Wəza net Masləŋɗe 25
25
Pol aŋgəl na məlĩ na Roma dətawsən gən kita
1Pay hoku səza Festus agap aka dələv nani, asilik sə Kaysariya, ambatək a Zerusalem. 2Adaki ɗii gugiriɗ net məs dəlveŋge dit ɗii gugiriɗ net Yahudiyenɗe awəliyən Pol abani. Akkamanənək Festus, 3an aŋgerik na dəki gən Pol a Zerusalem vi aslerinik met kawbayən aka tive. 4Festus azlanəka: Pol taya daŋgay a Kaysariya, naw bo wanəmil adak go'u. 5Say ɗii gugiriɗ nokum dəmbataŋ gən də in a Kaysariya də wəliyən gən adaka, an wən tay məs agəɗə.
6Festus avoŋguk dədopoɗo walla klaw dənɗaŋ a Zerusalem, yas amil a Kaysariya. Vit pumpum nani, asanək atəki na kita, yaŋ anahsit dəkiyən gən Pol. 7Adan Pol agapə, Yahudiyenɗe məs dəzoŋ sə Zerusalem akaraŋgək kini, apelinik wənna kita net də wən tattuwãh diiɗa akani, amma wənnet də zəm ɓa. 8Amma Pol apelik annan tamə, amna: Nəgəɗ mbrayen aza ma henziŋ net Yahudiyenɗe ɓa, walla aza gəla metiŋ na zuli ɓa, walla aza məlĩ na Roma ɓa.
9Festus bo manaka neken zit Yahudiyenɗe, assohonək Pol: Wakəŋger wəmbat a Zerusalem nətaw gən kita akok adak aka məs awəli kun akanəŋ sa? 10Pol amna: Intat ziwe atəki na kita na məlĩ na Roma. Adahək wətaw kita akaw aŋka. Nəgəɗ mbrayen sit Yahudiyenɗe ɓa, ko is bo kəsənka. 11Va nəgəɗək mbrayen gala nawbayu na, wanəkkomok kəppaw gən ɓa. Amma wən an gesiŋ taya dəv wən məs awəliwən akan ɓa, ɗəf tay naw ɓap wəppaw avet ɓa. Nəkkomokuko aka kita nawəŋ aba məlĩ na Roma. 12Sədəbərən Festus asler dit ɗii gugiriɗ nani, apsən na: Kəkkamawək nəkuk gən sən məlĩ na Roma, ya anəkuk azani.
Pol tayaba Agrippa dət Bernike
13Dərɓagan wəvoŋ suɗikeni, məlĩ Agrippa dət Bernike azoŋguk a Kaysariya vi kasɗan Festus. 14Avoŋgoŋguk adak suɗike, yaŋ Festus azəm meŋ na Pol sən məlĩya: Ɗəf tayaŋ mərman daga Felikus asan məlĩ aŋka. 15Yaŋ pay nəmbat a Zerusalem na, yaŋ ɗii gugiriɗ net məs dəlveŋge dit ɗii gugiriɗ net Yahudiyenɗe awəliyən azawa, akkamawən nətaw gən kita nani. 16Amma nənah sitik na kita net ɗii na Roma na, say ɗəf məwəliyən dit ɗii məs də wəliyən dəpelenən gən wənnani, vi dəzlan gən sən kini aka an məwəliyən. An vaski ɓana kapani ɗəf məwəliyən ɗii də wəliyən dəbayən gən ɓa. 17Yas kan ndəɗaŋ pak azoŋ aŋka, nənzi ɓa ləŋ samə, vit pumpum nani ni nəsawək atəki na kita, nənah sitik ɗii dəkiyən ɗəf naka. 18Ɗii məs də wəliyən asilyoŋko, apelinək məs awəliyən akani, amma də peleŋ wən mbrayen akan va an nəɗum sən akan ɓa. 19Say ma henziŋ net kaaka abayaŋ ma dəndən aka wənna wəsban Maŋgəlva neti, də aka wənna ɗəf məs adawyaŋ na Zezu amtəka, amma Pol amna: Madarani kakaŋka. 20Ya naw bo nərah ula wənnan ɓa, yas nənah sən Pol na: Wakəŋger kəmbat gən a Zerusalem kawtaw kita akok adak sa? 21Amma Pol akkamawək nawtaw kita akan aba məlĩ na Roma, nənahsitik dərmanən gən a daŋgay ha pay məs nədawkan aza məlĩ na Roma. 22Agrippa amna: Naw bo mawaka wəpprəm wənna ɗəf nani. Festus amna: Wakəpprəm wənnan pumpum.
