KALKIRA 1
1
SUU ISRAELNA HIN EGIPTE KIYO
Suu Israelna ay mbaɓura hu Egipte
1Gola ni sem goryoŋ Israel suu mbay ki hu Egiptena. Asi mbay ki ni u tasi u Yakob, gegelay ni u suu mamsina.#Ura 46.8-27 2Ruben, Simeon, Levi u Yuda 3Issakar, Zabulon u Benjamin 4Dan u Neftali, Gad u Aser. 5Njaf Yakob na halaŋŋi suuna dok-kiɗisiya, Yosef ha ki ni jew hu Egipte paŋ.
6Ŋgoo dagan Yosef miɗ ki miɗni, gorsemma miɗ ki lay, njaf suu jew asina miɗ ki halaŋ. 7Gor suu Israelna zul hani zuli na ɗow ɗow, mbuɗ bolow cocoo, asi mbuɗ saɓak coco lay, oy yam mbassa kini asi halaŋ halaŋ.#Sun. 7.17
8Ɗaŋŋi mul ma wili ma wi Yosef kaɗina varak kay mulla vi suu Egiptena ɗaŋ.#Sun. 7.18 9Nam di suu mamsina ana, «Gologiya, goryoŋ suu Israelna cemini zuli cocoo, asi mbuɗ saɓak coco a suygi lay. 10Halaygi mbeleŋ ma daŋŋa kasiya, ka hinisi a asi zul coco oloɗi. Kay hu li ma duu mba kaygi kalani, asi taɓ usi ay ki u suu babali maygisina, duu u aygiya ni asi hin sel ki a hiniygi mbas maygirara gaw may.»#Sun. 7.19 11Suu Egiptena tin suu ŋgolona kay suu Israelna, ɦasi sunda nekka, ɦeɓesi a li sunda u eŋga. Asi min ɦoŋzi ma ŋgolna maŋ Faraw ni, Pitom u Ramses. 12Asi ka lasasi cocora na lay ni suu Israelna zul ha fokŋi zuli na ɗow ɗow, zul masira mbuɗ suu Egiptena ki ndaa cocoo. 13Suu Egiptena ka las suu Israelna coco u waɗta ɦay lay. 14Kak masi ma hu Egiptena mbuɗ hahaw cocoo, ɦoɓ luɓuna, ci birikka, li sunda hu senena lay, li sunda mborɓiina, sunda asi laɗta halaŋŋi u poŋga.
Faraw las suu Israelna
15Mul ma Egiptena di boyogi suu vuɗ boyogi suu Hebrena, ta hiŋga yaɗ ana Sifra, ta mbara yaɗ ana Pua ana, 16«Hu li ma agi vuɗ boyogi suu Hebrena, gologi gorra jiviya, lini go njufu ni agi cam kiyo, lini go tamara ni agi hiniɗ iiriya.» 17Na may boyogi suu vuɗ ndarayasina na li ndaa Lona, asi li ka ko mul ma Egiptena dasira naɗi, hin gor njufiina iiriya. 18Mul ma Egiptena yasi egem dasi ana, «Agi li boy namma na ni amege? Agi hin gor njufiina iiri ni nanage?» 19Boyogi asina di Faraw ana, «Boyogi suu Hebrena ka ko boyogi suu daŋŋa naɗi, asi saɓak cocoo, jew bay cara vuɗta tew egesi may ni asi vuɗ ki gaw.» 20Lona njun u boyogi suu vuɗ ndarayasina cocoo, suu Israelna zul coco, mbuɗ saɓak coco lay.
