MATIYE 14
14
Miɗna vi Jaŋ ma mbus batemma maŋ suuna
(Mark 6.14-29; Luk 9.7-9)
1Hu li namma Herod, Mul ma Galilena, hum dla Yesu. 2Nam di suu mamma ana, «Jaŋ ma mbus batemma maŋ suuna paɗ ay ki kolo iiri ni namu. Nam li dlara mbuɗta ni kay ndaɗta.»
3-4Jaŋ di Herod ana, «Aŋ ndak ka tli caŋ wayaŋŋara ki uŋ bay nam miɗɗi.» Nam di na ni, kay Herod vi Herodiad caŋ wayamma, Filip, ki umba. Herod hum na ni, nam sun suuna, vam Jaŋ aya njunum u zewna, gam daŋgayna. 5Herod hurum gin a cam kiyo, nam li ndaana, ko suuna halaŋ gol Jaŋ ko sa jok vun Lonna na.
6Fali taa dew Herod tin luuna kay buu ma nam vuɗ huna. Goŋ Herodiadta ndi ay pii njoŋŋa fok suuna. Ndaɗ luu jivi ii Herod ɦay. 7Nam suu tam ki ana tlege suu ndaɗ joɓomsina halaŋŋi, nam ɦaɗsina. 8Goora suɗ cakaɗ vunuɗ ki jew cakŋi, ndaɗ joɓom ana, «Ҥan yam Jaŋ ay kon hu ŋgalna tani.» 9Mulna hurum haɗ cocoo. Nam min ka a dooroɗɗi, ni kay vunum kal suu tam ki fok suu nam yasina halaŋga. Nam hurum vi a ɦaɗna yamu. 10Nam sun sana a tuɗ ka yam Jaŋ ma mbus batemma ay hu daŋgayna. 11Nam tli yamba ay kom hu ŋgalna, mba haɗ maŋ goora. Ndaɗ goora tuɗ haɗ maŋ suɗ gaw. 12Suu haɗina vi Jaŋ ma mbus batemma tuɗ tlam maɗam ay hu daŋgayna, pam pi ni, tuɗ njaɗ boy namma maŋ Yesu.
Yesu ɦal funa maŋ suuna bup bup vadl
(Mark 6.30-44; Luk 9.10-17; Jaŋ 6.1-14)
13Yesu hum boy namma hummi, ful hu lumba, sii ha ki kay tasi u suu mamsina. Suu bolowna hum ana nam ha ki tana ni, asi cuɗum um ha fun lumma. 14Yesu cuk ki kaŋga hu lumba ca ni, gol irimu ni, suuna molira na ndil ndil. Asi mbuɗ irim hahawi, nam garaɗasi suu masi suu tuguɗira kiyo.
15Fiɗigira mba mba ni, suu haɗi mamsina ɦuɗ tasi egem, dam ana, «Aygi duk gura ni, faɗta su ni suya. Di suuna, asi mbee voo, hal tina funusiya.» 16Yesu hoŋosi dira ana, «Asi mbee voo ni, ka jiviɗi. Agi ɦasi tina ni agiya.» 17Asi dam ana, «Funa komi ni vadl, kulufna mba' daŋ may.» 18Yesu dasi ana, «Ҥansina ay tani.»
19Nam di suuna ana asi lak kaŋga kay usuna. Yesu yow fu ma vadlna u kuluf ma mbana kom yow ni, tli irim kolo huulona, gi deɓ Lona kamu. Nam ɓorow ii funa ki ɓorow ni, ɦam maŋ suu haɗi mamsina ana asi ɓorowom ha ki maŋ suuna. 20Asi suuna ti funa, ndak ki u mayasi halaŋ. Suu haɗina taa u fu ma hinna, oy kaalamina doogo yam mba'. 21Asi suu ti funa tew va ma bup bup vadl, ndum boyogina u kemba ka dukgi.
