SUNDA 14
14
Pol u Barnabas hu Ikonium
1Hu Ikonium wanni gi Pol u Barnabas cuk hu Zira Tokka vi suu Juifna, asi ɓak Boy Lonana ko ndaɗta na ni suu Juifna u suu Grekŋa vi Boy Lonana ŋgolo. 2Na may suu Juifna suu min viraɗina kal boy ma cona duk njaf suu daŋŋa, mbaarasi ay a li cora eg gorseygina. 3Pol u Barnabas kak Ikonium cocoo, asi ɓak boyna u ɦiŋga, hurusi tini kay Bu Suuna cocoo. Bu Suuna takasi ana boy ma asi dam kay oo mamba ni gasira, nam ɦasi saɓakŋa a li dlara mbuɗta u takka daŋga. 4Suu hu ɦoŋzi ma ŋgolna irisi ɓorow ki duk mba', suu ɦiw u suu Juifna may, suu ɦiw u suu vovoɗta may.
5Suu Juifna u njaf suu daŋŋa u muli masisina, min tasi a las gi Pol u Barnabas ana asi gikisi casi ki u ɦinira. 6Asi hum ana suuna hal a casi kini ciya, ni Pol u Barnabas pii tuɗ hu Listra u Derbe. Ni hu ɦoŋzi ma ŋgolna hu Likaonina, u ɦoŋzi ma ŋguyumma lay. 7Hu li namma asi tuɗ da Boy ma Ayra maŋ suuna.
Pol u Barnabas hu Listra
8Hu Listra ni sa ma hurufna ka dew, sem ka tuɗɗi. Nam dak ay ni goo day tuɗ ay kaɗi. 9Nam ka hum boy ma Pol damma ni nam Pol ŋgaras irim kam ŋgaras, wam ana nam hurum vi kay mbuɗta jivira. 10Pol dam u delem kolo eŋga ana, «Col koloo, ɗoɓ taŋ ki kay seŋ ɗegee.» Sana weɗ kolo na vikŋi gi tam tuɗta gaw. 11Suu molina wi dlara Pol laɗta na ni asi gijaŋ sawalla kolo eŋga u vun masi ma Likaoni ana, «Lookina cuk bak sana tasi ca ni mba cuki kaŋga dukuygi tani.» 12Asi yi Barnabas ana Zeus,#14.12 Zeus ni sem lo ma ŋgolna vi suu Grekŋa, Hermes ni sem lo ma daŋŋa vi suu Grekŋa, nammi a vovoɗta vi looki suu hiŋŋa. Pol ana Hermes kay Pol ni sa ma dasi boyna. 13Sa li ɓivunna ma lo ma yam ana Zeusna, ziimba cen lona ha ki doŋ kaana, vi mbutlna ndolom tam u tlena, njun ki ɓo tlena lay fun zira. Nam ana suuna li ɓivunna maŋ Pol u Barnabas. 14Suu vovoɗta hum boy namma na ni haa baraw masina ki huuk huuk yow liŋŋa ha duk suuna sawalla ha kolo eŋga ana, 15«Banayamina agi lagi na ni mege, ami ni suuna ɦawa ko agi na may, ami mba dagi Boy ma Ayra a agi hinigi fuli suu asina kiyo, mbuɗugi irigi eg Lona ma iirina na ɗow. Ma li huulona li ndaŋgara li lum ŋgolna u tlesuu hurumma halaŋ. 16Ay fok jewra ni Lona hin suuna halaŋ tuɗ u min masira. 17Na lay ni nam tak jivira egegi tew tew lay. Nam si yoom ay kaŋga a agi li njafna, nam ɦagi tina, oyogi hurugi u furira.» 18Asi a lasi gin ɓivunna ni suu vovoɗta doorosi ni u saɓakŋa.
