MARK 16
16
Yesu paɗ ki kolo iiriya
(Matiye 28.1-8; Luk 24.1-12; Jaŋ 20.1-10)
1Buu ma vi Lonna jak ki jakŋi, Mari ta Magdalara u Mari su Jak may, Salome may, gus mbul ma hisna kosi gus ni, a tuɗ yamam ta Yesu. 2U damas maɗii feɗet ni, asi tuɗ kay us Yesu. 3Asi joɓ tasi ana, «Sa hin tuɗ lagaɗaygi ɦinira ki fun zulla ni gege?»
4Asi tli irisi kolo na ni, ɦinira ŋgol ndaɗta ki lagaɗi keŋ zulla. 5Asi sel ha hu zulla ni, fi goozoŋŋa kaki bik njuf u baraw ma haɓma tamu. Asi wam na ni, mbuɗ ndaana cocoo. 6Nam dasi ana, «Lagi ndaaɗi. Agi halagi ni Yesu ma Nazaretna, ma ɓalam ki na, nam ka tanɗi, paɗ ki kolo iiri wa. Gologiya! ni lii ma asi gam gin huna. 7Agi tuɗ di suu haɗi mamsina gi Piyer ana, Nam tuɗ ha fokogi hu mbassa Galilera, agi hin fam huwa, ko nam dagi fok jewra na.»
8Asi sel ay ki fun zulla sel ni, yow liŋŋa, tasi tuɗusi dukuk dukuk ko ndaana. Asi di ka ki maŋ saɗi ko ndaana.
Yesu tak tam ii Mari ta Magdalara
(Matiye 28.9-10; Jaŋ 20.11-18)
[9Maɗii feɗet u damassa nam paɗ ay kolora nam tak tam maŋ Mari ta Magdalara, ta nam dikiɗ fuli suu cona ki kaɗ kiɗisiyara. 10Ndaɗ tuɗ di ki maŋ suu haɗi mamsina, fasi ni hurusi haɗa, asi tii lay. 11Asi hum ki ana Yesu ki iiriya, ndaɗ wam ay u iriɗu lay ni, asi ka vaɗ vunuɗɗi.
Yesu tak tam ii suu haɗi suu mba'
(Luk 24.13-35)
12Ŋgoo daganda suu haɗi suu mba', hin Yerusalem ki tani, yow a tuɗ hu zi ma daŋŋa. Yesu tak tam ki irisiya, mbuɗ tam ki zeɗ. 13Asi hoŋ ay, mba di maŋ suu hiŋŋa, asi vasi vunusi kaɗi lay.
Yesu tak tam ki ii suu haɗi suu doogo yam dewna
(Matiye 28.16-20; Luk 24.36-49; Jaŋ 20.19-23; Sunda 1.6-8)
14Ŋgoo daganda suu haɗi suu doogo yam dewna ti funa wa ni, Yesu tak tam ki irisiya. Nam yalasi kay hurusi ma ka tini kambina. Asi min ka vi vun suu wam ay u irisinaɗira lay. 15Nam hin dasi ana, «Tuɗugi ha ki kay yam mbassa halaŋ, dagi Boy ma Ayra ki maŋ suuna halaŋ. 16Sa ma tin hurum kanna, fi batemma lay, nam hin suɗ kiyo. Sa ma tin hurum ka kanɗina ɓakŋa hin vamu. 17Gola! ni dlara mbuɗta hin tak suu tin hurusi kanna kira. Asi hin dik fuli suu cona ki u senu. Asi hin ɓak vun ma wilina lay. 18Asi hin yow guygina kosi lay, ka lasi vaɗi. Asi ci kumu ma casi kina lay ni, ka lasi vaɗi. Asi hin tin kosi kay suu tuguɗira na ni, asi garaɗ ki gaw.»
Yesu hoŋ kolo eg Bum Lona
(Luk 24.50-53; Sunda 1.9-11)
19Bu Suuna Yesu vunum ndi kaŋga may ni, tuɗ kolo vi Bum Lona gaw, kak kay bikim ma njufna. 20Suu haɗina tuɗ ki a di Boy ma Ayra kay yam mbassa halaŋ. Bu Suuna li sunda u asiya, mbuɗusi boy masina ki gasi u dlara mbuɗta nam ɦasira ay kosira may.]