23Vit pumpum nani, Agrippa dət Bernike azoŋguk də gakdak na məlĩya, ɗii tahəŋ wəgakdaketin sawɓa. Atoŋgoŋguk atəki na kita dit sozeɗi dit ɗii gugiriɗ na walaŋ gəla. Festus anah sitik sozeɗ dəkiyən gən Pol. Akiyənka. 24Festus amna: Məlĩ Agrippa, dit ɗii məs dəkkalaŋ aŋ pakə: Kulanənək ɗəffəŋka, Yahudiyenɗe naŋka dit na Zerusalem pak awəliyənək azawa, ndəɗaŋ pak tahəŋ wənəhaŋ na, say wəbayən. 25Amma naw nərah mbrayen azan gala nawbayəŋ ɓa. Yaŋ bo ndən sən kiyən aŋgələk kita nan dətaw gən aba məlĩ na Roma, nəɗumək nawkan adaka. 26Amma nəsən an məs nədawver aka wənnan sən məlĩ na Roma ɓa. Vini nəki abokum, yas vini dərəŋ nəki aboko is məlĩ Agrippa, vi an nəkayanək wənnan vaska, dərɓagan kana, wanərah məs nədawvere. 27Naw maɗulaw dərma wəka mədaŋgay vas məza wərban wən məs məwəliyən akan ɓaɓa.
Currently Selected:
Wəza net Masləŋɗe 25: GDRNT85
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.
Wəza net Masləŋɗe 25
25
Pol aŋgəl na məlĩ na Roma dətawsən gən kita
1Pay hoku səza Festus agap aka dələv nani, asilik sə Kaysariya, ambatək a Zerusalem. 2Adaki ɗii gugiriɗ net məs dəlveŋge dit ɗii gugiriɗ net Yahudiyenɗe awəliyən Pol abani. Akkamanənək Festus, 3an aŋgerik na dəki gən Pol a Zerusalem vi aslerinik met kawbayən aka tive. 4Festus azlanəka: Pol taya daŋgay a Kaysariya, naw bo wanəmil adak go'u. 5Say ɗii gugiriɗ nokum dəmbataŋ gən də in a Kaysariya də wəliyən gən adaka, an wən tay məs agəɗə.
6Festus avoŋguk dədopoɗo walla klaw dənɗaŋ a Zerusalem, yas amil a Kaysariya. Vit pumpum nani, asanək atəki na kita, yaŋ anahsit dəkiyən gən Pol. 7Adan Pol agapə, Yahudiyenɗe məs dəzoŋ sə Zerusalem akaraŋgək kini, apelinik wənna kita net də wən tattuwãh diiɗa akani, amma wənnet də zəm ɓa. 8Amma Pol apelik annan tamə, amna: Nəgəɗ mbrayen aza ma henziŋ net Yahudiyenɗe ɓa, walla aza gəla metiŋ na zuli ɓa, walla aza məlĩ na Roma ɓa.
