Maarhk 4
4
E'aawehcikaaketc okihtiken
(Matthew 13.1-9; Luke 8.4-8)
1 #
Luk 5.1-3. Miinawaa tahsh kii'maaciikihkino'amaake a'a Ciisahs i'imaa ciikipiik Kaalaliiwi Saaka'ikaniink (Lake Galilee). Miitahsh kaa'ishi maawaci'itinitc kehcipaahtiinonitc i'imaa e'ayaatc, ekii'onci poositc ciimaanink. Mii kaa'ishi onapitc ekii'-akomotc ciikakaam. I'imaa tahsh kahkina kii'ayaawa' i'i piyaahtiinonitc mihtahkamik ehkoahkiiwaninik. 2Niipiwa' itahsh kekoonan okii'onci wiintamawaa' e'aawehciketc. Miitahsh ekiih kihkino'amaaketc okii'-inaa': 3“Inashke pisintamohk! Aapitink kii'-ishaa peshik kihtikewinini ekii'awi sasiihswewepinank kihtikaanenhsan.#4.3 ekii'awi sasiihswewepinank kihtikaanenhsan: kihtikewinini hsa okiih papaa ohswewepinaanan kihtikaanenhsan kiikihtiketc. Peshik itahsh awiya otaanaank kiihpimiayaa kaakiih papiikwa'ahkiitc pehkihsh ekiihpininkwa'ank ini kihtikaanenhsan. 4Ehsasiihswewepinank kihtikaanenhsan, kiihpankihsinoon aanint i'imaa kaaishi mashkawamok miihkanenhs. Pinehshiinshak itahsh i'imaa kiihpi poonihsewak ekii'-anikitaawaatc. 5Shikwa aanint kaye kii'ishi pankihsinoon ini kihtikaanenhsan i'imaa shooshkwaapihkaank ehpi pakahkamikaanik. Shemaak itahsh kiihpisaakahkiiwan. Aaniihsh kaawiin kiihkipakahkamikaahsinoon. 6Ahpii tahsh eni ishpakoocink kiisihs, kii'ani paahtewan, kii'ani papiihkwaahkwatooshkaawan. Pankii aaniihsh ehta kii'ociipihkowanoon. 7Shikwa aaninta kaye kii'ishi pankihsinoon ini kihtikaanenhsan i'imaa okaawiminakishiik kaashi nihtaawikiwaahpan. Ahpii tahsh miinawaa eshi saakahkiiwaatc oko okaawiminakishiik, okii'-wanaahtoonaawaan ini kaakiih kihtikaatenikin. Miitahsh kaawiin kiihkiishi nihtaawikihsinoonan, kaawiin kaye miinawaa kihtikaanenhsan kii'onci nihtaawikihsinoonan i'imaa. 8Shikwa aanint kaye kiihpankihsinoon i'imaa eshi onishihshink ahki. Miitahsh kiihsaakahkiiwan, piinihsh kaye kii'ani kiishikinoon; kaye keyaapi kii'onci nihtaawikinoon kihtikaanenhsan, piinihsh aanint nihsimitana tahsin kii'onci nihtaawikinoon, kaye aanint ninkotwaahsimitana, kaye aanint ninkotwaahk tahsin kii'onci nihtaawikinoon entahsink,” kii'‑ihkito.
9Shikwa tahsh okii'-inaa': “Taka pisintamohk, minihk wehtawakaayek,” kii'‑ihkito.
Owiintaan i'iweni wekonen wenci aawehciketc
(Matthew 13.10-17; Luke 8.9-10)
10Ahpii tahsh nihshihke kaa'‑ayaawaatc kaakii'-wiiciiwikotc, maamaw i'i mitaahshiniishin okihkino'amawaakana', okiih kakwecimikoo' aaniin keishi nihsitohtaakwaninikipaniin ini aawehcikanan. 11O'o tahsh okii'-inaa': “Kiinawaa kikihkentamo'ikowaa Kishemanitoo kaasanakaninikin kekoonan kaakiih kihkentaakwahsininikipaniin, mii'iweni Kishemanitoo oTipencikewin entashintenik. Ikiweniwak itahsh ekaa kaawiiciiwihsinowankwaa, kahkina kekoon aawehcikanink ishikihkino'amawaawak. 12#Isa 6.9-10. Mii 'owe kaaonci ishihcike'intwaa:
‘Mihsawaa hsa ko aana waawaapantamowaatc,
kaawiin oka nihsitaawentansiinaawaa.
