Akintaahsonan 13
13
Okiimoosaapiik Ehtashimintwaa
1Miitahsh o'o Moosihs kaa'ikotc kaaTipencikenitc, 2“Kiin hsa piko ishinisha'o ininiwak keanta kiimoosaapantamowaatc i'i Kenan (Canaan) ahki, kaawii miinakwaa Isriyalak (Israel). I'imaa hsa kika ontinaak iki keishinisha'watwaa pehpeshik ininiwak kaaniikaanisiwaatc otetewaank inahke kaakii ontahkaanesiwaatc, iki mitaahshiniishin kaatahswewaanakisiwaatc,” okii'ikoon. 3I'imaa tahsh pikwatahkamik Peran (Paran) ecikaatenik, Moosihs okii onci maacinisha'waa', ekii ishihciketc kaaTipencikenitc kaakii inaahkonikenitc. I'i tahsh neyekaanisinitc kaakii ishaanitc kahkina Isriyala' kiihtinowiwa'. 4Miitahsh o'o kaa‑ayishinihkaasonitc kaakii ishinisha'waatc: Shamiyooa (Shammua) kaakii otetenitc Sahkar (Zaccur) kaakii ontahkaanesinitc Oroopanink (Reuben); 5Shehpat (Shaphat) kaakii otetenitc Horaaiwan (Hori) kaakii ontahkaanesinitc Simiyanonk (Simeon); 6Kelap (Caleb) kaakii otetenitc Cehponewan (Jephunneh) kaakii ontahkaanesinitc Cootayink (Judah); 7Aaikal (Igal) kaakii otetenitc Coosapoon (Joseph), kaakii ontahkaanesinitc Isahkaarink (Issachar); 8Hoshiiya (Hoshea) kaakii otetenitc Nanan (Nun) kaakii ontahkaanesinitc Iihpariyamink (Ephraim); 9Palti (Palti) kaakii otetenitc Orehpiyoon (Raphu) kaakii ontahkaanesinitc Pencimanink (Benjamin); 10Kataayel (Gaddiel) kaakii otetenitc Sootaaiwan (Sodi) kaakii ontahkaanesinitc Sepiyolanink (Zebulun); 11Kataai (Gaddi) kaakii otetenitc Soohsaaiwan (Susi) kaakii ontahkaanesinitc Manaahsayink (Manasseh); 12Amaayel (Ammiel) kaakii otetenitc Kiimaalaaiwan (Gemalli) kaakii ontahkaanesinitc Tenink (Dan); 13Siihtar (Sethur) kaakii otetenitc Maaikalan (Michael) kaakii ontahkaanesinitc Aahsharink (Asher); 14Naapaai (Nahbi) kaakii otetenitc Pahsaaiwan (Vophsi) kaakii ontahkaanesinitc Napihtalaaink (Naphtali); 15Kiiyowel (Geuel) kaakii otetenitc Mekaaiwan (Machi) kaakii ontahkaanesinitc Ketink (Gad).
16Miiwa' hsa 'o ininiwak Moosihs kaakii ishinisha'waatc cianta kihkentaminitc i'i ahki. Moosihs itahsh Hoshiiyawan (Hoshea), Caahshowaa (Joshua) okii ishi aancinihkaanaan kaakii otetenitc Nanan (Nun).
17Ahpii tahsh Moosihs kii‑ishinisha'waatc ciawi naanaakacihtoonitc i'i Kenan (Canaan) ahki, o'o hsa okii inaa', “Ishi kiiwetinonk inahke ani ishaak, ciani otihtamek shaawanonk inahke i'i ahki Nekep (Negev) kaa'icikaatek; ciani ishaayek itahsh weti inahke kaa‑ani ishi papiihkwatinaak. 18Awi waapantamok i'i ahki taka eshinaakwanokwen, pemaatisiwaatc kaye taka meshkawentaakosiwaakwen, komaa kaye mecentaakosiwaakwen, komaa kaye peyaahtiinowaakwen, komaa kaye ekaahsiinowaakwen. 19Anta kihkentamok kaye i'i ahki taka wenishihshinokwen, komaa kaye wenishihshihsinokwen. Cianta kihkentamek wekonen tino ootenawan kaataanotamowaatc awiyak, komaa kaye mihshawaya'ii eshitaawaakwen, komaa kaye waahkaayaapihkinikaatenikwenan otootenaamiwaan. 20Anta kihkentamok kaye i'i ahki taka kekoon weti ciwenci nihtaawikinokwen, taka kaye cimihtikohkaakwen. Kehcinaac itahsh iko piitoohkek miinan weti wenci nihtaawikinkin,” okii inaa'. Mii iitok i'i ahpii ekii ishihsek kiiatihtekin kekoonan.
