1 Macabeo 9
9
Ing Kamatayan nang Judas
1Inyang abalitan nang Demetrio king mesambut ya king labanan i Nicanor at ding sundalus na, tinubud neng pasibayu i Bakides at i Alcimus king bansa da ring Judio. Kayabe da la ring sundalus nang ibat Siria. 2Miglakad la king dalan a papunta Gilgal; kibkuban de ing Mesalot king Arbela, simbut de at dakal lang taung pete ra. 3Migkampu la sumangid ning Jerusalem king mumuna nang bulan ning banuang dinalan limang pulu at adua.#9:3 BANUANG DINALAN LIMANG PULU AT ADUA: ya naman ing 160 B.C. 4Manibat karin linakad lang papunta Berea a kayabe ding aduang pulung libung sundalus a e pakakabayu at aduang libung sundalus a pakakabayu.
5Makakampu ya king Elasa i Judas a kayabe ding atlung libung piling sundalus. 6Oneng mitakutan la inyang ikit da la ring dakal kalaban da. Tinakas la ding dakal at walu na lang dalan ding mitagan. 7Inyang ikit nang Judas king mababawas na lang mababawas a bilang ding sundalus na at king ing labanan malapit nang magumpisa, migaganaka ya uling ala neng panaun tumipun pang sundalus na. 8Mesira ya lub, makanyan man nganang migsalita karetang makatagan, Magsadia tamung lumusub, malyaring sambutan ta la pa ren.
9Sibukan deng pinigil ding tauan na at ngara, Maina tamu para marap karela. Murung ta pa mu at iligtas ing bie tamu. Kaybat magbalik tamung kayabe ding karagdagan a sundalus at kanita ta ne labanan ing kalaban. Kulang tamu tauan ngeni.
10Nganang mekibat Judas, E ku buring masabi kapilan man king aku tekasan ku ing labanan. Nung miras na ing oras tamu, alang-alang karing kalupa tamung Judio, arapan tamung mitmung tapang ing kamatayan at e ta ya lalakuan ating dungis ing kekatamung dangalan.
11Likuan de ing kampu ding sundalus ning Siria at migpuestu na la ban labanan ding Judio. Gewa da lang aduang dake ding sundalus a pakakabayu. Mumuna la ding maniradol at mamana at migpuestu la king mumunang pila ding piling sundalus. 12Migpuestu ya bandang wanan i Bakides. Sinulung na la ding sundalus a e pakakabayu. Atyu la mingatba da ring sundalus a pakakabayu. Tiniupan da la ring trumpetang panggera. Tiniupan da la naman ding trumpeta da ring kang Judas. 13Ginalgal ing gabun inyang mikaras la deting aduang grupu ding sundalus at milaban la manibat king ganingaldo anggang bengi.
14Inyang ikit nang Judas king i Bakides at ing maragul nang dake ding sundalus ning Siria atyu la bandang wanan, tikian de ring sabla nang matapang a sundalus, 15at simbut da la ring atyu dane wanan at penagal da la angga king bunduk ning Azotus. 16Oneng inyang ikit da ring sundalus ning Siria a atyu dane kayli king ding kayabe rang atyu dane wanan mesambut la megumpisa deng lisuban i Judas at ding tauan na manibat king banda rang tauli. 17Meging mabagsik ing labanan at dakal lang mete karing milalaban.
18I Judas mismu mete ya. Tinakas la kanita ding tauan na. 19Kinua de ri Jonatan at Simon ing bangke na ning kapatad da, at kitkut de king kutkutan ning pamilya ra king Modein, 20at tengisan de king kutkutan na. Melungkut ya ing mabilug a Israel king kalungkutan kilub ding dakal a aldo. Ngarang sasabi, 21Makananung milyari iti? Mete ya ing matapang nang bayani at talapagligtas ning Israel!
22Ding aliwa nang dapat Judas, ding labanan a lebanan na, ing tepangan na, at ding makapagmulalang depat na, tutu lang dakal para misulat la.
