ROMMA 16
16
Gi deɓ suuna
1An min dagi ha kay wayaygira Febe cara li sunda duk suu vi Kristuna hu Seŋkre. 2Taɓagira ugi u sem Bu Suuna ko suu vi Lonana li duk tasira na, njun uɗ hu tlesuu ndaɗ ndak a lasi egegina halaŋ, ndaɗ kay taɗta njun u suuna cocoo, njun un tanda lay.
3Gi deɓ Prisiye u Akilas ndarayan suu sun Yesu Kristuna. 4Asi hal gin a ba iiri masira ki kay a suɗun manda, an gasi deɓpa ha ni ka an holɗi suu vi Kristuna duk njaf suu ka suu Juifnaɗina hu duliyara halaŋ. 5Gi deɓ maŋ suu vina suu li tokka varasi vona. Gi deɓ Epanet sa vi u Kristu hu ndaŋgara Azi jewna. 6Gi deɓ Mari ta li sunda co co kagira. 7Gi deɓ Andronikus u Junias asi suu somo manda ay hu daŋgayna u tami lay. Asi ay ni duk suu vovoɗta sesi tii co co lay, asi vi u Boy Lonana ni jewen lay.
8Gi deɓ maŋ Amplias bananna hu Bu Suuna. 9Gi deɓ Urbain ndaraygi ma sunda vi Kristu u banan ma an minimma Stasis. 10Gi deɓ Apelles sa ma fi tukka kay viimba u Kristuna. Gi deɓ maŋ suu hu zina vi Aristobulna. 11Gi deɓ maŋ Herodion ma somonna, gi deɓ suu hu zina vi Narsis suu vi u Bu Suunana. 12Gi deɓ maŋ Trifen u Trifos suu li sunda maŋ Bu Suunana, u ndaran goora Persid ta li sunda vi Bu Suuna co cora. 13Gi deɓ maŋ Rufus u sumu asi suu li sunda vi Bu Suuna ndaɗ ni sun an lay. 14Gi deɓ maŋ gi Asiŋkrit, Flegon, Hermes, Patrobas, Hermas u gorseygi suu ka u asina. 15Gi deɓ maŋ Filolog u Juli, Nere u wayaɗta, Olimpas u suu vi Lona suu ka u asina halaŋ.
16Gi deɓ duk tagiya tagiya ko gorseŋ tagina na, suu vina vi Kristu halaŋ ka gagi deɓpa.
Ne yam mayra daɓ daganda
17An ka dagiya gorsenna gologi tagi jivi ko suu col ciwayra, a ɓorow duk suuna ki u haɗta agi haɗaɗta, ɦuɗ tagi ki egesi day. 18Kay suu ko asi nana ka sun ni Kristu Bu Suunaɗi, asi sun ni hayasi taɗta gaw u boy masi ma jivina u ɓak masi ma fiyek ma gan yamba, asi ɓeŋŋi ŋgus suu u dla ka irisiɗina ɦawaa. 19Suuna halaŋ wi ana agi hum u Bu Suuna co coo, an li furira kagi ɦay, an min ana agi lakagi ɗegee neey a li jivira, lakagi ɗegee hin cora kiyo. 20Lona malaŋ heɓpa hin tay Satanna ki kaŋga fokogiya.
Ko oora vi Bu Suuna mayna Yesu kak u agiya.
21Timote ndaran ma sunda gagi deɓpa ugi Lusiyus, Jason u Sosipater suu somo manda gagi deɓpa.
22An Tertiyus ma ɓii magaara wanna gagi deɓpa ha hu Bu Suuna.
23Gayus saan ma an buu varamma ma suu vi Kristuna halaŋ li tokka varamma gagi deɓpa, Erast sa ma gol begera ɦoŋzinara komma u wayayna Kartus gagi deɓpa.
[24Ko oora vi Bu Suuna mayna Yesu Kristu kak u agi halaŋ. Amin.]
Geleɗta daɓ daganda
25Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi. 26Cecemi ndaɗ mba ki wa kiɗiki, hu magaara vi suu jok vun Lona tlesuu ay huruɗ halaŋŋa, u gaɗta vi Lona ma ka daɓ kiɗina kay suuna hu ndaŋgara halaŋ wi u dla ndaɗta vi uɗ lay.
27Nera ni maŋ Lona ma bibiŋilna dew u Yesu Kristu a fafatɗa. Amin.
