'Anga'anga 13
13
Kua 'iki'ia ē kua tonokia a Bānaba rāua ko Paulo
1Tei te 'ēkālēsia i Ānētiōka ra ēta'i peroveta ē te au pū'āpi'i: koia 'oki, ko Bānaba ē ko Simeona, ko tei tapa'ia ko Nīgere ra, ē ko Lukio nō Kurene, ē ko Manaena (ko tei 'āngai kāpiti'ia rāua ko te tēterāreka ra ko Heroda), ē ko Saula. 2Ē tē 'akamori ra rātou i te 'Atu ma te 'akakore'angā kai, kua tuatua maira te Vaerua Tapu, “Ka 'akatakakē mai ana i a Bānaba rāua ko Saula nōku, nō te 'anga'anga i 'ākono'ia e au nā rāua ra.”
3I reira, kua 'akakore atura rātou i te kai ē kua pure atura; e oti akera, kua tuku atura i tō rātou rima ki runga a'o i a rāua, ē tono atura i a rāua.
Tei Kūpero ra
4Ko Bānaba rāua ko Saula tei tonokia atu 'oki e te Vaerua Tapu ra, 'aere atura ki raro ki Seleukia, ē mei reira mai, kua tere atura rāua ki Kūpero ra. 5I tō rāua tae'anga atu ki Sālami, kua ako atura rāua i te tuatua a te Atua i roto i te au sūnago o te Ngāti Iūda. Ē tei a rāua katoa 'oki a Ioane 'ei tauturu.
6Ē kua 'ā'āere atura rāua nā runga i taua 'enua katoa ra e tae 'ua atu ki Papho ra, ē kua kite atura rāua i reira i tēta'i tangata purepure, 'e peroveta pikika'a katoa aia, 'e tangata Ngāti Iūda, ko Bara Iēsū tōna ingoa. 7Tei ō te tūtara ko Sērio Paulo aia ra. ‘E tangata kāraperape 'oki i a Sērio, kua pati maira aia i a Bānaba rāua ko Saula, nō te mea, kua 'inangaro 'oki aia i te 'akarongorongo i te tuatua a te Atua. 8Kāreka a Ēlima, taua tangata purepure ra (ko tērā 'oki te 'akatau'anga o tōna ingoa), kua pāto'i maira aia i a rāua, nō te mea, kua 'inangaro 'oki aia i te 'aka'āriu kē atu i te tūtara mei te 'akarongo ra. 9Ko Saula rā (ko tei tapa katoa'ia ē, ko Paulo), kī akera aia i te Vaerua Tapu, kua tīroi matariki atura ki aia, 10nā kō atura, “Auē koe, e te tamaiti a te Tiāporo ē, tei kī i te au tū pikika'a katoa ra ē te au mea kino rava rāi, 'e 'enemi koe nō te au tuatua tika rava rāi. Kāre āinei koe e tukumoe i te 'akamingimingi i te au mataara tika o te 'Atu? 11Inā, i tēianei rāi, 'ei runga mai i a koe te rima o te 'Atu, ē ka matapō'ia koe, ē kāre koe e kite 'aka'ou i te rā nō tēta'i tuātau.”
I taua 'ati'anga rāi, kua roko'ia i'ora a Ēlima e te māre'ure'u ē te pōiri, ē i tōna 'ā'āere'anga kua kimi i'ora aia i tēta'i tangata 'ei tātakirima nōna. 12Ko te tūtara rā i tōna kite'anga i tei tupu ra, kua 'irinaki atura aia, nō te mea, kua vā ma'ata 'oki aia i te 'āpi'i'anga a te 'Atu.
