KALKIRA 27
27
Haɗta kay givin ma togolla
1Givin ma togolla huna aŋ minimmi u gu akasiyana. Hayam mba li ni fun tam dew, keŋem mba li ni meter mba' u nus, fiyekemmi meter dew u nus may. 2Keŋem ma kolona fiɗi halaŋŋi aŋ min mekŋa huwa, hoo ta mekŋa ki u kawi ma tlawna. 3Tlesuu li sunda hu givin ma togolla halaŋ aŋ yoorosi ni u kawi ma tlawna. Aŋ yoo zek ma too buɗna kina, yoo gi pelna may, yoo ŋgali suu yam busuna may, yoo cokkolina may, yoo va ma ŋgal mbidla may. Tle asina halaŋ yoorosi ni u kawi ma tlawna. 4Aŋ ŋguyuɗ kaa kawina ki kaɗu. Hu keŋeɗ fiɗi halaŋŋi aŋ co zulla huwa. 5Aŋ ŋguy kaa kawi ma aŋ cilimma kay givin ma togolla, fiyekem mbaaɗ ni duk gayra na ga. 6Aŋ li tokolora fiyekira kay a tli givin ma togolla, tokolo ndaɗta laɗ ni u gu akasiyana, aŋ hoorosi tasi ki u kawi ma tlawna. 7Tokolo ndaɗta aŋ kalaɗ hu zulla aŋ cooɗ pay givin ma togolla, keŋem jak halaŋ, li ni aŋ a tlaɗu ni tlaɗ ni u tokolo ndaɗta. 8Givin ma togolla laɗ ni u guna, dukuɗ ki ni ɦawaa, laɗ ko ndal haɗaŋga ay kay ɦinirara na.
Lii vo kurufu hu kaanana
9Aŋ ŋguy yam mbutluɓma ki u kaana u baraw dlemba, ŋguyum ii ma dalina na, fiyekemmi meter dok-vadl. 10Nduŋga dok-mbara u kawi ma coloɗ seɗ kamma halaŋ lasi ni u kawi ma tlawna. Va ma ɓalaɗ kaŋga u namma yoorommi u doonora may. 11Ko ndaɗta na may keŋ ma ii mbayawna lammi na lay, fiyekemmi meter dok-vadl, nduŋga dok-mbara u va ma njaraɗ kamma yoori ni u kawi ma tlawna. Va ma ɓalaɗ kaŋga u namma yoorommi u doonora may. 12Hu keŋ ma geɗeŋŋa ma ii u fiɗiginana fiyekemmi meter dok-mba' yam vadl, nduŋga ii namma ni doogo, coli kay kawi ma tlaw ma yoori uɗna doogo may. 13Kay keŋ ma geɗeŋ ma ii u maɗiinana ni meter dok-mba' yam vadl. 14Keŋ maa dew ni meter kiɗisiya u nus, nduŋga hindi u kawi ma coloɗ kamma hindi may. 15Keŋ ma hiŋŋa ni meter kiɗisiya u nus may nduŋga hindi u kawi ma coloɗ kamma hindi may. 16Kay vun grek ma kal ha taraŋŋa agi cil baraw dlemba meter doogo, ma tam ndali tlaw tlawna may, tlaw keŋ keŋŋa may, cili u baraw ma dereŋŋa. Nduŋga pii vunna fiɗi u kawi ma coloɗ kamma fiɗi may. 17Nduŋ ndaɗta halaŋ yaɗ taɓ ki kolo dew ni u doonora, va ma ɓalasi gana lay yoori ni u doonora, kawi ma colosi sesi kamma ni kawi ma tlawna. 18Fiyek kaa ma kay mbutluɓmana ni meter dok-vadl, hayammi meter dok-mba' yam vadl may, wulumba kolora ni meter mba' u nus may, kawi ma col nduŋga kamma ni kawi ma tlawna. 19Tlesuu kakŋa lasi ni u kawi ma tlawna, ko ndal min mbutluɓma u nduŋga u kawi ma tlawnara na may.
Mbul ma voom hu pindillana
20Aŋ, Moiz, di suu Israelna asi taaraŋ mbul conona aya, ni mbul ma jivina kay a pindilla li tini hu buuna tew tew ka miɗ kiɗi.#Lev. 24.1-4 21Kalafi hu mbutluɓma hu li ma suuna ŋgaf tasi huna ni Aaron tin kura hu fiɗigiya ta ta fo lina fok Yawe na. Gaɗ ndaɗta ni ka gaɗta mbuɗɗi ta ta ha kay njaf suu Israelna na gak gak.