Shikwa, mihsawaa hsa ko aana naanoontamowaatc,
kaawiin tanihsitohtansiiwak.
Kiishpin nihsitohtamowaahpan otaa pikiiwenotawaawaan Kishemanitoon,
miitahsh cikii poonentamaakowaatc,’ ”
kii'‑ihkito.
Weweni owiintaan Ciisahs i'iweni kaaishi aawehcikaaketc okihtiken
(Matthew 13.18-23; Luke 8.11-15)
13Shikwa tahsh okii'-inaa': “Kaawiin ina kinihsitohtansiim? Aaniin tahsh kekii'onci nihsitohtamekipan kahkina ini aawehcikanan kiishpin nihsitohtansiwek o'o peshik aawehcikan? 14A'a kihtikewinini, mii kaaicikaasotc awiya ehpapaawiintank Kishemanitoon otipaacimowinini. 15Inashke aaninta awiyak taapishkoo ishi ayaawak i'iwe kaaishi mashkawamok i'imaa kihtikaanenhsan e'ishi pankihsinkin. Onoontaanaawaa 'iwe Kishemanitoon otipaacimowinini. Piciinak itahsh e'noontamowaatc, opi otaahpinamaakowaan ini Setanan (Satan) ciwaniihkewaatc i'i kaakii'-noontamowaatc tipaacimowin. 16Shikwa aaninta awiyak inentaakosiwak taapishkoo kihtikaanenhsan ehpankihsinkin i'imaa eshi pi pakahkamikaak ehshooshkwaapihkaak. Kiinoontamowaatc tipaacimowin, shemaak iko otootaahpinaanaawaa e'moocikentamowaatc. 17Miitahsh taapishkoo kaanihtaawikinkin e'ociipihkaawansinokin, kaawiin kinwesh ayaahsiiwak. Acina ehta tepwehtamook. Paanimaa tahsh otoonci mikoshkaaci'ikowaan awiyan komaa kaye otoonci kakwaataki'ikowaan ekii'-otaahpinamowaatc Kishemanitoon otipaacimowinini. Miitahsh weyiip iko ishi pakiciiwak. 18Shikwa aanint taapishkoo ishi ayaawak ekii'ishi pankihsinkin kihtikaanenhsan i'imaa ahkiink eshi okaawiminakishiihkaak. Otaana noontaanaawaa Kishemanitoon otipaacimowinini. 19Otoonsaamentaanawaan itahsh ono kekoonan o'omaa ahkiink kaa/ayaanikin, kaye ominwentaanaawaa wenootisiwin, kaye pahkaan kekoonan onanaantawentaanaawaan. Mii hsa ono kekoonan kaawanaa'ikowaatc ekaa cipapaamihtansikwaa Kishemanitoon otipaacimowinini, miitahsh kaawiin kekoon taonciimakahsinoon. 20Aanint itahsh ishi/ayaawak taapishkoo ekii'ishi pankihsinkin kihtikaanenhsan i'imaa eshi minohkamikaak. Miiwak oko kaanoontamowaatc i'i Kishemanitoon otipaacimowinini, e'otaahpinamowaatc kaye. Miitahsh e'ani piicinishkaawaatc, taapishkoo kaanihtaawikinkin e'ishinaakosiwaatc i'imaa keyaapi kaanihtaawikinkin kihtikaanenhsan, aanint nihsimitana (30) tahsin, aanint kaye ninkotwaahsimitana (60) tahsin, aanint kaye ninkotwaahk (100) tahsin, mii'i eshinaakosiwaatc,” kii'‑ihkito.
