KALKIRA 6
6
1Yawe di Moiz ana, «Cemi aŋ hin wi dlara an hin a laɗ eg Farawda. Nam hin hinisi tuɗ ki ni u doolera, nam hin dikisi ay ki hu mbas mamba ni u saɓakŋa.»
Bu Suuna hoŋ yi Moiz a mbara
2Lona ɓak Moiz dam ana, «Anni Yawe.#Ura 17.1; 28.3; 35.11; Kal. 3.13-15 3An tak tan ay ki ii Abraham, ii Isaak, ii Yakob ni El Saday#6.3 El Saday U vun hebrena El Saday di ana Lo ma Saɓakŋa., na may an tak tan ka irisi u sen ma Yawe naɗi. 4An vi galamba u asi ni a ɦasi mbassa Kanaanda, mbassa asi poy hura ta asi huruɗ ko koygina nara. 5Hu li ma an hum tii ma vi suu Israelna ma suu Egiptena ka lasasina, humun gan kay galam manda. 6Kay ndaɗta aŋ di suu Israelna ana, ni an Yawe. An hin paɗagi ki hu lassa suu Egiptena ka lasagira, an hin buɗugi ki ko mbaɓura, an hin saagi sugulugi ni u saɓakŋa u eŋga.
7«An hin mbuɗugi ki ni a suu mansina, an hin li ni a Loogina may. Agi hin wi ki ana, anni Yawe, ni Loogina, ni sa ma buɗugi ay ki ko lassa Egiptera.
8«An hin tuɗugi ki hu mbassa an suu tan ɦaɗ maŋ Abraham, maŋ Isaak, maŋ Yakobpa. An hin ɦagira ni magiya, ni An Yawe».
9Moiz njaɗ boy namma maŋ suu Israelna lay ni asi ka min humumbi kay lassa su ki kasi cocoo.
10Yawe di Moiz ana, 11«Tuɗ di Faraw, mul ma Egiptena, nam hin suu Israelna cuk ki hu mbas mamba.» 12Moiz ɓak fok Yawe ana, «Gola suu Israelna ka min a humun vununɗi, na ni nam Faraw hin humunni nanage? An sa ma vunun ka ɓak ki jiviɗina.»
13Yawe di Moiz u Aaron ɦasi gaɗta ay maŋ suu Israelna, maŋ mulna Faraw lay ni kay a cuk suu Israelna ki hu mbassa Egiptera.
Sem somoyoŋ Moiz u Aaronna
14Gola ni muli suu ka fokosi hu deeresina. Goryoŋ Ruben ma goo ŋgol ma vi Israelna, Henok u Pallu, Hetsron u Karmi. Ni njaf suu vi Rubenna. 15Goryoŋ Simeonna ni Yemuel Yamin, Ohad, Yakin, Sohar u Saul ni goryoŋ goora Kanaanda ni asi njaf suu vi Simeonna. 16Gola ni sem goryoŋ Levina u njafasiya. Gerkon, Kehat u Merari. Levi basa kay ndaŋgara ni kis duk dok-hindi yam kiɗisiya.#Ndu. 3.17-20; 26.57-58; 1 Dlaŋ 6.16-19 17Goryoŋ Gerkonna ni Libni u Simey u deeresiya. 18Goryoŋ Kehatna ni Amram, Isar, Hebron, u Uziyel. Kehat basa kay ndaŋgara ni kis duk dok-hindi yam hindi. 19Goryoŋ Mararina ni Mahli u Musi. Njaf ma vi Levina u deeresi ni na.
20Amram ɗum a cara ni mbayamba, Yokebed, ndaɗ vuɗum gorra mba' ni Aaron u Moiz. Amram basa kay ndaŋgara ni kis duk dok-hindi yam kiɗisiya. 21Goryoŋ Isarna ni Kore, Nefeg u Zikri. 22Goryoŋ Uziyelna ni Mikael, Elsafan u Sitri.
23Aaron ɗum caamba ni Eliseba ta goŋ Aminadabba, ni wayaŋ Nakonda ndaɗ vuɗum fiɗi, Nadab, Abihu, Eleazar u Itamar. 24Goryoŋ Korena ni Asir, Elkana, u Abiyasaf. Ni asi njaf ma vi Korena. 25Eleazar ma goŋ Aaronna vi a cara ni goŋ Putiyella, ndaɗ vuɗum goona yam ana Pinhas. Ni asi njaf suu ŋgolo suu vi Levina u deeresiya.
26Gola ni Aaron u Moiz suu Yawe dasi ana cuk suu Israelna ay ki hu mbassa Egipterana ko ndal suu duuna na. 27Asi ni suu njaɗ maŋ Faraw mul ma Egiptena a cuk suu Israelna ay kina. Ni asi gi Moiz u Aaron.
Boy ma Bu Suuna dam maŋ Moiz u Aaronna
28Hu buu ma Yawe ɓak Moiz hu mbassa Egiptera ni 29buu ma nam ɓak Moiz nana «Ni an Yawe, aŋ tuɗ di dlara an daŋgara ki maŋ Faraw mul ma Egiptena halaŋ.» 30Moiz ɓak fok Yawe ana, «An vunun ka ɓak jiviɗi may ni Faraw hin humun vunun su?»