I Jonatan ya ing Meging Kayalili nang Judas
23Kamate nang Judas, megumpisa lang linto king mabilug a Judea ding Judiong ginulut king Kautusan nang Moises at memagbalik la ding e mayap a tau. 24Mika maragul a danup kanitang panaun a ita at migpanig ya karing ginulut king Kautusan nang Moises ing mabilug a bansa. 25Seria na lang tilduan Bakides ding mapilan kareting Judiong ginulut king Kautusan nang Moises ban manungkulan king bansa. 26Deting tau penalumduman da la at penintun ding kakaluguran nang Judas at inarap da la kang Bakides, at pepailalam na la king parusa at kamuran. 27Iti metung yang malungkut a panaun para king Israel; ala yang kalupa king e mayap manibat na kanitang ala nang linto propeta king Israel.
28Mitipun la kanita ding sablang kakaluguran nang Judas at ngara kang Jonatan, 29Anti na ning mete ne ing kapatad mung i Judas, e na mika lalaking kalupa na a manimuna laban karing kalaban tamu, kang Bakides, at ding mismung kabalen tamu a laban kekatamu. 30Uli na niti, ngening aldong iti pinili da kang maging kayalili na bilang kekaming talapanibala at pamuntuk at ipakilaban ding kekatang laban! 31Inya king panaun a ita tinggap nang Jonatan ing pamanimuna bilang kayalili na ning kapatad nang i Judas.
Ding Pamakilaban nang Jonatan
32Miras iting balita kang Bakides at inari na king lub na ing paten ne i Jonatan. 33Inyang iti abalitan nang Jonatan at ning kapatad nang i Simon at ding tauan na, sinalikut la king disyerto ning Tekoa. Migkampu la siping ning datukanan danum ning Aspar. 34Abalu nang Bakides iti king Aldo ning Sabbath at delakitan ne ing Ilug ning Jordan a kayabe ding sabla nang sundalus. 35Inya tinubud neng Jonatan ing kapatad nang i Juan, ing mamahala karing pamilya da ring sundalus, ban pakisabian na lang mayap ding tau Nabatea a kakaluguran na, at ban isinup da pa mu ing dakal dang karga. 36Oneng dinatang lang ibat Medeba ding Jambrita at lisuban de at binihag i Juan. Simsam da ing darala nang karga at dela ra. 37Kaybat ning mapilan a panaun dela ra ing balita kang Jonatan at king kapatad nang i Simon king ding Jambrita pagsayan de ing metung a maulagang kasalan. Darala re manibat Nadabat ing babaing kakasal, ing anak na ning metung a marangal a tau Canaan a kayabe ding dakal nang kayabe. 38Aganaka ra kanita nung makananu reng pete ing kapatad dang i Juan. Inya linakad ya i Jonatan at i Simon at ding tauan na at minta la king metung a bunduk; karin la sinalikut. 39Ikit de ing lalaking kakasal libutad da ring taung mainge at ing dakal dang gamit ban salubungan de ing grupu na ning babaing kakasal. Kayabe na la ning lalaking kakasal ding kakaluguran na at kamaganak a paka armas, at babagayan ding tambul at miyayaliwang gamit tigtigan. 40Manibat king pisasalikutan da lisuban na lang Jonatan at pete na la; memanakas la ding aliwa karing bunduk-bundukan. Kinua da ring Judio para karela ing sabla rang daralan a gamit. 41Inya ing kasalan meging tangisan ya at ing masayang tigtigan meging malungkut ya. 42Kaybat dang mekayablas king pangamate ning kapatad dang i Juan, migbalik la di Jonatan karing kapinakan na ning Ilug ning Jordan.
Ing Labanan king Ilug ning Jordan
43Abalitan nang Bakides iti at kayabe ding dakal a sundalus minta ya king pampang ning Ilug ning Jordan king Aldo ning Sabbath. 44Nganang Jonatan karing tauan na, Iti ya na ing panaun a ipakilaban tamu ing bie tamu; ya na iti ing pekamasakit tamung diling kabilian. 45Atyu la ding kalaban king kekatamung arapan, ing Ilug ning Jordan naman atyu kagulutan tamu, at ing kapinakan, at masukal king misusumangid. Ala tamung pitakasan. 46Ausan ye ing Ginu ban iligtas na kayu king gamat da ring kalaban yu.
47Megumpisa ing labanan at malapit na niang paten Jonatan at ding tauan na i Bakides inyang makatakas ya kagulutan da ring sundalus na. 48Inya linundag la king Ilug ning Jordan i Jonatan at ding tauan na at kinawe lang dinalakit; e la dinalakit ding kalaban ban tagal. 49Kewalan yang ating libu katau i Bakides ketang aldong ita.