Tei Ānētiōka i Pisidia ra
13Kua tere atura a Paulo mā mei Papho mai ē kua tae atura rātou ki Perege i Pāmephūlia. Ko Ioane Māreko rā, kua 'akaruke atura aia i a rāua ē kua 'oki maira ki Iērūsalēma. 14E riro atura rātou mei Perege maira, kua tae atura rātou ki Ānētiōka i Pisidia; ē i te rā Sābati, kua tomo atura rātou ki roto i te sūnago ē kua no'o i'ora ki raro. 15E oti akera te tatau'anga i te Ture ē te au peroveta ra, kua tono akera te au tūtara o te sūnago i te karere ki a rātou, nā kō atura, “E tama mā, ē te au taeake nei, mē 'e tuatua 'akamāro'iro'i tā kōtou ki te tangata nei, e 'akakite mai i te reira.” 16Kua tū maira a Paulo ki runga, kua kamokamo atura ki tōna rima ē kua nā kō maira,
“E te au tangata nō Īserā'ela nei ē te aronga e mataku i te Atua ra, ka 'akarongo mai ana. 17#a: Exo 1.7; b: Exo 12.51Nā te Atua o tēianei 'iti tangata nō Īserā'ela nei i 'iki mai i tō tātou 'ai tupuna, ē kua 'akateitei atura i tōna 'iti tangata i no'o tuitārere i te 'enua ko Aiphiti ra, ē kua arataki maira aia i a rātou ki va'o mai i te reira ma te rima mārōrō. 18#Num 14.34; Deut 1.31Ē kua 'akakoromaki atura aia i a rātou i roto i te mēdēbara e 'ā nga'uru akera mata'iti. 19#a: Deut 7.1; b: Iosu 14.1Kua pou akera i aia e 'itu vaka tangata i te 'enua ko Kanaana ra, ē kua 'akariro atura aia i te reira 'enua 'ei tu'anga nō rātou 'ua'orāi. 20#a: Aka 2.16; b: 1 Sam 3.20Mei te 'ā 'ānere e rima nga'uru mata'iti te roa i te tupu'anga aua mea kātoatoa ra.
“Ē i muri ake i te reira, kua tuku maira te Atua i te au 'akavā e tae 'ua maira ki a Sāmuela te peroveta ra. 21#a: 1 Sam 8.5; b: 1 Sam 10.21I reira, kua pati atura rātou i tēta'i ariki, ē kua 'ōronga mai te Atua i a Saula ki a rātou, te tamaiti a Kisa, nō te kōpū o Bēniāmina taua tangata ra; e 'ā nga'uru akera ōna mata'iti i te ariki'anga. 22#a: 1 Sam 13.14; b: 1 Sam 16.12; Sal 89.20Ē kua 'akaātea atura te Atua i aia, ē kua 'akariro akera aia i a Dāvida 'ei ariki nō rātou. Nō runga 'oki i aia tāna i 'akakite mai, nā kō maira, ‘Kua kitea e au a Dāvida, te tamaiti a Iēse, 'e tangata mareka ma'ata rava'ia e au, ē nāna e 'ākono i tōku au anoano kātoatoa ra.’ 23Nā roto mai i te 'uānga o Dāvida ra i 'akatupu mai ei te Atua i tēta'i 'akaora nō Īserā'ela, ko Iēsū, mei tāna 'oki i kōreromotu maira. 24#Mār 1.4; Luk 3.3I mua ake ka tae mai ei aia ra, kua ako 'aere ana a Ioane i te bāpetīto'anga tatarā'ara ki te tangata rava rāi o Īserā'ela ra. 25#a: Ioa 1.20; b: Māt 3.11; Mār 1.7; Luk 3.16; Ioa 1.27Kia vaitata atura a Ioane ki te 'openga o tāna 'anga'anga ra, kua nā kō akera aia, ‘Ko 'ai au nei i tā kōtou na manako'anga? Kāre au ko ia. Inārā, tē 'aere mai nei tēta'i i muringa a'o i āku nei, kāre ia au e tau kia tatara 'ua atu i te tāmaka i tōna vaevae.’