Ekii'-aawehcikaaketc waahsahkonencikan cishekonikaatehsinok
(Luke 8.16-18)
21 #
Mat 5.15; Luk 11.33. Shikwa tahsh kii'ani ihkito Ciisahs: “Awiya piintikatootc waahsahkonencikan, oka/animihkohshimaan ina ahtoopaanahkihkwan cikaatootc? Shiipaanipewinaahk ina okashi shekonaan? Kaa maawiin. Inwaate aaniihsh ciakootekipan waahsahkonencikanaahtikonk. 22#Mat 10.26; Luk 12.2. Kahkina kekoon kaakaacikaatek, mii'iwe piciinak cimohsheyaapancikaatek. Shikwa kiishpin aanakii'-aakwana'ikaatekipan kekoon, mihsawaa tanaakwan waahseyaank. 23Minihk wehtawakaayek, weweni pisintamohk!” kii'‑ihkito.
24 #
Mat 7.2; Luk 6.38. Shikwa tahsh okii'-inaa': “Ayaankwaamentamohk o'o kaapisintamek. I'iwe inaahkonikewin keonci tipaahkonekwaa kiicipimaatisiiwaak, amii'iwe peshikwan inaahkonikewin kekiinawaa keonci tipaahkoninek Kishemanitoo, kaye awahshime kika inakintamaakowaa. 25#Mat 13.12; 25.29; Luk 19.26. A'awe hsa kaamino/aapacihtootc 'iwe kaanihsitohtank, mii'awe keyaapi kemiinintc nihsitohtamowin. A'awe tahsh kaamanaa/aapacihtootc 'iwe kaanihsitohtank, ampooshke taotaahpinamawaa#4.25 taotaahpinamawaa: o'o maawiin kaaicikaatek: awiya kaakihkentansik, kaawiih kihkentansik kaye aaniin Kishemanitoon kaashi tipencikenitc, mii hsa 'awe Kishemanitoon keotaahpinamaakotc kekii'-ishi kihkentankipan. 'i minihk aanakii'-nihsitohtankipan,” kii'‑ihkito.
E'aawehcikaaketc kihtikaanenhs eshi maaciikik
26O'o tahsh kaye kii'ani ihkito: “Mii hsa 'owe eshi ayaanik Kishemanitoo oTipencikewin, taapishkoo awiya inini i'imaa e'ahpakitootc kihtikaanenhsan ahkiink. 27Nipaa ehtipihkaninik, wanishkaa ehkiishikaninik. Piinihsh iniwe kihtikaanenhsan ani saakahkiiniwan, e'ani nihtaawikininikin, aanawiin ehkihkentansik a'a inini aaniin eshi maaciikinkin. 28Tipinawe aaniihsh o'o ahki nihtaawikihcikemakan, nihtam e'ani mashkohsiwank, piinihsh e'ani niiskanakihkink, miitahsh piinihsh ehkiishikik. 29Ahpii tahsh kaahkiishikik, miitahsh weyiip eshi kiishkishiketc inini, aaniihsh mii 'o ahpii cimaawacihciketc,” kii'‑ihkito.
Ekii'-aawehcikaaketc maawac kaa/akaahsink kihtikaanenhs
(Matthew 13.31-32,34; Luke 13.18-19)
30Shikwa kaye kii'‑ihkito Ciisahs: “Wekonehsh miinawaa kewiintamawinakookipan cikihkentamooninakook Kishemanitoo otipencikewin? Wekonehsh tino pahkaan aawehcikan keonci waapanta'inakookipan aaniin i'i eshinaakwahk? 31Mii 'owe eshinaakwahk: taapishkoo 'iwe peshik kihtikaanenhs, 'iwe maawac kaa/akaahsink o'omaa ahkiink kaapakitinikaatek kihtikaanenhs. 32Mii hsa 'o kaaonci piicinikik o'o maawac kaamihcaahkwahk, ini tahsh wiin kahkina kaamihcipimiayaamakahkin. Kihcimamaankatihkwanakisi. Iki tahsh pinehshiinshak pi ishiwasihswanihkewak eshi akawaahtenik,” kii'‑ihkito.
33Niipiwa' ihsa ono tino aawehcikanan okii'ishi wiintamawaa' 'iwe Kishemanitoon otipaacimowinini, minihk ihsa kaaishi kashkihtoonitc ci‑ishi nihsitohtaminitc. 34Aawehcikewinink ehta okii'onci kakanoonaa'. Ahpii tahsh e'nihshihkeayaawaatc okii'-nihsitohtamoonaa' kahkina kekoon i'i okihkino'amawaakana'.
