2 TESALONIKŊA 1
1
Gideɓpa
1Ni an Paul, Silas u Timote ɓii maŋ suu vi Kristuna hu Tesalonikŋa, suu vi Lona Buna u Bu Suuna Yesu Kristu. 2Ko Lona Buy ɦagi oora u heɓpa u Bu Suuna Yesu Kristu.
Kristu hin mba a kaɓakŋa kay suuna
3Gorsenna, ami gideɓ Lona tew tew kagiya. Dla ndaɗta jivira na ni kay viigira ka wul fok cocoo, ko minda agi min tagira tuɗ ha fok na din din. 4Ni kay ndaɗta ami ŋgaami tami kagiya kay suu vina vi Lona ni kay ɦiŋ magira u viigira agi ka siɓ lassa u wihawra.
5Ni tak ki ɗegeera kay kaɓakŋa vi Lona, a agi li suu ndaki kay mulla vi Londa ta agi ka wihawra kaɗta. 6Kay Lona u ɗegee mamba hin cuk wihaw magira kay suu ka lasagina. 7Nam hin ɦagi koɗ tara magi agi suu ka wihawrana u ami lay. Ni hu li ma Bu Suuna Yesu kal ay ki huulona u suu sunda hu lona suu saɓakŋa umu. 8Nam hin mbay ki duk sin kura ŋgolla a kaɓakŋa kay suu ka wi Lonaɗina, ka vi Boy ma Ayra vi Bu Suuna Yesuɗina. 9Kaɓak masina ni ɓalakka a fafatta, ha ki day eg Bu Suuna u saɓak mamma bibiŋilna. 10Ni hu buu ma nam hin mbana, suu mamma hin geleɗemu, kay suu tin hurusi kamma halaŋ hin goɓ kaŋga fokomu. Agi hin li ni duk suu asina lay kay agi vi u boy ma ami damma.
11Ni kay ndaɗta ami cen Lona kagi tew tew a Looyna mba mbuɗugi ndaki kay iirira nam yagi kaɗta. Ami cen Lona kay nam li u saɓak mamma kay dlara nam ŋgaaɗta halaŋ, u jivi mamba u sun magira agi laɗ u vira. 12Kay ndaɗta a sem Bu Suuna Yesu mba fi geleɗta ugiya. Agi fi geleɗta u Yesu may. Ni oora fi Looyna u Bu Suuna Yesu Kristu hin lini na.
Currently Selected:
2 TESALONIKŊA 1: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.
2 TESALONIKŊA 1
1
Gideɓpa
1Ni an Paul, Silas u Timote ɓii maŋ suu vi Kristuna hu Tesalonikŋa, suu vi Lona Buna u Bu Suuna Yesu Kristu. 2Ko Lona Buy ɦagi oora u heɓpa u Bu Suuna Yesu Kristu.
Kristu hin mba a kaɓakŋa kay suuna
3Gorsenna, ami gideɓ Lona tew tew kagiya. Dla ndaɗta jivira na ni kay viigira ka wul fok cocoo, ko minda agi min tagira tuɗ ha fok na din din. 4Ni kay ndaɗta ami ŋgaami tami kagiya kay suu vina vi Lona ni kay ɦiŋ magira u viigira agi ka siɓ lassa u wihawra.
5Ni tak ki ɗegeera kay kaɓakŋa vi Lona, a agi li suu ndaki kay mulla vi Londa ta agi ka wihawra kaɗta. 6Kay Lona u ɗegee mamba hin cuk wihaw magira kay suu ka lasagina. 7Nam hin ɦagi koɗ tara magi agi suu ka wihawrana u ami lay. Ni hu li ma Bu Suuna Yesu kal ay ki huulona u suu sunda hu lona suu saɓakŋa umu. 8Nam hin mbay ki duk sin kura ŋgolla a kaɓakŋa kay suu ka wi Lonaɗina, ka vi Boy ma Ayra vi Bu Suuna Yesuɗina. 9Kaɓak masina ni ɓalakka a fafatta, ha ki day eg Bu Suuna u saɓak mamma bibiŋilna. 10Ni hu buu ma nam hin mbana, suu mamma hin geleɗemu, kay suu tin hurusi kamma halaŋ hin goɓ kaŋga fokomu. Agi hin li ni duk suu asina lay kay agi vi u boy ma ami damma.
11Ni kay ndaɗta ami cen Lona kagi tew tew a Looyna mba mbuɗugi ndaki kay iirira nam yagi kaɗta. Ami cen Lona kay nam li u saɓak mamma kay dlara nam ŋgaaɗta halaŋ, u jivi mamba u sun magira agi laɗ u vira. 12Kay ndaɗta a sem Bu Suuna Yesu mba fi geleɗta ugiya. Agi fi geleɗta u Yesu may. Ni oora fi Looyna u Bu Suuna Yesu Kristu hin lini na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.