26“E tama mā ē te au taeake nei, ē te 'uānga o Āberahāma ē te aronga e mataku i te Atua i rotopū i a kōtou na, kua tonokia mai tēia karere o te rāvenga ora ki a tātou nei. 27Noa atu ē, kāre te aronga tei no'o i Iērūsalēma ē tō rātou au tūtara ra i kite ē ko 'ai tēia tangata nei, nā roto i tā rātou 'akavā'anga i aia, kua 'akatupu rāi rātou i te au tuatua a te au peroveta nō runga i aia tei mātau'ia i te tatau'ia i te au Sābati katoa ra. 28#Māt 27.22,23; Mār 15.13,14; Luk 23.21-23; Ioa 19.15Noa atu ē kāre i kitea e rātou tēta'i tumu nō te mate, kua pati rāi rātou ki a Pilato kia tāmate'ia aia. 29#Māt 27.57-61; Mār 15.42-47; Luk 23.50-56; Ioa 19.38-42E 'ope akera i a rātou i te 'akatupu i te au mea katoa i tātā'ia nō runga i aia, kua tuku maira rātou i aia ki raro mei runga mai i te rākau, e vai'o atura ki roto i te mēnema. 30Nā te Atua rā i 'akatū mai i aia mei te mate maira. 31#Anga 1.3Ē 'e mānganui 'oki te au rā i tōna kitea'anga'ia e te aronga i 'aere ma ia katoa mei Galilea maira ki Iērūsalēma ra. Ko rātou 'oki tōna au kite ki te tangata ra. 32Ē tē 'akakite atu nei mātou ki a kōtou i te tuatua meitaki, koia 'oki, tā te Atua i kōreromotu mai ki te 'ui tupuna ra, 33kua 'akatupu 'oki aia i te reira ki a tātou nei, tā rātou au tamariki, nā roto i te 'akatū'anga mai i a Iēsū ki runga, mei tei tātā'ia 'oki ki roto i te Salamo rua ra:#Sal 2.7
‘Ko taku Tamaiti koe,
i nakōnei 'oki koe i 'aka'ānau'ia ai e au.’
34 #
Isa 55.3
Ē kua 'akatū mai aia i aia ki runga mei te mate maira kia kore tākiri aia e 'oki 'aka'ou ki te pē, mei tei 'akakite takere'ia mai i te nā kō'anga mai ē:
‘Ka 'ōronga atu au ki a koe i te au 'akameitaki'anga pikika'akore
i kōreromotu'ia ki a Dāvida.’
35 #
Sal 16.10
Tē tuatua nei 'oki aia i tēta'i ngā'i kē:
‘Kāre koe e 'akatika i tō Mea Tapu kia kite i te pē.’
36Kāreka a Dāvida tei 'ākono i tō te Atua anoano i tōna 'ua'orāi uki, kua moe atura aia ē kua kāpiti'ia atura aia ki tōna 'ai metua ē kite atura i te pē. 37Ko ia rāi tā te Atua i 'akatū ki runga ra, kāre aia i kite i te pē. 38-39Ē tēianei, e tama mā ē te au taeake nei, kia kite kōtou ē, kua 'akakite'ia mai ki a kōtou te 'akakore'anga o te 'ara nā roto i a Iēsū; ē ko te au tangata rava rāi tei 'irinaki ki aia ra, ka 'akati'amā'ia mai rātou mei te au mea kātoatoa kāre te Ture a Mōse ra i rauka i te 'akati'amā i a kōtou na. 40Ē tēianei, e matakite ko te roko'ia mai ā'ea kōtou e tei tuatua'ia mai e te au peroveta ra:
41 #
Hab 1.5
‘E 'ākara ana kōtou, e te aronga 'āviri ē, ka ūmeremere 'oki kōtou, ē ka mate atu.
Ka rave 'oki au i tēta'i 'anga'anga i tō kōtou na au rā,
ko tēta'i 'anga'anga 'oki, kāre rava kōtou e 'irinaki i te reira,
noa atu ē, kua tuatua 'ua mai ana te tangata i te reira ki a kōtou.’ ”
42Ē tei tō Paulo rāua ko Bānaba 'akaruke'anga i te sūnago ra, kua pati atura ki a rāua kia ako 'aka'ou'ia taua tuatua ra i tērā mai Sābati. 43E 'akanga'oro atura taua 'uipā'anga ra, kua āru maira tō te Ngāti Iūda ē tā rātou au pipi 'e mānganui tei 'ākono i te Atua, i a Paulo rāua ko Bānaba. Nā rāua i 'akanauru i a rātou kia 'akatinamou rātou i roto i te aro'a 'ua o te Atua.