Ciisahs ekiih kipihtinank kihcinootin
(Matthew 8.23-27; Luke 8.22-25)
35Miitahsh i'i peshikwan ehkiishikaninik, ahpii wenaakohshininik, okiih kanoonaa' i'i okihkino'amawaakana': “Haw ihsa ishaataa weti akaamink,” okii'-inaa'. 36Miitahsh i'i kaa'ishi nakanaawaatc i'i miyaamawenonitc, ekii'ishi maacii'oonaawaatc Ciisahsoon i'imaa kaakii'ishi namatapinitc piintoonak. Pahkaan itahsh kaye kii'ayaawan ciimaanan kaawiita'oomikotc. 37Miitahsh ketahto kiihkihcipakamaaniman ekiih kihcimamaankaashkaanik itahsh, kiihsaahsiika'okowak ekii'ani mooshkinepiik i'i ciimaan. 38Wiin itahsh Ciisahs i'imaa kiihtashinipaa otaahkaanink, ahpapiwinink ekii'-ahpihkwehshink. Miitahsh okii'-aamaci'ikoo' e'ikotc: “Okihkino'amaake! Kaawiin ina kiwiih papaamentansiin ewii'-nihsaapaaweyank?” okii'-ikoo'.
39Miitahsh kaa'ishi wanishkaatc. Okiih kishiikanootaan nootin, kaye okiih kanootaan i'i nipi: “Mii'i minihk! Mii'i keshi aanwaahtink!” okii'-itaan. Miitahsh kaa'ishi kipihtaanimaninik, wiinke kaye kaa'ishi aanwaayaashkaanik. 40O'owe tahsh okii'-inaa' Ciisahs okihkino'amawaakana': “Aaniihshwiin wenci sekisiyek? Kaawiin ina mahshi kitahpenimonotawaahsiwaawaa Kishemanitoo?” kii'‑ihkito.
41Aahpici tahsh kiihkihcisekisiwak. O'owe tahsh kii'‑itiwak: “Awenen wa'a? Ampooshke nootin kaye saaka'ikan ona'ihtaakon!” kii'‑ihkitowak.
Currently Selected:
Maarhk 4: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
Maarhk 4
4
E'aawehcikaaketc okihtiken
(Matthew 13.1-9; Luke 8.4-8)
1 #
Luk 5.1-3. Miinawaa tahsh kii'maaciikihkino'amaake a'a Ciisahs i'imaa ciikipiik Kaalaliiwi Saaka'ikaniink (Lake Galilee). Miitahsh kaa'ishi maawaci'itinitc kehcipaahtiinonitc i'imaa e'ayaatc, ekii'onci poositc ciimaanink. Mii kaa'ishi onapitc ekii'-akomotc ciikakaam. I'imaa tahsh kahkina kii'ayaawa' i'i piyaahtiinonitc mihtahkamik ehkoahkiiwaninik. 2Niipiwa' itahsh kekoonan okii'onci wiintamawaa' e'aawehciketc. Miitahsh ekiih kihkino'amaaketc okii'-inaa': 3“Inashke pisintamohk! Aapitink kii'-ishaa peshik kihtikewinini ekii'awi sasiihswewepinank kihtikaanenhsan.#4.3 ekii'awi sasiihswewepinank kihtikaanenhsan: kihtikewinini hsa okiih papaa ohswewepinaanan kihtikaanenhsan kiikihtiketc. Peshik itahsh awiya otaanaank kiihpimiayaa kaakiih papiikwa'ahkiitc pehkihsh ekiihpininkwa'ank ini kihtikaanenhsan. 4Ehsasiihswewepinank kihtikaanenhsan, kiihpankihsinoon aanint i'imaa kaaishi mashkawamok miihkanenhs. Pinehshiinshak itahsh i'imaa kiihpi poonihsewak ekii'-anikitaawaatc. 5Shikwa aanint kaye kii'ishi pankihsinoon ini kihtikaanenhsan i'imaa shooshkwaapihkaank ehpi pakahkamikaanik. Shemaak itahsh kiihpisaakahkiiwan. Aaniihsh kaawiin kiihkipakahkamikaahsinoon. 6Ahpii tahsh eni ishpakoocink kiisihs, kii'ani paahtewan, kii'ani papiihkwaahkwatooshkaawan. Pankii aaniihsh ehta kii'ociipihkowanoon. 7Shikwa aaninta kaye kii'ishi pankihsinoon ini kihtikaanenhsan i'imaa okaawiminakishiik kaashi nihtaawikiwaahpan. Ahpii tahsh miinawaa eshi saakahkiiwaatc oko okaawiminakishiik, okii'-wanaahtoonaawaan ini kaakiih kihtikaatenikin. Miitahsh kaawiin kiihkiishi nihtaawikihsinoonan, kaawiin kaye miinawaa kihtikaanenhsan kii'onci nihtaawikihsinoonan i'imaa. 8Shikwa aanint kaye kiihpankihsinoon i'imaa eshi onishihshink ahki. Miitahsh kiihsaakahkiiwan, piinihsh kaye kii'ani kiishikinoon; kaye keyaapi kii'onci nihtaawikinoon kihtikaanenhsan, piinihsh aanint nihsimitana tahsin kii'onci nihtaawikinoon, kaye aanint ninkotwaahsimitana, kaye aanint ninkotwaahk tahsin kii'onci nihtaawikinoon entahsink,” kii'‑ihkito.
