1 Pedro 5
5
Ing Kawan na ning Dios
1Antimong metung a makatuang talapangasiwa, aku mismu ausan ku la kapanamdaman ding makatuang talapangasiwa na ning iglesia libutad yu. Metung ku karing menakit king pamailasa nang Cristo at metung na karing mirakayanan king ligayang mipakilala king paintungul. Ausan da kayu kapanamdaman: 2#Jn 21:15-17.pastulan ye ing kawan a binie na ning Dios kekayu, lingapan yeng kusang lub, antimo ing buri na ning Dios at e anting mapipilit mu. Daptan yu ing obra yu e uli na ning salapi, nune uli na ning kapagnasan yung makasuyu. 3E kayu paginu karing mibili king lalam yung kalingapan, nune sukat kayung maging pialimbawanan na ning kawan. 4At potang palto ne ing Pamuntuk a Pastul, tanggapan ye itang maligayang korona a kapilan man e kumupas.
5 # Kas 3:34. At ikayung kayanakan a lalaki, pailalam kayu upaya karing makatua. Ikayu ngan sabla isulud yu ing kababan lub ba kayung misusuyuanan, uling sasabian na ning Kasulatan, Kasaman na la ning Dios ding palalu, oneng papakit yang ganaka karing mababa lub. 6#Mt 23:12; Lc 14:11; 18:14.Inya iduku yu ing sarili yu king gamat nang mayupaya ning Dios ban king panaun a karampatan ipuk na kayung matas a matas. 7#Sir 2:1-18.Ibili yu ngan keya ing sablang kapigaganakan yu, uling atin yang malasakit kekayu.
8Parati kayung makasadia at magbante! Uling ing kekayung kalaban, ing diablo, lilibut yang anting leon a mamius, manintun yang alaklak na. 9Labanan ye, kayabe ning tetagan ning kekayung kasalpantayanan, ngening balu yu king ding kalupa yung talasalpantaya king mabilug a yatu daralanan da naman ing kasakitan a kalupa na ning kekayu. 10Oneng kaybat yung dinalan kasakitan king saguling panaun, ing Dios a panibatan na ning sablang grasya a minaus kekayu ban mirakayanan king ligaya nang alang angga kayabe nang Cristo, ya mismu ing pakayap kekayu at munie tetagan, sikanan at matibe a katatalakaran. 11Keya ing upaya kapilan man! Amen.
Pamamupus
12 # Dapat 15:22, 40. Iting makuyad kung sulat kekayu, misulat ya king kasaupan nang Silvano a kikilalanan kung tapat a kapatad. Buri da kayung dinan sikanan lub at ibie kekayu ing kanakung patutu king iti ya ing tune nang grasya ning Dios. Inya tatagan yu ing pamanalakaran yu kaniti.
13 # Dapat 12:12, 25; 13:13; 15:37-39; Col 4:10; File 1:24. Ing iglesiang atyu Babilonia a mepiling abe yu, pakomusta na kayu at makanyan munaman ing ipayabut na ning anak kung i Marcos. 14Pugayan ye ing metung at metung king mitmung kagalangan at lugud.#5:14 King Griego: pugayan ye ing metung at metung king uma ning lugud.
Kapayapan keko ngang atyu kang Cristo.
Currently Selected:
1 Pedro 5: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