44E tae akera ki te Sābati ra, kua 'uipā maira e vaitata rāi te katoa'anga o taua 'ōire ra i te 'akarongo i te tuatua a te 'Atu. 45Kia 'ākara maira te Ngāti Iūda i taua urupū ma'ata ra, kua kī akera rātou i te vare'ae, ē kua pāto'ito'i maira rātou ma te 'akakino i tā Paulo i 'akakite atura. 46Kua pa'u atura a Paulo rāua ko Bānaba ma te matakukore, nā kō atura, “'E mea umuumu'ia kia 'akakite'ia te tuatua a te Atua nā mua ki a kōtou. Nō te mea rā ē, kua tute kē kōtou i te reira, ē tē manako nei kōtou ē, kāre kōtou e tau i te ora mutukore, inā, tē 'āriu nei māua ki te 'ētene. 47#Isa 42.6; 49.6Kua pērā 'oki te 'Atu i te 'iku'iku'anga mai ki a māua:
‘Kua 'ākono'ia koe e au 'ei tūrama nō te 'ētene,
kia riro koe 'ei rāvenga ora e tae 'ua atu ki te 'openga o te 'enua ra.’ ”
48Ē kia 'akarongo maira te 'ētene i te reira, mareka rava atura rātou ē kua 'akakakā atura 'oki i te tuatua a te 'Atu, ē kua 'irinaki atura te aronga katoa i 'ākono'ia nō te ora mutukore ra.
49Kua pararauare atura te tuatua a te 'Atu ki taua tu'anga 'enua katoa ra. 50Ko te Ngāti Iūda rā, kua tāoriori atura rātou i te au va'ine pāpānunui ē te 'ākono Atua ra, pērā katoa i te aronga tūtara i taua 'ōire ra, ē kua 'akatupu atura 'oki i te tākinga kino'anga i a Paulo rāua ko Bānaba, ē kua tuaru atura i a rāua mei tō rātou pae 'enua. 51#Māt 10.14; Mār 6.11; Luk 9.5; 10.11Kua rūrū atura rāua i te one mei tō rāua vaevae i a rātou; ē 'aere atura rāua ki Īkōnio. 52Ko te au pipi rā, kua kī rātou i te rekareka ē i te Vaerua Tapu.
Currently Selected:
'Anga'anga 13: CIMRNT
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.
'Anga'anga 13
13
Kua 'iki'ia ē kua tonokia a Bānaba rāua ko Paulo
1Tei te 'ēkālēsia i Ānētiōka ra ēta'i peroveta ē te au pū'āpi'i: koia 'oki, ko Bānaba ē ko Simeona, ko tei tapa'ia ko Nīgere ra, ē ko Lukio nō Kurene, ē ko Manaena (ko tei 'āngai kāpiti'ia rāua ko te tēterāreka ra ko Heroda), ē ko Saula. 2Ē tē 'akamori ra rātou i te 'Atu ma te 'akakore'angā kai, kua tuatua maira te Vaerua Tapu, “Ka 'akatakakē mai ana i a Bānaba rāua ko Saula nōku, nō te 'anga'anga i 'ākono'ia e au nā rāua ra.”
3I reira, kua 'akakore atura rātou i te kai ē kua pure atura; e oti akera, kua tuku atura i tō rātou rima ki runga a'o i a rāua, ē tono atura i a rāua.
Tei Kūpero ra
4Ko Bānaba rāua ko Saula tei tonokia atu 'oki e te Vaerua Tapu ra, 'aere atura ki raro ki Seleukia, ē mei reira mai, kua tere atura rāua ki Kūpero ra. 5I tō rāua tae'anga atu ki Sālami, kua ako atura rāua i te tuatua a te Atua i roto i te au sūnago o te Ngāti Iūda. Ē tei a rāua katoa 'oki a Ioane 'ei tauturu.
