HEBRENA 3
3
Yesu ŋgol su Moiz
1Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta. 2Nam vi vun Lona ay ɗegee u sunda nam tinim kaɗta, ko Moiz ay ɗegee u sun mamba nam laɗta halaŋ hu zira vi Lona na may. 3Sa ma min zirana fi ŋgara ŋgolo su zira nam miniɗta. Ni Yesu ndaki a fi ŋgara ŋgol sura vi Moizza. 4Ziginina halaŋŋi malayasi suu minisina kaa. Doli Lona ni sa ma min tlena halaŋŋa. 5Moiz hu sun mamba ni nam ay ɗegee hu zira vi Lona halaŋ, nammi sa ma vun sunda a di ki kay va ma Lona hin a dam ha fokŋa. 6Kristu ay ɗegee kay nammi Goona tini a ŋgolla hu zira vi Lonara. Aygi ni ziimba, lini aygi vam dlaamba huruygiya ni tiniygi huruygi kay viiygi ndaɗta.
Li ma koɗ tara ka kay suu vi Lonna
7Ni kay ndaɗta Musuk Lonara di anaba,
«Lini agi hum del Lona karam wani,
8ŋgel humugi ki ko agi ŋgelegi humugi ki
hu buu ma agi duu u Lonara naɗi,
ko buu ma agi tukum ay ŋgoo bagina naɗi.
9«Lona di ana ay hu li namma ni somoyogi ndemenu tukun u boyna lay.
Asi wi sunda an laɗ u asi
basara dok fiɗira ki jivi lay.
10Ni kay ndaɗta an mbuɗ yara eg suu asina,
an di ana asi ganyam tasi
hu saa masira tew tew.
Asi wan voɗ manda kaɗi.
11An mbuɗ yara, suu tan anaba,
asi ka a cuk hu li ma
suuna koɗ tasi hu egennaɗi.»
12Gologi tagi jiviya gorsenna a sa dukugi mba li hurum coo, bay vira a hin Lona ma irina kiɗi. 13Ni na ɗow ana gaɗ tagi duk tagi hu buuna tew tew, ay jew day day lay karam lay magaara ka daygiya sa ma dukugi mba ganyam tam a cora mba ŋgelem humum kiɗi. 14Aygi ni ndarayaŋ Kristuna, lini aygi goloygi viiygira ay jew dayra na gak gaki ni.
15Gologiya va ma magaara damma anaba,
«Lini agi hum del Lona karam wa ni,
ŋgelegi humugi ki ko agi ŋgelegi humugi
hu buu ma agi duu u Lonara naɗi.»
16Suu hum del Lona hin ŋgel humusi kina ni suurage? Ni suu Moiz tuɗ u asi hin Egipte ha kina. 17Suu huu Lona ɓeŋ egesi basara dok fiɗina ni suurage? Hurum ɓeŋ ki eg suu li cora, miɗ ki ŋgoo bagina. 18Hu li ma Lona suu tam ana, «Asi ka a cuk hu li ma suuna koɗ tasi egen hunaɗi.» Ni nam di ni maŋ suurage? Nam di ni maŋ suu duu ay u namma. 19Aygi wi anaba asi ndak ka a cuk huɗi ni kay asi vi kaɗi.
Currently Selected:
HEBRENA 3: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.
HEBRENA 3
3
Yesu ŋgol su Moiz
1Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta. 2Nam vi vun Lona ay ɗegee u sunda nam tinim kaɗta, ko Moiz ay ɗegee u sun mamba nam laɗta halaŋ hu zira vi Lona na may. 3Sa ma min zirana fi ŋgara ŋgolo su zira nam miniɗta. Ni Yesu ndaki a fi ŋgara ŋgol sura vi Moizza. 4Ziginina halaŋŋi malayasi suu minisina kaa. Doli Lona ni sa ma min tlena halaŋŋa. 5Moiz hu sun mamba ni nam ay ɗegee hu zira vi Lona halaŋ, nammi sa ma vun sunda a di ki kay va ma Lona hin a dam ha fokŋa. 6Kristu ay ɗegee kay nammi Goona tini a ŋgolla hu zira vi Lonara. Aygi ni ziimba, lini aygi vam dlaamba huruygiya ni tiniygi huruygi kay viiygi ndaɗta.
Li ma koɗ tara ka kay suu vi Lonna
7Ni kay ndaɗta Musuk Lonara di anaba,
«Lini agi hum del Lona karam wani,
8ŋgel humugi ki ko agi ŋgelegi humugi ki
hu buu ma agi duu u Lonara naɗi,
ko buu ma agi tukum ay ŋgoo bagina naɗi.
9«Lona di ana ay hu li namma ni somoyogi ndemenu tukun u boyna lay.
Asi wi sunda an laɗ u asi
basara dok fiɗira ki jivi lay.
10Ni kay ndaɗta an mbuɗ yara eg suu asina,
an di ana asi ganyam tasi
hu saa masira tew tew.
Asi wan voɗ manda kaɗi.
11An mbuɗ yara, suu tan anaba,
asi ka a cuk hu li ma
suuna koɗ tasi hu egennaɗi.»
12Gologi tagi jiviya gorsenna a sa dukugi mba li hurum coo, bay vira a hin Lona ma irina kiɗi. 13Ni na ɗow ana gaɗ tagi duk tagi hu buuna tew tew, ay jew day day lay karam lay magaara ka daygiya sa ma dukugi mba ganyam tam a cora mba ŋgelem humum kiɗi. 14Aygi ni ndarayaŋ Kristuna, lini aygi goloygi viiygira ay jew dayra na gak gaki ni.
15Gologiya va ma magaara damma anaba,
«Lini agi hum del Lona karam wa ni,
ŋgelegi humugi ki ko agi ŋgelegi humugi
hu buu ma agi duu u Lonara naɗi.»
16Suu hum del Lona hin ŋgel humusi kina ni suurage? Ni suu Moiz tuɗ u asi hin Egipte ha kina. 17Suu huu Lona ɓeŋ egesi basara dok fiɗina ni suurage? Hurum ɓeŋ ki eg suu li cora, miɗ ki ŋgoo bagina. 18Hu li ma Lona suu tam ana, «Asi ka a cuk hu li ma suuna koɗ tasi egen hunaɗi.» Ni nam di ni maŋ suurage? Nam di ni maŋ suu duu ay u namma. 19Aygi wi anaba asi ndak ka a cuk huɗi ni kay asi vi kaɗi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.