KALKIRA 17
17
Mbona sel ay ki duk ɦinira
1Suu Israelna hin fulla Sinda ka tani tuɗ fokko ko Yawe ka ɗegeeresira na. Asi cuk ziisi hu Refidim, hu li namma ni yo ma asi ci ka huɗi. 2Suu Israelna yal u Moiz ana, «Ҥami yo ma cira aya.» Moiz dasi ana, «Agi yalanni kay mege? Agi min a tuk Yawe ni kay mege?»
3Hu li namma suuna laara casi cocoo, suu Israelna gurni eg Moiz ana, «Aŋ a cukumi ay ki hu Egipte ni kay mege? Hin a laɓami ki u laara, ami lay, goryomi lay, yoori mamisina lay ni amege?» 4Moiz cen Yawe ana, «An hin li suu asina ni ana mege? Hin ew ni asi hin gikin ki ni u gogoyra.» 5Yawe di Moiz ana, «Jak fok suu Israelna, yow suu ŋgolo uŋ ɦiw, tli tokolo maŋga aŋ waɗ lumma Nilna ay u ndaɗta may, tuɗa. 6An hin col ha fokoŋ kay Ҥinira Horebba may. Aŋ tuɗ waɗ ɦinira, mbona hin sel ay kiyo, suu Israelna hin ciya.» Moiz li na fok suu ŋgolo suu Israelna halaŋ.
7Nam tin sem li namma ana Massa u Meriba, Tukka u Honira, ni ko yal ma suu Israelna yal u namma. Kay asi tuk Yawe di ana, «Na ni Yawe ka dukuygi gasi su?»
Amalek duu u suu Israelna
8Amalek mba duu tam u suu Israelna hu Refidim. 9Moiz di Josuwe ana, «Manay suuna cukugi ki vin a tuɗ duu u Amalek, an hin col kolo kay lii mbuuyna, ni tokolora vi Lonara kon may.» 10Ko Moiz damba na may ni, Josuwe yow suu duuna a duu Amalekka may. Asi duu na ni Moiz may, Aaron may, Hur may ɗiŋ ki kolo kay li mbuuyna. 11Moiz tli kom kolo wa ni suu Israelna mbuɗ saɓak cocoo, hu li ma Moiz gi kom ga wa ni Amalek mbuɗ ay saɓak coco may. 12Moiz kom loɓ ki wa, mbuɗ nek cocoo, asi lagaɗ ɦinira gamba um nam kak kaɗu. Gi Aaron u Hur sa col keŋem hiŋŋa dew may dew may, yowom kom koloo. Kay ndaɗta kom col kolo eŋ ta ta faɗta ɗika. 13Josuwe su kay suu duu suu vi Amalekŋa casi u ŋgewina cocoo.
14Yawe di Moiz ana, «Ɓii boy namma kaŋgaa, hinim a maa kiɗi. Di boy namma maŋ Josuwe may. An hin bulum Amalek ki duk suu warna. An bulumum sem ki kay ndaŋgara halaŋ.»#Gaɗ. 25.17-19; 1 Sam. 15.2-9
15Moiz min givin ma togolla, tinim sem ana, «Yawe ni sa ma haɗanna.» 16Hin di ana, «Sana tli kom kolo eg dlamba mulla vi Yawe, ni duuna duk ɦoŋ Yawe u Amalek a fafaɗta.»
Currently Selected:
KALKIRA 17: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
KALKIRA 17
17
Mbona sel ay ki duk ɦinira
1Suu Israelna hin fulla Sinda ka tani tuɗ fokko ko Yawe ka ɗegeeresira na. Asi cuk ziisi hu Refidim, hu li namma ni yo ma asi ci ka huɗi. 2Suu Israelna yal u Moiz ana, «Ҥami yo ma cira aya.» Moiz dasi ana, «Agi yalanni kay mege? Agi min a tuk Yawe ni kay mege?»
3Hu li namma suuna laara casi cocoo, suu Israelna gurni eg Moiz ana, «Aŋ a cukumi ay ki hu Egipte ni kay mege? Hin a laɓami ki u laara, ami lay, goryomi lay, yoori mamisina lay ni amege?» 4Moiz cen Yawe ana, «An hin li suu asina ni ana mege? Hin ew ni asi hin gikin ki ni u gogoyra.» 5Yawe di Moiz ana, «Jak fok suu Israelna, yow suu ŋgolo uŋ ɦiw, tli tokolo maŋga aŋ waɗ lumma Nilna ay u ndaɗta may, tuɗa. 6An hin col ha fokoŋ kay Ҥinira Horebba may. Aŋ tuɗ waɗ ɦinira, mbona hin sel ay kiyo, suu Israelna hin ciya.» Moiz li na fok suu ŋgolo suu Israelna halaŋ.
7Nam tin sem li namma ana Massa u Meriba, Tukka u Honira, ni ko yal ma suu Israelna yal u namma. Kay asi tuk Yawe di ana, «Na ni Yawe ka dukuygi gasi su?»
Amalek duu u suu Israelna
8Amalek mba duu tam u suu Israelna hu Refidim. 9Moiz di Josuwe ana, «Manay suuna cukugi ki vin a tuɗ duu u Amalek, an hin col kolo kay lii mbuuyna, ni tokolora vi Lonara kon may.» 10Ko Moiz damba na may ni, Josuwe yow suu duuna a duu Amalekka may. Asi duu na ni Moiz may, Aaron may, Hur may ɗiŋ ki kolo kay li mbuuyna. 11Moiz tli kom kolo wa ni suu Israelna mbuɗ saɓak cocoo, hu li ma Moiz gi kom ga wa ni Amalek mbuɗ ay saɓak coco may. 12Moiz kom loɓ ki wa, mbuɗ nek cocoo, asi lagaɗ ɦinira gamba um nam kak kaɗu. Gi Aaron u Hur sa col keŋem hiŋŋa dew may dew may, yowom kom koloo. Kay ndaɗta kom col kolo eŋ ta ta faɗta ɗika. 13Josuwe su kay suu duu suu vi Amalekŋa casi u ŋgewina cocoo.
14Yawe di Moiz ana, «Ɓii boy namma kaŋgaa, hinim a maa kiɗi. Di boy namma maŋ Josuwe may. An hin bulum Amalek ki duk suu warna. An bulumum sem ki kay ndaŋgara halaŋ.»#Gaɗ. 25.17-19; 1 Sam. 15.2-9
15Moiz min givin ma togolla, tinim sem ana, «Yawe ni sa ma haɗanna.» 16Hin di ana, «Sana tli kom kolo eg dlamba mulla vi Yawe, ni duuna duk ɦoŋ Yawe u Amalek a fafaɗta.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.