19Suu Juifna suu mbay Antiok ta Pisidira u Ikoniumma, asi tok vun suuna ki usi halaŋ ana asi gik Pol u ɦinira cam kiyo. Asi taɗam ɦagi doŋ kaana, saa masira ana Pol miɗ ki wa. 20Suu vina tok ay kam tokŋi nam col ki kolo dukusiya kal ki vo hu ɦoŋzina. Siw ni nam tuɗ u Barnabas hu Derbe.
Asi hoŋ ay hu Antiok ta Sirira
21Pol u Barnabas di Boy ma Ayra hu ɦoŋzi ma ŋgolna Derbe, hu li namma asi fi suu haɗina ŋgolo. Ŋgoo dagan ni asi hoŋ Listra tuɗ Ikonium u Antiok ta Pisidira. 22Asi gaɗ suu vina soosi hurusi ana asi kak eŋ hu vira. Dasi olo ana, «Lini nanagelay aygi a cuk hu Mul Lonara ni u wihawra coco tuwa.» 23Hu Ziŋ Lonara dew dew halaŋŋi nam tin suu ŋgolona fok suuna, ŋgoo dagan asi lak u vunusiya ti vaɗi lay, ci yoɗi lay kay a cenda. A hinisi ko Bu Suuna ma asi tin hurusi kamma.
24Asi calaɗ vun ndaŋgara Pisidira ha ki calaɗ ni mba ki Pamfili. 25Asi di Boy Lonana ha Perg ŋgoo dagan tuɗ Attali. 26Ay hu li namma ni asi ful hu lum kawina a tuɗ Antiok, ɦoŋzi namma asi paɗ vunusi kasi ana oora vi Lona li u asiya, kay sunda asi laɗ dukusira.
27Asi mba Antiok tok suu vi Kristuna halaŋ egesiya, vasi u boy ma Lona li sunda ay u asina halaŋ, u mayra nam mal voɗta ki maŋ njaf suu daŋŋa asi vira lay. 28Asi lak hu li namma eg suu vina buun ŋgolo.
Currently Selected:
SUNDA 14: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
SUNDA 14
14
Pol u Barnabas hu Ikonium
1Hu Ikonium wanni gi Pol u Barnabas cuk hu Zira Tokka vi suu Juifna, asi ɓak Boy Lonana ko ndaɗta na ni suu Juifna u suu Grekŋa vi Boy Lonana ŋgolo. 2Na may suu Juifna suu min viraɗina kal boy ma cona duk njaf suu daŋŋa, mbaarasi ay a li cora eg gorseygina. 3Pol u Barnabas kak Ikonium cocoo, asi ɓak boyna u ɦiŋga, hurusi tini kay Bu Suuna cocoo. Bu Suuna takasi ana boy ma asi dam kay oo mamba ni gasira, nam ɦasi saɓakŋa a li dlara mbuɗta u takka daŋga. 4Suu hu ɦoŋzi ma ŋgolna irisi ɓorow ki duk mba', suu ɦiw u suu Juifna may, suu ɦiw u suu vovoɗta may.
5Suu Juifna u njaf suu daŋŋa u muli masisina, min tasi a las gi Pol u Barnabas ana asi gikisi casi ki u ɦinira. 6Asi hum ana suuna hal a casi kini ciya, ni Pol u Barnabas pii tuɗ hu Listra u Derbe. Ni hu ɦoŋzi ma ŋgolna hu Likaonina, u ɦoŋzi ma ŋguyumma lay. 7Hu li namma asi tuɗ da Boy ma Ayra maŋ suuna.
