KALKIRA 38
38
Tlesuu ki kiɗik ŋgoo mbutluɓmana.
Li ma ŋgaɗ ɓivunna, tassa ma mbussa u nduŋga.
1Ŋgoo dagan nam min givin ma togolla ma ŋgal ɓivun ma ŋgalam kina ni u gu akasiyana, fiyekemmi meter mba' u nus, hayammi meter mba' u nus lay, ni fun tam dew, wulum ma kolona ni meter dew u nus. 2Keŋem fiɗi halaŋ nam li mekka ki huwa. Nam hoo givin ma togolla tam ki u kawi ma tlawna. 3Nam yoo tlesuu li sunda huna halaŋ, va ma go yona, pelna, koɓ ma yam tlena, cokkolina, u doy kawina, tle asina halaŋ nam yoorosi ni u kawi ma tlawna. 4Nam cil bay kawi ma tlawna ŋguyum ki kay givin ma togolla ma ŋgal ɓivunna, ga u ŋgoŋ ŋgoŋ ma gii funum kolona na ga. 5Nam yoo walakka u ŋgiliɗ huwa, yooroɗ ki keŋem fiɗi halaŋ a kal tokolora tlam u ndaɗta. 6Nam ka a tokolora ni gu akasiyana hooroɗ taɗ ki u kawi ma tlawna. 7Nam kal tokolo ndaɗta keŋ givin ma togolla kay a tlam kolo u ndaɗta, nam ceɗeɗ ni bebeɗe.
8Nam yoo tassa ŋgol ma mbussa ni u kawi ma tlawna, yoorom va ma tinim kamma ni u nam lay, lam tam ki u kotoromma a wi boyogi suu ka li sunda hu zira tokkana.
Kaa ma ŋguy kay mbutluɓmana
9Nam ŋguy yam mbutluɓma ki u kaana, u baraw dlemba dereŋga, ŋguyuɗ ii ma dalina na, fiyekemmi meter dok-vadl. 10Nduŋga dok-mba' u kawi ma coloɗ seɗ kamma yoo ni kawi ma tlawna, kawi ma vam kolona yoo ni doonora. 11Keŋ ma mbayaw nana ni nduŋga dok-mba' may, yoo ni kawi ma tlawna. Kawi ma ɓalaɗ kolo u namma yoo ni doonora may. 12Keŋ ma ii u fiɗigina ma geɗeŋŋa fiyekemmi meter dok-mba' yam vadl. Nduŋga ii namma ni doogo, coli kay kawi ma yoori uɗna doogo may, kawi ma gaɓaɗ kolona yoo ni doonora. 13Keŋ ma u maɗiinana fiyekemmi meter dok-mba' yam vadl may. 14Keŋ maa dew ni meter kiɗisiya u nus, nduŋga pii hindi may, kawi ma coloɗ seɗ kolo kamma ni hindi may. 15Keŋ ii hiŋŋa ni meter kiɗisiya u nus may, nduŋga pii hu ni hindi u kawi ma coloɗ seɗ kamma hindi may. 16Kaa ma ŋguy kay mbutluɓmana bel ni cilii u baraw dlemba dereŋga. 17Kawi ma col nduŋga kamma halaŋŋi yoo ni kawi ma tlawna u kawi ma vam kolona halaŋŋi yoo ni doonora may. 18Suu cil barawna, cil baraw ma tlawna, ma wili wilina u ma tlaw keŋ keŋŋa ma tlawam war warna u baraw dlemba dereŋga, fiyekemmi meter doogo, wulumba kolora ni meter mba u nus may, ni fun tam u fiyek kaana dew. 19Gu ma fiɗi ma gaɓam egemma u kawi ma kalam sem ga huna, halaŋŋi yoo ni kawi ma tlawna, ɓalaŋ ma ɓal barawna kolo u namma yoo ni doonora may. 20Nduŋga ŋguy kay mbutluɓmara halaŋ, yooroɗ ni u kawi ma tlawna.
Ndum kawi ma li sunda u namma
21Gola ni bassa basaɗ kay a min mbutluɓmara kay Zandukka Galamba. Asi ndum tlena halaŋ ko Moiz dasira na. Ni sunda vi goryoŋ Levina, asi laɗ ni sa ma fokosina ni Itamar, ma goŋ mul ma li ɓivunna Aaronna. 22Betsaleel, goŋ Urina, goŋ Hurna, hu njaf ma vi Yudana, li dla mayra Yawe daɗ ay maŋ Moizza ki halaŋ. 23Sa ma egem huna ni Oholiyab ma goŋ Ahisamakŋa hu njaf ma vi Danna, nammi sa ma ceɗ tlena, ndal ta barawna zeɗ zeɗ may, lam tlawi, wili wiliya, tlaw keŋ keŋ tlawam war war lay, paa baraw dlemba dereŋga may.
