1 PIYER 3
3
Boyogina u njufuyusiya
1Agi boyogina may ni humugi u njufuyugiya, kay ana suu dukusi ɦiw li ka vi u Boy Lonanaɗi lay ni asi hin mbuɗ a vi u Boy Lonana u poy magira jivira bay agi dasi boy lay. 2Asi wagi poy magira jivira u lira agi lasi zoloosira. 3Halagi a jiv tagi irisi u tlesuu agi cukusi taginaɗi, ko giyamba, ugi walak lorra humba, u baraw ma agi cukum egeginaɗi. 4Jivi magira li ay ni hurugi kurufu na ɗow, jivi ndaɗta lini ta bay panda, u lalamba, ndaɗta ni ta ii Lona jivi cocora. 5Boyogi suu ay jew ɗegeena hum ay u Lona ni na. Asi mbuɗ jivira a hum u njufuyusiya. 6Ko ndal Sara na ndaɗ hum u Abraham yam ana bu ziinna, lini agi li jiviya ka lagi ndaaɗi ni agi mbuɗ cecemi ni goryoɗu.
7Agi njufina may ni lakagi jivi u boyogogiya, saa kay maŋi masira, lasi usiya agi hin taɓagi ni ko tagi dew a fagi iirira ko Lona. Lagi na a va ma co kal dukugi a doorogi cen magiraɗi.
Ŋgaf wihawra kay li ɗegeera
8Na may agi halaŋŋi saa magira u min magira li fun taɗ dew, minigi tagi ko gorse tagi na, njunugi u tagiya gege lay hoŋ yam kaŋga u ndaramma. 9Hoŋogi cora u ndaraɗ coraɗi, ŋgulla u ndaraɗ ŋgullaɗi lay. Paɗagi vunugi ki kay tagi ni paɗi na ɗow. Hu li ma Lona yagina ni vi vunum ana nam hin paɗ vunum ki kagiya. 10Ko magaara di ana,
«Sa ma min a kak jivina
hin tew hu buu ma furira
ni nam gol sinim jiviya,
hin kaboyna kiyo.
11Nam mba ɦal ŋgorom maŋ dla cora,
mbuɗ irim eg dlara jivira,
nam halni heɓpa tew tew.
12Ii Bu Suuna ka tini kay suu ɗegeena,
humusi cen masira lay,
nam ɦal ŋgorom maŋ suu li dla cora.»
13Lini agi ka lagi dlara jivira ni sa ma hin lagi cora ni gege? 14Lini agi ka las kay agi li ɗegeera ni furiyugiya, lagi ndaa ko suunaɗi hin vun dikigi ɓigigiɗi. 15Ŋgaagi Kristu hurugi kurufuwa, nammi Bu Suuna magina, minigi tagi a vagi u dlara ki maŋ suu ka joɓogi kay va ma agi ka juɓumma. 16Lagi na ni u lalamba, ŋgaagi suuna, lini asi kaagi boyna kagi lay ni lakagi u saara jivira, suu di boy ma cona kagi kay poy magira u Kristura hin mbuɗ zolona. 17Lini u minda vi Lona mariyaɗ vi lassa kay dlara jivira sura las kay dla cora. 18Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina. 19Musuk Lona ndaɗta tuɗum gak gak nam tuɗ di boyna maŋ ŋgus suu ha hu daŋgaynana. 20Ni maŋ ŋgus suu ay jew hum ka u Lonaɗina, hu li ma Lona ka juɓ u lalamba hu buu ma Nowa ka ceɗ lumba tuna. Suu cuk hu lumbana ka bolowɗi, ni kalavandi daŋ suɗ ki ko mbona ni asi gaw. 21Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara. 22Nam i kolo kaki kay bik ko Lona ma njufna. Nam kak mulna kay suu sunda huulona u suu ŋgolona u suu saɓakŋa ha kolo huulona.