Pol u Barnabas hu Listra
8Hu Listra ni sa ma hurufna ka dew, sem ka tuɗɗi. Nam dak ay ni goo day tuɗ ay kaɗi. 9Nam ka hum boy ma Pol damma ni nam Pol ŋgaras irim kam ŋgaras, wam ana nam hurum vi kay mbuɗta jivira. 10Pol dam u delem kolo eŋga ana, «Col koloo, ɗoɓ taŋ ki kay seŋ ɗegee.» Sana weɗ kolo na vikŋi gi tam tuɗta gaw. 11Suu molina wi dlara Pol laɗta na ni asi gijaŋ sawalla kolo eŋga u vun masi ma Likaoni ana, «Lookina cuk bak sana tasi ca ni mba cuki kaŋga dukuygi tani.» 12Asi yi Barnabas ana Zeus,#14.12 Zeus ni sem lo ma ŋgolna vi suu Grekŋa, Hermes ni sem lo ma daŋŋa vi suu Grekŋa, nammi a vovoɗta vi looki suu hiŋŋa. Pol ana Hermes kay Pol ni sa ma dasi boyna. 13Sa li ɓivunna ma lo ma yam ana Zeusna, ziimba cen lona ha ki doŋ kaana, vi mbutlna ndolom tam u tlena, njun ki ɓo tlena lay fun zira. Nam ana suuna li ɓivunna maŋ Pol u Barnabas. 14Suu vovoɗta hum boy namma na ni haa baraw masina ki huuk huuk yow liŋŋa ha duk suuna sawalla ha kolo eŋga ana, 15«Banayamina agi lagi na ni mege, ami ni suuna ɦawa ko agi na may, ami mba dagi Boy ma Ayra a agi hinigi fuli suu asina kiyo, mbuɗugi irigi eg Lona ma iirina na ɗow. Ma li huulona li ndaŋgara li lum ŋgolna u tlesuu hurumma halaŋ. 16Ay fok jewra ni Lona hin suuna halaŋ tuɗ u min masira. 17Na lay ni nam tak jivira egegi tew tew lay. Nam si yoom ay kaŋga a agi li njafna, nam ɦagi tina, oyogi hurugi u furira.» 18Asi a lasi gin ɓivunna ni suu vovoɗta doorosi ni u saɓakŋa.
19Suu Juifna suu mbay Antiok ta Pisidira u Ikoniumma, asi tok vun suuna ki usi halaŋ ana asi gik Pol u ɦinira cam kiyo. Asi taɗam ɦagi doŋ kaana, saa masira ana Pol miɗ ki wa. 20Suu vina tok ay kam tokŋi nam col ki kolo dukusiya kal ki vo hu ɦoŋzina. Siw ni nam tuɗ u Barnabas hu Derbe.
Asi hoŋ ay hu Antiok ta Sirira
21Pol u Barnabas di Boy ma Ayra hu ɦoŋzi ma ŋgolna Derbe, hu li namma asi fi suu haɗina ŋgolo. Ŋgoo dagan ni asi hoŋ Listra tuɗ Ikonium u Antiok ta Pisidira. 22Asi gaɗ suu vina soosi hurusi ana asi kak eŋ hu vira. Dasi olo ana, «Lini nanagelay aygi a cuk hu Mul Lonara ni u wihawra coco tuwa.» 23Hu Ziŋ Lonara dew dew halaŋŋi nam tin suu ŋgolona fok suuna, ŋgoo dagan asi lak u vunusiya ti vaɗi lay, ci yoɗi lay kay a cenda. A hinisi ko Bu Suuna ma asi tin hurusi kamma.
24Asi calaɗ vun ndaŋgara Pisidira ha ki calaɗ ni mba ki Pamfili. 25Asi di Boy Lonana ha Perg ŋgoo dagan tuɗ Attali. 26Ay hu li namma ni asi ful hu lum kawina a tuɗ Antiok, ɦoŋzi namma asi paɗ vunusi kasi ana oora vi Lona li u asiya, kay sunda asi laɗ dukusira.
27Asi mba Antiok tok suu vi Kristuna halaŋ egesiya, vasi u boy ma Lona li sunda ay u asina halaŋ, u mayra nam mal voɗta ki maŋ njaf suu daŋŋa asi vira lay. 28Asi lak hu li namma eg suu vina buun ŋgolo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.