KALKIRA 3
3
1Moiz a taa yoori suu vi kunumma, Jetro, mul ma li ɓivunna vi suu Madiyanna wanni. Nam a tuɗ yoorina ki ŋgoo bagi hu fulla tew eg ɦini mayra vi Lonara hu Ҥinira Horebba 2Sa sunda vi Yawe tak tam irim duk kura hum goo guna. Nam gola ni hum guna ki u kura halaŋ, ta guna ka ŋgalɗi may.#Sun. 7.30-34 3Moiz ɓak tam ana, «An hoŋ dagan gol dla ndaɗta ki jivi tuwa, guna ka ŋgalɗini kay mege?» 4Yawe wi ana nam hoŋ ay dagan ka gola ni, Lona yam ay duk hum guna, «Moiz, Moiz.» Nam humum ana, «An wanni.» 5Nam dam ay ana ɦuɗ taŋ ay tani tokgi, fok tuɓuru ma seŋŋa kiyo, kay li ma aŋ coli hurum wanna ni ndaŋgara teteɗta. 6Nam di ana, «Anni Lo ma vi somoyoŋŋa, Lona vi Abraham, Lona vi Isaak, Lona vi Yakob.» Moiz baa irim kiyo kay nam mbuɗ ki ndaana ka gol Lonaɗi. 7Yawe di ana, «An wi hahawra vi suu mansina hu Egiptera wa halaŋ. An hum asi ka tii ko telekŋa vi suu Egiptena, na daŋ may an wasi las masira wa. 8An cuk ay ga ni a buɗusi ki ko suu Egiptena, a tuɗusi ki hu mbassa ŋgolla jivi cocora, hu mbas mayra law gi mbiira u mbul yumma. Ni hu lina vi suu Kanaanna, suu Hetna, suu Amoreenna, suu Perizina, suu Hivna u suu Jebusenna. 9Cemini tii ma vi suu man suu Israelna tew ki egen wa gasi, an wi nekka suu Egiptena tinisira kasira wa lay. 10Aŋ tuɗa, an sunuŋ eg Faraw, aŋ cukun suu mansina ay ki hu mbassa Egiptera, ni suu goryoŋ Israelna.»
11Moiz joɓ Lona ana, «Anni ge zeneŋ may a tuɗ eg Faraw nige? A cuk suu Israelna ay ki hu mbassa Egiptera nige?» 12Nam dam ana, «An ka u aŋu, gola ni va ma hin tak ki ana, An ka u aŋu, sunuŋ ay ni anuna. Hu li ma aŋ cuk suu Israelna ay ki hu mbassa Egiptera wa ni, agi hin mba sunun an Loogina kay ɦini ndaɗta tani.»
Lona tak sem maŋ Moiz
13Moiz di Lona ana, «Gola an min tuɗ eg suu Israelna, tuɗ dasi ana Lo ma vi somoyogina sunun ay egegi ni namu, lini asi hin joɓon wa ana, sem ana mege? An hin dasi ni ana me mayge?»#Kal. 6.2-3 14Lona di Moiz ana, «Anni ma Kana, aŋ dasi ana MA KANA#3.14 MA KANA U vun hebrena MA KANA hum ko Yawe na. Yawe ni sem Lona ma di ana Lona ka iiriya, kaki eg suu mamsina tew tew. sunun ay egegi ni namu.»#Wira 1.4,8 15Lona hin di Moiz olo ana, «Aŋ hin ɓak suu Israelna ana, Yawe Lo ma vi somoyogina, Lona vi Abraham, Lona vi Isaak, Lona vi Yakob sunun ay egegi ni namu. Ni sen ma fafaɗna, ni asi hin cenen hu basara basara ni u sen namma. 16Tuɗ tok suu ŋgolo suu Israelna dasi ana, Yawe, Lo ma vi somoyogina, Lona vi Abraham, Lona vi Isaak, Lona vi Yakob tak tam ki irin dan ana, An min a kal tan hu boy magina, kay dlara asi lagira egegi hu Egipte wanda. 17An di ana, an min cukugi ay ki hu lassa Egiptera, tuɗugi ki hu mbassa Kanaanda, ta Hetta, ta Amoreenda, ta Perizira, ta Hivda u ta Jebusenda, ni hu mbas mayra law gi mbiira u mbul yumma. 18Asi hin humuŋ deleŋu, aŋ u suu ŋgolo suu Israelna hin tuɗugi vi mulna Faraw agi dam ana, Yawe, Lo ma vi suu Hebrena, tak tam ay ki irimiya. Cemi ami min tuɗ ta ta buuna hindi ŋgoo bagi hu fulla, kay a li ɓivunna maŋ Yawe Loomina. 19Na may an wi ana mul ma Egiptena ka hinigiɗi, ni hu li ma hin ɦeɓem u saɓakŋa tuwa. 20An hin maɗ kon kiyo, hin ci suu Egiptena u dlara mbuɗ mbuɗta zeɗ zeɗ ta an hin laɗ dukusira, ŋgoo dagan nam hin hinigi agi tuɗa. 21Jivira an laɗ gin maŋ suu Egiptena an hin laɗ ki ni maŋ suu mansina, agi a cukugi kira ni ka tuɗ u kogi ɦawaɗi.#Kal. 12.35-36 22Ca taaragelay joɓ ndaraɗta vok zina kay tlena, joɓ cara ndaɗ varaɗta lay, kay doonora u lorra u barawna lay, agi hin yowosi kay goryogiya kay gor njufiina u gorɓiina lay. Agi hin cuk ki u begera vi suu Egiptera halaŋ.»
