2 Korintiyen 9
9
Zəga məkkalan nabaah sit ɗii məs dətafaŋ
1Wəray tay na ver sukum aka wənna zəga nabaah sit ɗii na Maŋgəlva naka dələv na Zuda ɓa. 2Nəsənka munokum tat də əŋgla nabaahsiti. Nəɗiyək kikum abet ɗii na Maŋgəlva a Makedoniya bo, nənahək na: Milmiŋgiɗəm na Akaya tahəŋ əkalanən zəga nan daga dəbyaŋga. Zukum məs kəsokoŋgəŋ afɗehetik ɗii diiɗa suwaleŋti. 3Kakaŋ na əntatə slən milmiŋgiɗmə, vi kikum məs məɗiyəŋ adawsan ɗar mekeleŋ ɓa. Nəŋgəl na məsok zukum əpsən zəga nan gesiŋ va nənahə. 4Vi an nədek dit na Makedoniya na, an mərəhək kəkkalanən zəga məs kəɗiyaŋ ɓana, dewle wil wadəmən ambokum, ya annokumi adaw daŋ day ɓa sa! 5Ndəni nula wənnani, dewle ɗəɗaah nəkemet milmiŋgiɗəm dədoŋ gən dabəŋ kimə annokumda, dəkkalanən gən zəga məs kəɗiyaŋ kənəhən wənnan daga far farə, məzaɓan wənnani daga məɓəl əzam ɓa, dəsan zəga məpsən sən Maŋgəlva gesiŋ na mekeleŋ, tay va dewle na garama ɓa.
6Nəŋgəl kəɗumonən gən wənnəŋ ɗa: Ɗəf məs dəslgə suɗike, suɗike adaw bəla, ɗəf məs dəslgə diiɗa, diiɗa adaw bəla. 7Ko naway dəɗi va an makran aɗum səni, məza də marava ɓa walla də dewle ɓa. Vi Maŋgəlva aŋgluwək ɗəf məs dəpsən də zən neki. 8Maŋgəlva tay də sembe napsukum mogon nan temtem pak diiɗa, vi kəsoŋ gən pay pak də zəga nan pakə, an məs mokum akani, ka kəmbataŋ gən abe dəndən də əɗɗa wəza mogon temtem pakə. 9Va məver wənnan na:
Tayəpsit zəga sit məzurayɗe na mekeleŋ.
Ula saha nan wasan ha faɗə.
10Maŋgəlva məzapsən məzəslga zemve də zəga nawzəma, wapsukum zemve va aza wəray nokum, wagil gəni, vi wəza nokum məs də təstəssəŋ dənzlər gən diiɗa. 11Wakpaŋgokum məs aryeɗi ka kəkpaŋgaŋ gən məzuvəlaŋ ha faɗə, ha ɗii meɓɓet diiɗa waɗɗaŋ soko sən Maŋgəlva, vi zəga məs kəɗiyaŋ məs mədawka sitiŋka. 12Gesiŋ məs kəɗiyaŋ wabaah sit ɗii na Maŋgəlva aza wəray neti. Amma an dədayki asna waɗaŋsənən soko sən Maŋgəlva diiɗa. 13An zəga məs kəɗiyaŋ arbanək goŋga nokum, asna wagakdakanən Maŋgəlva, vi kəsbanənək saydawa na labara nenek na Krestu, kuɗakanənək zəga nokum dənɗaŋ dit ɗii pakə. 14Wazuliyaŋ sənən Maŋgəlva vikum də wəɗumon wən nokum amakret diiɗa, vi mbəlembəle məs Maŋgəlva agəɗ diiɗa akokum. 15Vaskana soko sən Maŋgəlva vi əvəl nan məs kaw ɓapi ərban ɓa.
Currently Selected:
2 Korintiyen 9: GDRNT85
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.
2 Korintiyen 9
9
Zəga məkkalan nabaah sit ɗii məs dətafaŋ
1Wəray tay na ver sukum aka wənna zəga nabaah sit ɗii na Maŋgəlva naka dələv na Zuda ɓa. 2Nəsənka munokum tat də əŋgla nabaahsiti. Nəɗiyək kikum abet ɗii na Maŋgəlva a Makedoniya bo, nənahək na: Milmiŋgiɗəm na Akaya tahəŋ əkalanən zəga nan daga dəbyaŋga. Zukum məs kəsokoŋgəŋ afɗehetik ɗii diiɗa suwaleŋti. 3Kakaŋ na əntatə slən milmiŋgiɗmə, vi kikum məs məɗiyəŋ adawsan ɗar mekeleŋ ɓa. Nəŋgəl na məsok zukum əpsən zəga nan gesiŋ va nənahə. 4Vi an nədek dit na Makedoniya na, an mərəhək kəkkalanən zəga məs kəɗiyaŋ ɓana, dewle wil wadəmən ambokum, ya annokumi adaw daŋ day ɓa sa! 5Ndəni nula wənnani, dewle ɗəɗaah nəkemet milmiŋgiɗəm dədoŋ gən dabəŋ kimə annokumda, dəkkalanən gən zəga məs kəɗiyaŋ kənəhən wənnan daga far farə, məzaɓan wənnani daga məɓəl əzam ɓa, dəsan zəga məpsən sən Maŋgəlva gesiŋ na mekeleŋ, tay va dewle na garama ɓa.
6Nəŋgəl kəɗumonən gən wənnəŋ ɗa: Ɗəf məs dəslgə suɗike, suɗike adaw bəla, ɗəf məs dəslgə diiɗa, diiɗa adaw bəla. 7Ko naway dəɗi va an makran aɗum səni, məza də marava ɓa walla də dewle ɓa. Vi Maŋgəlva aŋgluwək ɗəf məs dəpsən də zən neki. 8Maŋgəlva tay də sembe napsukum mogon nan temtem pak diiɗa, vi kəsoŋ gən pay pak də zəga nan pakə, an məs mokum akani, ka kəmbataŋ gən abe dəndən də əɗɗa wəza mogon temtem pakə. 9Va məver wənnan na:
Tayəpsit zəga sit məzurayɗe na mekeleŋ.
Ula saha nan wasan ha faɗə.
10Maŋgəlva məzapsən məzəslga zemve də zəga nawzəma, wapsukum zemve va aza wəray nokum, wagil gəni, vi wəza nokum məs də təstəssəŋ dənzlər gən diiɗa. 11Wakpaŋgokum məs aryeɗi ka kəkpaŋgaŋ gən məzuvəlaŋ ha faɗə, ha ɗii meɓɓet diiɗa waɗɗaŋ soko sən Maŋgəlva, vi zəga məs kəɗiyaŋ məs mədawka sitiŋka. 12Gesiŋ məs kəɗiyaŋ wabaah sit ɗii na Maŋgəlva aza wəray neti. Amma an dədayki asna waɗaŋsənən soko sən Maŋgəlva diiɗa. 13An zəga məs kəɗiyaŋ arbanək goŋga nokum, asna wagakdakanən Maŋgəlva, vi kəsbanənək saydawa na labara nenek na Krestu, kuɗakanənək zəga nokum dənɗaŋ dit ɗii pakə. 14Wazuliyaŋ sənən Maŋgəlva vikum də wəɗumon wən nokum amakret diiɗa, vi mbəlembəle məs Maŋgəlva agəɗ diiɗa akokum. 15Vaskana soko sən Maŋgəlva vi əvəl nan məs kaw ɓapi ərban ɓa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.