24Ndum lor ta ay li ɓivun ma viriwra mayra min mbutluɓma u ndaɗta ni kelew 877 u gramma 300 may ni u ŋga mayra li sunda hu mbutluɓmara.
25Ndum doonora taaraɗ ay a li sunda min mbutluɓma u ndaɗta halaŋŋi kelew 3017 u gramma 750 ni u ŋgara ndum tlena hu mbutluɓmara.#Kal. 30.11-16 26Ndum ndaɗta ndi ni ko sana dew ni ɦal gram#38.26 gram Ni va ma ndum nekka. Gram buɓ buɓ dew ni vun tam dew u kelewna dew. Ka hu ɓeretta 28 olo.#Mat. 17.24 doonora ni vadlla na. Ni ana njufiina halaŋŋi 603.550 ni suu basaɗasi tew ki dok-mba' dok-mbana u suu su dok-mbana may. Ni suu sesi ki hu ndumbana halaŋ. 27A yoo doono ta tin sem nduŋga kissa kaɗta ni doonora li halaŋ ii kelew 3000 ni u baraw ma ki caki vun grekŋana halaŋ, ɗowba va ma col nduŋga kamma dew ni kelew 30. 28U doonora hin ki kelewna 17 u gramma 750, asi yoo ɓalaŋ ma ɓal nduŋga kolo u namma may. Baraw ma gaɓi kolona u ɓalaŋ ma taɓ duk ɦoŋ nduŋgana.
29Ndum kawi ma tlawna, ma ay li ɓivun ma viriwra ma suu Israelna taaraɗ ayna ni kelew 2124. 30Asi yoorommi u nduŋ mayra fun li ma kal ha kalafi hu mbutluɓma hu zira tokkana. Givin ma togolla u tlesuu li sunda huna halaŋ lasi ni u kawi ma tlawna. 31Kawi ma yoori ga u nduŋga ŋguy kay mbutluɓmara bel, gu ma pii kay li ma teteɗna bel, lasi ni u kawi ma tlawna.
Currently Selected:
KALKIRA 38: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
KALKIRA 38
38
Tlesuu ki kiɗik ŋgoo mbutluɓmana.
Li ma ŋgaɗ ɓivunna, tassa ma mbussa u nduŋga.
1Ŋgoo dagan nam min givin ma togolla ma ŋgal ɓivun ma ŋgalam kina ni u gu akasiyana, fiyekemmi meter mba' u nus, hayammi meter mba' u nus lay, ni fun tam dew, wulum ma kolona ni meter dew u nus. 2Keŋem fiɗi halaŋ nam li mekka ki huwa. Nam hoo givin ma togolla tam ki u kawi ma tlawna. 3Nam yoo tlesuu li sunda huna halaŋ, va ma go yona, pelna, koɓ ma yam tlena, cokkolina, u doy kawina, tle asina halaŋ nam yoorosi ni u kawi ma tlawna. 4Nam cil bay kawi ma tlawna ŋguyum ki kay givin ma togolla ma ŋgal ɓivunna, ga u ŋgoŋ ŋgoŋ ma gii funum kolona na ga. 5Nam yoo walakka u ŋgiliɗ huwa, yooroɗ ki keŋem fiɗi halaŋ a kal tokolora tlam u ndaɗta. 6Nam ka a tokolora ni gu akasiyana hooroɗ taɗ ki u kawi ma tlawna. 7Nam kal tokolo ndaɗta keŋ givin ma togolla kay a tlam kolo u ndaɗta, nam ceɗeɗ ni bebeɗe.
8Nam yoo tassa ŋgol ma mbussa ni u kawi ma tlawna, yoorom va ma tinim kamma ni u nam lay, lam tam ki u kotoromma a wi boyogi suu ka li sunda hu zira tokkana.