9Shikwa tahsh okii'-inaa': “Taka pisintamohk, minihk wehtawakaayek,” kii'‑ihkito.
Owiintaan i'iweni wekonen wenci aawehciketc
(Matthew 13.10-17; Luke 8.9-10)
10Ahpii tahsh nihshihke kaa'‑ayaawaatc kaakii'-wiiciiwikotc, maamaw i'i mitaahshiniishin okihkino'amawaakana', okiih kakwecimikoo' aaniin keishi nihsitohtaakwaninikipaniin ini aawehcikanan. 11O'o tahsh okii'-inaa': “Kiinawaa kikihkentamo'ikowaa Kishemanitoo kaasanakaninikin kekoonan kaakiih kihkentaakwahsininikipaniin, mii'iweni Kishemanitoo oTipencikewin entashintenik. Ikiweniwak itahsh ekaa kaawiiciiwihsinowankwaa, kahkina kekoon aawehcikanink ishikihkino'amawaawak. 12#Isa 6.9-10. Mii 'owe kaaonci ishihcike'intwaa:
‘Mihsawaa hsa ko aana waawaapantamowaatc,
kaawiin oka nihsitaawentansiinaawaa.
Shikwa, mihsawaa hsa ko aana naanoontamowaatc,
kaawiin tanihsitohtansiiwak.
Kiishpin nihsitohtamowaahpan otaa pikiiwenotawaawaan Kishemanitoon,
miitahsh cikii poonentamaakowaatc,’ ”
kii'‑ihkito.
Weweni owiintaan Ciisahs i'iweni kaaishi aawehcikaaketc okihtiken
(Matthew 13.18-23; Luke 8.11-15)
13Shikwa tahsh okii'-inaa': “Kaawiin ina kinihsitohtansiim? Aaniin tahsh kekii'onci nihsitohtamekipan kahkina ini aawehcikanan kiishpin nihsitohtansiwek o'o peshik aawehcikan? 14A'a kihtikewinini, mii kaaicikaasotc awiya ehpapaawiintank Kishemanitoon otipaacimowinini. 15Inashke aaninta awiyak taapishkoo ishi ayaawak i'iwe kaaishi mashkawamok i'imaa kihtikaanenhsan e'ishi pankihsinkin. Onoontaanaawaa 'iwe Kishemanitoon otipaacimowinini. Piciinak itahsh e'noontamowaatc, opi otaahpinamaakowaan ini Setanan (Satan) ciwaniihkewaatc i'i kaakii'-noontamowaatc tipaacimowin. 16Shikwa aaninta awiyak inentaakosiwak taapishkoo kihtikaanenhsan ehpankihsinkin i'imaa eshi pi pakahkamikaak ehshooshkwaapihkaak. Kiinoontamowaatc tipaacimowin, shemaak iko otootaahpinaanaawaa e'moocikentamowaatc. 17Miitahsh taapishkoo kaanihtaawikinkin e'ociipihkaawansinokin, kaawiin kinwesh ayaahsiiwak. Acina ehta tepwehtamook. Paanimaa tahsh otoonci mikoshkaaci'ikowaan awiyan komaa kaye otoonci kakwaataki'ikowaan ekii'-otaahpinamowaatc Kishemanitoon otipaacimowinini. Miitahsh weyiip iko ishi pakiciiwak. 