50Migbalik ya Jerusalem i Bakides at menalakad yang kuta a maki matas a pader at pasbul dalan a maki kabat karing mapilan a lugal ning Judea antimo ing Emmaus at Bet Horon, Betel, Timnat-paraton, Tepon, at ing kuta ning Jerico. 51At karing balang metung kareti mibili yang sundalus ban ligaligan ing Israel. 52Pekatibe na la naman ding kuta ning Betzur at Gezer, at ing Jerusalem, at mibili yang sundalus at sablang kailangan. 53Binihag da la at kilung king kuta ning Jerusalem ding anak dang lalaki ding manimuna king bansa antimong garantia at pepaguardia na la.
54King kadua nang bulan ning banuang dinalan limang pulu at atlu,#9:54 BANUANG DINALAN LIMANG PULU AT ATLU: ya naman ing 159 B.C. pepalasak neng Alcimus ing pader ning patyung atyu kilub ning Templo, at uli na niti sinira na ing obra da ring propeta. 55Oneng itang penandit a inumpisa na ing pamaglasak, me-ataki ya i Alcimus at mituknang ing obra na. Uling meparalitiku ya at e makapagsalita, e ya makapagsalita agyang metung mung amanu o makaibie panabilin tungkul king bandi na. 56Mete yang dinalan maragul a kasakitan. 57Inyang abalitan nang Bakides king mete ya i Alcimus migbalik ya king ari, at mika kapayapan ya ing Judea kilub ding aduang banua.
Ing Kapupusan ning Gera
58Mitipun la ding ginulut king Kautusan nang Moises at ngara, Lawan mu, mabibie la di Jonatan at ding memalen na king kapayapan at panatag la kabilian. Ibalik ta ya keti i Bakides at king metung mung bengi abihag na la. 59Pintalan de at mekipulung la kang Bakides. 60Meko ya i Bakides a kayabe ding dakal a sundalus. Memarala yang sulat king lihim karing sabla nang kapanalig king Judea a ating panabilin a dakpan ya i Jonatan at ding tauan na. Oneng e ra agawa iti uling metuklas ing karelang balak. 61Ating limang pulu karing manimuna na niting kataksilan king Judea ding dekap da at pete ra. 62Minurung la kanita di Jonatan, Simon, at ding tauan da king disyerto na ning Betbasi. Telakad de at pepatibe ing sira nang kuta. 63Inyang abalitan nang Bakides iti, tinipun na la ding sablang sundalus na at peparala yang amanu karing talasaup na king Juda. 64Kibkuban ne ing Betbasi king sablang gilid na at lulusuban ne king malambat a panaun. Mitalakad yang kasangkapan a pangubkub. 65Likuan neng Jonatan king kapatad nang i Simon ing balen at tinakas yang kayabe ding mapilan a katau. 66Lisuban ne ing Odomera at ding memalen na at ding Pasirite king karelang kampu. Kasambut da reti mekiabe la kang Jonatan, at sinulung lang kayabe na king pamaglusub na kang Bakides. 67Linual no man kanita di Simon king balen at silaban da la ring kasangkapan a pangubkub. 68Lebanan de i Bakides at simbut de. Alang tuknang ing laban da nung inya meyalang kalma ing planu na at mesambut ya i Bakides. 69Mimua ya karing Judiong ginulut king Kautusan nang Moises uli na ning pamanagkat da inya liban ne ing bansa. Dakal la karela ding pepapate na.
Migpasya ya kanitang magbalik ne i Bakides king sarili nang bansa. 70Inyang abalitan nang Jonatan iti, mitubud ya kang Bakides ban mika kapayapan karelang adua at ban maging malaya la ding mebihag a Judio. 71Mebisa ya i Bakides at tiparan na ing inaluk nang Jonatan. Sinumpa na ing e na ne taginan ing Israel king kekaban na ning bie na. 72Binalik na la ding bihag a meyakua Judea king milabas, at migbalik ne king sarili nang bansa. Kapilan man e ne linub pa king sakup da. 73Makanyan tinuknang ing gera king Israel. Menuknangan ya i Jonatan king Mikmas at megumpisa na lang pemahalan ding memalen. Deyu na la king Israel ding Judiong ginulut king Kautusan nang Moises.