Kaa ma ŋguy kay mbutluɓmana
9Nam ŋguy yam mbutluɓma ki u kaana, u baraw dlemba dereŋga, ŋguyuɗ ii ma dalina na, fiyekemmi meter dok-vadl. 10Nduŋga dok-mba' u kawi ma coloɗ seɗ kamma yoo ni kawi ma tlawna, kawi ma vam kolona yoo ni doonora. 11Keŋ ma mbayaw nana ni nduŋga dok-mba' may, yoo ni kawi ma tlawna. Kawi ma ɓalaɗ kolo u namma yoo ni doonora may. 12Keŋ ma ii u fiɗigina ma geɗeŋŋa fiyekemmi meter dok-mba' yam vadl. Nduŋga ii namma ni doogo, coli kay kawi ma yoori uɗna doogo may, kawi ma gaɓaɗ kolona yoo ni doonora. 13Keŋ ma u maɗiinana fiyekemmi meter dok-mba' yam vadl may. 14Keŋ maa dew ni meter kiɗisiya u nus, nduŋga pii hindi may, kawi ma coloɗ seɗ kolo kamma ni hindi may. 15Keŋ ii hiŋŋa ni meter kiɗisiya u nus may, nduŋga pii hu ni hindi u kawi ma coloɗ seɗ kamma hindi may. 16Kaa ma ŋguy kay mbutluɓmana bel ni cilii u baraw dlemba dereŋga. 17Kawi ma col nduŋga kamma halaŋŋi yoo ni kawi ma tlawna u kawi ma vam kolona halaŋŋi yoo ni doonora may. 18Suu cil barawna, cil baraw ma tlawna, ma wili wilina u ma tlaw keŋ keŋŋa ma tlawam war warna u baraw dlemba dereŋga, fiyekemmi meter doogo, wulumba kolora ni meter mba u nus may, ni fun tam u fiyek kaana dew. 19Gu ma fiɗi ma gaɓam egemma u kawi ma kalam sem ga huna, halaŋŋi yoo ni kawi ma tlawna, ɓalaŋ ma ɓal barawna kolo u namma yoo ni doonora may. 20Nduŋga ŋguy kay mbutluɓmara halaŋ, yooroɗ ni u kawi ma tlawna.
Ndum kawi ma li sunda u namma
21Gola ni bassa basaɗ kay a min mbutluɓmara kay Zandukka Galamba. Asi ndum tlena halaŋ ko Moiz dasira na. Ni sunda vi goryoŋ Levina, asi laɗ ni sa ma fokosina ni Itamar, ma goŋ mul ma li ɓivunna Aaronna. 22Betsaleel, goŋ Urina, goŋ Hurna, hu njaf ma vi Yudana, li dla mayra Yawe daɗ ay maŋ Moizza ki halaŋ. 23Sa ma egem huna ni Oholiyab ma goŋ Ahisamakŋa hu njaf ma vi Danna, nammi sa ma ceɗ tlena, ndal ta barawna zeɗ zeɗ may, lam tlawi, wili wiliya, tlaw keŋ keŋ tlawam war war lay, paa baraw dlemba dereŋga may.
24Ndum lor ta ay li ɓivun ma viriwra mayra min mbutluɓma u ndaɗta ni kelew 877 u gramma 300 may ni u ŋga mayra li sunda hu mbutluɓmara.
25Ndum doonora taaraɗ ay a li sunda min mbutluɓma u ndaɗta halaŋŋi kelew 3017 u gramma 750 ni u ŋgara ndum tlena hu mbutluɓmara.#Kal. 30.11-16 26Ndum ndaɗta ndi ni ko sana dew ni ɦal gram#38.26 gram Ni va ma ndum nekka. Gram buɓ buɓ dew ni vun tam dew u kelewna dew. Ka hu ɓeretta 28 olo.#Mat. 17.24 doonora ni vadlla na. Ni ana njufiina halaŋŋi 603.550 ni suu basaɗasi tew ki dok-mba' dok-mbana u suu su dok-mbana may. Ni suu sesi ki hu ndumbana halaŋ. 27A yoo doono ta tin sem nduŋga kissa kaɗta ni doonora li halaŋ ii kelew 3000 ni u baraw ma ki caki vun grekŋana halaŋ, ɗowba va ma col nduŋga kamma dew ni kelew 30. 28U doonora hin ki kelewna 17 u gramma 750, asi yoo ɓalaŋ ma ɓal nduŋga kolo u namma may. Baraw ma gaɓi kolona u ɓalaŋ ma taɓ duk ɦoŋ nduŋgana.
29Ndum kawi ma tlawna, ma ay li ɓivun ma viriwra ma suu Israelna taaraɗ ayna ni kelew 2124. 30Asi yoorommi u nduŋ mayra fun li ma kal ha kalafi hu mbutluɓma hu zira tokkana. Givin ma togolla u tlesuu li sunda huna halaŋ lasi ni u kawi ma tlawna. 31Kawi ma yoori ga u nduŋga ŋguy kay mbutluɓmara bel, gu ma pii kay li ma teteɗna bel, lasi ni u kawi ma tlawna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.