URA TIN AYRA 45
45
Yosef tak tam ki ii gorsemma
1Yosef ka ndak a doo tam ii suu laki egemma oloɗi. Nam ɓak kolo eŋga ana cuk suuna ki kiɗik halaŋ. Nam tak tam ii gorsemma na ni sa hin ka usi kalafi dew oloɗi.#Sun. 7.13 2Nam tli delem kolo tiina, suu Egiptena hum ha ki lay, suu ha vo vi Farawna hum ha ki lay. 3Yosef di gorsemma ana, «Ni an Yosef. Bun ka iiri tu su?» Gorsemma ka ndak a hoŋom dira oloɗi kay asi wam na ni mbuɗ ki ndaa cocoo.
4Yosef dasi ana, «Ҥuɗ tagi ay egenu.» Asi ɦuɗ tasi aya. Nam dasi ana, «Ni an wayagina, Yosef, ma agi gusum ki ko suu Egiptena. 5Cemi wanda yoorogi tagiɗi, hurugi haɗ ana agi gusun ay ki mbaaran ay ki taniraɗi, Lona sunun ay ki fokogi ni a suɗugi iiri magira. 6Mayra li basara ki ca ni mba', hin fok basara vadl ni sa ka horokgi lay, ka feɗ waɗi lay. 7Lona sunun ay ki fokogi ni a dokogi njafagi kay ndaŋgara, nam suɗugi iiri magira kini suɗta ŋgolla. 8Agi sunun ay ka tani ni ka agiɗi, sunun ay ni Lona, nam tinin a sa ŋgolna vi Faraw, dlara hu ziimba halaŋŋi konu. Anni a mulna kay mbassa Egiptera halaŋ.
9«Ɓaɗagi zak hoŋogi eg bunu, agi dam ana gooŋŋa Yosef ɓak ay ana, Lona tinin a ŋgolla hu mbassa Egiptera, aŋ mbay egen tani vi yaŋ ayɗi.#Sun. 7.14 10Aŋ hin mba cukŋi hu mbassa Gosenda egen tani na tok, aŋ taŋga, goryoŋu, u gor ŋgologi maŋsina u tlegeyeŋ halaŋ. 11Ni an hin ɦaŋ tina u yoori maŋsina halaŋ. Kay mayra hin a cini basara vadl tuwa. Ni va hin ka laŋgi, aŋ u suu maŋsina halaŋ, u tlegeyeŋ lay.
12«Agi wanni u tagira lay, wayanna Benjamin wan u irim lay. Ɓakagi ni an tanda Yosef daŋ may. 13Cuɗugi dla ŋgol manda hu Egiptera ki maŋ bun halaŋ u tlesuu agi wasi u irigina lay. Agi hin mbaaragi bun ay tani na zak.»
Yakob hin tuɗ hu Egipte
14Nam mboɗ wayamma Benjamin hurum mboɗni tiira, Benjamin tii may. 15Nam furi gorsem suu hiŋŋa halaŋ u tiina. Ŋgoo dagan gorsemma lak njaɗ u namu.
Faraw yi Yakob ay hu Egipte
16Vunna kal ha ki vi Faraw ana, «Gorseŋ Yosefna mba wa.» Boy namma jivi ii Faraw u suu mam suu ŋgolona cocoo. 17Faraw di Yosef ana, «Di gorseŋŋa asi li ko wanda na, yowogi tlegeyegi kay korro magira, tuɗugi vo Kanaan. 18Yowogi bugi ay u suu magina halaŋ mbaagi ay egen tani. An hin ɦagi li ma jivi hu Egiptena ni magiya, agi hin tagi mbul ndaŋgara ni agiya.
19«Aŋ gaɗasi ana asi li ko wanda naa, yowogi kulumi suu pus pusna yow goryogi u boyogogi aya, yow bugi ay mberegi ay tani. 20Saaragi kay tlesuu agi hinisi ha kinaɗi, kay tlesuu jivi suu hu mbassa Egiptera ni magiya.»
21Goryoŋ Israelna li ko ndaɗta na may. Yosef ɦasi kulumi suu pus pusna ko Faraw dira na may, nam ɦasi tlesuu ti ha voɗna may. 22Nam ɦasi baraw ma cukka tasi dew dew halaŋ. Benjamin nam ɦam gursu silira kis kis hindi, ɦam barawna ii cukka vadl may. 23Nam sun korra ha doogo u tlesuu jivi suu hu Egiptena ha maŋ bumu, korro hiŋga doogo u wana u tlesuu tira suu bum hin tasi ay irim voɗna may. 24Nam hin gorsemma tuɗa, gaɗasi ana, «Lagi honi ha voɗɗi.»
25Asi yow ay Egipte tew vo hu mbassa Kanaanda eg busi Yakob. 26Asi dam ana, «Yosef ka iiri tuwa, nam a ŋgolla hu mbassa Egiptera ni namu.» Yakob seŋ tam di va kaɗi, kay nam vi ka u boy masina tuɗi. 27Asi cuɗum boy ma Yosef dasina ayna halaŋ. Nam wi kulumi suu pus pusna suu Yosef sunusi ay kay a yowom hana na ni, gijaŋ a vasi boy masina. 28Israel di ana, «Ndak wa na ga, goonna Yosef ka iiriya, an tuɗ wam ki jew u iiri tan gaw.»
