2 TESALONIKŊA 3
3
Cenegi kamiya
1Gorsenna, cenegi Lona kamiya kay boyna vi Bu Suuna zul ha ki foko a suuna ŋgaamu ko nam varagi wanda na may. 2Kay ami mba buɗ ki ko suu co suu ka ŋgaf u saɗina. Kay suuna halaŋ ka suu vina belɗi.
3Na may Bu Suuna ɗegee, njun ugiya, ɦagi saɓakŋa, gologi ko Sa ma Cona. 4Bu Suuna ɦami huu ma jivina egegiya, Lona njun umiya a wi ana agi ka li u boy ma ami daginana a agi hin li na gak gak.
5Ko Bu Suuna njun ugiya agi min Lona u juɓpa lalamba u Kristu.
Jivi sunda
6Gorsenna ami gaɗagi fok Bu Suuna Yesu Kristu, taɓagi u gorsegi suu zolombaɗi, asi ka min hum u haɗta ami haɗasiraɗi. 7Agi kay tagira wi ana agi ndak li ko ami lira na may. Ami ay varagi nani lami zolom kaɗi. 8Ami hin tami ay ka a ti funa vi suuna ɦawaɗi. Ni na ɗow ami li sunda coco, koɗta mami kaɗi, ami li sunda fali lay njeŋge lay, ka hin tami kay sa ɦawaɗi. 9Ami ndak gin a agi ɦami vaa, ami li ka naɗi kay ana agi li ko ami lira na may. 10Hu li ma ami ay varagi nani ami dagi anaba, «Sa ma ka min a li sunɗina ni nam ti vaɗi may.»
11Ami ɓakagi nani kay ami hum ana suu daŋŋa ka dukugiya zolomo. Ka li vaɗi lay, kal tasi duk dlara vi suu daŋŋa. 12Su asina ami min dasi u sem Bu Suuna Yesu Kristu ana, asi li sunda tew tew a fi tiisina kay tasiya.
13Agi tagira may ni gorsenna hinigi jivi mayra agi laɗta kiɗi. 14Lini sa ma ka min hum u gaɗta ami ɓiirigira ha hu magara wandaɗini hinimu, taɓagi u nambi, nam mbuɗ ki zolona tuwa. 15Ni ka ana agi golom ko sa ma gonokka naɗi, a agi neem ko wayagina na.
Paɗ vunna u gideɓpa
16Ko Bu Suuna ma ɦal heɓpa ɦagira u tamba tew tew, hu lina halaŋ. Ko Bu Suuna li u agi halaŋ.
17An ɓiirigi magara u kon tanda Paulla, gagi deɓpa. Ni na an ɓii sen hu maga manda halaŋ halaŋŋi ko wanda ni na.
18Ko oora vi Bu Suuna mayna, Yesu Kristu, kak u agi halaŋ.
Currently Selected:
2 TESALONIKŊA 3: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.
2 TESALONIKŊA 3
3
Cenegi kamiya
1Gorsenna, cenegi Lona kamiya kay boyna vi Bu Suuna zul ha ki foko a suuna ŋgaamu ko nam varagi wanda na may. 2Kay ami mba buɗ ki ko suu co suu ka ŋgaf u saɗina. Kay suuna halaŋ ka suu vina belɗi.
3Na may Bu Suuna ɗegee, njun ugiya, ɦagi saɓakŋa, gologi ko Sa ma Cona. 4Bu Suuna ɦami huu ma jivina egegiya, Lona njun umiya a wi ana agi ka li u boy ma ami daginana a agi hin li na gak gak.
5Ko Bu Suuna njun ugiya agi min Lona u juɓpa lalamba u Kristu.
Jivi sunda
6Gorsenna ami gaɗagi fok Bu Suuna Yesu Kristu, taɓagi u gorsegi suu zolombaɗi, asi ka min hum u haɗta ami haɗasiraɗi. 7Agi kay tagira wi ana agi ndak li ko ami lira na may. Ami ay varagi nani lami zolom kaɗi. 8Ami hin tami ay ka a ti funa vi suuna ɦawaɗi. Ni na ɗow ami li sunda coco, koɗta mami kaɗi, ami li sunda fali lay njeŋge lay, ka hin tami kay sa ɦawaɗi. 9Ami ndak gin a agi ɦami vaa, ami li ka naɗi kay ana agi li ko ami lira na may. 10Hu li ma ami ay varagi nani ami dagi anaba, «Sa ma ka min a li sunɗina ni nam ti vaɗi may.»
11Ami ɓakagi nani kay ami hum ana suu daŋŋa ka dukugiya zolomo. Ka li vaɗi lay, kal tasi duk dlara vi suu daŋŋa. 12Su asina ami min dasi u sem Bu Suuna Yesu Kristu ana, asi li sunda tew tew a fi tiisina kay tasiya.
13Agi tagira may ni gorsenna hinigi jivi mayra agi laɗta kiɗi. 14Lini sa ma ka min hum u gaɗta ami ɓiirigira ha hu magara wandaɗini hinimu, taɓagi u nambi, nam mbuɗ ki zolona tuwa. 15Ni ka ana agi golom ko sa ma gonokka naɗi, a agi neem ko wayagina na.
Paɗ vunna u gideɓpa
16Ko Bu Suuna ma ɦal heɓpa ɦagira u tamba tew tew, hu lina halaŋ. Ko Bu Suuna li u agi halaŋ.
17An ɓiirigi magara u kon tanda Paulla, gagi deɓpa. Ni na an ɓii sen hu maga manda halaŋ halaŋŋi ko wanda ni na.
18Ko oora vi Bu Suuna mayna, Yesu Kristu, kak u agi halaŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.