6Ē kua 'ā'āere atura rāua nā runga i taua 'enua katoa ra e tae 'ua atu ki Papho ra, ē kua kite atura rāua i reira i tēta'i tangata purepure, 'e peroveta pikika'a katoa aia, 'e tangata Ngāti Iūda, ko Bara Iēsū tōna ingoa. 7Tei ō te tūtara ko Sērio Paulo aia ra. ‘E tangata kāraperape 'oki i a Sērio, kua pati maira aia i a Bānaba rāua ko Saula, nō te mea, kua 'inangaro 'oki aia i te 'akarongorongo i te tuatua a te Atua. 8Kāreka a Ēlima, taua tangata purepure ra (ko tērā 'oki te 'akatau'anga o tōna ingoa), kua pāto'i maira aia i a rāua, nō te mea, kua 'inangaro 'oki aia i te 'aka'āriu kē atu i te tūtara mei te 'akarongo ra. 9Ko Saula rā (ko tei tapa katoa'ia ē, ko Paulo), kī akera aia i te Vaerua Tapu, kua tīroi matariki atura ki aia, 10nā kō atura, “Auē koe, e te tamaiti a te Tiāporo ē, tei kī i te au tū pikika'a katoa ra ē te au mea kino rava rāi, 'e 'enemi koe nō te au tuatua tika rava rāi. Kāre āinei koe e tukumoe i te 'akamingimingi i te au mataara tika o te 'Atu? 11Inā, i tēianei rāi, 'ei runga mai i a koe te rima o te 'Atu, ē ka matapō'ia koe, ē kāre koe e kite 'aka'ou i te rā nō tēta'i tuātau.”
I taua 'ati'anga rāi, kua roko'ia i'ora a Ēlima e te māre'ure'u ē te pōiri, ē i tōna 'ā'āere'anga kua kimi i'ora aia i tēta'i tangata 'ei tātakirima nōna. 12Ko te tūtara rā i tōna kite'anga i tei tupu ra, kua 'irinaki atura aia, nō te mea, kua vā ma'ata 'oki aia i te 'āpi'i'anga a te 'Atu.
Tei Ānētiōka i Pisidia ra
13Kua tere atura a Paulo mā mei Papho mai ē kua tae atura rātou ki Perege i Pāmephūlia. Ko Ioane Māreko rā, kua 'akaruke atura aia i a rāua ē kua 'oki maira ki Iērūsalēma. 14E riro atura rātou mei Perege maira, kua tae atura rātou ki Ānētiōka i Pisidia; ē i te rā Sābati, kua tomo atura rātou ki roto i te sūnago ē kua no'o i'ora ki raro. 15E oti akera te tatau'anga i te Ture ē te au peroveta ra, kua tono akera te au tūtara o te sūnago i te karere ki a rātou, nā kō atura, “E tama mā, ē te au taeake nei, mē 'e tuatua 'akamāro'iro'i tā kōtou ki te tangata nei, e 'akakite mai i te reira.” 16Kua tū maira a Paulo ki runga, kua kamokamo atura ki tōna rima ē kua nā kō maira,
“E te au tangata nō Īserā'ela nei ē te aronga e mataku i te Atua ra, ka 'akarongo mai ana. 17#a: Exo 1.7; b: Exo 12.51Nā te Atua o tēianei 'iti tangata nō Īserā'ela nei i 'iki mai i tō tātou 'ai tupuna, ē kua 'akateitei atura i tōna 'iti tangata i no'o tuitārere i te 'enua ko Aiphiti ra, ē kua arataki maira aia i a rātou ki va'o mai i te reira ma te rima mārōrō. 18#Num 14.34; Deut 1.31Ē kua 'akakoromaki atura aia i a rātou i roto i te mēdēbara e 'ā nga'uru akera mata'iti. 19#a: Deut 7.1; b: Iosu 14.1Kua pou akera i aia e 'itu vaka tangata i te 'enua ko Kanaana ra, ē kua 'akariro atura aia i te reira 'enua 'ei tu'anga nō rātou 'ua'orāi. 20#a: Aka 2.16; b: 1 Sam 3.20Mei te 'ā 'ānere e rima nga'uru mata'iti te roa i te tupu'anga aua mea kātoatoa ra.
