Maahtiyo 15
15
Kaakiihpi ishi aayaanihke kihkino'amaakowaatc i'i okehteaya'aamiwaapanii'
(Mark 7.1-13)
1 Perahsiik (Pharisees) iki kaye onahshowewi kihkino'amaakek Ceroosalamink (Jerusalem) kiihpi onciiwak ekiih pinaasihkawaawaatc Ciisahsoon ekii'-inaawaatc: 2“Wekonenini tahsh kikihkino'amawaakanak wenci tootansikwaa i'i kaakiihpi aayaanihke kihkino'amaakooyank kaakiihpi nihtaa ishihcikenitc i'iweniwa' otaanaank kaakiih pimaatisinitc. Kaawiin iitok kwayahk inahke ishikisiininciihsiiwak kikihkino'amawaakanak cipwaa wiihsiniwaatc,” okii'-inaawaan.
3Ciisahs itahsh kii'‑ihkito: “Wekonen itahsh kekiinawaa wenci tootansiwek Kishemanitoo okakiih kimiwewin, nawac ini kitaanihke kihkino'amaatiwiniwaa ehkanawentamek? 4#Exo 20.12; 21.17. Kishemanitoo tahsh kii'‑ihkito: ‘Kihtenim kitete, kimaamaa kaye. Kiishpin itahsh awiya maci inaatc oteten, omaamaan kaye, taka tanihsaakaniwi.’ 5Kiinawaa tahsh o'o kitishihcikem, awiya kekoonini e'ayaatc kekii'onci wiici'aahpan ini oteten komaa kaye omaamaan, kiishpin tahsh ihkitotc, ‘Kekii'-miininaampaan aasha ninkii'-miinaa Kishemanitoo,’ 6miitahsh kaawiin memwehc oka kihtenimaahsiin ini oteten, ehkitoyek. Miitahsh eshi piikonamowek Kishemanitoo otihkitowin, i'iwe nawac ewiih piminisha'amek kiinawaa kitishihtwaawiniwaan. 7Kiinawaa ominwaatisiihshihtook! Aahpici kwayahk kikii'-ikowaakopan Aaiseya (Isaiah) ekiih kanootamawaakopanen Kishemanitoon:
8‘Kishemanitoo ihkito, oko pemaatisiwaatc nintikook ehkihci inenimiwaatc.
Ote'iwaank itahsh wiin nahpaac inahke inentamook kaainentamowak.
9Anihshaa hsa nintanami'ehtaakook,
aaniihsh awahshime kihkino'amaakewak ini ininiiwi kihkino'amaakewinan
taapishkoo e'inwaatamowaatc ihsa ini Kishemanitoon okihkino'amaakewinini.’ ”
Awiya kaaonci inakimintc ehteahpiihtentaakosihsik cianami'ehtawaatc Kishemanitoon
(Mark 7.14-23)
10Ciisahs itahsh okiih kanoonaa' awiya' cinaasihkaakotc, ekii'-inaatc: “Pisintamok, nihsitohtamok o'o! 11Kaawiin wiin awiya kaainanciketc onci inakimaahsii ehteahpiihtentaakosihsik cianami'ehtawaatc Kishemanitoon,#15.11 ehteahpiihtentaakosihsik cianami'ehtawaatc Kishemanitoon: waapantan Wiinentaakosiwin ihkitowinan kaashi oshipii'ikaatekin. i'iweni hsa kaaonci kiikitotc otoonink onci inakimaa ehteahpiihtentaakosihsik.”
12 Kihkino'amawaakanak itahsh okii'-inaawaan Ciisahsoon: “Kikihkenimaak ina Perahsiik (Pharisees) aaniin ehpiihci maanentamowaatc kaakii'-ihkitoyan?” okii'-inaawaan.
