1 Cronica 20
20
Abihag neng David ing Rabba
(2 Samuel 12:26-31)
1 # 2 Sam 11:1. King pamagumpisa na ning banua, ing panaun nung kapilan la makigera ding ari, linual la ding sundalus na ning Israel a panimunan nang Joab at lisuban de ing bansa ning Ammon. Liban de ing siudad ning Rabba at pinatag king gabun. Menatili ya kanita i Aring David king Jerusalem. 2Kinua neng David ing iyas a batung mal a palamuti na ning korona nang gintu ning rebultu nang Molek a kikilalanan dang dios ding Ammonita. Titimbang yang pitung pulu't limang libra iting korona. Kinua neng David iting iyas at kebit ne king korona na. Dakal ya rin ikuang pibandian king siudad. 3Binihag na la ding memalen na ning Ammon at dininan na lang lagari, sarulgamat ampon palakul, at kaybat pepagobran na la king siudad. Makanyan munaman ing gewa na karing sablang memalen da ring aliwang siudad ning Ammon. Kaybat na nita, migbalik ne i David at ding sundalus na king Jerusalem.
Ing Pamakilaban karing Higanti ning Filistia
(2 Samuel 21:15-22)
4E miglambat akalaban da no naman ding Filisteo king Gezer. Kaniting labanan, apate neng Sibecai ning Husa ing higanting milagyuan Sippai, at mesambut la ding Filisteo.
5 # 1 Sam 17:4-7. King aliwa pang pamakilaban karing Filisteo, apate neng Elhanan a anak nang Jair i Lami a kapatad nang Goliat ning Gat a ing pulu ning tandus na kasing dagul ne ning pabakle na ning pipamabalan imalan.
6Mika aliwa pang labanan a milyari king Gat. Ating higanti karin a maki anam a taliri king gamat na at bitis na. Lahi de ring higanti kanitang minunang panaun. 7Lepastangan ne ing Israel, inya pete neng Jonatan a pangunakan nang David king kapatad nang i Samma.
8Pete na lang David at ding tauan na deting atlung higanti a lahi da ring higanti na ning Gat.
Currently Selected:
1 Cronica 20: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