Currently Selected:
MARK 16: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
MARK 16
16
Yesu paɗ ki kolo iiriya
(Matiye 28.1-8; Luk 24.1-12; Jaŋ 20.1-10)
1Buu ma vi Lonna jak ki jakŋi, Mari ta Magdalara u Mari su Jak may, Salome may, gus mbul ma hisna kosi gus ni, a tuɗ yamam ta Yesu. 2U damas maɗii feɗet ni, asi tuɗ kay us Yesu. 3Asi joɓ tasi ana, «Sa hin tuɗ lagaɗaygi ɦinira ki fun zulla ni gege?»
4Asi tli irisi kolo na ni, ɦinira ŋgol ndaɗta ki lagaɗi keŋ zulla. 5Asi sel ha hu zulla ni, fi goozoŋŋa kaki bik njuf u baraw ma haɓma tamu. Asi wam na ni, mbuɗ ndaana cocoo. 6Nam dasi ana, «Lagi ndaaɗi. Agi halagi ni Yesu ma Nazaretna, ma ɓalam ki na, nam ka tanɗi, paɗ ki kolo iiri wa. Gologiya! ni lii ma asi gam gin huna. 7Agi tuɗ di suu haɗi mamsina gi Piyer ana, Nam tuɗ ha fokogi hu mbassa Galilera, agi hin fam huwa, ko nam dagi fok jewra na.»
8Asi sel ay ki fun zulla sel ni, yow liŋŋa, tasi tuɗusi dukuk dukuk ko ndaana. Asi di ka ki maŋ saɗi ko ndaana.
Yesu tak tam ii Mari ta Magdalara
(Matiye 28.9-10; Jaŋ 20.11-18)
[9Maɗii feɗet u damassa nam paɗ ay kolora nam tak tam maŋ Mari ta Magdalara, ta nam dikiɗ fuli suu cona ki kaɗ kiɗisiyara. 10Ndaɗ tuɗ di ki maŋ suu haɗi mamsina, fasi ni hurusi haɗa, asi tii lay. 11Asi hum ki ana Yesu ki iiriya, ndaɗ wam ay u iriɗu lay ni, asi ka vaɗ vunuɗɗi.
Yesu tak tam ii suu haɗi suu mba'
(Luk 24.13-35)
12Ŋgoo daganda suu haɗi suu mba', hin Yerusalem ki tani, yow a tuɗ hu zi ma daŋŋa. Yesu tak tam ki irisiya, mbuɗ tam ki zeɗ. 13Asi hoŋ ay, mba di maŋ suu hiŋŋa, asi vasi vunusi kaɗi lay.
Yesu tak tam ki ii suu haɗi suu doogo yam dewna
(Matiye 28.16-20; Luk 24.36-49; Jaŋ 20.19-23; Sunda 1.6-8)
14Ŋgoo daganda suu haɗi suu doogo yam dewna ti funa wa ni, Yesu tak tam ki irisiya. Nam yalasi kay hurusi ma ka tini kambina. Asi min ka vi vun suu wam ay u irisinaɗira lay. 15Nam hin dasi ana, «Tuɗugi ha ki kay yam mbassa halaŋ, dagi Boy ma Ayra ki maŋ suuna halaŋ. 16Sa ma tin hurum kanna, fi batemma lay, nam hin suɗ kiyo. Sa ma tin hurum ka kanɗina ɓakŋa hin vamu. 17Gola! ni dlara mbuɗta hin tak suu tin hurusi kanna kira. Asi hin dik fuli suu cona ki u senu. Asi hin ɓak vun ma wilina lay. 18Asi hin yow guygina kosi lay, ka lasi vaɗi. Asi ci kumu ma casi kina lay ni, ka lasi vaɗi. Asi hin tin kosi kay suu tuguɗira na ni, asi garaɗ ki gaw.»
Yesu hoŋ kolo eg Bum Lona
(Luk 24.50-53; Sunda 1.9-11)
19Bu Suuna Yesu vunum ndi kaŋga may ni, tuɗ kolo vi Bum Lona gaw, kak kay bikim ma njufna. 20Suu haɗina tuɗ ki a di Boy ma Ayra kay yam mbassa halaŋ. Bu Suuna li sunda u asiya, mbuɗusi boy masina ki gasi u dlara mbuɗta nam ɦasira ay kosira may.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.