1 KORINTNA 1
1
Gi deɓpa
1Ni an Pol ma Lona u min mamba yan a sa vovoɗta vi Yesu Kristu, u wayayna Sosten.
2Maŋ suu vi Kristuna, suu vi Lonna hu Korint, suu Lona yasi ki mamma hu taɓpa u Yesu Kristu, maŋ suuna halaŋ suu yi sem Yesu Bu Suuna mayna Yesu Kristu, Bu Suuna masina u maygina. 3Ko Lona Buya u Bu Suuna Yesu Kristu ɦagi oora u heɓpa.
Jivira faɗ u Kristura
4An gi deɓ Lo manna kagi na gak gak, kay oora nam ɦagira u Yesu Kristura. 5Kay taɓpa u Yesu Kristu agi fagi tlena halaŋ, agi fagi ɦala vi boyna u wira halaŋ. 6Dira diki kay Kristura boy namma ka coli dukugi eŋe. 7Ҥala vi Lona ta hin ki bay agi faɗ kaɗi, agi suu ka juɓ buu ma Yesu Kristu hin mba na. 8Nammi sa ma hin vagi kom gak gak, a sa ba ki hu co taaɗi, tew ki fun buuna vi Bu Suuna mayna Yesu Kristu. 9Lona ka hin va ma nam damma ki ɦawaɗi, nam ma yagi a agi kak taɓi u goromma Yesu Kristu Bu Suuna mayna.
Ciwayra duk suu vina
10Gorsenna an gaɗagi fok Bu Suuna mayna Yesu Kristu, wagi ki kaki ana vunugi mba ɓorow zeɗ zeɗɗi, taɓagi na dew, saa magira li dew ɗigil magira li dew lay. 11Gorsenna an hum fun suu vi Kloena ana honira ka dukugiya. 12Humugi va ma an min damma, dukugi ni vunugi ɓorow zeɗ zeɗ, hiŋŋa di ana, «An ni u Pol,» hiŋŋa ana, «An ni u Apollos,» hiŋŋa ana, «An ni u Piyer,» hiŋŋa ana, «An ni u Kristu.» 13Agi saa ana Kristu irim ɓorow ki bolow su? Pol miɗ hu gu ma garakŋa kagi ni nam su? Agi mbusugi batemma ni u sem Pol su?
14An gi deɓ Lona kay an mbus batem ka maŋ sa dukugiɗira, maŋ Krispus u Gayus hol. 15A sa maa di ana nam mbus batemma ni u senu naɗi. 16Ҥaa an mbus batemma maŋ suu vi Stefanasna, an saa ana an mbus batemma ka ma sa ma daŋ oloɗi. 17Kristu sunun ay ka kay a mbus batembi, ni kay a di Boy ma Ayra, na may a dam u yalna vi vunnaɗi, a miɗna vi Kristu hu gu ma garakŋa mbuɗ ki va ma lalas ɦawaɗi.
Boyna vi Yesu Kristu saɓakŋa u yalna vi Lona
18Boy ma dam kay miɗna vi Kristu hu gu ma garakŋa, suu a ba kina nam irisi ni va ma dawina, aygi suu ka hu voɗta vi suɗta na, boy namma iriygi ni a saɓakŋa vi Lona. 19Kay magaara di ana,
«An hin ɓalak nera vi suu neeyna kiyo,
Yalna vi suu wi yalna an hin bulumum kiyo.»
20Na ɗaŋi suu neeyna hin dini ana mege? Ni suu wi dlara hin dini ana mege? Suu ciwayra hu duliyara tanina hin dini ana mege? Lona di ana nera vi suu hu duliyara ni laɓara.
21Suu hu duliyara na ndak ka a wi Lona u neesira ana ni Lona gasiraɗi, kay ndaɗta Lona min suɗ suu tin hurusi kamma ki u boy ma puluɗi ma aygi damma. 22Suu Juifna joɓ dlara mbuɗta, suu Grekŋa hal ni nera may. 23Hu li ma ami di boyna kay Kristu ɓali hu gu ma garakŋa, boy namma kay suu Juifna ni va ma daɓasi sesina, kay njaf suu daŋŋa ni va ma laɓana may. 24Kay suu Lona yasina, lini suu Juifna lay suu daŋŋa lay, Kristu ni saɓakŋa u nera vi Lona. 25Laɓara vi Lona ni neey su nera vi suuna, maŋira vi Lona saɓak su saɓakŋa vi suuna.
26Gorsenna yira yagi ayra ni ana mege? Dukugi ni u wira vi tliwna ni suu neeyna ka ŋgolɗi suu saɓakŋa ka ŋgolɗi lay, deera vi suu ndakina ka ŋgolɗi lay. 27Lona man dlara suuna goloɗ ko laɓa nara a mbuɗ suu neeyna zoloo, nam man dlara suuna goloɗ ko maŋi nara kay a mbuɗ suu saɓakŋa zoloo. 28Lona man dlara suuna panaɗ hu duliyara tanda gol irisi ko va lalas nara, kay ɓalak tlesuu irisi ndaki garaŋŋa kiyo. 29Sa warna ka ndak a ŋga tam fok Lonaɗi. 30Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma. 31Ko magaara dira na, «Sa ma ŋga tamma ŋga tammi u tlesuu Bu Suuna lasina.»