18Shikwa aanint taapishkoo ishi ayaawak ekii'ishi pankihsinkin kihtikaanenhsan i'imaa ahkiink eshi okaawiminakishiihkaak. Otaana noontaanaawaa Kishemanitoon otipaacimowinini. 19Otoonsaamentaanawaan itahsh ono kekoonan o'omaa ahkiink kaa/ayaanikin, kaye ominwentaanaawaa wenootisiwin, kaye pahkaan kekoonan onanaantawentaanaawaan. Mii hsa ono kekoonan kaawanaa'ikowaatc ekaa cipapaamihtansikwaa Kishemanitoon otipaacimowinini, miitahsh kaawiin kekoon taonciimakahsinoon. 20Aanint itahsh ishi/ayaawak taapishkoo ekii'ishi pankihsinkin kihtikaanenhsan i'imaa eshi minohkamikaak. Miiwak oko kaanoontamowaatc i'i Kishemanitoon otipaacimowinini, e'otaahpinamowaatc kaye. Miitahsh e'ani piicinishkaawaatc, taapishkoo kaanihtaawikinkin e'ishinaakosiwaatc i'imaa keyaapi kaanihtaawikinkin kihtikaanenhsan, aanint nihsimitana (30) tahsin, aanint kaye ninkotwaahsimitana (60) tahsin, aanint kaye ninkotwaahk (100) tahsin, mii'i eshinaakosiwaatc,” kii'‑ihkito.
Ekii'-aawehcikaaketc waahsahkonencikan cishekonikaatehsinok
(Luke 8.16-18)
21 #
Mat 5.15; Luk 11.33. Shikwa tahsh kii'ani ihkito Ciisahs: “Awiya piintikatootc waahsahkonencikan, oka/animihkohshimaan ina ahtoopaanahkihkwan cikaatootc? Shiipaanipewinaahk ina okashi shekonaan? Kaa maawiin. Inwaate aaniihsh ciakootekipan waahsahkonencikanaahtikonk. 22#Mat 10.26; Luk 12.2. Kahkina kekoon kaakaacikaatek, mii'iwe piciinak cimohsheyaapancikaatek. Shikwa kiishpin aanakii'-aakwana'ikaatekipan kekoon, mihsawaa tanaakwan waahseyaank. 23Minihk wehtawakaayek, weweni pisintamohk!” kii'‑ihkito.
24 #
Mat 7.2; Luk 6.38. Shikwa tahsh okii'-inaa': “Ayaankwaamentamohk o'o kaapisintamek. I'iwe inaahkonikewin keonci tipaahkonekwaa kiicipimaatisiiwaak, amii'iwe peshikwan inaahkonikewin kekiinawaa keonci tipaahkoninek Kishemanitoo, kaye awahshime kika inakintamaakowaa. 25#Mat 13.12; 25.29; Luk 19.26. A'awe hsa kaamino/aapacihtootc 'iwe kaanihsitohtank, mii'awe keyaapi kemiinintc nihsitohtamowin. A'awe tahsh kaamanaa/aapacihtootc 'iwe kaanihsitohtank, ampooshke taotaahpinamawaa#4.25 taotaahpinamawaa: o'o maawiin kaaicikaatek: awiya kaakihkentansik, kaawiih kihkentansik kaye aaniin Kishemanitoon kaashi tipencikenitc, mii hsa 'awe Kishemanitoon keotaahpinamaakotc kekii'-ishi kihkentankipan. 'i minihk aanakii'-nihsitohtankipan,” kii'‑ihkito.