21Ko boyogi suu vuɗ ndarayasina na li ndaa Lona na ni, Lona ɦasi gora may. 22Faraw ɦal voɗta maŋ suu mamsina ana, «Kemba vuɗ wilira, gor njufiina halaŋ cukusi ki duk mbo lum ma Nilna, hin gorɓiina iiri may.»#Sun. 7.19
Currently Selected:
KALKIRA 1: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
KALKIRA 1
1
SUU ISRAELNA HIN EGIPTE KIYO
Suu Israelna ay mbaɓura hu Egipte
1Gola ni sem goryoŋ Israel suu mbay ki hu Egiptena. Asi mbay ki ni u tasi u Yakob, gegelay ni u suu mamsina.#Ura 46.8-27 2Ruben, Simeon, Levi u Yuda 3Issakar, Zabulon u Benjamin 4Dan u Neftali, Gad u Aser. 5Njaf Yakob na halaŋŋi suuna dok-kiɗisiya, Yosef ha ki ni jew hu Egipte paŋ.
6Ŋgoo dagan Yosef miɗ ki miɗni, gorsemma miɗ ki lay, njaf suu jew asina miɗ ki halaŋ. 7Gor suu Israelna zul hani zuli na ɗow ɗow, mbuɗ bolow cocoo, asi mbuɗ saɓak coco lay, oy yam mbassa kini asi halaŋ halaŋ.#Sun. 7.17
8Ɗaŋŋi mul ma wili ma wi Yosef kaɗina varak kay mulla vi suu Egiptena ɗaŋ.#Sun. 7.18 9Nam di suu mamsina ana, «Gologiya, goryoŋ suu Israelna cemini zuli cocoo, asi mbuɗ saɓak coco a suygi lay. 10Halaygi mbeleŋ ma daŋŋa kasiya, ka hinisi a asi zul coco oloɗi. Kay hu li ma duu mba kaygi kalani, asi taɓ usi ay ki u suu babali maygisina, duu u aygiya ni asi hin sel ki a hiniygi mbas maygirara gaw may.»#Sun. 7.19 11Suu Egiptena tin suu ŋgolona kay suu Israelna, ɦasi sunda nekka, ɦeɓesi a li sunda u eŋga. Asi min ɦoŋzi ma ŋgolna maŋ Faraw ni, Pitom u Ramses. 12Asi ka lasasi cocora na lay ni suu Israelna zul ha fokŋi zuli na ɗow ɗow, zul masira mbuɗ suu Egiptena ki ndaa cocoo. 13Suu Egiptena ka las suu Israelna coco u waɗta ɦay lay. 14Kak masi ma hu Egiptena mbuɗ hahaw cocoo, ɦoɓ luɓuna, ci birikka, li sunda hu senena lay, li sunda mborɓiina, sunda asi laɗta halaŋŋi u poŋga.
Faraw las suu Israelna
15Mul ma Egiptena di boyogi suu vuɗ boyogi suu Hebrena, ta hiŋga yaɗ ana Sifra, ta mbara yaɗ ana Pua ana, 16«Hu li ma agi vuɗ boyogi suu Hebrena, gologi gorra jiviya, lini go njufu ni agi cam kiyo, lini go tamara ni agi hiniɗ iiriya.» 17Na may boyogi suu vuɗ ndarayasina na li ndaa Lona, asi li ka ko mul ma Egiptena dasira naɗi, hin gor njufiina iiriya. 18Mul ma Egiptena yasi egem dasi ana, «Agi li boy namma na ni amege? Agi hin gor njufiina iiri ni nanage?» 19Boyogi asina di Faraw ana, «Boyogi suu Hebrena ka ko boyogi suu daŋŋa naɗi, asi saɓak cocoo, jew bay cara vuɗta tew egesi may ni asi vuɗ ki gaw.» 20Lona njun u boyogi suu vuɗ ndarayasina cocoo, suu Israelna zul coco, mbuɗ saɓak coco lay.
21Ko boyogi suu vuɗ ndarayasina na li ndaa Lona na ni, Lona ɦasi gora may. 22Faraw ɦal voɗta maŋ suu mamsina ana, «Kemba vuɗ wilira, gor njufiina halaŋ cukusi ki duk mbo lum ma Nilna, hin gorɓiina iiri may.»#Sun. 7.19
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.