan lang anting batu king Jerusalem ing pilak at ing gintu; kasing dakal na ning tanaman a sikamoro karing bunduk-bundukan ing dutung a sedro. 16#Deut 17:16.Masasali la pa king Ehipto at king Coa ding kabayu para kang Solomon king kapamilatan da ring ahenti nang komersianti. 17Sasali la namang karung panggera king Ehipto king alagang anam a ralan a pirasung pilak king balang karung panggera, at dinalan limang pulu king balang kabayu. Ila ding mamisali karing kabayu at karung panggera para karing ari da ring Hiteo at Arameo.#1:17 O kaya: tau Siria.
Currently Selected:
2 Cronica 1: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
2 Cronica 1
1
Meniawad yang Kabiasnan i Solomon king Dios
(1 Ari 3:1-15)
1Meging matatag ya ing kayarian nang Aring Solomon a anak nang David uling minantabe ya kang Solomon ing Ginung Dios na at gewa neng tune marangal at mayupaya.
2Migsalita ya i Solomon karing opisyal da ring sundalus a mamahala karing libu at tia dinalan a tauan, karing ukum, karing pamuntuk ning Israel, at karing buntuk da ring pamilya. 3Kaybat, ya ampon ila minta la ketang matas a lugal a pisasamban king Gibeon, uling atyu karin ing Toldang tuknangan ning Ginu a gewa nang Moises, ing talasuyu ning Ginu, kanitang atyu la king ilang. ( 4#2 Sam 6:1-17; 1 Cro 13:5-14; 15:25—16:1.Kanitang milabas a panaun, kinua neng David karin king Kiriat Jearim ing Kaban ning Dios at dela ne king Jerusalem at binili ketang toldang pepagawa na.) 5#Exo 38:1-7.Oneng ing tangsung altar a gewa nang Bezalel, ing anak nang Uri at apu nang Hur, atyu king Gibeon arap ning Toldang tuknangan ning Ginu. Inya karin ya sinamba king Ginu i Solomon at ding taung kayabe na. 6Linapit ya i Solomon king tangsung altar ning Toldang tuknangan ning Ginu at minain yang libung ain-a-durulukan.
7Itang benging ita, pepakit ya ing Dios kang Solomon at ngana, Solomon, nanu ing buri mung ibie ku keka?
8Pekibat nang Solomon, Meging maganaka kayu at e merimla ing lugud yu kang David a tata ku angga na king peintulut yu ing maging kayalili na ku bilang ari. 9#Gen 13:16; 28:14.O Ginung Dios, tuparan yu ngeni itang pengaku yu kang tata ku, anti na ning gewa yu kung ari da reting taung kasing dakal na ning alikabuk ning yatu. 10Dinan yu ku sanang kabiasnan at beluan ban apamahalan ku la, uling ninu ing karapatdapat mamahala kareting dakal a tau nung e yu ku saupan?
11Nganang mekibat ning Dios kang Solomon, Anti na ning yan ing buri mu, at ing inawad mu e pibandian o dangalan o kamatayan para karing kalaban mu o makabang bie para keka, nune kabiasnan at beluan ban apamahalan mu la bilang ari ding kanakung memalen, 12ibie ku keka ing kabiasnan at beluan. E mu ita, dinan da ka namang dakal a pibandian at kabantugan a e ra bitasang tikman ding meging ari king milabasan o king panaun a datang.
Ing Upaya na at Pibandian Aring Solomon
(1 Ari 10:26-29)
13Kaybat na nita, meko ya i Solomon arapan na ning Toldang tuknangan ning Ginu king Gibeon at mibalik ya king Jerusalem. Karin ne pemahalan ing mabilug a Israel. 14#1 Ari 4:26.Mekatipun yang dakal a karung panggera ampon kabayu i Solomon. Atin yang libu apat a ralan a karung panggera at labing aduang libung kabayung saken da ring sundalus na. Dela na la ding aliwa kareti king Jerusalem at ding aliwa karing miyayaliwang siudad. 15King kapanaunan na, meging pangkaraniwan lang anting batu king Jerusalem ing pilak at ing gintu; kasing dakal na ning tanaman a sikamoro karing bunduk-bundukan ing dutung a sedro. 16#Deut 17:16.Masasali la pa king Ehipto at king Coa ding kabayu para kang Solomon king kapamilatan da ring ahenti nang komersianti. 17Sasali la namang karung panggera king Ehipto king alagang anam a ralan a pirasung pilak king balang karung panggera, at dinalan limang pulu king balang kabayu. Ila ding mamisali karing kabayu at karung panggera para karing ari da ring Hiteo at Arameo.#1:17 O kaya: tau Siria.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994