Currently Selected:
URA TIN AYRA 45: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
URA TIN AYRA 45
45
Yosef tak tam ki ii gorsemma
1Yosef ka ndak a doo tam ii suu laki egemma oloɗi. Nam ɓak kolo eŋga ana cuk suuna ki kiɗik halaŋ. Nam tak tam ii gorsemma na ni sa hin ka usi kalafi dew oloɗi.#Sun. 7.13 2Nam tli delem kolo tiina, suu Egiptena hum ha ki lay, suu ha vo vi Farawna hum ha ki lay. 3Yosef di gorsemma ana, «Ni an Yosef. Bun ka iiri tu su?» Gorsemma ka ndak a hoŋom dira oloɗi kay asi wam na ni mbuɗ ki ndaa cocoo.
4Yosef dasi ana, «Ҥuɗ tagi ay egenu.» Asi ɦuɗ tasi aya. Nam dasi ana, «Ni an wayagina, Yosef, ma agi gusum ki ko suu Egiptena. 5Cemi wanda yoorogi tagiɗi, hurugi haɗ ana agi gusun ay ki mbaaran ay ki taniraɗi, Lona sunun ay ki fokogi ni a suɗugi iiri magira. 6Mayra li basara ki ca ni mba', hin fok basara vadl ni sa ka horokgi lay, ka feɗ waɗi lay. 7Lona sunun ay ki fokogi ni a dokogi njafagi kay ndaŋgara, nam suɗugi iiri magira kini suɗta ŋgolla. 8Agi sunun ay ka tani ni ka agiɗi, sunun ay ni Lona, nam tinin a sa ŋgolna vi Faraw, dlara hu ziimba halaŋŋi konu. Anni a mulna kay mbassa Egiptera halaŋ.
9«Ɓaɗagi zak hoŋogi eg bunu, agi dam ana gooŋŋa Yosef ɓak ay ana, Lona tinin a ŋgolla hu mbassa Egiptera, aŋ mbay egen tani vi yaŋ ayɗi.#Sun. 7.14 10Aŋ hin mba cukŋi hu mbassa Gosenda egen tani na tok, aŋ taŋga, goryoŋu, u gor ŋgologi maŋsina u tlegeyeŋ halaŋ. 11Ni an hin ɦaŋ tina u yoori maŋsina halaŋ. Kay mayra hin a cini basara vadl tuwa. Ni va hin ka laŋgi, aŋ u suu maŋsina halaŋ, u tlegeyeŋ lay.
12«Agi wanni u tagira lay, wayanna Benjamin wan u irim lay. Ɓakagi ni an tanda Yosef daŋ may. 13Cuɗugi dla ŋgol manda hu Egiptera ki maŋ bun halaŋ u tlesuu agi wasi u irigina lay. Agi hin mbaaragi bun ay tani na zak.»
Yakob hin tuɗ hu Egipte
14Nam mboɗ wayamma Benjamin hurum mboɗni tiira, Benjamin tii may. 15Nam furi gorsem suu hiŋŋa halaŋ u tiina. Ŋgoo dagan gorsemma lak njaɗ u namu.
Faraw yi Yakob ay hu Egipte
16Vunna kal ha ki vi Faraw ana, «Gorseŋ Yosefna mba wa.» Boy namma jivi ii Faraw u suu mam suu ŋgolona cocoo. 17Faraw di Yosef ana, «Di gorseŋŋa asi li ko wanda na, yowogi tlegeyegi kay korro magira, tuɗugi vo Kanaan. 18Yowogi bugi ay u suu magina halaŋ mbaagi ay egen tani. An hin ɦagi li ma jivi hu Egiptena ni magiya, agi hin tagi mbul ndaŋgara ni agiya.
19«Aŋ gaɗasi ana asi li ko wanda naa, yowogi kulumi suu pus pusna yow goryogi u boyogogi aya, yow bugi ay mberegi ay tani. 20Saaragi kay tlesuu agi hinisi ha kinaɗi, kay tlesuu jivi suu hu mbassa Egiptera ni magiya.»
21Goryoŋ Israelna li ko ndaɗta na may. Yosef ɦasi kulumi suu pus pusna ko Faraw dira na may, nam ɦasi tlesuu ti ha voɗna may. 22Nam ɦasi baraw ma cukka tasi dew dew halaŋ. Benjamin nam ɦam gursu silira kis kis hindi, ɦam barawna ii cukka vadl may. 23Nam sun korra ha doogo u tlesuu jivi suu hu Egiptena ha maŋ bumu, korro hiŋga doogo u wana u tlesuu tira suu bum hin tasi ay irim voɗna may. 24Nam hin gorsemma tuɗa, gaɗasi ana, «Lagi honi ha voɗɗi.»
25Asi yow ay Egipte tew vo hu mbassa Kanaanda eg busi Yakob. 26Asi dam ana, «Yosef ka iiri tuwa, nam a ŋgolla hu mbassa Egiptera ni namu.» Yakob seŋ tam di va kaɗi, kay nam vi ka u boy masina tuɗi. 27Asi cuɗum boy ma Yosef dasina ayna halaŋ. Nam wi kulumi suu pus pusna suu Yosef sunusi ay kay a yowom hana na ni, gijaŋ a vasi boy masina. 28Israel di ana, «Ndak wa na ga, goonna Yosef ka iiriya, an tuɗ wam ki jew u iiri tan gaw.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.