Roma 13
13
Wəmpprəm met məlĩyeŋge
1Ko naway pak dəpprəm met məlĩyeŋge na dəlva. Ɗəf tay nawsan məlĩ ɓa, say an Maŋgəlva dəɗiya. Ɗii məs dəsoŋ məlĩyeŋge na dələv pakə, Maŋgəlva dəɗiye. 2Ko naway dəɓoŋ aket məlĩyeŋge, ki dawka na Maŋgəlva azlahə, kita na Maŋgəlva akay aka zəni. 3Ɗəf məgəɗ mogon pak aw geslne sit məlĩyeŋge ɓa, say ɗəf məgəɗ mambray dəda geslne siti. An mokum tayaka geslne sən məlĩ ɓana, məgəɗ wəza mogoni, asna waɗi kikum vi wəza mogon nokum. 4Vi məlĩ van na wəza na Maŋgəlva adaɗɗa, vi kabaah sukum də wəɗɗa wəza mogoni. Amma an kəɗɗaŋgək mambraya, dewle nokum wakəgeslne'eŋ sənəni. Vi tay də sembe nawtaw kita akokum, Maŋgəlva aɗiyək dəgrakan gən wəda gədəv nan aket ɗii məɗɗaŋ mambraya. 5Vi wənneski dewle say məpprəm mani, vi wəda gədəv na Maŋgəlvayi kaaka ɓa, amma vi wəɗum na makrokum dəɗi sukum wənnan vaska.
6Vi vaski məfaɗ zomorgol. Vi wəza net ɗii gugiriɗ adaɗɗaŋgəŋka, tahəŋ wəɗɗanən vi Maŋgəlva'a. 7Məfaɗ zəga məs dəslə nawfaɗ sit məlĩyeŋge, məfaɗ zomorgol, an məs ɗii gugiriɗ na dələv anah sukumən napsit pak məpsiti. Məgakdeketi, vi agapaŋgək nawrah gakdak vaska.
Wəŋgla na megge
8An ɗəf apsukuk dəmən kədaw sok dəndən ha faɗ ɓa, aŋki dawka, məŋglu zukum. Ko naway dəŋglu meggeni, aski kan asbanək dawka də goŋga. 9Kisininik dawkeɗi: Kədaɗɗa mana'a ɓa, kədawbay gəbay ɓa, kədaw hal ɓa, kədaw sim zəga ɓa. Eski, dit dawkeɗ meɓɓet pak adəv dawka takayi akkalaŋ pakə. Ndəni əŋglu meggok va kəŋglu zuko. 10Ɗəf məs dəŋglu meggeni, aɗum na mbrayen aka meggen ɓa. Vi vaski ɗəf məs dəŋglu meggeni, asbanək dawka pakə.
Wəzi zə ɗəf aza pay naziya na Krestu
11Məɗɗa vaska, vi kəsənənka pay nan agəɗək kan kakaŋka, məfɗaah səket sin nokum. Pay na koh nokum go'oy sawɓa, ha dayki an kətəŋgaŋ lahəŋ wətaf Ɗəfdaya. 12Dəfəɗ atirik sawɓa, go'oy aza wədaŋga, vi vaski say məppan wəza məs kədaɗɗaŋ ara guzliyəŋka, məgəm səm zəga annara təki babara ndəni zəga naw gay namə, məgay gən də guzliyo, məday gən kini. 13Say məgəɗ səm wəza məs dəslə azamə, vi ɗii na kapay mənani, məga səm zəm səza wəsmay mbrayen də wəbay na mbazla, də wəɗɗa polkoyo, də ɗarɗarə, də zəga mbrayen pakə, məppan səm wəgaya də kotoroku. 14Amma mugul zeŋgille meleketen məs kərəhaŋ də Zezu Krestu Ɗəfdaya, kədapanən zukum sən əŋgla na zukum, dəday gən kikum ɓa.