Currently Selected:
1 Macabeo 9: PmPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
1 Macabeo 9
9
Ing Kamatayan nang Judas
1Inyang abalitan nang Demetrio king mesambut ya king labanan i Nicanor at ding sundalus na, tinubud neng pasibayu i Bakides at i Alcimus king bansa da ring Judio. Kayabe da la ring sundalus nang ibat Siria. 2Miglakad la king dalan a papunta Gilgal; kibkuban de ing Mesalot king Arbela, simbut de at dakal lang taung pete ra. 3Migkampu la sumangid ning Jerusalem king mumuna nang bulan ning banuang dinalan limang pulu at adua.#9:3 BANUANG DINALAN LIMANG PULU AT ADUA: ya naman ing 160 B.C. 4Manibat karin linakad lang papunta Berea a kayabe ding aduang pulung libung sundalus a e pakakabayu at aduang libung sundalus a pakakabayu.
5Makakampu ya king Elasa i Judas a kayabe ding atlung libung piling sundalus. 6Oneng mitakutan la inyang ikit da la ring dakal kalaban da. Tinakas la ding dakal at walu na lang dalan ding mitagan. 7Inyang ikit nang Judas king mababawas na lang mababawas a bilang ding sundalus na at king ing labanan malapit nang magumpisa, migaganaka ya uling ala neng panaun tumipun pang sundalus na. 8Mesira ya lub, makanyan man nganang migsalita karetang makatagan, Magsadia tamung lumusub, malyaring sambutan ta la pa ren.
9Sibukan deng pinigil ding tauan na at ngara, Maina tamu para marap karela. Murung ta pa mu at iligtas ing bie tamu. Kaybat magbalik tamung kayabe ding karagdagan a sundalus at kanita ta ne labanan ing kalaban. Kulang tamu tauan ngeni.
10Nganang mekibat Judas, E ku buring masabi kapilan man king aku tekasan ku ing labanan. Nung miras na ing oras tamu, alang-alang karing kalupa tamung Judio, arapan tamung mitmung tapang ing kamatayan at e ta ya lalakuan ating dungis ing kekatamung dangalan.
11Likuan de ing kampu ding sundalus ning Siria at migpuestu na la ban labanan ding Judio. Gewa da lang aduang dake ding sundalus a pakakabayu. Mumuna la ding maniradol at mamana at migpuestu la king mumunang pila ding piling sundalus. 12Migpuestu ya bandang wanan i Bakides. Sinulung na la ding sundalus a e pakakabayu. Atyu la mingatba da ring sundalus a pakakabayu. Tiniupan da la ring trumpetang panggera. Tiniupan da la naman ding trumpeta da ring kang Judas. 13Ginalgal ing gabun inyang mikaras la deting aduang grupu ding sundalus at milaban la manibat king ganingaldo anggang bengi.
14Inyang ikit nang Judas king i Bakides at ing maragul nang dake ding sundalus ning Siria atyu la bandang wanan, tikian de ring sabla nang matapang a sundalus, 15at simbut da la ring atyu dane wanan at penagal da la angga king bunduk ning Azotus. 16Oneng inyang ikit da ring sundalus ning Siria a atyu dane kayli king ding kayabe rang atyu dane wanan mesambut la megumpisa deng lisuban i Judas at ding tauan na manibat king banda rang tauli. 17Meging mabagsik ing labanan at dakal lang mete karing milalaban.
18I Judas mismu mete ya. Tinakas la kanita ding tauan na. 19Kinua de ri Jonatan at Simon ing bangke na ning kapatad da, at kitkut de king kutkutan ning pamilya ra king Modein, 20at tengisan de king kutkutan na. Melungkut ya ing mabilug a Israel king kalungkutan kilub ding dakal a aldo. Ngarang sasabi, 21Makananung milyari iti? Mete ya ing matapang nang bayani at talapagligtas ning Israel!
22Ding aliwa nang dapat Judas, ding labanan a lebanan na, ing tepangan na, at ding makapagmulalang depat na, tutu lang dakal para misulat la.
