ROMMA TAKKIRA
TAKKIRA
Ɓiiriɗ ni Pol. Li ka ni duk ɦoŋ basara 56-59. Sok boyna, Boy ma Ayra vi Lona.
Ɓii magaara maŋ suu Romma ay ni hu Korint ni hu li ma Pol tuɗ a golosi yam a hindira, (2 Kor. 13.1; Sunda 20.2). Magaara vi Pol eg suu Romma dlaɗ ŋgol su magaari suu hiŋŋa halaŋ, kay ndaɗ hu Galamba Wilira halaŋ tak gasira ŋgolla vi haɗta vi Kristura halaŋŋi ndaɗu. Pol min a di gaɗta ŋgolla vi suu vina ki maŋ suu Romma halaŋ, nam ɓii magaa ndaɗta ni a juɓ buu ma nam hin tuɗ ha varasina tuwa.
Sok boy ma ŋgolna hu magaa ndaɗtana ana Boy ma Ayra vi Lona, (Rom. 1.1). Sok boy namma tak ki kay gasira ŋgolla suɗ suuna kira. Ndaɗ ni maŋ suuna hu duliyara halaŋ kay Lona ka ɓorow ii suunaɗi (Rom. 2.11). Nammi Lona vi suu Juifna lay, vi suu ka njaf suu Juifnaɗina lay (Rom. 3.29). Kay suu warna halaŋ ii Lona ki coo (Rom. 3.19, 23). Sana mbuɗ ki ɗegee ni u vira dew daŋ (Rom. 3.28). Njun u suuna hu dlara asi miniɗta bel. Magaara maŋ suu Romma tak oora ŋgolla vi Lona, oo ndaɗta nam ndak a di ana sa ma cona mbuɗ ki ɗegee u ɓivunna vi Goromma ɗegeena (Rom. 3.25-26).
Ndaɗ tak haɗta kay iirira wilira ta suuna halaŋ hin faɗta, ni u saɓakŋa vi Musuk Lonara ka hurumba. Magaa ndaɗta tak nera u oora vi Lona ta ŋgolla, suu Israelna vi ka masiɗi lay ni ndaɗ tew eg suuna halaŋ. Ndaɗ daɓ kini u sora so huu suu vina suu fi oora vi Lonna (Rom. 12.1), a poy jivi ɦal tasi kay sunda vi Lona. Ɗegeera vi Lona ni sok boy ma ŋgolna hu magaa ndaɗtana (Rom. 1.17; 3.21, 22).
Magaara ndak a ɓorow ko wanni na
1. Takkira u sok boyna 1.1-17
2. Suuna halaŋ li cora eg Lona 1.18—3.20
3. Sana a mbuɗ ki jivi ɗegeera ni u vira hu Kristu. 3.21—5.21
4. Mbuɗta teteɗta ni taɓpa u Kristu hu miɗ mamma u col
mamba kolo iirira 6—8
5. Bay vira vi suu Israelna 9—11
6. Poyra u sunda ɦal ŋgolla maŋ Lona 12.1—15.13
7. Minda vi suu vina tak taɗ kiyo. 15.14—16.27
Currently Selected:
ROMMA TAKKIRA: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
ROMMA TAKKIRA
TAKKIRA
Ɓiiriɗ ni Pol. Li ka ni duk ɦoŋ basara 56-59. Sok boyna, Boy ma Ayra vi Lona.
Ɓii magaara maŋ suu Romma ay ni hu Korint ni hu li ma Pol tuɗ a golosi yam a hindira, (2 Kor. 13.1; Sunda 20.2). Magaara vi Pol eg suu Romma dlaɗ ŋgol su magaari suu hiŋŋa halaŋ, kay ndaɗ hu Galamba Wilira halaŋ tak gasira ŋgolla vi haɗta vi Kristura halaŋŋi ndaɗu. Pol min a di gaɗta ŋgolla vi suu vina ki maŋ suu Romma halaŋ, nam ɓii magaa ndaɗta ni a juɓ buu ma nam hin tuɗ ha varasina tuwa.
Sok boy ma ŋgolna hu magaa ndaɗtana ana Boy ma Ayra vi Lona, (Rom. 1.1). Sok boy namma tak ki kay gasira ŋgolla suɗ suuna kira. Ndaɗ ni maŋ suuna hu duliyara halaŋ kay Lona ka ɓorow ii suunaɗi (Rom. 2.11). Nammi Lona vi suu Juifna lay, vi suu ka njaf suu Juifnaɗina lay (Rom. 3.29). Kay suu warna halaŋ ii Lona ki coo (Rom. 3.19, 23). Sana mbuɗ ki ɗegee ni u vira dew daŋ (Rom. 3.28). Njun u suuna hu dlara asi miniɗta bel. Magaara maŋ suu Romma tak oora ŋgolla vi Lona, oo ndaɗta nam ndak a di ana sa ma cona mbuɗ ki ɗegee u ɓivunna vi Goromma ɗegeena (Rom. 3.25-26).
Ndaɗ tak haɗta kay iirira wilira ta suuna halaŋ hin faɗta, ni u saɓakŋa vi Musuk Lonara ka hurumba. Magaa ndaɗta tak nera u oora vi Lona ta ŋgolla, suu Israelna vi ka masiɗi lay ni ndaɗ tew eg suuna halaŋ. Ndaɗ daɓ kini u sora so huu suu vina suu fi oora vi Lonna (Rom. 12.1), a poy jivi ɦal tasi kay sunda vi Lona. Ɗegeera vi Lona ni sok boy ma ŋgolna hu magaa ndaɗtana (Rom. 1.17; 3.21, 22).
Magaara ndak a ɓorow ko wanni na
1. Takkira u sok boyna 1.1-17
2. Suuna halaŋ li cora eg Lona 1.18—3.20
3. Sana a mbuɗ ki jivi ɗegeera ni u vira hu Kristu. 3.21—5.21
4. Mbuɗta teteɗta ni taɓpa u Kristu hu miɗ mamma u col
mamba kolo iirira 6—8
5. Bay vira vi suu Israelna 9—11
6. Poyra u sunda ɦal ŋgolla maŋ Lona 12.1—15.13
7. Minda vi suu vina tak taɗ kiyo. 15.14—16.27
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.