Currently Selected:
KALKIRA 3: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
KALKIRA 3
3
1Moiz a taa yoori suu vi kunumma, Jetro, mul ma li ɓivunna vi suu Madiyanna wanni. Nam a tuɗ yoorina ki ŋgoo bagi hu fulla tew eg ɦini mayra vi Lonara hu Ҥinira Horebba 2Sa sunda vi Yawe tak tam irim duk kura hum goo guna. Nam gola ni hum guna ki u kura halaŋ, ta guna ka ŋgalɗi may.#Sun. 7.30-34 3Moiz ɓak tam ana, «An hoŋ dagan gol dla ndaɗta ki jivi tuwa, guna ka ŋgalɗini kay mege?» 4Yawe wi ana nam hoŋ ay dagan ka gola ni, Lona yam ay duk hum guna, «Moiz, Moiz.» Nam humum ana, «An wanni.» 5Nam dam ay ana ɦuɗ taŋ ay tani tokgi, fok tuɓuru ma seŋŋa kiyo, kay li ma aŋ coli hurum wanna ni ndaŋgara teteɗta. 6Nam di ana, «Anni Lo ma vi somoyoŋŋa, Lona vi Abraham, Lona vi Isaak, Lona vi Yakob.» Moiz baa irim kiyo kay nam mbuɗ ki ndaana ka gol Lonaɗi. 7Yawe di ana, «An wi hahawra vi suu mansina hu Egiptera wa halaŋ. An hum asi ka tii ko telekŋa vi suu Egiptena, na daŋ may an wasi las masira wa. 8An cuk ay ga ni a buɗusi ki ko suu Egiptena, a tuɗusi ki hu mbassa ŋgolla jivi cocora, hu mbas mayra law gi mbiira u mbul yumma. Ni hu lina vi suu Kanaanna, suu Hetna, suu Amoreenna, suu Perizina, suu Hivna u suu Jebusenna. 9Cemini tii ma vi suu man suu Israelna tew ki egen wa gasi, an wi nekka suu Egiptena tinisira kasira wa lay. 10Aŋ tuɗa, an sunuŋ eg Faraw, aŋ cukun suu mansina ay ki hu mbassa Egiptera, ni suu goryoŋ Israelna.»
11Moiz joɓ Lona ana, «Anni ge zeneŋ may a tuɗ eg Faraw nige? A cuk suu Israelna ay ki hu mbassa Egiptera nige?» 12Nam dam ana, «An ka u aŋu, gola ni va ma hin tak ki ana, An ka u aŋu, sunuŋ ay ni anuna. Hu li ma aŋ cuk suu Israelna ay ki hu mbassa Egiptera wa ni, agi hin mba sunun an Loogina kay ɦini ndaɗta tani.»
Lona tak sem maŋ Moiz
13Moiz di Lona ana, «Gola an min tuɗ eg suu Israelna, tuɗ dasi ana Lo ma vi somoyogina sunun ay egegi ni namu, lini asi hin joɓon wa ana, sem ana mege? An hin dasi ni ana me mayge?»#Kal. 6.2-3 14Lona di Moiz ana, «Anni ma Kana, aŋ dasi ana MA KANA#3.14 MA KANA U vun hebrena MA KANA hum ko Yawe na. Yawe ni sem Lona ma di ana Lona ka iiriya, kaki eg suu mamsina tew tew. sunun ay egegi ni namu.»#Wira 1.4,8 15Lona hin di Moiz olo ana, «Aŋ hin ɓak suu Israelna ana, Yawe Lo ma vi somoyogina, Lona vi Abraham, Lona vi Isaak, Lona vi Yakob sunun ay egegi ni namu. Ni sen ma fafaɗna, ni asi hin cenen hu basara basara ni u sen namma. 16Tuɗ tok suu ŋgolo suu Israelna dasi ana, Yawe, Lo ma vi somoyogina, Lona vi Abraham, Lona vi Isaak, Lona vi Yakob tak tam ki irin dan ana, An min a kal tan hu boy magina, kay dlara asi lagira egegi hu Egipte wanda. 17An di ana, an min cukugi ay ki hu lassa Egiptera, tuɗugi ki hu mbassa Kanaanda, ta Hetta, ta Amoreenda, ta Perizira, ta Hivda u ta Jebusenda, ni hu mbas mayra law gi mbiira u mbul yumma. 18Asi hin humuŋ deleŋu, aŋ u suu ŋgolo suu Israelna hin tuɗugi vi mulna Faraw agi dam ana, Yawe, Lo ma vi suu Hebrena, tak tam ay ki irimiya. Cemi ami min tuɗ ta ta buuna hindi ŋgoo bagi hu fulla, kay a li ɓivunna maŋ Yawe Loomina. 19Na may an wi ana mul ma Egiptena ka hinigiɗi, ni hu li ma hin ɦeɓem u saɓakŋa tuwa. 20An hin maɗ kon kiyo, hin ci suu Egiptena u dlara mbuɗ mbuɗta zeɗ zeɗ ta an hin laɗ dukusira, ŋgoo dagan nam hin hinigi agi tuɗa. 21Jivira an laɗ gin maŋ suu Egiptena an hin laɗ ki ni maŋ suu mansina, agi a cukugi kira ni ka tuɗ u kogi ɦawaɗi.#Kal. 12.35-36 22Ca taaragelay joɓ ndaraɗta vok zina kay tlena, joɓ cara ndaɗ varaɗta lay, kay doonora u lorra u barawna lay, agi hin yowosi kay goryogiya kay gor njufiina u gorɓiina lay. Agi hin cuk ki u begera vi suu Egiptera halaŋ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.