21Miitahsh kaaishi maacaawaatc iki ininiwak ekii awi kiimoosaapantamowaatc i'i ahki. Weti tahsh kii‑ishi maacihtaawak pikwatahkamikonk Sin (Zin) ecikaatenik, piinihsh weti ekii ani ishaawaatc Oriihap (Rehob) ecikaatenik, ekii ani ishaawaatc itahsh weti Liipo Hemaht (Lebo Hamath). 22Ekii ani ishaawaatc tahsh weti Nekep inahke, shaawanonk inahke i'i ahki, okii otihtaanaawaa ootena Hiiparan (Hebron) ecikaatenik. Mii hsa i'imaa kaakii ishitaanitc pemaatisinitc eayishinihkaasonitc Ahaaiman (Ahiman), Shiihshaai (Sheshai), Taalmaai (Talmai), kaakii ontahkaanesinitc mihsaapehkaank Enak (Anak) kaakii'inimintc. I'i hsa ootena Hiiparan aasha niishwaahso pipoon kiionci ayaakopan cipwaa ayaakopanen i'i ootena Sooan (Zoan) ecikaatek Iicipahkiink kaakii ayaak. 23Kiiani takohshinook itahsh weti pahsatinaank Eskol (Eshcol) ecikaatenik. Miitahsh i'imaa kaakii onci kiishka'waawaatc eayohkwakoocininitc shoomina'. Niishin itahsh ininiwak okiih pimiwinaawa' enaapahkwa'amaatiwaatc. Aaninta kaye kotak shiiwimiicim, aalip tino miinan kaye okiih pimiwitoonaawaan. 24Miitahsh kaakii onci ishinihkaatek i'i pehsatinaak, Eskolwi#13.24 Eskol: I'iwe Eskol kaa'icikaatek, taapishkoo kekoon kaaohkwakootek, mii 'iwe enihtaakwaninik kaaishikiishwewaatc Hiiparoowak.-pahsatina, aaniihsh mii 'imaa Isriyalak (Israel) kaakii onci kiishka'waawaatc shoomina' eayohkwakoocininitc.
25Kiihpikiiwewak itahsh kaaishkwaa waapantamowaatc i'i ahki. Niimitana (40) tahso kiishik hsa kiiontentiwak. 26I'imaa tahsh kiihpishi takohshinook Katesh (Kadesh) ecikaatenik pikwatahkamik Peran (Paran). Mii iitok i'imaa kaakii ishi'ayaanitc Moosihsoon, Eranoon kaye, iki kaye kahkina kaakiih tahshinitc Isriyala'. Okiih tipaacimohtawaawaa' itahsh i'i kahkina kaakiih paahtiinonitc Isriyala' aaniin kaakii ishi waapancikewaatc, okii waapanta'aawaa' kaye i'i shiiwimiicim weti ahkiink kaakii ontinamowaatc.