13Ciisahs tahsh kii'‑ihkito: “Kihtikaanan kaakiih kihtikaatansik a'a ninTete kihcikiishikonk kaa‑ayaatc, kahkina tamanipicikaatewan. 14#Luk 6.39. Keko papaa pisiskenimaahkekwaanik! Kaawiin ohsha waapihsiiwak mihsawaa aanakakwe niikaaniihtawaawaatc kaawaapihsinik. Kiishpin kaawaapihsik niikaaniihtawaatc ini kotak kaawaapihsinik, minciniish tapiintaanihkaanehsewak.”
15Piitar (Peter) tahsh kii'‑ihkito: “Wiintamawihshinaam aaniin mayaa ehkitoomakahk i'i eshi kihkino'ikeyan.”
16Ciisahs tahsh okii'-inaa': “Kaawiin ina kekiinawaa mahshi kitoonihsitohtamaawinihsiim? 17Kaawiin ina kinihsitohtansiim? Kekoonini awiya kaamiicitc omihsataank ishihseni, tani saaka'amoomakanini tahsh. 18#Mat 12.34. I'iweni tahsh kekoonini kaapi onciinik i'imaa ote'ink, miihsa i'iweni keonci teahpiihtenimikohsik Kishemanitoon. 19Miitahsh onoweniwan kaaonci ikin i'imaa awiya ote'ink, maci inentamowinan, nihshiwewin, kaapimenimaatc pahkaan awiyan owiitikemaakanini, anoociko awiya kaashi pihshikwaatisitc, kimootiwin, kiiwanimowin, macitashimiwewin. 20Miiwan itahsh ini kaaonciinakimintc awiya ehteahpiihtenimikohsik Kishemanitoon. A'a tahsh wiin kaakisiininciihsik cipwaa wiihsinitc, kaawiin i'imaa i'i inahke taonci inakimaahsii,” kii'‑ihkito.
Kaakii'ishi mashkawi tepweyenimikotc ihkwewan
(Mark 7.24-30)
21Ciisahs tahsh kii'anionci maacaa weti ekii'-ishaatc ahkiink Tayar (Tyre) shikwa Saaitan (Sidon) kaakii'ishi ayaanikin. 22A'a tahsh ihkwe i'imaa Kenan (Canaan) ahkiink kaakii'-onciitc, kaakiih Coowiwihsik i'imaa kaaishitaatc ahkiink, okiih pinaasihkawaan Ciisahsoon ekiih kishiiwetc: “Kiin Tepitink (David) kaaontahkaanesiyan!#15.22 Tepitink kaaontahkaanesiyan: waapantan 9.27. Kohpaasinawihshin! Nintaanihs ohsha okikishkaakon maciahcaahkwan, maawac iko ehkihci maashi ayaatc,” ekii'-inaatc.
23Ciisahs tahsh kaawiin okii'-nahkwehtawaahsiin. Okihkino'amawaakana' itahsh okii'-ikoo': “Inkoci ishinisha'o a'a ihkwe! Kinipaaci nisha'okonaan, ompiikisi kaye,” ekii'-ikotc.
24Ciisahs tahsh kii'‑ihkito: “Iki ohsha kaapimaatisiwaatc i'imaa Isriyalihkaank (Israel), kaawanihshinowaatc maanahcaanihshak, kaakii'onci piicinisha'okooyaan.”
25O'o tahsh ahpii a'a ihkwe okiih pinaasihkawaan ekii'-ociciinkwanapiihtawaatc, ekii'-ihkitotc: “Taka naatamawihshin.”
26Ciisahs tahsh kii'‑ihkito: “Iki hsa apinoonciishak omiicimimiwaa kaawiin taaminonaakwahsinoon ciotaahpinamawintwaapan ciahpakitamawintwaapan iki animohshak.”#15.26 animohshak: I'i hsa ahpii animohshink Coowak okii'-ishinihkaanaawaa' kaakiih Coowiwihsinik. Kaawiin okiih teahpiihtenimaahsiwaawaa', onsaam aanihsh kaawiin kii'onci tipentaakosihsiiwa' wiinawaa wiin Kishemanitoon ekii'-onci tipentaakosiwaatc.