“Ē i muri ake i te reira, kua tuku maira te Atua i te au 'akavā e tae 'ua maira ki a Sāmuela te peroveta ra. 21#a: 1 Sam 8.5; b: 1 Sam 10.21I reira, kua pati atura rātou i tēta'i ariki, ē kua 'ōronga mai te Atua i a Saula ki a rātou, te tamaiti a Kisa, nō te kōpū o Bēniāmina taua tangata ra; e 'ā nga'uru akera ōna mata'iti i te ariki'anga. 22#a: 1 Sam 13.14; b: 1 Sam 16.12; Sal 89.20Ē kua 'akaātea atura te Atua i aia, ē kua 'akariro akera aia i a Dāvida 'ei ariki nō rātou. Nō runga 'oki i aia tāna i 'akakite mai, nā kō maira, ‘Kua kitea e au a Dāvida, te tamaiti a Iēse, 'e tangata mareka ma'ata rava'ia e au, ē nāna e 'ākono i tōku au anoano kātoatoa ra.’ 23Nā roto mai i te 'uānga o Dāvida ra i 'akatupu mai ei te Atua i tēta'i 'akaora nō Īserā'ela, ko Iēsū, mei tāna 'oki i kōreromotu maira. 24#Mār 1.4; Luk 3.3I mua ake ka tae mai ei aia ra, kua ako 'aere ana a Ioane i te bāpetīto'anga tatarā'ara ki te tangata rava rāi o Īserā'ela ra. 25#a: Ioa 1.20; b: Māt 3.11; Mār 1.7; Luk 3.16; Ioa 1.27Kia vaitata atura a Ioane ki te 'openga o tāna 'anga'anga ra, kua nā kō akera aia, ‘Ko 'ai au nei i tā kōtou na manako'anga? Kāre au ko ia. Inārā, tē 'aere mai nei tēta'i i muringa a'o i āku nei, kāre ia au e tau kia tatara 'ua atu i te tāmaka i tōna vaevae.’
26“E tama mā ē te au taeake nei, ē te 'uānga o Āberahāma ē te aronga e mataku i te Atua i rotopū i a kōtou na, kua tonokia mai tēia karere o te rāvenga ora ki a tātou nei. 27Noa atu ē, kāre te aronga tei no'o i Iērūsalēma ē tō rātou au tūtara ra i kite ē ko 'ai tēia tangata nei, nā roto i tā rātou 'akavā'anga i aia, kua 'akatupu rāi rātou i te au tuatua a te au peroveta nō runga i aia tei mātau'ia i te tatau'ia i te au Sābati katoa ra. 28#Māt 27.22,23; Mār 15.13,14; Luk 23.21-23; Ioa 19.15Noa atu ē kāre i kitea e rātou tēta'i tumu nō te mate, kua pati rāi rātou ki a Pilato kia tāmate'ia aia. 29#Māt 27.57-61; Mār 15.42-47; Luk 23.50-56; Ioa 19.38-42E 'ope akera i a rātou i te 'akatupu i te au mea katoa i tātā'ia nō runga i aia, kua tuku maira rātou i aia ki raro mei runga mai i te rākau, e vai'o atura ki roto i te mēnema. 30Nā te Atua rā i 'akatū mai i aia mei te mate maira. 31#Anga 1.3Ē 'e mānganui 'oki te au rā i tōna kitea'anga'ia e te aronga i 'aere ma ia katoa mei Galilea maira ki Iērūsalēma ra. Ko rātou 'oki tōna au kite ki te tangata ra. 32Ē tē 'akakite atu nei mātou ki a kōtou i te tuatua meitaki, koia 'oki, tā te Atua i kōreromotu mai ki te 'ui tupuna ra, 33kua 'akatupu 'oki aia i te reira ki a tātou nei, tā rātou au tamariki, nā roto i te 'akatū'anga mai i a Iēsū ki runga, mei tei tātā'ia 'oki ki roto i te Salamo rua ra:#Sal 2.7
‘Ko taku Tamaiti koe,
i nakōnei 'oki koe i 'aka'ānau'ia ai e au.’
34 #
Isa 55.3
Ē kua 'akatū mai aia i aia ki runga mei te mate maira kia kore tākiri aia e 'oki 'aka'ou ki te pē, mei tei 'akakite takere'ia mai i te nā kō'anga mai ē:
‘Ka 'ōronga atu au ki a koe i te au 'akameitaki'anga pikika'akore
i kōreromotu'ia ki a Dāvida.’
35 #
Sal 16.10
Tē tuatua nei 'oki aia i tēta'i ngā'i kē:
‘Kāre koe e 'akatika i tō Mea Tapu kia kite i te pē.’