27Miitahsh o'o kaa'inaawaatc Moosihsoon, “Ninkii ishaamin hsa i'i ahki kaakii ishinisha'oyaank, tepwe wenootan i'i ahki, wenci nihtaawikin kaye kekoon. Mii hsa tahsh o'o shiiwimiicim kaakiih piitooyaank. 28Shaakooc itahsh pemaatisiwaatc weti ahkiink eyaawaatc mashkawentaakosiwak, ootenawan kaye wiinke mamihcaawan, waahkaayaapihkinikaatewan kaye; ninkii waapamaanaanik itahsh kaye weti iki wentahkaanesiwaatc mihsaapehkaank Enak (Anak) kaa'inimintc. 29Amalehk (Amalekites) kaatinowiwaatc itahsh weti kiiwetinonk inahke Nekep ecikaatenik ishitaawak. Iki tahsh wiin Heht (Hittites) kaatinowiwaatc, Ciipas (Jebusites) kaatinowiwaatc, iki kaye Emorii (Amorites) kaatinowiwaatc weti kaashi papiihkwatinaanik inahke ishitaawak. Weti tahsh wiin inahke kihcikamiink, Cwaartan (Jordan) siipink inahke kaye, Kenan kaatinowiwaatc (Canaanites) ishitaawak,” kii‑inaacimowak. 30Kelap (Caleb) itahsh okii koshkwaawaaci'aa' pemaatisinitc kaakii ayaanitc enaahsamiayaanitc Moosihsoon. Miihsh kaaihkitotc, “Kitaa ishaamin ohsha ciawi otaahpinamank i'i ahki citipinawewisiyank, kehcinaac aaniihsh kitaa shaakoocihtwaamin,” kii‑ihkito.
31I'i tahsh kaakii wiiciiwikotc ininiwa' kiianta kiimoosaapitc o'o kii‑ihkitowa', “Kaawiin kitaa shaakooci'aahsiwaanaanik iki pemaatisiwaatc, nawac iitok wiinawaa mashkawentaakosiwak ahpiihc wiin kiinawint,” kii‑ihkitowa'. 32Miiwa' itahsh i'i noociko kaakiih papaa inaacimonitc eshi'ayaanitc Isriyala', noociko ekii'itaminitc i'i ahki kaakii anta kiimoosaapantaminitc. O'o hsa kii‑ihkitowa', “I'i hsa ahki kaakii anta kiimoosaapantamaank sanakinaakwan i'imaa cionci pimaatisink. Kahkina tahsh kaakii waapamaankitwaa awiyak etatawe mamaantitowak. 33#Gen 6.4. Ninkii waapamaanaanik kaye mihsaapek miiwak iitok iki kaaontahkaanesiwaatc Enak (Anak) kaa'inimintc; miitahsh kaaishinaakosiyaank taapishkoo pahpahkinenk, miitahsh kaye wiinawaa kaaishinawiyamintwaa,” kii‑ihkitowa'.
Currently Selected:
Akintaahsonan 13: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
Akintaahsonan 13
13
Okiimoosaapiik Ehtashimintwaa
1Miitahsh o'o Moosihs kaa'ikotc kaaTipencikenitc, 2“Kiin hsa piko ishinisha'o ininiwak keanta kiimoosaapantamowaatc i'i Kenan (Canaan) ahki, kaawii miinakwaa Isriyalak (Israel). I'imaa hsa kika ontinaak iki keishinisha'watwaa pehpeshik ininiwak kaaniikaanisiwaatc otetewaank inahke kaakii ontahkaanesiwaatc, iki mitaahshiniishin kaatahswewaanakisiwaatc,” okii'ikoon. 3I'imaa tahsh pikwatahkamik Peran (Paran) ecikaatenik, Moosihs okii onci maacinisha'waa', ekii ishihciketc kaaTipencikenitc kaakii inaahkonikenitc. I'i tahsh neyekaanisinitc kaakii ishaanitc kahkina Isriyala' kiihtinowiwa'. 4Miitahsh o'o kaa‑ayishinihkaasonitc kaakii ishinisha'waatc: Shamiyooa (Shammua) kaakii otetenitc Sahkar (Zaccur) kaakii ontahkaanesinitc Oroopanink (Reuben); 5Shehpat (Shaphat) kaakii otetenitc Horaaiwan (Hori) kaakii ontahkaanesinitc Simiyanonk (Simeon); 6Kelap (Caleb) kaakii otetenitc Cehponewan (Jephunneh) kaakii ontahkaanesinitc Cootayink (Judah); 7Aaikal (Igal) kaakii otetenitc Coosapoon (Joseph), kaakii ontahkaanesinitc Isahkaarink (Issachar); 8Hoshiiya (Hoshea) kaakii otetenitc Nanan (Nun) kaakii ontahkaanesinitc Iihpariyamink (Ephraim); 9Palti (Palti) kaakii otetenitc Orehpiyoon (Raphu) kaakii ontahkaanesinitc Pencimanink (Benjamin); 10Kataayel (Gaddiel) kaakii otetenitc Sootaaiwan (Sodi) kaakii ontahkaanesinitc Sepiyolanink (Zebulun); 11Kataai (Gaddi) kaakii otetenitc Soohsaaiwan (Susi) kaakii ontahkaanesinitc Manaahsayink (Manasseh); 12Amaayel (Ammiel) kaakii otetenitc Kiimaalaaiwan (Gemalli) kaakii ontahkaanesinitc Tenink (Dan); 13Siihtar (Sethur) kaakii otetenitc Maaikalan (Michael) kaakii ontahkaanesinitc Aahsharink (Asher); 14Naapaai (Nahbi) kaakii otetenitc Pahsaaiwan (Vophsi) kaakii ontahkaanesinitc Napihtalaaink (Naphtali); 15Kiiyowel (Geuel) kaakii otetenitc Mekaaiwan (Machi) kaakii ontahkaanesinitc Ketink (Gad).