Currently Selected:
Roma 13: GDRNT85
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.
Roma 13
13
Wəmpprəm met məlĩyeŋge
1Ko naway pak dəpprəm met məlĩyeŋge na dəlva. Ɗəf tay nawsan məlĩ ɓa, say an Maŋgəlva dəɗiya. Ɗii məs dəsoŋ məlĩyeŋge na dələv pakə, Maŋgəlva dəɗiye. 2Ko naway dəɓoŋ aket məlĩyeŋge, ki dawka na Maŋgəlva azlahə, kita na Maŋgəlva akay aka zəni. 3Ɗəf məgəɗ mogon pak aw geslne sit məlĩyeŋge ɓa, say ɗəf məgəɗ mambray dəda geslne siti. An mokum tayaka geslne sən məlĩ ɓana, məgəɗ wəza mogoni, asna waɗi kikum vi wəza mogon nokum. 4Vi məlĩ van na wəza na Maŋgəlva adaɗɗa, vi kabaah sukum də wəɗɗa wəza mogoni. Amma an kəɗɗaŋgək mambraya, dewle nokum wakəgeslne'eŋ sənəni. Vi tay də sembe nawtaw kita akokum, Maŋgəlva aɗiyək dəgrakan gən wəda gədəv nan aket ɗii məɗɗaŋ mambraya. 5Vi wənneski dewle say məpprəm mani, vi wəda gədəv na Maŋgəlvayi kaaka ɓa, amma vi wəɗum na makrokum dəɗi sukum wənnan vaska.
6Vi vaski məfaɗ zomorgol. Vi wəza net ɗii gugiriɗ adaɗɗaŋgəŋka, tahəŋ wəɗɗanən vi Maŋgəlva'a. 7Məfaɗ zəga məs dəslə nawfaɗ sit məlĩyeŋge, məfaɗ zomorgol, an məs ɗii gugiriɗ na dələv anah sukumən napsit pak məpsiti. Məgakdeketi, vi agapaŋgək nawrah gakdak vaska.
Wəŋgla na megge
8An ɗəf apsukuk dəmən kədaw sok dəndən ha faɗ ɓa, aŋki dawka, məŋglu zukum. Ko naway dəŋglu meggeni, aski kan asbanək dawka də goŋga. 9Kisininik dawkeɗi: Kədaɗɗa mana'a ɓa, kədawbay gəbay ɓa, kədaw hal ɓa, kədaw sim zəga ɓa. Eski, dit dawkeɗ meɓɓet pak adəv dawka takayi akkalaŋ pakə. Ndəni əŋglu meggok va kəŋglu zuko. 10Ɗəf məs dəŋglu meggeni, aɗum na mbrayen aka meggen ɓa. Vi vaski ɗəf məs dəŋglu meggeni, asbanək dawka pakə.
Wəzi zə ɗəf aza pay naziya na Krestu
11Məɗɗa vaska, vi kəsənənka pay nan agəɗək kan kakaŋka, məfɗaah səket sin nokum. Pay na koh nokum go'oy sawɓa, ha dayki an kətəŋgaŋ lahəŋ wətaf Ɗəfdaya. 12Dəfəɗ atirik sawɓa, go'oy aza wədaŋga, vi vaski say məppan wəza məs kədaɗɗaŋ ara guzliyəŋka, məgəm səm zəga annara təki babara ndəni zəga naw gay namə, məgay gən də guzliyo, məday gən kini. 13Say məgəɗ səm wəza məs dəslə azamə, vi ɗii na kapay mənani, məga səm zəm səza wəsmay mbrayen də wəbay na mbazla, də wəɗɗa polkoyo, də ɗarɗarə, də zəga mbrayen pakə, məppan səm wəgaya də kotoroku. 14Amma mugul zeŋgille meleketen məs kərəhaŋ də Zezu Krestu Ɗəfdaya, kədapanən zukum sən əŋgla na zukum, dəday gən kikum ɓa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.