E'aawehcikaaketc kihtikaanenhs eshi maaciikik
26O'o tahsh kaye kii'ani ihkito: “Mii hsa 'owe eshi ayaanik Kishemanitoo oTipencikewin, taapishkoo awiya inini i'imaa e'ahpakitootc kihtikaanenhsan ahkiink. 27Nipaa ehtipihkaninik, wanishkaa ehkiishikaninik. Piinihsh iniwe kihtikaanenhsan ani saakahkiiniwan, e'ani nihtaawikininikin, aanawiin ehkihkentansik a'a inini aaniin eshi maaciikinkin. 28Tipinawe aaniihsh o'o ahki nihtaawikihcikemakan, nihtam e'ani mashkohsiwank, piinihsh e'ani niiskanakihkink, miitahsh piinihsh ehkiishikik. 29Ahpii tahsh kaahkiishikik, miitahsh weyiip eshi kiishkishiketc inini, aaniihsh mii 'o ahpii cimaawacihciketc,” kii'‑ihkito.
Ekii'-aawehcikaaketc maawac kaa/akaahsink kihtikaanenhs
(Matthew 13.31-32,34; Luke 13.18-19)
30Shikwa kaye kii'‑ihkito Ciisahs: “Wekonehsh miinawaa kewiintamawinakookipan cikihkentamooninakook Kishemanitoo otipencikewin? Wekonehsh tino pahkaan aawehcikan keonci waapanta'inakookipan aaniin i'i eshinaakwahk? 31Mii 'owe eshinaakwahk: taapishkoo 'iwe peshik kihtikaanenhs, 'iwe maawac kaa/akaahsink o'omaa ahkiink kaapakitinikaatek kihtikaanenhs. 32Mii hsa 'o kaaonci piicinikik o'o maawac kaamihcaahkwahk, ini tahsh wiin kahkina kaamihcipimiayaamakahkin. Kihcimamaankatihkwanakisi. Iki tahsh pinehshiinshak pi ishiwasihswanihkewak eshi akawaahtenik,” kii'‑ihkito.
33Niipiwa' ihsa ono tino aawehcikanan okii'ishi wiintamawaa' 'iwe Kishemanitoon otipaacimowinini, minihk ihsa kaaishi kashkihtoonitc ci‑ishi nihsitohtaminitc. 34Aawehcikewinink ehta okii'onci kakanoonaa'. Ahpii tahsh e'nihshihkeayaawaatc okii'-nihsitohtamoonaa' kahkina kekoon i'i okihkino'amawaakana'.
Ciisahs ekiih kipihtinank kihcinootin
(Matthew 8.23-27; Luke 8.22-25)
35Miitahsh i'i peshikwan ehkiishikaninik, ahpii wenaakohshininik, okiih kanoonaa' i'i okihkino'amawaakana': “Haw ihsa ishaataa weti akaamink,” okii'-inaa'. 36Miitahsh i'i kaa'ishi nakanaawaatc i'i miyaamawenonitc, ekii'ishi maacii'oonaawaatc Ciisahsoon i'imaa kaakii'ishi namatapinitc piintoonak. Pahkaan itahsh kaye kii'ayaawan ciimaanan kaawiita'oomikotc. 37Miitahsh ketahto kiihkihcipakamaaniman ekiih kihcimamaankaashkaanik itahsh, kiihsaahsiika'okowak ekii'ani mooshkinepiik i'i ciimaan. 38Wiin itahsh Ciisahs i'imaa kiihtashinipaa otaahkaanink, ahpapiwinink ekii'-ahpihkwehshink. Miitahsh okii'-aamaci'ikoo' e'ikotc: “Okihkino'amaake! Kaawiin ina kiwiih papaamentansiin ewii'-nihsaapaaweyank?” okii'-ikoo'.
39Miitahsh kaa'ishi wanishkaatc. Okiih kishiikanootaan nootin, kaye okiih kanootaan i'i nipi: “Mii'i minihk! Mii'i keshi aanwaahtink!” okii'-itaan. Miitahsh kaa'ishi kipihtaanimaninik, wiinke kaye kaa'ishi aanwaayaashkaanik. 40O'owe tahsh okii'-inaa' Ciisahs okihkino'amawaakana': “Aaniihshwiin wenci sekisiyek? Kaawiin ina mahshi kitahpenimonotawaahsiwaawaa Kishemanitoo?” kii'‑ihkito.
41Aahpici tahsh kiihkihcisekisiwak. O'owe tahsh kii'‑itiwak: “Awenen wa'a? Ampooshke nootin kaye saaka'ikan ona'ihtaakon!” kii'‑ihkitowak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society