Yesu tuɗ kay mbona
(Mark 6.45-52; Jaŋ 6.15-21)
22Ŋgoo daganda Yesu ɦeɓ suu mamsina ana asi ful hu lumba, tuɗ ha fokom keŋ hiŋŋa. Hu li namma nam di suu hin egemma ana, «Tuɗugi voo.» 23Dukusi wal ki wal ni, nam ɗiŋ kolo kay ɦinira a cen Lona. Njeŋgera mba mba ni, nam hin vaydegemu. 24Lumba ɦuɗ ha ki duk na day ni, gijaŋ kibitliŋ coco, kayme babaana paɗ ɦay. 25Ŋgarapii ŋgolla wanni, Yesu gi tam tuɗ kay mbona, ɓaɗ suu haɗi mamsina. 26Asi wam tuɗ kay mbona na ni, mbuɗ ki ndaana gaw, ana va mbuɗ irisi ni mbuɗiya, gijaŋ ci lulura kolo ii ndaana. 27Yesu ɓakasi zak gaw ana, «Cukugi musukugi kaŋgaa. Ni anu. Lagi ndaaɗi.» 28Piyer gijaŋ ɓakŋa ana, «Bu Suuna, lini aŋu ni, dan aya, an tuɗ ha egeŋ kay mbona may.» 29Yesu dam ana, «Piyer mbaya.» Nam hin lumba ki tani, gi tam kay mbona a ŋgaf u Yesu gaw. 30Piyer wi bilna ka na ni, mbuɗ ndaana. Nam gijaŋ tluɓ kaŋga gaw, hin yi kolo ana, «Bu Suuna, suɗun kiyo.» 31Yesu maɗ kom maɗ ni, vam na zak, dam ana, «Aŋ li huruŋ na mbambaa, tin huruŋ kanɗi ni amege?»
32Asi ful u dlaasira jak hu lumba ful ni babaana coɓ ndiŋ gaw. 33Suu haɗina hu lumba wanni, goɓ kaŋga fok Yesu halaŋ, dam ana, «Gasi, aŋŋi Goŋ Lonna.»
Yesu garaɗ suu tuguɗira hu mbassa Genesaret kiyo
(Mark 6.53-56)
34Asi taɓa ay ki doŋ lumma taɓa ni, tew ki hu mbassa Genesaretta. 35Suu hu zi nammana wi Yesu wi ni, jokom dlam ha ki ɦoŋzina halaŋ, mbaaram suu tuguɗira ay egem bel bel. 36Asi joɓom ana nam hin suu tuguɗira ŋgenem vun baraw mamma. Suu ŋgenemma mbuɗ ki jivi halaŋ.
Currently Selected:
MATIYE 14: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
MATIYE 14
14
Miɗna vi Jaŋ ma mbus batemma maŋ suuna
(Mark 6.14-29; Luk 9.7-9)
1Hu li namma Herod, Mul ma Galilena, hum dla Yesu. 2Nam di suu mamma ana, «Jaŋ ma mbus batemma maŋ suuna paɗ ay ki kolo iiri ni namu. Nam li dlara mbuɗta ni kay ndaɗta.»
3-4Jaŋ di Herod ana, «Aŋ ndak ka tli caŋ wayaŋŋara ki uŋ bay nam miɗɗi.» Nam di na ni, kay Herod vi Herodiad caŋ wayamma, Filip, ki umba. Herod hum na ni, nam sun suuna, vam Jaŋ aya njunum u zewna, gam daŋgayna. 5Herod hurum gin a cam kiyo, nam li ndaana, ko suuna halaŋ gol Jaŋ ko sa jok vun Lonna na.
6Fali taa dew Herod tin luuna kay buu ma nam vuɗ huna. Goŋ Herodiadta ndi ay pii njoŋŋa fok suuna. Ndaɗ luu jivi ii Herod ɦay. 7Nam suu tam ki ana tlege suu ndaɗ joɓomsina halaŋŋi, nam ɦaɗsina. 8Goora suɗ cakaɗ vunuɗ ki jew cakŋi, ndaɗ joɓom ana, «Ҥan yam Jaŋ ay kon hu ŋgalna tani.» 9Mulna hurum haɗ cocoo. Nam min ka a dooroɗɗi, ni kay vunum kal suu tam ki fok suu nam yasina halaŋga. Nam hurum vi a ɦaɗna yamu. 10Nam sun sana a tuɗ ka yam Jaŋ ma mbus batemma ay hu daŋgayna. 11Nam tli yamba ay kom hu ŋgalna, mba haɗ maŋ goora. Ndaɗ goora tuɗ haɗ maŋ suɗ gaw. 12Suu haɗina vi Jaŋ ma mbus batemma tuɗ tlam maɗam ay hu daŋgayna, pam pi ni, tuɗ njaɗ boy namma maŋ Yesu.