Currently Selected:
1 KORINTNA 1: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
1 KORINTNA 1
1
Gi deɓpa
1Ni an Pol ma Lona u min mamba yan a sa vovoɗta vi Yesu Kristu, u wayayna Sosten.
2Maŋ suu vi Kristuna, suu vi Lonna hu Korint, suu Lona yasi ki mamma hu taɓpa u Yesu Kristu, maŋ suuna halaŋ suu yi sem Yesu Bu Suuna mayna Yesu Kristu, Bu Suuna masina u maygina. 3Ko Lona Buya u Bu Suuna Yesu Kristu ɦagi oora u heɓpa.
Jivira faɗ u Kristura
4An gi deɓ Lo manna kagi na gak gak, kay oora nam ɦagira u Yesu Kristura. 5Kay taɓpa u Yesu Kristu agi fagi tlena halaŋ, agi fagi ɦala vi boyna u wira halaŋ. 6Dira diki kay Kristura boy namma ka coli dukugi eŋe. 7Ҥala vi Lona ta hin ki bay agi faɗ kaɗi, agi suu ka juɓ buu ma Yesu Kristu hin mba na. 8Nammi sa ma hin vagi kom gak gak, a sa ba ki hu co taaɗi, tew ki fun buuna vi Bu Suuna mayna Yesu Kristu. 9Lona ka hin va ma nam damma ki ɦawaɗi, nam ma yagi a agi kak taɓi u goromma Yesu Kristu Bu Suuna mayna.
Ciwayra duk suu vina
10Gorsenna an gaɗagi fok Bu Suuna mayna Yesu Kristu, wagi ki kaki ana vunugi mba ɓorow zeɗ zeɗɗi, taɓagi na dew, saa magira li dew ɗigil magira li dew lay. 11Gorsenna an hum fun suu vi Kloena ana honira ka dukugiya. 12Humugi va ma an min damma, dukugi ni vunugi ɓorow zeɗ zeɗ, hiŋŋa di ana, «An ni u Pol,» hiŋŋa ana, «An ni u Apollos,» hiŋŋa ana, «An ni u Piyer,» hiŋŋa ana, «An ni u Kristu.» 13Agi saa ana Kristu irim ɓorow ki bolow su? Pol miɗ hu gu ma garakŋa kagi ni nam su? Agi mbusugi batemma ni u sem Pol su?
14An gi deɓ Lona kay an mbus batem ka maŋ sa dukugiɗira, maŋ Krispus u Gayus hol. 15A sa maa di ana nam mbus batemma ni u senu naɗi. 16Ҥaa an mbus batemma maŋ suu vi Stefanasna, an saa ana an mbus batemma ka ma sa ma daŋ oloɗi. 17Kristu sunun ay ka kay a mbus batembi, ni kay a di Boy ma Ayra, na may a dam u yalna vi vunnaɗi, a miɗna vi Kristu hu gu ma garakŋa mbuɗ ki va ma lalas ɦawaɗi.
Boyna vi Yesu Kristu saɓakŋa u yalna vi Lona
18Boy ma dam kay miɗna vi Kristu hu gu ma garakŋa, suu a ba kina nam irisi ni va ma dawina, aygi suu ka hu voɗta vi suɗta na, boy namma iriygi ni a saɓakŋa vi Lona. 19Kay magaara di ana,
«An hin ɓalak nera vi suu neeyna kiyo,
Yalna vi suu wi yalna an hin bulumum kiyo.»
20Na ɗaŋi suu neeyna hin dini ana mege? Ni suu wi dlara hin dini ana mege? Suu ciwayra hu duliyara tanina hin dini ana mege? Lona di ana nera vi suu hu duliyara ni laɓara.
21Suu hu duliyara na ndak ka a wi Lona u neesira ana ni Lona gasiraɗi, kay ndaɗta Lona min suɗ suu tin hurusi kamma ki u boy ma puluɗi ma aygi damma. 22Suu Juifna joɓ dlara mbuɗta, suu Grekŋa hal ni nera may. 23Hu li ma ami di boyna kay Kristu ɓali hu gu ma garakŋa, boy namma kay suu Juifna ni va ma daɓasi sesina, kay njaf suu daŋŋa ni va ma laɓana may. 24Kay suu Lona yasina, lini suu Juifna lay suu daŋŋa lay, Kristu ni saɓakŋa u nera vi Lona. 25Laɓara vi Lona ni neey su nera vi suuna, maŋira vi Lona saɓak su saɓakŋa vi suuna.
26Gorsenna yira yagi ayra ni ana mege? Dukugi ni u wira vi tliwna ni suu neeyna ka ŋgolɗi suu saɓakŋa ka ŋgolɗi lay, deera vi suu ndakina ka ŋgolɗi lay. 27Lona man dlara suuna goloɗ ko laɓa nara a mbuɗ suu neeyna zoloo, nam man dlara suuna goloɗ ko maŋi nara kay a mbuɗ suu saɓakŋa zoloo. 28Lona man dlara suuna panaɗ hu duliyara tanda gol irisi ko va lalas nara, kay ɓalak tlesuu irisi ndaki garaŋŋa kiyo. 29Sa warna ka ndak a ŋga tam fok Lonaɗi. 30Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma. 31Ko magaara dira na, «Sa ma ŋga tamma ŋga tammi u tlesuu Bu Suuna lasina.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.