2 TIMOTE 3
3
Buu ma daɓ daganna
1Humuŋ gaŋ kay boyna wanni, buu ma hin daganna wanni dlara loɓma ka huwa. 2Suuna hin mbuɗ ki ni kurufuku, li banara ni u gursura, tli yam tasi koloo, ŋga tasiya, asi, hin duu u Lona, ka hum u somoyosiɗi, asi ka gi deɓ kay tlenaɗi, ka li zolo kay tlesuu teteɗnaɗi lay. 3Hurusi mbuɗ ki coo, ka wihahaw saɗi, suu ŋgul suuna, suu ɓeŋ tlena vi suuna, suu ci maɗna, li gonokka u jivira. 4Asi hin a suu di kolokŋa, ka hum vun saɗi, ŋga tasiya, asi min a li dlara u min masira su Lona. 5Asi li ko asi vi u Lona na, na may ni noy saɓak vira kiyo, aŋ taɓ u suu asinaɗi. 6Suu daŋŋa dukusi ɦiw cuk tasi kalafi hom yam boyogi suu maŋina usiya, asi hoɓi u cora taɗ u saara cora dadamba. 7Boyogina hal haɗta tew tew ni ka ndaki a wi u gasiraɗi. 8Ni ko Jannes u Jambre min boyna vi Moizɗira na, asi suu asina ka min gasiraɗi ni na may, ni suu u saara cora hurusina, vira u Lonara irisi ni va sanda ɦawaa. 9Asi hin ka tuɗ dayɗi kay suuna halaŋ hin wi giniŋ masira, ni ko Jannes u Jambre li ayra na may.
Gaɗta do daganda
10Aŋ may ni hum u haɗ manda poy manda u daŋmay manda u viinda u lalam manda u min manda, aŋ col eŋ ko an na may. 11Aŋ may ni hum u las manda u wihaw manda. Aŋ wi dla mayra li ay egen hu Antiok u Ikonium u Listra halaŋ, u lassa an siɓiɗ hu li nammara. Bu Suuna suɗun ay ki ko dla ndaɗta halaŋ. 12Suu min a kak u iirira ɗegeera, u ɗilira eg Lona u taɓpa u Yesu Kristura hin fi lassa halaŋ. 13Suu hurusi cona u suu ganyam suuna asi tuɗ fok u cora, ganyam tasira hu may. 14Aŋu lini u va ma aŋ haɗamma vi um u huruŋ halaŋ kay aŋ wi sa ma aŋ haɗ umma. 15Aŋ wi magaara gaɗta teteɗta ay ni u goo taŋ day, ndaɗ ndak a ɦaŋ nera a tuɗuŋ hu suɗta u vira aŋ vi u Yesu Kristura. 16Magaara vi Londa ɓiiri halaŋŋi nam fo musuk mamba kaɗu, ndaɗ jivi a haɗ gasira kay gaɗ sana takam coomba a nam kak jivi ɗegee. 17Kay sana vi Lona mba li ki mini jiviya, tok a li sunda jivira halaŋ.
Currently Selected:
2 TIMOTE 3: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.
2 TIMOTE 3
3
Buu ma daɓ daganna
1Humuŋ gaŋ kay boyna wanni, buu ma hin daganna wanni dlara loɓma ka huwa. 2Suuna hin mbuɗ ki ni kurufuku, li banara ni u gursura, tli yam tasi koloo, ŋga tasiya, asi, hin duu u Lona, ka hum u somoyosiɗi, asi ka gi deɓ kay tlenaɗi, ka li zolo kay tlesuu teteɗnaɗi lay. 3Hurusi mbuɗ ki coo, ka wihahaw saɗi, suu ŋgul suuna, suu ɓeŋ tlena vi suuna, suu ci maɗna, li gonokka u jivira. 4Asi hin a suu di kolokŋa, ka hum vun saɗi, ŋga tasiya, asi min a li dlara u min masira su Lona. 5Asi li ko asi vi u Lona na, na may ni noy saɓak vira kiyo, aŋ taɓ u suu asinaɗi. 6Suu daŋŋa dukusi ɦiw cuk tasi kalafi hom yam boyogi suu maŋina usiya, asi hoɓi u cora taɗ u saara cora dadamba. 7Boyogina hal haɗta tew tew ni ka ndaki a wi u gasiraɗi. 8Ni ko Jannes u Jambre min boyna vi Moizɗira na, asi suu asina ka min gasiraɗi ni na may, ni suu u saara cora hurusina, vira u Lonara irisi ni va sanda ɦawaa. 9Asi hin ka tuɗ dayɗi kay suuna halaŋ hin wi giniŋ masira, ni ko Jannes u Jambre li ayra na may.
Gaɗta do daganda
10Aŋ may ni hum u haɗ manda poy manda u daŋmay manda u viinda u lalam manda u min manda, aŋ col eŋ ko an na may. 11Aŋ may ni hum u las manda u wihaw manda. Aŋ wi dla mayra li ay egen hu Antiok u Ikonium u Listra halaŋ, u lassa an siɓiɗ hu li nammara. Bu Suuna suɗun ay ki ko dla ndaɗta halaŋ. 12Suu min a kak u iirira ɗegeera, u ɗilira eg Lona u taɓpa u Yesu Kristura hin fi lassa halaŋ. 13Suu hurusi cona u suu ganyam suuna asi tuɗ fok u cora, ganyam tasira hu may. 14Aŋu lini u va ma aŋ haɗamma vi um u huruŋ halaŋ kay aŋ wi sa ma aŋ haɗ umma. 15Aŋ wi magaara gaɗta teteɗta ay ni u goo taŋ day, ndaɗ ndak a ɦaŋ nera a tuɗuŋ hu suɗta u vira aŋ vi u Yesu Kristura. 16Magaara vi Londa ɓiiri halaŋŋi nam fo musuk mamba kaɗu, ndaɗ jivi a haɗ gasira kay gaɗ sana takam coomba a nam kak jivi ɗegee. 17Kay sana vi Lona mba li ki mini jiviya, tok a li sunda jivira halaŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.