1 TESALONIKŊA 4
4
Gaɗ suuna a poy teteɗ fok Lona
1Gorsenna ami gaɗagi hu Bu Suuna Yesu, ami haɗagi yal ma poy jivi ii Lonna, agi wam lay. Tuɗugi ha fok na ɗow ɗow. 2Agi wi haɗta vi Bu Suuna Yesu ta ami haɗagirara. 3Lona minni ana agi li tagi ki teteɗ, agi doorogi tagi kay dla cora. 4Dukugi ni gegelay mba haɗ yal ma ɗum cara a kak u ndaɗ teteɗ ɗegeena. 5Nam mba hin saara cora su kambi, li ko suu bay wi Lonna naɗi. 6Kay dla ndaɗta ni sa ma li ganyamba u dlara co eg wayambi, suu li dla cora ko ndaɗta nana Bu Suuna hin kaasi ɓakŋa kasiya, ami dagi boy namma ki jew lay. 7Lona yaygi ka kay dlara njenjeraɗi, aygi kakŋi hu teteɗta. 8Sa ma hum ka u boy namma ɗina, hum kaɗi ni vun saɗi, ni vun Lona ma ɦagi Musuk mambana.
9Kay minda min gorsegina sa ka dagira di oloɗi, Lona haɗagi ki kay min mayra min tagira. 10Agi ka li eg gorsegi suu hu Masedoinna ni na daŋ may, na may ami joɓogi ana agi li ha fok hu su olo. 11Soogi tagi a lakagi u heɓpa, saaragi kay dlaagira kay tagira, a gegelay li sun mamba ni u tamba ko ami haɗagira na. 12Ni agi li wa na ni suu ka viiɗina lay wi ki ana agi jiviya, ni agi ka tin nek magira kay saɗi.
Mbara vi Bu Suuna
13Gorsenna ami ka min a agi lak bay wi u boyna kay suu miɗina kiɗi. Ka agi ɓalak hurugi ko suu ka wi Lonaɗina naɗi. 14Lini ay vi ana Yesu miɗa hin paɗ ki kolo iiri lay ni, ay vi ana Lona hin paɗ suu may suu tin hurusi kay Yesuna ki kolo iiri may.
15Gola ni dlara ami dagirara ko boyna vi Bu Suuna dira na. Kay mbara vi Bu Suuna ay suu iirina ka tuɗ jew suu miɗinaɗi. 16Bu Suuna u tamba vaam ma tak kina kaa, del sa sunda huulona ma ŋgolna u del tokolomma vi Lona hin buwa, Bu Suuna u tamba hin mbay kaŋga hu ɗugulla, suu miɗ hu sem Kristuna hin paɗ ki kolo jew ni asiya. 17Daganda ay suu hin iirina hin yow kolo hu ɗugulla u asi dew a ŋgaf vok Bu Suuna duk semeɗna, ay hin lak u Bu Suuna a fafatɗa. 18Ɗiligi irigi duk tagi u boy namma.
Currently Selected:
1 TESALONIKŊA 4: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.
1 TESALONIKŊA 4
4
Gaɗ suuna a poy teteɗ fok Lona
1Gorsenna ami gaɗagi hu Bu Suuna Yesu, ami haɗagi yal ma poy jivi ii Lonna, agi wam lay. Tuɗugi ha fok na ɗow ɗow. 2Agi wi haɗta vi Bu Suuna Yesu ta ami haɗagirara. 3Lona minni ana agi li tagi ki teteɗ, agi doorogi tagi kay dla cora. 4Dukugi ni gegelay mba haɗ yal ma ɗum cara a kak u ndaɗ teteɗ ɗegeena. 5Nam mba hin saara cora su kambi, li ko suu bay wi Lonna naɗi. 6Kay dla ndaɗta ni sa ma li ganyamba u dlara co eg wayambi, suu li dla cora ko ndaɗta nana Bu Suuna hin kaasi ɓakŋa kasiya, ami dagi boy namma ki jew lay. 7Lona yaygi ka kay dlara njenjeraɗi, aygi kakŋi hu teteɗta. 8Sa ma hum ka u boy namma ɗina, hum kaɗi ni vun saɗi, ni vun Lona ma ɦagi Musuk mambana.
9Kay minda min gorsegina sa ka dagira di oloɗi, Lona haɗagi ki kay min mayra min tagira. 10Agi ka li eg gorsegi suu hu Masedoinna ni na daŋ may, na may ami joɓogi ana agi li ha fok hu su olo. 11Soogi tagi a lakagi u heɓpa, saaragi kay dlaagira kay tagira, a gegelay li sun mamba ni u tamba ko ami haɗagira na. 12Ni agi li wa na ni suu ka viiɗina lay wi ki ana agi jiviya, ni agi ka tin nek magira kay saɗi.
Mbara vi Bu Suuna
13Gorsenna ami ka min a agi lak bay wi u boyna kay suu miɗina kiɗi. Ka agi ɓalak hurugi ko suu ka wi Lonaɗina naɗi. 14Lini ay vi ana Yesu miɗa hin paɗ ki kolo iiri lay ni, ay vi ana Lona hin paɗ suu may suu tin hurusi kay Yesuna ki kolo iiri may.
15Gola ni dlara ami dagirara ko boyna vi Bu Suuna dira na. Kay mbara vi Bu Suuna ay suu iirina ka tuɗ jew suu miɗinaɗi. 16Bu Suuna u tamba vaam ma tak kina kaa, del sa sunda huulona ma ŋgolna u del tokolomma vi Lona hin buwa, Bu Suuna u tamba hin mbay kaŋga hu ɗugulla, suu miɗ hu sem Kristuna hin paɗ ki kolo jew ni asiya. 17Daganda ay suu hin iirina hin yow kolo hu ɗugulla u asi dew a ŋgaf vok Bu Suuna duk semeɗna, ay hin lak u Bu Suuna a fafatɗa. 18Ɗiligi irigi duk tagi u boy namma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.