KALKIRA 13
13
Gaɗta kay Pakŋa u gor suu vuɗ jewna
1Yawe di boyna maŋ Moiz ana, 2«Tinin ki gor suu vuɗ fok jewna halaŋ ki ni manu, gor suu warna u gor yoorina lay hu mbassa Israella halaŋ ki ni manu.»#Ndu. 3.13; Luk 2.23
3Moiz di suuna ana, «Humugi gagi kay buu ma agi cuk ay ki hu mbassa Egiptera buɗ ay ki hu mbaɓura, Yawe cukugi ay ki ni u saɓakŋa, sa ka ti fu ma u kuffa dukummaɗi. 4Agi cuk ki cemi ni hu til ma yam ana Abibma.
5«Hu li ma Yawe cukugi hu mbassa Kanaanda, vi suu Hetna, vi Amoreenda, vi Hivda u suu Jebusenna, ta nam vi vunum a ɦaɗ maŋ somoyogira, a ɦagi ni mbas mayra law mbiira u mbul yumma, ni agi tuɗ li ɓivun namma na gak gak. 6Buuna kiɗisiya ni agi ka ti fu ma kuffa dukummaɗi. Hu buu ma kiɗisiyana ni luu ma vi Yawena. 7Agi ti fu ma bay kuffa dukumma buuna kiɗisiya. Sa ka wi fu ma kuffa dukumma u iriŋgi, sa ka wagi kuffa vo varagiɗi lay. 8Aŋ gegelay ni jok haɗ ndaɗta ka maŋ goroŋŋa hu buu namma ana ‹Yawe wan hahawan kalan ay ki hu mbassa Egiptera ni na.› 9Yawe kalaŋ ay ki hu mbassa Egiptera ni u saɓakŋa, ni dlara hin a gaŋ humuŋ kara, aŋ waɗ u iriŋu, ka ndum gaɗ ndaɗta vi Yawera u vunuŋ may. 10Aŋ gol gaɗta vi Bu Suunara ni hu buu maɗna ni hu basara basara tew tew.
11«Hu li ma Yawe kalaŋ hu mbassa Kanaanda wa, ko nam vi vunum u aŋu, u somoyoŋ layra na ana nam hin ɦaŋga 12aŋ ɦal tlesuu vuɗ jewna halaŋ ki ni maŋ Yawe, gor suu warna u gor yoorina suu vo varaŋŋa halaŋŋi maŋ Yawe.#Kal. 34.19-20; Luk 2.23 13Gor korra suu vuɗ jewna aŋ mbuɗusi ki u gor timigiina, lini aŋ ka mbuɗum u goo timiiɗi ni aŋ waɗam zakaɗamu. Goryogi suu vuɗ jewna halaŋŋi agi mbuɗusiya.
14«Lini goroŋŋa joɓoŋ vin ana na ni kay mege? Ni aŋ dam ana Yawe cukuygi ay ki hu mbassa Egiptera ni u saɓakŋa buɗuy ay ki hu mbaɓura. 15Hu li ma Faraw hurum haɗ cocoo ka min a hinimi tuɗ ɗina, Yawe ci gor suu vuɗ jewna ki hu mbassa Egiptera halaŋ halaŋ. Gor suu vuɗ jewna vi suu warna u yoorina halaŋ kay ndaɗta an li ɓivunna maŋ Yawe u goo ɦu njuf ma vuɗ fok jewna ni na. May goryon an tanda suu vuɗ jewna an mbuɗusiya.
16«Yawe cukuygi ay ki ni u saɓakŋa hu mbassa Egiptera. Ni dla mayra hin a takaŋ ka na gak gakka, aŋ waɗ u iriŋ lay.»
Suu Israelna taɓa Lum ma Cerewna
17Hu li ma Faraw hin voɗta a suu Israelna tuɗta ni, Lona hinisi ka a tuɗ hu voɗta vi suu Filistinaɗi, voɗ ndaɗta maɗ ɗegee lay ni asi tli ka huɗi. Lona ɓak tam ana, «Hu li ma suu Israelna wi duuna na ni ka asi hin hoŋ ay Egipte oloɗi.» 18Lona hoŋ ii suu Israelna ki ŋgoo hu fulla, asi tuɗni hu Lum ma Cerewna na. Suu Israelna cuk ay ki ni tasi mini ko suu duuna na.
19Moiz a tuɗta ni paɗ sok Yosef ha ki kamu. Kay Yosef suu suu Israelna ka ki ana, «Lona humum ka hin maa ki kay a njun kagiraɗi, hu li ma agi a cuk kina ni, agi yowon sokon ha ki kagiya.»#Ura 50.25; Jos. 24.32
20Asi yow ha Sukot tuɗ lak hu Etam. Ni tok eg fulla. 21Yawe u tamba tuɗ fokosi ni namu. Faali ni nam kuluɓusi ɗugulla kasiya, njeŋge ni nam tinisi kura kasi kolo a wi lina kira may. Asi ndak a tuɗ njeŋge lay, faali lay, boy kaɗi. 22Faali ni ɗugulla ka tuɗ ki kay suunaɗi, njeŋge ni kura ka kolo kasi tew tew lay.