Yesu ɦal funa maŋ suuna bup bup vadl
(Mark 6.30-44; Luk 9.10-17; Jaŋ 6.1-14)
13Yesu hum boy namma hummi, ful hu lumba, sii ha ki kay tasi u suu mamsina. Suu bolowna hum ana nam ha ki tana ni, asi cuɗum um ha fun lumma. 14Yesu cuk ki kaŋga hu lumba ca ni, gol irimu ni, suuna molira na ndil ndil. Asi mbuɗ irim hahawi, nam garaɗasi suu masi suu tuguɗira kiyo.
15Fiɗigira mba mba ni, suu haɗi mamsina ɦuɗ tasi egem, dam ana, «Aygi duk gura ni, faɗta su ni suya. Di suuna, asi mbee voo, hal tina funusiya.» 16Yesu hoŋosi dira ana, «Asi mbee voo ni, ka jiviɗi. Agi ɦasi tina ni agiya.» 17Asi dam ana, «Funa komi ni vadl, kulufna mba' daŋ may.» 18Yesu dasi ana, «Ҥansina ay tani.»
19Nam di suuna ana asi lak kaŋga kay usuna. Yesu yow fu ma vadlna u kuluf ma mbana kom yow ni, tli irim kolo huulona, gi deɓ Lona kamu. Nam ɓorow ii funa ki ɓorow ni, ɦam maŋ suu haɗi mamsina ana asi ɓorowom ha ki maŋ suuna. 20Asi suuna ti funa, ndak ki u mayasi halaŋ. Suu haɗina taa u fu ma hinna, oy kaalamina doogo yam mba'. 21Asi suu ti funa tew va ma bup bup vadl, ndum boyogina u kemba ka dukgi.
Yesu tuɗ kay mbona
(Mark 6.45-52; Jaŋ 6.15-21)
22Ŋgoo daganda Yesu ɦeɓ suu mamsina ana asi ful hu lumba, tuɗ ha fokom keŋ hiŋŋa. Hu li namma nam di suu hin egemma ana, «Tuɗugi voo.» 23Dukusi wal ki wal ni, nam ɗiŋ kolo kay ɦinira a cen Lona. Njeŋgera mba mba ni, nam hin vaydegemu. 24Lumba ɦuɗ ha ki duk na day ni, gijaŋ kibitliŋ coco, kayme babaana paɗ ɦay. 25Ŋgarapii ŋgolla wanni, Yesu gi tam tuɗ kay mbona, ɓaɗ suu haɗi mamsina. 26Asi wam tuɗ kay mbona na ni, mbuɗ ki ndaana gaw, ana va mbuɗ irisi ni mbuɗiya, gijaŋ ci lulura kolo ii ndaana. 27Yesu ɓakasi zak gaw ana, «Cukugi musukugi kaŋgaa. Ni anu. Lagi ndaaɗi.» 28Piyer gijaŋ ɓakŋa ana, «Bu Suuna, lini aŋu ni, dan aya, an tuɗ ha egeŋ kay mbona may.» 29Yesu dam ana, «Piyer mbaya.» Nam hin lumba ki tani, gi tam kay mbona a ŋgaf u Yesu gaw. 30Piyer wi bilna ka na ni, mbuɗ ndaana. Nam gijaŋ tluɓ kaŋga gaw, hin yi kolo ana, «Bu Suuna, suɗun kiyo.» 31Yesu maɗ kom maɗ ni, vam na zak, dam ana, «Aŋ li huruŋ na mbambaa, tin huruŋ kanɗi ni amege?»
32Asi ful u dlaasira jak hu lumba ful ni babaana coɓ ndiŋ gaw. 33Suu haɗina hu lumba wanni, goɓ kaŋga fok Yesu halaŋ, dam ana, «Gasi, aŋŋi Goŋ Lonna.»
Yesu garaɗ suu tuguɗira hu mbassa Genesaret kiyo
(Mark 6.53-56)
34Asi taɓa ay ki doŋ lumma taɓa ni, tew ki hu mbassa Genesaretta. 35Suu hu zi nammana wi Yesu wi ni, jokom dlam ha ki ɦoŋzina halaŋ, mbaaram suu tuguɗira ay egem bel bel. 36Asi joɓom ana nam hin suu tuguɗira ŋgenem vun baraw mamma. Suu ŋgenemma mbuɗ ki jivi halaŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.