16Miiwa' hsa 'o ininiwak Moosihs kaakii ishinisha'waatc cianta kihkentaminitc i'i ahki. Moosihs itahsh Hoshiiyawan (Hoshea), Caahshowaa (Joshua) okii ishi aancinihkaanaan kaakii otetenitc Nanan (Nun).
17Ahpii tahsh Moosihs kii‑ishinisha'waatc ciawi naanaakacihtoonitc i'i Kenan (Canaan) ahki, o'o hsa okii inaa', “Ishi kiiwetinonk inahke ani ishaak, ciani otihtamek shaawanonk inahke i'i ahki Nekep (Negev) kaa'icikaatek; ciani ishaayek itahsh weti inahke kaa‑ani ishi papiihkwatinaak. 18Awi waapantamok i'i ahki taka eshinaakwanokwen, pemaatisiwaatc kaye taka meshkawentaakosiwaakwen, komaa kaye mecentaakosiwaakwen, komaa kaye peyaahtiinowaakwen, komaa kaye ekaahsiinowaakwen. 19Anta kihkentamok kaye i'i ahki taka wenishihshinokwen, komaa kaye wenishihshihsinokwen. Cianta kihkentamek wekonen tino ootenawan kaataanotamowaatc awiyak, komaa kaye mihshawaya'ii eshitaawaakwen, komaa kaye waahkaayaapihkinikaatenikwenan otootenaamiwaan. 20Anta kihkentamok kaye i'i ahki taka kekoon weti ciwenci nihtaawikinokwen, taka kaye cimihtikohkaakwen. Kehcinaac itahsh iko piitoohkek miinan weti wenci nihtaawikinkin,” okii inaa'. Mii iitok i'i ahpii ekii ishihsek kiiatihtekin kekoonan.
21Miitahsh kaaishi maacaawaatc iki ininiwak ekii awi kiimoosaapantamowaatc i'i ahki. Weti tahsh kii‑ishi maacihtaawak pikwatahkamikonk Sin (Zin) ecikaatenik, piinihsh weti ekii ani ishaawaatc Oriihap (Rehob) ecikaatenik, ekii ani ishaawaatc itahsh weti Liipo Hemaht (Lebo Hamath). 22Ekii ani ishaawaatc tahsh weti Nekep inahke, shaawanonk inahke i'i ahki, okii otihtaanaawaa ootena Hiiparan (Hebron) ecikaatenik. Mii hsa i'imaa kaakii ishitaanitc pemaatisinitc eayishinihkaasonitc Ahaaiman (Ahiman), Shiihshaai (Sheshai), Taalmaai (Talmai), kaakii ontahkaanesinitc mihsaapehkaank Enak (Anak) kaakii'inimintc. I'i hsa ootena Hiiparan aasha niishwaahso pipoon kiionci ayaakopan cipwaa ayaakopanen i'i ootena Sooan (Zoan) ecikaatek Iicipahkiink kaakii ayaak. 23Kiiani takohshinook itahsh weti pahsatinaank Eskol (Eshcol) ecikaatenik. Miitahsh i'imaa kaakii onci kiishka'waawaatc eayohkwakoocininitc shoomina'. Niishin itahsh ininiwak okiih pimiwinaawa' enaapahkwa'amaatiwaatc. Aaninta kaye kotak shiiwimiicim, aalip tino miinan kaye okiih pimiwitoonaawaan. 24Miitahsh kaakii onci ishinihkaatek i'i pehsatinaak, Eskolwi#13.24 Eskol: I'iwe Eskol kaa'icikaatek, taapishkoo kekoon kaaohkwakootek, mii 'iwe enihtaakwaninik kaaishikiishwewaatc Hiiparoowak.-pahsatina, aaniihsh mii 'imaa Isriyalak (Israel) kaakii onci kiishka'waawaatc shoomina' eayohkwakoocininitc.
