2 TIMOTE 1
1
Gi deɓpa
1Ni an Pol sa vovoɗta vi Yesu Kristu u minda vi Lona, tinin a di ki kay iiri mayra vi vunna ay kaɗta aygi faɗ hu taɓpa u Yesu Kristura.
2Maŋ Timote, goron, ma an minimma. Ko Lona Buna u Bu Suuna mayna Yesu Kristu ɦaŋ oora, vaɗ huuna u heɓpa.
Gi deɓpa u gaɗta kay ɗegeera
3An gi deɓ Lona ma an ka sunumma u saara jivira ko somoyon suu jewna lira na. An gam deɓpa hu buuna tew tew hu li ma humun gan kaŋ hu cenda. 4Humun ka gan kay tii maŋŋa, ni an hurun min a tuɗ goloŋu, kay ay hin hoŋ fi furira. 5Humun gan kay viiŋga gasira aŋ vira, vi ndaɗta ni mayra suŋgolo Lois u suŋ Eunise vaɗ ay jewra, an wi ki kaŋ gasi ana vi ndaɗta ka huruŋ may. 6Ni kay ndaɗta an gaŋ humuŋu, li sunda u ɦala Lona ɦaŋga hu li ma an tin kon kaŋŋa. 7Kay Lona ɦay ni ka ŋgussa dawiraɗi, Musuk mamba oyoygi ni u saɓakŋa, u minda, u nera may.
8Li zolo kay a diki kay Bu Suuna maynaɗi, li zolo kan an saam ma daŋgaynaɗi lay, ni na ɗow ana vi wihawra kay Boy ma Ayra kaŋu u saɓak ma Lona ɦaŋŋana. 9Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa. 10Nam takaygi oo mamba ki ni u mbara vi Saaygi ma Suɗta, Yesu Kristu. Yesu Kristu su ki kay saɓakŋa vi maɗna wa ni u Boy ma Ayra nam takaygi ki kay iiri mayra ka miɗɗira.
11Lona tinin a an di Boy ma Ayra namma kiyo an ni sa vovoɗta a haɗ suuna may. 12Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna. 13Li u boy ma gasi ma an daŋana col eŋ hu vira u minda ay taɓi hu Yesu Kristu u ndaɗta. 14Vi u tlesuu aŋ haɗasina jiviya u ɦala vi Musuk Lonara ka huruygira.
15Ko aŋ wi ana suu hu Azina noyon ki wa duk suu asina ni Figel u Hermogen. 16Bu Suuna ɦal jivi mamba maŋ Onesifor u suu mamma, kay nam ka heɓen hurun tew tew, an hu daŋgayna lay ni nam ka li zolo konɗi. 17Hu li ma nam mbay hu Romma ni nam hin halanni hali na ɗow gak gak nam fan tuwa. 18Ko Bu Suuna ɦam oora, oora col ay ko Bu Suunara tew hu buu ma namma, aŋ wi gasi sunda jivira nam landa ay hu Efessa.
Currently Selected:
2 TIMOTE 1: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.
2 TIMOTE 1
1
Gi deɓpa
1Ni an Pol sa vovoɗta vi Yesu Kristu u minda vi Lona, tinin a di ki kay iiri mayra vi vunna ay kaɗta aygi faɗ hu taɓpa u Yesu Kristura.
2Maŋ Timote, goron, ma an minimma. Ko Lona Buna u Bu Suuna mayna Yesu Kristu ɦaŋ oora, vaɗ huuna u heɓpa.
Gi deɓpa u gaɗta kay ɗegeera
3An gi deɓ Lona ma an ka sunumma u saara jivira ko somoyon suu jewna lira na. An gam deɓpa hu buuna tew tew hu li ma humun gan kaŋ hu cenda. 4Humun ka gan kay tii maŋŋa, ni an hurun min a tuɗ goloŋu, kay ay hin hoŋ fi furira. 5Humun gan kay viiŋga gasira aŋ vira, vi ndaɗta ni mayra suŋgolo Lois u suŋ Eunise vaɗ ay jewra, an wi ki kaŋ gasi ana vi ndaɗta ka huruŋ may. 6Ni kay ndaɗta an gaŋ humuŋu, li sunda u ɦala Lona ɦaŋga hu li ma an tin kon kaŋŋa. 7Kay Lona ɦay ni ka ŋgussa dawiraɗi, Musuk mamba oyoygi ni u saɓakŋa, u minda, u nera may.
8Li zolo kay a diki kay Bu Suuna maynaɗi, li zolo kan an saam ma daŋgaynaɗi lay, ni na ɗow ana vi wihawra kay Boy ma Ayra kaŋu u saɓak ma Lona ɦaŋŋana. 9Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa. 10Nam takaygi oo mamba ki ni u mbara vi Saaygi ma Suɗta, Yesu Kristu. Yesu Kristu su ki kay saɓakŋa vi maɗna wa ni u Boy ma Ayra nam takaygi ki kay iiri mayra ka miɗɗira.
11Lona tinin a an di Boy ma Ayra namma kiyo an ni sa vovoɗta a haɗ suuna may. 12Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna. 13Li u boy ma gasi ma an daŋana col eŋ hu vira u minda ay taɓi hu Yesu Kristu u ndaɗta. 14Vi u tlesuu aŋ haɗasina jiviya u ɦala vi Musuk Lonara ka huruygira.
15Ko aŋ wi ana suu hu Azina noyon ki wa duk suu asina ni Figel u Hermogen. 16Bu Suuna ɦal jivi mamba maŋ Onesifor u suu mamma, kay nam ka heɓen hurun tew tew, an hu daŋgayna lay ni nam ka li zolo konɗi. 17Hu li ma nam mbay hu Romma ni nam hin halanni hali na ɗow gak gak nam fan tuwa. 18Ko Bu Suuna ɦam oora, oora col ay ko Bu Suunara tew hu buu ma namma, aŋ wi gasi sunda jivira nam landa ay hu Efessa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.