Currently Selected:
1 PIYER 3: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.
1 PIYER 3
3
Boyogina u njufuyusiya
1Agi boyogina may ni humugi u njufuyugiya, kay ana suu dukusi ɦiw li ka vi u Boy Lonanaɗi lay ni asi hin mbuɗ a vi u Boy Lonana u poy magira jivira bay agi dasi boy lay. 2Asi wagi poy magira jivira u lira agi lasi zoloosira. 3Halagi a jiv tagi irisi u tlesuu agi cukusi taginaɗi, ko giyamba, ugi walak lorra humba, u baraw ma agi cukum egeginaɗi. 4Jivi magira li ay ni hurugi kurufu na ɗow, jivi ndaɗta lini ta bay panda, u lalamba, ndaɗta ni ta ii Lona jivi cocora. 5Boyogi suu ay jew ɗegeena hum ay u Lona ni na. Asi mbuɗ jivira a hum u njufuyusiya. 6Ko ndal Sara na ndaɗ hum u Abraham yam ana bu ziinna, lini agi li jiviya ka lagi ndaaɗi ni agi mbuɗ cecemi ni goryoɗu.
7Agi njufina may ni lakagi jivi u boyogogiya, saa kay maŋi masira, lasi usiya agi hin taɓagi ni ko tagi dew a fagi iirira ko Lona. Lagi na a va ma co kal dukugi a doorogi cen magiraɗi.
Ŋgaf wihawra kay li ɗegeera
8Na may agi halaŋŋi saa magira u min magira li fun taɗ dew, minigi tagi ko gorse tagi na, njunugi u tagiya gege lay hoŋ yam kaŋga u ndaramma. 9Hoŋogi cora u ndaraɗ coraɗi, ŋgulla u ndaraɗ ŋgullaɗi lay. Paɗagi vunugi ki kay tagi ni paɗi na ɗow. Hu li ma Lona yagina ni vi vunum ana nam hin paɗ vunum ki kagiya. 10Ko magaara di ana,
«Sa ma min a kak jivina
hin tew hu buu ma furira
ni nam gol sinim jiviya,
hin kaboyna kiyo.
11Nam mba ɦal ŋgorom maŋ dla cora,
mbuɗ irim eg dlara jivira,
nam halni heɓpa tew tew.
12Ii Bu Suuna ka tini kay suu ɗegeena,
humusi cen masira lay,
nam ɦal ŋgorom maŋ suu li dla cora.»
13Lini agi ka lagi dlara jivira ni sa ma hin lagi cora ni gege? 14Lini agi ka las kay agi li ɗegeera ni furiyugiya, lagi ndaa ko suunaɗi hin vun dikigi ɓigigiɗi. 15Ŋgaagi Kristu hurugi kurufuwa, nammi Bu Suuna magina, minigi tagi a vagi u dlara ki maŋ suu ka joɓogi kay va ma agi ka juɓumma. 16Lagi na ni u lalamba, ŋgaagi suuna, lini asi kaagi boyna kagi lay ni lakagi u saara jivira, suu di boy ma cona kagi kay poy magira u Kristura hin mbuɗ zolona. 17Lini u minda vi Lona mariyaɗ vi lassa kay dlara jivira sura las kay dla cora. 18Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina. 19Musuk Lona ndaɗta tuɗum gak gak nam tuɗ di boyna maŋ ŋgus suu ha hu daŋgaynana. 20Ni maŋ ŋgus suu ay jew hum ka u Lonaɗina, hu li ma Lona ka juɓ u lalamba hu buu ma Nowa ka ceɗ lumba tuna. Suu cuk hu lumbana ka bolowɗi, ni kalavandi daŋ suɗ ki ko mbona ni asi gaw. 21Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara. 22Nam i kolo kaki kay bik ko Lona ma njufna. Nam kak mulna kay suu sunda huulona u suu ŋgolona u suu saɓakŋa ha kolo huulona.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.