I Jonatan ya ing Meging Kayalili nang Judas
23Kamate nang Judas, megumpisa lang linto king mabilug a Judea ding Judiong ginulut king Kautusan nang Moises at memagbalik la ding e mayap a tau. 24Mika maragul a danup kanitang panaun a ita at migpanig ya karing ginulut king Kautusan nang Moises ing mabilug a bansa. 25Seria na lang tilduan Bakides ding mapilan kareting Judiong ginulut king Kautusan nang Moises ban manungkulan king bansa. 26Deting tau penalumduman da la at penintun ding kakaluguran nang Judas at inarap da la kang Bakides, at pepailalam na la king parusa at kamuran. 27Iti metung yang malungkut a panaun para king Israel; ala yang kalupa king e mayap manibat na kanitang ala nang linto propeta king Israel.
28Mitipun la kanita ding sablang kakaluguran nang Judas at ngara kang Jonatan, 29Anti na ning mete ne ing kapatad mung i Judas, e na mika lalaking kalupa na a manimuna laban karing kalaban tamu, kang Bakides, at ding mismung kabalen tamu a laban kekatamu. 30Uli na niti, ngening aldong iti pinili da kang maging kayalili na bilang kekaming talapanibala at pamuntuk at ipakilaban ding kekatang laban! 31Inya king panaun a ita tinggap nang Jonatan ing pamanimuna bilang kayalili na ning kapatad nang i Judas.
Ding Pamakilaban nang Jonatan
32Miras iting balita kang Bakides at inari na king lub na ing paten ne i Jonatan. 33Inyang iti abalitan nang Jonatan at ning kapatad nang i Simon at ding tauan na, sinalikut la king disyerto ning Tekoa. Migkampu la siping ning datukanan danum ning Aspar. 34Abalu nang Bakides iti king Aldo ning Sabbath at delakitan ne ing Ilug ning Jordan a kayabe ding sabla nang sundalus. 35Inya tinubud neng Jonatan ing kapatad nang i Juan, ing mamahala karing pamilya da ring sundalus, ban pakisabian na lang mayap ding tau Nabatea a kakaluguran na, at ban isinup da pa mu ing dakal dang karga. 36Oneng dinatang lang ibat Medeba ding Jambrita at lisuban de at binihag i Juan. Simsam da ing darala nang karga at dela ra. 37Kaybat ning mapilan a panaun dela ra ing balita kang Jonatan at king kapatad nang i Simon king ding Jambrita pagsayan de ing metung a maulagang kasalan. Darala re manibat Nadabat ing babaing kakasal, ing anak na ning metung a marangal a tau Canaan a kayabe ding dakal nang kayabe. 38Aganaka ra kanita nung makananu reng pete ing kapatad dang i Juan. Inya linakad ya i Jonatan at i Simon at ding tauan na at minta la king metung a bunduk; karin la sinalikut. 39Ikit de ing lalaking kakasal libutad da ring taung mainge at ing dakal dang gamit ban salubungan de ing grupu na ning babaing kakasal. Kayabe na la ning lalaking kakasal ding kakaluguran na at kamaganak a paka armas, at babagayan ding tambul at miyayaliwang gamit tigtigan. 40Manibat king pisasalikutan da lisuban na lang Jonatan at pete na la; memanakas la ding aliwa karing bunduk-bundukan. Kinua da ring Judio para karela ing sabla rang daralan a gamit. 41Inya ing kasalan meging tangisan ya at ing masayang tigtigan meging malungkut ya. 42Kaybat dang mekayablas king pangamate ning kapatad dang i Juan, migbalik la di Jonatan karing kapinakan na ning Ilug ning Jordan.
Ing Labanan king Ilug ning Jordan
43Abalitan nang Bakides iti at kayabe ding dakal a sundalus minta ya king pampang ning Ilug ning Jordan king Aldo ning Sabbath. 44Nganang Jonatan karing tauan na, Iti ya na ing panaun a ipakilaban tamu ing bie tamu; ya na iti ing pekamasakit tamung diling kabilian. 45Atyu la ding kalaban king kekatamung arapan, ing Ilug ning Jordan naman atyu kagulutan tamu, at ing kapinakan, at masukal king misusumangid. Ala tamung pitakasan. 46Ausan ye ing Ginu ban iligtas na kayu king gamat da ring kalaban yu.
47Megumpisa ing labanan at malapit na niang paten Jonatan at ding tauan na i Bakides inyang makatakas ya kagulutan da ring sundalus na. 48Inya linundag la king Ilug ning Jordan i Jonatan at ding tauan na at kinawe lang dinalakit; e la dinalakit ding kalaban ban tagal. 49Kewalan yang ating libu katau i Bakides ketang aldong ita.