9Festus bo manaka neken zit Yahudiyenɗe, assohonək Pol: Wakəŋger wəmbat a Zerusalem nətaw gən kita akok adak aka məs awəli kun akanəŋ sa? 10Pol amna: Intat ziwe atəki na kita na məlĩ na Roma. Adahək wətaw kita akaw aŋka. Nəgəɗ mbrayen sit Yahudiyenɗe ɓa, ko is bo kəsənka. 11Va nəgəɗək mbrayen gala nawbayu na, wanəkkomok kəppaw gən ɓa. Amma wən an gesiŋ taya dəv wən məs awəliwən akan ɓa, ɗəf tay naw ɓap wəppaw avet ɓa. Nəkkomokuko aka kita nawəŋ aba məlĩ na Roma. 12Sədəbərən Festus asler dit ɗii gugiriɗ nani, apsən na: Kəkkamawək nəkuk gən sən məlĩ na Roma, ya anəkuk azani.
Pol tayaba Agrippa dət Bernike
13Dərɓagan wəvoŋ suɗikeni, məlĩ Agrippa dət Bernike azoŋguk a Kaysariya vi kasɗan Festus. 14Avoŋgoŋguk adak suɗike, yaŋ Festus azəm meŋ na Pol sən məlĩya: Ɗəf tayaŋ mərman daga Felikus asan məlĩ aŋka. 15Yaŋ pay nəmbat a Zerusalem na, yaŋ ɗii gugiriɗ net məs dəlveŋge dit ɗii gugiriɗ net Yahudiyenɗe awəliyən azawa, akkamawən nətaw gən kita nani. 16Amma nənah sitik na kita net ɗii na Roma na, say ɗəf məwəliyən dit ɗii məs də wəliyən dəpelenən gən wənnani, vi dəzlan gən sən kini aka an məwəliyən. An vaski ɓana kapani ɗəf məwəliyən ɗii də wəliyən dəbayən gən ɓa. 17Yas kan ndəɗaŋ pak azoŋ aŋka, nənzi ɓa ləŋ samə, vit pumpum nani ni nəsawək atəki na kita, nənah sitik ɗii dəkiyən ɗəf naka. 18Ɗii məs də wəliyən asilyoŋko, apelinək məs awəliyən akani, amma də peleŋ wən mbrayen akan va an nəɗum sən akan ɓa. 19Say ma henziŋ net kaaka abayaŋ ma dəndən aka wənna wəsban Maŋgəlva neti, də aka wənna ɗəf məs adawyaŋ na Zezu amtəka, amma Pol amna: Madarani kakaŋka. 20Ya naw bo nərah ula wənnan ɓa, yas nənah sən Pol na: Wakəŋger kəmbat gən a Zerusalem kawtaw kita akok adak sa? 21Amma Pol akkamawək nawtaw kita akan aba məlĩ na Roma, nənahsitik dərmanən gən a daŋgay ha pay məs nədawkan aza məlĩ na Roma. 22Agrippa amna: Naw bo mawaka wəpprəm wənna ɗəf nani. Festus amna: Wakəpprəm wənnan pumpum.
23Vit pumpum nani, Agrippa dət Bernike azoŋguk də gakdak na məlĩya, ɗii tahəŋ wəgakdaketin sawɓa. Atoŋgoŋguk atəki na kita dit sozeɗi dit ɗii gugiriɗ na walaŋ gəla. Festus anah sitik sozeɗ dəkiyən gən Pol. Akiyənka. 24Festus amna: Məlĩ Agrippa, dit ɗii məs dəkkalaŋ aŋ pakə: Kulanənək ɗəffəŋka, Yahudiyenɗe naŋka dit na Zerusalem pak awəliyənək azawa, ndəɗaŋ pak tahəŋ wənəhaŋ na, say wəbayən. 25Amma naw nərah mbrayen azan gala nawbayəŋ ɓa. Yaŋ bo ndən sən kiyən aŋgələk kita nan dətaw gən aba məlĩ na Roma, nəɗumək nawkan adaka. 26Amma nəsən an məs nədawver aka wənnan sən məlĩ na Roma ɓa. Vini nəki abokum, yas vini dərəŋ nəki aboko is məlĩ Agrippa, vi an nəkayanək wənnan vaska, dərɓagan kana, wanərah məs nədawvere. 27Naw maɗulaw dərma wəka mədaŋgay vas məza wərban wən məs məwəliyən akan ɓaɓa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.