DLAŊ LEVIRA 3
3
Ɓivun ma heɓpa
1«Hu li ma sana min a li ɓivun ma heɓpa ni, nam vi ni mbutl njuf kala, mbutl tama kala, nam ɦam maŋ Yawe ni va ma bay ŋgulla egemma. 2Sa namma tin kom kay yam va ma li ɓivunna, asi hin ŋgaɗam fun Mbutluɓ ma Tokka, goryoŋ Aaronna yam busuna ŋgufum ki kay givin ma togolla na cutl. 3Ɓivun ma heɓpa ma ŋgalam kina ni yow mbul ma kay yorotnana halaŋ a ŋgalam ki maŋ Yawera. 4Yow gilissa jak u mbul ma kaɗna halaŋ u mbul ma eg dudukkana may, tli dudukka ki vay taɗ may.#Kal. 29.13 5Muli suu li ɓivunna ŋgal tle asina kay kura hu givin ma togolla. Ni ɓivun ma lam maŋ Yawena, his ma jivi ii Yawena.
6«Lini a mbaa yoori suu gorina fok Yawe a li ɓivun ma heɓpa, lini ma njuf ɗowba tamaa ni, ɦal ni ɦu ma bay ŋgulla egemma. 7Lini a li ɓivun namma ni u timiina ni, mbaaram ay fok Yawe. 8Sa namma tin kom kay yam va ma li ɓivunna, asi hin ŋgaɗam fun Mbutluɓ ma Tokka, goryoŋ Aaronna yam busuna ŋgufum ki kay givin ma togolla na cutl. 9Ɓivun ma heɓpa namma ni, asi mba lii mbulna halaŋ fok Yawe, tli njawra ay halaŋ, paɗaɗ ay ni kolo hu guɗu ura na day, u mbul ma huu ɦunana halaŋ may. 10Yow gilissa jak u mbul ma kaɗna halaŋ u mbul ma eg dudukkana may, tli dudukka ki vay taɗ may. 11Ŋgoo dagan mul ma li ɓivunna ŋgal tle asina hu givin ma togolla. Ni ɓivun ma ŋgalam ki maŋ Yawena.#Lev. 21.8
12«Lini a li ɓivun namma ni u ɦuna ni mbaaram ay fok Yawe. 13Sa namma baa kom kay ɦu namma asi ŋgaɗam fun Mbutluɓ ma Tokka, goryoŋ Aaronna yam busuna ŋgufum ki kay givin ma togolla na cutl. 14Tlesuu a ŋgalasi ki maŋ Yawena ni, mbul ma huu ɦunana halaŋ yowomu, mbul ma kay yorotnana u ma ka u kaŋgana lay. 15Yow gilissa u mbul ma kaɗna halaŋ u mbul ma eg dudukkana may, hin dudukka ki kama. 16Ŋgoo dagan mul ma li ɓivunna ŋgal tle asina kay givin ma togolla. Ni ɓivun ma ŋgalam kina, his ma jivi ii Yawena.
«Mbul ma huu ɦunana halaŋŋi maŋ Yawe. 17Gaɗ ndaɗta hin ha kagi ni a fafaɗta, ha aragelay li ma agi ka huna ni, tliw ma tam u mbulna halaŋ agi komombi, kom mbulna u busunaɗi lay.»
Currently Selected:
DLAŊ LEVIRA 3: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
DLAŊ LEVIRA 3
3
Ɓivun ma heɓpa
1«Hu li ma sana min a li ɓivun ma heɓpa ni, nam vi ni mbutl njuf kala, mbutl tama kala, nam ɦam maŋ Yawe ni va ma bay ŋgulla egemma. 2Sa namma tin kom kay yam va ma li ɓivunna, asi hin ŋgaɗam fun Mbutluɓ ma Tokka, goryoŋ Aaronna yam busuna ŋgufum ki kay givin ma togolla na cutl. 3Ɓivun ma heɓpa ma ŋgalam kina ni yow mbul ma kay yorotnana halaŋ a ŋgalam ki maŋ Yawera. 4Yow gilissa jak u mbul ma kaɗna halaŋ u mbul ma eg dudukkana may, tli dudukka ki vay taɗ may.#Kal. 29.13 5Muli suu li ɓivunna ŋgal tle asina kay kura hu givin ma togolla. Ni ɓivun ma lam maŋ Yawena, his ma jivi ii Yawena.
6«Lini a mbaa yoori suu gorina fok Yawe a li ɓivun ma heɓpa, lini ma njuf ɗowba tamaa ni, ɦal ni ɦu ma bay ŋgulla egemma. 7Lini a li ɓivun namma ni u timiina ni, mbaaram ay fok Yawe. 8Sa namma tin kom kay yam va ma li ɓivunna, asi hin ŋgaɗam fun Mbutluɓ ma Tokka, goryoŋ Aaronna yam busuna ŋgufum ki kay givin ma togolla na cutl. 9Ɓivun ma heɓpa namma ni, asi mba lii mbulna halaŋ fok Yawe, tli njawra ay halaŋ, paɗaɗ ay ni kolo hu guɗu ura na day, u mbul ma huu ɦunana halaŋ may. 10Yow gilissa jak u mbul ma kaɗna halaŋ u mbul ma eg dudukkana may, tli dudukka ki vay taɗ may. 11Ŋgoo dagan mul ma li ɓivunna ŋgal tle asina hu givin ma togolla. Ni ɓivun ma ŋgalam ki maŋ Yawena.#Lev. 21.8
12«Lini a li ɓivun namma ni u ɦuna ni mbaaram ay fok Yawe. 13Sa namma baa kom kay ɦu namma asi ŋgaɗam fun Mbutluɓ ma Tokka, goryoŋ Aaronna yam busuna ŋgufum ki kay givin ma togolla na cutl. 14Tlesuu a ŋgalasi ki maŋ Yawena ni, mbul ma huu ɦunana halaŋ yowomu, mbul ma kay yorotnana u ma ka u kaŋgana lay. 15Yow gilissa u mbul ma kaɗna halaŋ u mbul ma eg dudukkana may, hin dudukka ki kama. 16Ŋgoo dagan mul ma li ɓivunna ŋgal tle asina kay givin ma togolla. Ni ɓivun ma ŋgalam kina, his ma jivi ii Yawena.
«Mbul ma huu ɦunana halaŋŋi maŋ Yawe. 17Gaɗ ndaɗta hin ha kagi ni a fafaɗta, ha aragelay li ma agi ka huna ni, tliw ma tam u mbulna halaŋ agi komombi, kom mbulna u busunaɗi lay.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.