2 Korintiyen 2
2
1Vini nəsok zuwa nədazaw annokumda ɓa, vi nədaw ki sukum əɗum əmpa ɓa. 2An munokum tat də əɗumo, ya naway neneken su zu kan di? 3Ndəni nəver sukum wənnani. An nədek annokumda na, nəŋgəl na kədaɗumoŋ ɓa, vi aslək kənekenən gən zuwa. Nəsənək gesiŋ an nərahək əneken zuwa, asan nokum bo akərəhaŋ əneken zukum. 4Letər məs nəver sukum dabəŋ, də sin araw diiɗa nəver sukum də gəkgrəŋ diiɗa, makraw asawək diiɗa sawɓa. Amma nəver sukum vi kəɗumoŋ gən ɓa. Nəŋgəl ərban sukum kəsənən gən na, nəŋgəlukumək sawɓa.
Əviyan sən mambray na ɗəf məs dəgəɗ mambray
5An ɗəf sə waloŋkum tay də wəɗum vini akawi aɗum ɓa, amma akokum pak aɗumu. Walla ɗəɗaah nənah na aket ɗii sə waloŋkum aɗumu, vi nədaw toŋ ki goŋga ɓa. 6Ɗii vadaysa sə waloŋkum atawənək kita aka ɗəf nani, məkki kana. 7Kakaŋ na say məviyan sən mambray nan sə makrokum, məbaah səni vi makran adawzla ɓa, vi adapan əɗum nawrəh zəga nan ɓa. 8Vini nəda komokum: Mərban sən əŋgla nokum. 9Nəver sukum letərəŋ na, vi nəŋgəl kawkayan goŋga nokum, vi nəsən gən na munokum tatəsbanən wən məs mərban sukum pay pak sa. 10An kəviyan sənənək mambray na ɗəffan vaska, asna naw bo anəviyan səni. An əntat də tive naviyan mambray ko mi sə makrawa, asna nan bo anəviyan səni vi wən nokum aka Krestu, 11vi Satan adaw day kiyəm ɓa vi məsənka kuket nan diiɗayi.
Pol kiyən gərəŋgi a Torowas
12Nəgapək a Torowas vi karban labara nenek na Krestu adaka. Ɗəfdaya azaɓan suwək tive na wəza nan məza tuwãh ɓa. 13Amma kiyu gərəŋgi vi nərəh baynaw Titus adak ɓa. Vini nənahsit na, məsoŋ zam kana, naw wanəmbat a Makedoniya.
Də Krestuwi ədayki zəga pakə
14Soko sən Maŋgəlva, vi zəzay na Krestuwi pay pak tay ku malaka nawa an nawday kini. Vaski adaɗɗa səmə, ka mərban gən labara nan ko aŋga pakə, zəga məs mərbanəŋ tay əknah adəv dəlva va məŋgən zəga mogoni. 15Məkpaŋgək va məŋgən zəga mogon məs Krestu andol sən Maŋgəlva. Məŋgənən van bo, agapək azet ɗii məs nawkohoŋ dit ɗii məs naw Zaŋ. 16Azet ɗii məzeti, məŋgənən namtayi, azet ɗii nawkohoŋ bo, məŋgənən nawkohyi dəsoŋ gən madereti. Naway naw ɓap əɗɗa wəza nan di? 17Ɗii diiɗa tahəŋ ulanən əpel na Maŋgəlva va zəga naɗɗa terere. Nam mənam tatəɗɗan vanet ɓa, vi Maŋgəlva aslən məka. Mənam tatəpel də makram taka aba Maŋgəlva, va məɗɗaŋ wəza sən Krestu.
Currently Selected:
2 Korintiyen 2: GDRNT85
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.
2 Korintiyen 2
2
1Vini nəsok zuwa nədazaw annokumda ɓa, vi nədaw ki sukum əɗum əmpa ɓa. 2An munokum tat də əɗumo, ya naway neneken su zu kan di? 3Ndəni nəver sukum wənnani. An nədek annokumda na, nəŋgəl na kədaɗumoŋ ɓa, vi aslək kənekenən gən zuwa. Nəsənək gesiŋ an nərahək əneken zuwa, asan nokum bo akərəhaŋ əneken zukum. 4Letər məs nəver sukum dabəŋ, də sin araw diiɗa nəver sukum də gəkgrəŋ diiɗa, makraw asawək diiɗa sawɓa. Amma nəver sukum vi kəɗumoŋ gən ɓa. Nəŋgəl ərban sukum kəsənən gən na, nəŋgəlukumək sawɓa.
Əviyan sən mambray na ɗəf məs dəgəɗ mambray
5An ɗəf sə waloŋkum tay də wəɗum vini akawi aɗum ɓa, amma akokum pak aɗumu. Walla ɗəɗaah nənah na aket ɗii sə waloŋkum aɗumu, vi nədaw toŋ ki goŋga ɓa. 6Ɗii vadaysa sə waloŋkum atawənək kita aka ɗəf nani, məkki kana. 7Kakaŋ na say məviyan sən mambray nan sə makrokum, məbaah səni vi makran adawzla ɓa, vi adapan əɗum nawrəh zəga nan ɓa. 8Vini nəda komokum: Mərban sən əŋgla nokum. 9Nəver sukum letərəŋ na, vi nəŋgəl kawkayan goŋga nokum, vi nəsən gən na munokum tatəsbanən wən məs mərban sukum pay pak sa. 10An kəviyan sənənək mambray na ɗəffan vaska, asna naw bo anəviyan səni. An əntat də tive naviyan mambray ko mi sə makrawa, asna nan bo anəviyan səni vi wən nokum aka Krestu, 11vi Satan adaw day kiyəm ɓa vi məsənka kuket nan diiɗayi.
Pol kiyən gərəŋgi a Torowas
12Nəgapək a Torowas vi karban labara nenek na Krestu adaka. Ɗəfdaya azaɓan suwək tive na wəza nan məza tuwãh ɓa. 13Amma kiyu gərəŋgi vi nərəh baynaw Titus adak ɓa. Vini nənahsit na, məsoŋ zam kana, naw wanəmbat a Makedoniya.
Də Krestuwi ədayki zəga pakə
14Soko sən Maŋgəlva, vi zəzay na Krestuwi pay pak tay ku malaka nawa an nawday kini. Vaski adaɗɗa səmə, ka mərban gən labara nan ko aŋga pakə, zəga məs mərbanəŋ tay əknah adəv dəlva va məŋgən zəga mogoni. 15Məkpaŋgək va məŋgən zəga mogon məs Krestu andol sən Maŋgəlva. Məŋgənən van bo, agapək azet ɗii məs nawkohoŋ dit ɗii məs naw Zaŋ. 16Azet ɗii məzeti, məŋgənən namtayi, azet ɗii nawkohoŋ bo, məŋgənən nawkohyi dəsoŋ gən madereti. Naway naw ɓap əɗɗa wəza nan di? 17Ɗii diiɗa tahəŋ ulanən əpel na Maŋgəlva va zəga naɗɗa terere. Nam mənam tatəɗɗan vanet ɓa, vi Maŋgəlva aslən məka. Mənam tatəpel də makram taka aba Maŋgəlva, va məɗɗaŋ wəza sən Krestu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.