50Migbalik ya Jerusalem i Bakides at menalakad yang kuta a maki matas a pader at pasbul dalan a maki kabat karing mapilan a lugal ning Judea antimo ing Emmaus at Bet Horon, Betel, Timnat-paraton, Tepon, at ing kuta ning Jerico. 51At karing balang metung kareti mibili yang sundalus ban ligaligan ing Israel. 52Pekatibe na la naman ding kuta ning Betzur at Gezer, at ing Jerusalem, at mibili yang sundalus at sablang kailangan. 53Binihag da la at kilung king kuta ning Jerusalem ding anak dang lalaki ding manimuna king bansa antimong garantia at pepaguardia na la.
54King kadua nang bulan ning banuang dinalan limang pulu at atlu,#9:54 BANUANG DINALAN LIMANG PULU AT ATLU: ya naman ing 159 B.C. pepalasak neng Alcimus ing pader ning patyung atyu kilub ning Templo, at uli na niti sinira na ing obra da ring propeta. 55Oneng itang penandit a inumpisa na ing pamaglasak, me-ataki ya i Alcimus at mituknang ing obra na. Uling meparalitiku ya at e makapagsalita, e ya makapagsalita agyang metung mung amanu o makaibie panabilin tungkul king bandi na. 56Mete yang dinalan maragul a kasakitan. 57Inyang abalitan nang Bakides king mete ya i Alcimus migbalik ya king ari, at mika kapayapan ya ing Judea kilub ding aduang banua.
Ing Kapupusan ning Gera
58Mitipun la ding ginulut king Kautusan nang Moises at ngara, Lawan mu, mabibie la di Jonatan at ding memalen na king kapayapan at panatag la kabilian. Ibalik ta ya keti i Bakides at king metung mung bengi abihag na la. 59Pintalan de at mekipulung la kang Bakides. 60Meko ya i Bakides a kayabe ding dakal a sundalus. Memarala yang sulat king lihim karing sabla nang kapanalig king Judea a ating panabilin a dakpan ya i Jonatan at ding tauan na. Oneng e ra agawa iti uling metuklas ing karelang balak. 61Ating limang pulu karing manimuna na niting kataksilan king Judea ding dekap da at pete ra. 62Minurung la kanita di Jonatan, Simon, at ding tauan da king disyerto na ning Betbasi. Telakad de at pepatibe ing sira nang kuta. 63Inyang abalitan nang Bakides iti, tinipun na la ding sablang sundalus na at peparala yang amanu karing talasaup na king Juda. 64Kibkuban ne ing Betbasi king sablang gilid na at lulusuban ne king malambat a panaun. Mitalakad yang kasangkapan a pangubkub. 65Likuan neng Jonatan king kapatad nang i Simon ing balen at tinakas yang kayabe ding mapilan a katau. 66Lisuban ne ing Odomera at ding memalen na at ding Pasirite king karelang kampu. Kasambut da reti mekiabe la kang Jonatan, at sinulung lang kayabe na king pamaglusub na kang Bakides. 67Linual no man kanita di Simon king balen at silaban da la ring kasangkapan a pangubkub. 68Lebanan de i Bakides at simbut de. Alang tuknang ing laban da nung inya meyalang kalma ing planu na at mesambut ya i Bakides. 69Mimua ya karing Judiong ginulut king Kautusan nang Moises uli na ning pamanagkat da inya liban ne ing bansa. Dakal la karela ding pepapate na.
Migpasya ya kanitang magbalik ne i Bakides king sarili nang bansa. 70Inyang abalitan nang Jonatan iti, mitubud ya kang Bakides ban mika kapayapan karelang adua at ban maging malaya la ding mebihag a Judio. 71Mebisa ya i Bakides at tiparan na ing inaluk nang Jonatan. Sinumpa na ing e na ne taginan ing Israel king kekaban na ning bie na. 72Binalik na la ding bihag a meyakua Judea king milabas, at migbalik ne king sarili nang bansa. Kapilan man e ne linub pa king sakup da. 73Makanyan tinuknang ing gera king Israel. Menuknangan ya i Jonatan king Mikmas at megumpisa na lang pemahalan ding memalen. Deyu na la king Israel ding Judiong ginulut king Kautusan nang Moises.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994