Currently Selected:
KALKIRA 13: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
KALKIRA 13
13
Gaɗta kay Pakŋa u gor suu vuɗ jewna
1Yawe di boyna maŋ Moiz ana, 2«Tinin ki gor suu vuɗ fok jewna halaŋ ki ni manu, gor suu warna u gor yoorina lay hu mbassa Israella halaŋ ki ni manu.»#Ndu. 3.13; Luk 2.23
3Moiz di suuna ana, «Humugi gagi kay buu ma agi cuk ay ki hu mbassa Egiptera buɗ ay ki hu mbaɓura, Yawe cukugi ay ki ni u saɓakŋa, sa ka ti fu ma u kuffa dukummaɗi. 4Agi cuk ki cemi ni hu til ma yam ana Abibma.
5«Hu li ma Yawe cukugi hu mbassa Kanaanda, vi suu Hetna, vi Amoreenda, vi Hivda u suu Jebusenna, ta nam vi vunum a ɦaɗ maŋ somoyogira, a ɦagi ni mbas mayra law mbiira u mbul yumma, ni agi tuɗ li ɓivun namma na gak gak. 6Buuna kiɗisiya ni agi ka ti fu ma kuffa dukummaɗi. Hu buu ma kiɗisiyana ni luu ma vi Yawena. 7Agi ti fu ma bay kuffa dukumma buuna kiɗisiya. Sa ka wi fu ma kuffa dukumma u iriŋgi, sa ka wagi kuffa vo varagiɗi lay. 8Aŋ gegelay ni jok haɗ ndaɗta ka maŋ goroŋŋa hu buu namma ana ‹Yawe wan hahawan kalan ay ki hu mbassa Egiptera ni na.› 9Yawe kalaŋ ay ki hu mbassa Egiptera ni u saɓakŋa, ni dlara hin a gaŋ humuŋ kara, aŋ waɗ u iriŋu, ka ndum gaɗ ndaɗta vi Yawera u vunuŋ may. 10Aŋ gol gaɗta vi Bu Suunara ni hu buu maɗna ni hu basara basara tew tew.
11«Hu li ma Yawe kalaŋ hu mbassa Kanaanda wa, ko nam vi vunum u aŋu, u somoyoŋ layra na ana nam hin ɦaŋga 12aŋ ɦal tlesuu vuɗ jewna halaŋ ki ni maŋ Yawe, gor suu warna u gor yoorina suu vo varaŋŋa halaŋŋi maŋ Yawe.#Kal. 34.19-20; Luk 2.23 13Gor korra suu vuɗ jewna aŋ mbuɗusi ki u gor timigiina, lini aŋ ka mbuɗum u goo timiiɗi ni aŋ waɗam zakaɗamu. Goryogi suu vuɗ jewna halaŋŋi agi mbuɗusiya.
14«Lini goroŋŋa joɓoŋ vin ana na ni kay mege? Ni aŋ dam ana Yawe cukuygi ay ki hu mbassa Egiptera ni u saɓakŋa buɗuy ay ki hu mbaɓura. 15Hu li ma Faraw hurum haɗ cocoo ka min a hinimi tuɗ ɗina, Yawe ci gor suu vuɗ jewna ki hu mbassa Egiptera halaŋ halaŋ. Gor suu vuɗ jewna vi suu warna u yoorina halaŋ kay ndaɗta an li ɓivunna maŋ Yawe u goo ɦu njuf ma vuɗ fok jewna ni na. May goryon an tanda suu vuɗ jewna an mbuɗusiya.
16«Yawe cukuygi ay ki ni u saɓakŋa hu mbassa Egiptera. Ni dla mayra hin a takaŋ ka na gak gakka, aŋ waɗ u iriŋ lay.»
Suu Israelna taɓa Lum ma Cerewna
17Hu li ma Faraw hin voɗta a suu Israelna tuɗta ni, Lona hinisi ka a tuɗ hu voɗta vi suu Filistinaɗi, voɗ ndaɗta maɗ ɗegee lay ni asi tli ka huɗi. Lona ɓak tam ana, «Hu li ma suu Israelna wi duuna na ni ka asi hin hoŋ ay Egipte oloɗi.» 18Lona hoŋ ii suu Israelna ki ŋgoo hu fulla, asi tuɗni hu Lum ma Cerewna na. Suu Israelna cuk ay ki ni tasi mini ko suu duuna na.
19Moiz a tuɗta ni paɗ sok Yosef ha ki kamu. Kay Yosef suu suu Israelna ka ki ana, «Lona humum ka hin maa ki kay a njun kagiraɗi, hu li ma agi a cuk kina ni, agi yowon sokon ha ki kagiya.»#Ura 50.25; Jos. 24.32
20Asi yow ha Sukot tuɗ lak hu Etam. Ni tok eg fulla. 21Yawe u tamba tuɗ fokosi ni namu. Faali ni nam kuluɓusi ɗugulla kasiya, njeŋge ni nam tinisi kura kasi kolo a wi lina kira may. Asi ndak a tuɗ njeŋge lay, faali lay, boy kaɗi. 22Faali ni ɗugulla ka tuɗ ki kay suunaɗi, njeŋge ni kura ka kolo kasi tew tew lay.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.