25Kiihpikiiwewak itahsh kaaishkwaa waapantamowaatc i'i ahki. Niimitana (40) tahso kiishik hsa kiiontentiwak. 26I'imaa tahsh kiihpishi takohshinook Katesh (Kadesh) ecikaatenik pikwatahkamik Peran (Paran). Mii iitok i'imaa kaakii ishi'ayaanitc Moosihsoon, Eranoon kaye, iki kaye kahkina kaakiih tahshinitc Isriyala'. Okiih tipaacimohtawaawaa' itahsh i'i kahkina kaakiih paahtiinonitc Isriyala' aaniin kaakii ishi waapancikewaatc, okii waapanta'aawaa' kaye i'i shiiwimiicim weti ahkiink kaakii ontinamowaatc.
27Miitahsh o'o kaa'inaawaatc Moosihsoon, “Ninkii ishaamin hsa i'i ahki kaakii ishinisha'oyaank, tepwe wenootan i'i ahki, wenci nihtaawikin kaye kekoon. Mii hsa tahsh o'o shiiwimiicim kaakiih piitooyaank. 28Shaakooc itahsh pemaatisiwaatc weti ahkiink eyaawaatc mashkawentaakosiwak, ootenawan kaye wiinke mamihcaawan, waahkaayaapihkinikaatewan kaye; ninkii waapamaanaanik itahsh kaye weti iki wentahkaanesiwaatc mihsaapehkaank Enak (Anak) kaa'inimintc. 29Amalehk (Amalekites) kaatinowiwaatc itahsh weti kiiwetinonk inahke Nekep ecikaatenik ishitaawak. Iki tahsh wiin Heht (Hittites) kaatinowiwaatc, Ciipas (Jebusites) kaatinowiwaatc, iki kaye Emorii (Amorites) kaatinowiwaatc weti kaashi papiihkwatinaanik inahke ishitaawak. Weti tahsh wiin inahke kihcikamiink, Cwaartan (Jordan) siipink inahke kaye, Kenan kaatinowiwaatc (Canaanites) ishitaawak,” kii‑inaacimowak. 30Kelap (Caleb) itahsh okii koshkwaawaaci'aa' pemaatisinitc kaakii ayaanitc enaahsamiayaanitc Moosihsoon. Miihsh kaaihkitotc, “Kitaa ishaamin ohsha ciawi otaahpinamank i'i ahki citipinawewisiyank, kehcinaac aaniihsh kitaa shaakoocihtwaamin,” kii‑ihkito.
31I'i tahsh kaakii wiiciiwikotc ininiwa' kiianta kiimoosaapitc o'o kii‑ihkitowa', “Kaawiin kitaa shaakooci'aahsiwaanaanik iki pemaatisiwaatc, nawac iitok wiinawaa mashkawentaakosiwak ahpiihc wiin kiinawint,” kii‑ihkitowa'. 32Miiwa' itahsh i'i noociko kaakiih papaa inaacimonitc eshi'ayaanitc Isriyala', noociko ekii'itaminitc i'i ahki kaakii anta kiimoosaapantaminitc. O'o hsa kii‑ihkitowa', “I'i hsa ahki kaakii anta kiimoosaapantamaank sanakinaakwan i'imaa cionci pimaatisink. Kahkina tahsh kaakii waapamaankitwaa awiyak etatawe mamaantitowak. 33#Gen 6.4. Ninkii waapamaanaanik kaye mihsaapek miiwak iitok iki kaaontahkaanesiwaatc Enak (Anak) kaa'inimintc; miitahsh kaaishinaakosiyaank taapishkoo pahpahkinenk, miitahsh kaye wiinawaa kaaishinawiyamintwaa,” kii‑ihkitowa'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society