TITTA 3
3
Poyra vi suu vina
1Gasi humusi kay asi mba hoŋ yasi kaŋga a hum u suu ŋgolona u mulina, asi mba hum usiya min tasi a li sunda jivira bel. 2Kay asi di boy co maŋ saɗi, kak u heɓpa u jivira, asi tuɗ fok a tak lalam masira eg suuna halaŋ. 3Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may. 4Hu li ma Lona Sa Suɗta tak jivi mamba u min mamba ki eg suuna halaŋ, 5nam suɗuygi ki ka ana aygi li sunda ɗegeera ka naɗi, ni kay nam waygi hahawaygiya. Nam suɗuygi ni u mbussa vi Musuk Lonara, ndaɗ ɦaygi vuɗta wilira u iirira wilira. 6Lona njay Musuk mamba ki kaŋga kaygi ŋgolo u Yesu Kristu Saaygi ma Suɗta. 7Kay u oo mamba aygi mbuɗ ɗegee fok Lona, ni aygi hin fi iirira ka daɓ kiɗira, aygi ka juɓuɗ u huruygi tini kaɗta. 8Gola ni boy ma gasina.
An min ana aŋ col kay boy namma, kay suu tin hurusi kay Lona mba li dlara ɗegeera u sunda jivira. Gola ni dlara jivira ki ndaki kay suuna halaŋga. 9Hin ciwayra bay uɗta kiyo u sem somo suu day dayna, honira u duu ma duu tara kay gaɗta, tle asina hinisi kiyo. Asi ni ɦawaa, dlaasira kaɗi. 10Sa ma mbaa ka ira duk suunana aŋ gaɗam yaŋ goy mba', hin hinim kiyo. 11Aŋ wi ana sana ko wanni na hin voɗta ɗegeera kiyo, coomba tak ana nam ki ni viɗiya.
Gaɗta ŋgoo daganda
12Hu li ma an sunuŋ Artemis kala, Tisik kala ha wa ni, aŋ so taŋ a ŋgafan hu Nikapolis ni li ma an min a li vun semeɗna huna. 13Zenas ma kaɓakŋa u Apollos aŋ tli va ma aŋ a njun usi hu poy masira ay koŋu, li a asi mba kaɗak ki dukgi. 14Kay suu mayna mba haɗ tasi a li sunda ɗegeera ura jivira, kay a hin ndak a li sun mayra garaŋga, kay asi mba mbay u dlara ɦawaraɗi.
15Suu ka egen tanna halaŋ gaŋ deɓpa. Gi deɓ maŋ banayaygi suu tin hurusi kay Lonana.
Ko oora kak u agi halaŋ.
Currently Selected:
TITTA 3: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.
TITTA 3
3
Poyra vi suu vina
1Gasi humusi kay asi mba hoŋ yasi kaŋga a hum u suu ŋgolona u mulina, asi mba hum usiya min tasi a li sunda jivira bel. 2Kay asi di boy co maŋ saɗi, kak u heɓpa u jivira, asi tuɗ fok a tak lalam masira eg suuna halaŋ. 3Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may. 4Hu li ma Lona Sa Suɗta tak jivi mamba u min mamba ki eg suuna halaŋ, 5nam suɗuygi ki ka ana aygi li sunda ɗegeera ka naɗi, ni kay nam waygi hahawaygiya. Nam suɗuygi ni u mbussa vi Musuk Lonara, ndaɗ ɦaygi vuɗta wilira u iirira wilira. 6Lona njay Musuk mamba ki kaŋga kaygi ŋgolo u Yesu Kristu Saaygi ma Suɗta. 7Kay u oo mamba aygi mbuɗ ɗegee fok Lona, ni aygi hin fi iirira ka daɓ kiɗira, aygi ka juɓuɗ u huruygi tini kaɗta. 8Gola ni boy ma gasina.
An min ana aŋ col kay boy namma, kay suu tin hurusi kay Lona mba li dlara ɗegeera u sunda jivira. Gola ni dlara jivira ki ndaki kay suuna halaŋga. 9Hin ciwayra bay uɗta kiyo u sem somo suu day dayna, honira u duu ma duu tara kay gaɗta, tle asina hinisi kiyo. Asi ni ɦawaa, dlaasira kaɗi. 10Sa ma mbaa ka ira duk suunana aŋ gaɗam yaŋ goy mba', hin hinim kiyo. 11Aŋ wi ana sana ko wanni na hin voɗta ɗegeera kiyo, coomba tak ana nam ki ni viɗiya.
Gaɗta ŋgoo daganda
12Hu li ma an sunuŋ Artemis kala, Tisik kala ha wa ni, aŋ so taŋ a ŋgafan hu Nikapolis ni li ma an min a li vun semeɗna huna. 13Zenas ma kaɓakŋa u Apollos aŋ tli va ma aŋ a njun usi hu poy masira ay koŋu, li a asi mba kaɗak ki dukgi. 14Kay suu mayna mba haɗ tasi a li sunda ɗegeera ura jivira, kay a hin ndak a li sun mayra garaŋga, kay asi mba mbay u dlara ɦawaraɗi.
15Suu ka egen tanna halaŋ gaŋ deɓpa. Gi deɓ maŋ banayaygi suu tin hurusi kay Lonana.
Ko oora kak u agi halaŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.