Currently Selected:
ROMMA 16: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
ROMMA 16
16
Gi deɓ suuna
1An min dagi ha kay wayaygira Febe cara li sunda duk suu vi Kristuna hu Seŋkre. 2Taɓagira ugi u sem Bu Suuna ko suu vi Lonana li duk tasira na, njun uɗ hu tlesuu ndaɗ ndak a lasi egegina halaŋ, ndaɗ kay taɗta njun u suuna cocoo, njun un tanda lay.
3Gi deɓ Prisiye u Akilas ndarayan suu sun Yesu Kristuna. 4Asi hal gin a ba iiri masira ki kay a suɗun manda, an gasi deɓpa ha ni ka an holɗi suu vi Kristuna duk njaf suu ka suu Juifnaɗina hu duliyara halaŋ. 5Gi deɓ maŋ suu vina suu li tokka varasi vona. Gi deɓ Epanet sa vi u Kristu hu ndaŋgara Azi jewna. 6Gi deɓ Mari ta li sunda co co kagira. 7Gi deɓ Andronikus u Junias asi suu somo manda ay hu daŋgayna u tami lay. Asi ay ni duk suu vovoɗta sesi tii co co lay, asi vi u Boy Lonana ni jewen lay.
8Gi deɓ maŋ Amplias bananna hu Bu Suuna. 9Gi deɓ Urbain ndaraygi ma sunda vi Kristu u banan ma an minimma Stasis. 10Gi deɓ Apelles sa ma fi tukka kay viimba u Kristuna. Gi deɓ maŋ suu hu zina vi Aristobulna. 11Gi deɓ maŋ Herodion ma somonna, gi deɓ suu hu zina vi Narsis suu vi u Bu Suunana. 12Gi deɓ maŋ Trifen u Trifos suu li sunda maŋ Bu Suunana, u ndaran goora Persid ta li sunda vi Bu Suuna co cora. 13Gi deɓ maŋ Rufus u sumu asi suu li sunda vi Bu Suuna ndaɗ ni sun an lay. 14Gi deɓ maŋ gi Asiŋkrit, Flegon, Hermes, Patrobas, Hermas u gorseygi suu ka u asina. 15Gi deɓ maŋ Filolog u Juli, Nere u wayaɗta, Olimpas u suu vi Lona suu ka u asina halaŋ.
16Gi deɓ duk tagiya tagiya ko gorseŋ tagina na, suu vina vi Kristu halaŋ ka gagi deɓpa.
Ne yam mayra daɓ daganda
17An ka dagiya gorsenna gologi tagi jivi ko suu col ciwayra, a ɓorow duk suuna ki u haɗta agi haɗaɗta, ɦuɗ tagi ki egesi day. 18Kay suu ko asi nana ka sun ni Kristu Bu Suunaɗi, asi sun ni hayasi taɗta gaw u boy masi ma jivina u ɓak masi ma fiyek ma gan yamba, asi ɓeŋŋi ŋgus suu u dla ka irisiɗina ɦawaa. 19Suuna halaŋ wi ana agi hum u Bu Suuna co coo, an li furira kagi ɦay, an min ana agi lakagi ɗegee neey a li jivira, lakagi ɗegee hin cora kiyo. 20Lona malaŋ heɓpa hin tay Satanna ki kaŋga fokogiya.
Ko oora vi Bu Suuna mayna Yesu kak u agiya.
21Timote ndaran ma sunda gagi deɓpa ugi Lusiyus, Jason u Sosipater suu somo manda gagi deɓpa.
22An Tertiyus ma ɓii magaara wanna gagi deɓpa ha hu Bu Suuna.
23Gayus saan ma an buu varamma ma suu vi Kristuna halaŋ li tokka varamma gagi deɓpa, Erast sa ma gol begera ɦoŋzinara komma u wayayna Kartus gagi deɓpa.
[24Ko oora vi Bu Suuna mayna Yesu Kristu kak u agi halaŋ. Amin.]
Geleɗta daɓ daganda
25Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi. 26Cecemi ndaɗ mba ki wa kiɗiki, hu magaara vi suu jok vun Lona tlesuu ay huruɗ halaŋŋa, u gaɗta vi Lona ma ka daɓ kiɗina kay suuna hu ndaŋgara halaŋ wi u dla ndaɗta vi uɗ lay.
27Nera ni maŋ Lona ma bibiŋilna dew u Yesu Kristu a fafatɗa. Amin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.