36Kāreka a Dāvida tei 'ākono i tō te Atua anoano i tōna 'ua'orāi uki, kua moe atura aia ē kua kāpiti'ia atura aia ki tōna 'ai metua ē kite atura i te pē. 37Ko ia rāi tā te Atua i 'akatū ki runga ra, kāre aia i kite i te pē. 38-39Ē tēianei, e tama mā ē te au taeake nei, kia kite kōtou ē, kua 'akakite'ia mai ki a kōtou te 'akakore'anga o te 'ara nā roto i a Iēsū; ē ko te au tangata rava rāi tei 'irinaki ki aia ra, ka 'akati'amā'ia mai rātou mei te au mea kātoatoa kāre te Ture a Mōse ra i rauka i te 'akati'amā i a kōtou na. 40Ē tēianei, e matakite ko te roko'ia mai ā'ea kōtou e tei tuatua'ia mai e te au peroveta ra:
41 #
Hab 1.5
‘E 'ākara ana kōtou, e te aronga 'āviri ē, ka ūmeremere 'oki kōtou, ē ka mate atu.
Ka rave 'oki au i tēta'i 'anga'anga i tō kōtou na au rā,
ko tēta'i 'anga'anga 'oki, kāre rava kōtou e 'irinaki i te reira,
noa atu ē, kua tuatua 'ua mai ana te tangata i te reira ki a kōtou.’ ”
42Ē tei tō Paulo rāua ko Bānaba 'akaruke'anga i te sūnago ra, kua pati atura ki a rāua kia ako 'aka'ou'ia taua tuatua ra i tērā mai Sābati. 43E 'akanga'oro atura taua 'uipā'anga ra, kua āru maira tō te Ngāti Iūda ē tā rātou au pipi 'e mānganui tei 'ākono i te Atua, i a Paulo rāua ko Bānaba. Nā rāua i 'akanauru i a rātou kia 'akatinamou rātou i roto i te aro'a 'ua o te Atua.
44E tae akera ki te Sābati ra, kua 'uipā maira e vaitata rāi te katoa'anga o taua 'ōire ra i te 'akarongo i te tuatua a te 'Atu. 45Kia 'ākara maira te Ngāti Iūda i taua urupū ma'ata ra, kua kī akera rātou i te vare'ae, ē kua pāto'ito'i maira rātou ma te 'akakino i tā Paulo i 'akakite atura. 46Kua pa'u atura a Paulo rāua ko Bānaba ma te matakukore, nā kō atura, “'E mea umuumu'ia kia 'akakite'ia te tuatua a te Atua nā mua ki a kōtou. Nō te mea rā ē, kua tute kē kōtou i te reira, ē tē manako nei kōtou ē, kāre kōtou e tau i te ora mutukore, inā, tē 'āriu nei māua ki te 'ētene. 47#Isa 42.6; 49.6Kua pērā 'oki te 'Atu i te 'iku'iku'anga mai ki a māua:
‘Kua 'ākono'ia koe e au 'ei tūrama nō te 'ētene,
kia riro koe 'ei rāvenga ora e tae 'ua atu ki te 'openga o te 'enua ra.’ ”
48Ē kia 'akarongo maira te 'ētene i te reira, mareka rava atura rātou ē kua 'akakakā atura 'oki i te tuatua a te 'Atu, ē kua 'irinaki atura te aronga katoa i 'ākono'ia nō te ora mutukore ra.
49Kua pararauare atura te tuatua a te 'Atu ki taua tu'anga 'enua katoa ra. 50Ko te Ngāti Iūda rā, kua tāoriori atura rātou i te au va'ine pāpānunui ē te 'ākono Atua ra, pērā katoa i te aronga tūtara i taua 'ōire ra, ē kua 'akatupu atura 'oki i te tākinga kino'anga i a Paulo rāua ko Bānaba, ē kua tuaru atura i a rāua mei tō rātou pae 'enua. 51#Māt 10.14; Mār 6.11; Luk 9.5; 10.11Kua rūrū atura rāua i te one mei tō rāua vaevae i a rātou; ē 'aere atura rāua ki Īkōnio. 52Ko te au pipi rā, kua kī rātou i te rekareka ē i te Vaerua Tapu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.