Currently Selected:
KALKIRA 27: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
KALKIRA 27
27
Haɗta kay givin ma togolla
1Givin ma togolla huna aŋ minimmi u gu akasiyana. Hayam mba li ni fun tam dew, keŋem mba li ni meter mba' u nus, fiyekemmi meter dew u nus may. 2Keŋem ma kolona fiɗi halaŋŋi aŋ min mekŋa huwa, hoo ta mekŋa ki u kawi ma tlawna. 3Tlesuu li sunda hu givin ma togolla halaŋ aŋ yoorosi ni u kawi ma tlawna. Aŋ yoo zek ma too buɗna kina, yoo gi pelna may, yoo ŋgali suu yam busuna may, yoo cokkolina may, yoo va ma ŋgal mbidla may. Tle asina halaŋ yoorosi ni u kawi ma tlawna. 4Aŋ ŋguyuɗ kaa kawina ki kaɗu. Hu keŋeɗ fiɗi halaŋŋi aŋ co zulla huwa. 5Aŋ ŋguy kaa kawi ma aŋ cilimma kay givin ma togolla, fiyekem mbaaɗ ni duk gayra na ga. 6Aŋ li tokolora fiyekira kay a tli givin ma togolla, tokolo ndaɗta laɗ ni u gu akasiyana, aŋ hoorosi tasi ki u kawi ma tlawna. 7Tokolo ndaɗta aŋ kalaɗ hu zulla aŋ cooɗ pay givin ma togolla, keŋem jak halaŋ, li ni aŋ a tlaɗu ni tlaɗ ni u tokolo ndaɗta. 8Givin ma togolla laɗ ni u guna, dukuɗ ki ni ɦawaa, laɗ ko ndal haɗaŋga ay kay ɦinirara na.
Lii vo kurufu hu kaanana
9Aŋ ŋguy yam mbutluɓma ki u kaana u baraw dlemba, ŋguyum ii ma dalina na, fiyekemmi meter dok-vadl. 10Nduŋga dok-mbara u kawi ma coloɗ seɗ kamma halaŋ lasi ni u kawi ma tlawna. Va ma ɓalaɗ kaŋga u namma yoorommi u doonora may. 11Ko ndaɗta na may keŋ ma ii mbayawna lammi na lay, fiyekemmi meter dok-vadl, nduŋga dok-mbara u va ma njaraɗ kamma yoori ni u kawi ma tlawna. Va ma ɓalaɗ kaŋga u namma yoorommi u doonora may. 12Hu keŋ ma geɗeŋŋa ma ii u fiɗiginana fiyekemmi meter dok-mba' yam vadl, nduŋga ii namma ni doogo, coli kay kawi ma tlaw ma yoori uɗna doogo may. 13Kay keŋ ma geɗeŋ ma ii u maɗiinana ni meter dok-mba' yam vadl. 14Keŋ maa dew ni meter kiɗisiya u nus, nduŋga hindi u kawi ma coloɗ kamma hindi may. 15Keŋ ma hiŋŋa ni meter kiɗisiya u nus may nduŋga hindi u kawi ma coloɗ kamma hindi may. 16Kay vun grek ma kal ha taraŋŋa agi cil baraw dlemba meter doogo, ma tam ndali tlaw tlawna may, tlaw keŋ keŋŋa may, cili u baraw ma dereŋŋa. Nduŋga pii vunna fiɗi u kawi ma coloɗ kamma fiɗi may. 17Nduŋ ndaɗta halaŋ yaɗ taɓ ki kolo dew ni u doonora, va ma ɓalasi gana lay yoori ni u doonora, kawi ma colosi sesi kamma ni kawi ma tlawna. 18Fiyek kaa ma kay mbutluɓmana ni meter dok-vadl, hayammi meter dok-mba' yam vadl may, wulumba kolora ni meter mba' u nus may, kawi ma col nduŋga kamma ni kawi ma tlawna. 19Tlesuu kakŋa lasi ni u kawi ma tlawna, ko ndal min mbutluɓma u nduŋga u kawi ma tlawnara na may.
Mbul ma voom hu pindillana
20Aŋ, Moiz, di suu Israelna asi taaraŋ mbul conona aya, ni mbul ma jivina kay a pindilla li tini hu buuna tew tew ka miɗ kiɗi.#Lev. 24.1-4 21Kalafi hu mbutluɓma hu li ma suuna ŋgaf tasi huna ni Aaron tin kura hu fiɗigiya ta ta fo lina fok Yawe na. Gaɗ ndaɗta ni ka gaɗta mbuɗɗi ta ta ha kay njaf suu Israelna na gak gak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.