Currently Selected:
KALKIRA 6: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
KALKIRA 6
6
1Yawe di Moiz ana, «Cemi aŋ hin wi dlara an hin a laɗ eg Farawda. Nam hin hinisi tuɗ ki ni u doolera, nam hin dikisi ay ki hu mbas mamba ni u saɓakŋa.»
Bu Suuna hoŋ yi Moiz a mbara
2Lona ɓak Moiz dam ana, «Anni Yawe.#Ura 17.1; 28.3; 35.11; Kal. 3.13-15 3An tak tan ay ki ii Abraham, ii Isaak, ii Yakob ni El Saday#6.3 El Saday U vun hebrena El Saday di ana Lo ma Saɓakŋa., na may an tak tan ka irisi u sen ma Yawe naɗi. 4An vi galamba u asi ni a ɦasi mbassa Kanaanda, mbassa asi poy hura ta asi huruɗ ko koygina nara. 5Hu li ma an hum tii ma vi suu Israelna ma suu Egiptena ka lasasina, humun gan kay galam manda. 6Kay ndaɗta aŋ di suu Israelna ana, ni an Yawe. An hin paɗagi ki hu lassa suu Egiptena ka lasagira, an hin buɗugi ki ko mbaɓura, an hin saagi sugulugi ni u saɓakŋa u eŋga.
7«An hin mbuɗugi ki ni a suu mansina, an hin li ni a Loogina may. Agi hin wi ki ana, anni Yawe, ni Loogina, ni sa ma buɗugi ay ki ko lassa Egiptera.
8«An hin tuɗugi ki hu mbassa an suu tan ɦaɗ maŋ Abraham, maŋ Isaak, maŋ Yakobpa. An hin ɦagira ni magiya, ni An Yawe».
9Moiz njaɗ boy namma maŋ suu Israelna lay ni asi ka min humumbi kay lassa su ki kasi cocoo.
10Yawe di Moiz ana, 11«Tuɗ di Faraw, mul ma Egiptena, nam hin suu Israelna cuk ki hu mbas mamba.» 12Moiz ɓak fok Yawe ana, «Gola suu Israelna ka min a humun vununɗi, na ni nam Faraw hin humunni nanage? An sa ma vunun ka ɓak ki jiviɗina.»
13Yawe di Moiz u Aaron ɦasi gaɗta ay maŋ suu Israelna, maŋ mulna Faraw lay ni kay a cuk suu Israelna ki hu mbassa Egiptera.
Sem somoyoŋ Moiz u Aaronna
14Gola ni muli suu ka fokosi hu deeresina. Goryoŋ Ruben ma goo ŋgol ma vi Israelna, Henok u Pallu, Hetsron u Karmi. Ni njaf suu vi Rubenna. 15Goryoŋ Simeonna ni Yemuel Yamin, Ohad, Yakin, Sohar u Saul ni goryoŋ goora Kanaanda ni asi njaf suu vi Simeonna. 16Gola ni sem goryoŋ Levina u njafasiya. Gerkon, Kehat u Merari. Levi basa kay ndaŋgara ni kis duk dok-hindi yam kiɗisiya.#Ndu. 3.17-20; 26.57-58; 1 Dlaŋ 6.16-19 17Goryoŋ Gerkonna ni Libni u Simey u deeresiya. 18Goryoŋ Kehatna ni Amram, Isar, Hebron, u Uziyel. Kehat basa kay ndaŋgara ni kis duk dok-hindi yam hindi. 19Goryoŋ Mararina ni Mahli u Musi. Njaf ma vi Levina u deeresi ni na.
20Amram ɗum a cara ni mbayamba, Yokebed, ndaɗ vuɗum gorra mba' ni Aaron u Moiz. Amram basa kay ndaŋgara ni kis duk dok-hindi yam kiɗisiya. 21Goryoŋ Isarna ni Kore, Nefeg u Zikri. 22Goryoŋ Uziyelna ni Mikael, Elsafan u Sitri.
23Aaron ɗum caamba ni Eliseba ta goŋ Aminadabba, ni wayaŋ Nakonda ndaɗ vuɗum fiɗi, Nadab, Abihu, Eleazar u Itamar. 24Goryoŋ Korena ni Asir, Elkana, u Abiyasaf. Ni asi njaf ma vi Korena. 25Eleazar ma goŋ Aaronna vi a cara ni goŋ Putiyella, ndaɗ vuɗum goona yam ana Pinhas. Ni asi njaf suu ŋgolo suu vi Levina u deeresiya.
26Gola ni Aaron u Moiz suu Yawe dasi ana cuk suu Israelna ay ki hu mbassa Egipterana ko ndal suu duuna na. 27Asi ni suu njaɗ maŋ Faraw mul ma Egiptena a cuk suu Israelna ay kina. Ni asi gi Moiz u Aaron.
Boy ma Bu Suuna dam maŋ Moiz u Aaronna
28Hu buu ma Yawe ɓak Moiz hu mbassa Egiptera ni 29buu ma nam ɓak Moiz nana «Ni an Yawe, aŋ tuɗ di dlara an daŋgara ki maŋ Faraw mul ma Egiptena halaŋ.» 30Moiz ɓak fok Yawe ana, «An vunun ka ɓak jiviɗi may ni Faraw hin humun vunun su?»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.