27Ihkwe tahsh kii'‑ihkito: “Tepwe i'i kaaihkitoyan, shaakooc itahsh animohshak omiicinaawaan ini ishkwancikanan wiihsiniwinaahtikonk kaaonci pankihsininikin kiiwiihsininitc i'i kaatipenimikowaatc.”
28Ciisahs okii'-inaan: “Aahpici kimashkawitepweyentam! Miihsa ketootaakooyan kaashi mihsawentaman,” okii'-inaan. Miitahsh ahpii kaakii'-minoayaanitc ini otaanihsan a'a ihkwe.
Ciisahs ekii'-minoayaa'aatc aaniiniko kaainaahpinenitc
29Ciisahs tahsh kii'anionci maacaa. Weti tahsh saaka'ikaniink Kaalaliink (Galilee) kii'ani ishi pimaashakaame. Kii'ahkwaamaciwe tahsh ekii'-onapitc. 30Kiihpaahtiinowa' itahsh kaakiih pinaasihkaakotc, ekiih piinaanitc kaamaahkishkaanitc, kaawaapihsinik, kaamaahkisinitc, kaakii kitohsinik, kotak kaye otaahkosii', ekii'ishi pakitinimintc i'imaa eshi sitepitc. Miitahsh kaa'ishi minoayaa'aatc. 31Oko tahsh kaakii'-maamawi ayaawaatc wiinke kiihkihci maamahkaatentamook ahpii e'waapamaawaatc kaakii kitohsinik ehkiikitonitc, kaamaahkisinitc kaye e'minoayaanitc, kaapimohsehsinik kaye ehpimohsenitc, kaawaapihsinik kaye e'waapinitc, e'nanaahkomaawaatc ini Isriyalak (Israel) oKishemanitoomiwaan.
Ciisahs otahshamaa' niiwink mitaahswaahk
(Mark 8.1-10)
32Ciisahs tahsh okiih kanoonaa' okihkino'amawaakana' ekii'-inaatc: “Aahpici hsa ninkohpaatenimaak oko kaapaahtiinowaatc, aaniihsh aasha nihsokiishik nimpimi wiiciiwikook, kekoonini tahsh e'ayaahsikwaa kemiiciwaatc. Kaawiin kaye nintinentansii cikiiwe nisha'wakwaa ahkawe wiihsinihsikwaa. Tanoontepwaanawihcikewak.”
33Kihkino'amawaakanak tahsh kii'‑ihkitowak: “Pikwatahkamik itahsh e'ayaayank, aanti tahsh inaa keontinamankipan miicim ciahshamintwaapan oko kaapaahtiinowaatc?”
34Ciisahs kii'‑ihkito: “Aaniiminihk pahkweshikan eyaawek?”
Okii'-inaawaan tahsh: “Niishwaahso (7) pahkweshikanihkaanak pankii kaye kiikooyenhsak.” 35Ciisahs tahsh okiih kanoonaa' kahkina cinamatapinitc i'imaa mihtahkamik. 36Okii'-otaahpinaa' itahsh i'i niishwaahso (7) pahkweshikanenhsihkaana', i'i kaye kiikooyenhsa', ekii'-nanaahkomaatc Kishemanitoon. Miitahsh kaa'ishi pahpahkwepinaatc ekii'-maamiinaatc i'i okihkino'amawaakana'. Oko tahsh kihkino'amawaakanak okii'-ahshamaawaa' i'imaa kaakii'-ayaanitc. 37Kahkina tahsh kiihtewiihsiniwak. Kihkino'amawaakanak tahsh okii'-otaahpinaanaawaa niishwaahso mashkohsiimahkahk kaakii'-ishkohsenik miicimini. 38Niiwink mitaahswaahk (4,000) tahsh kiihtahshiwak iki ininiwak kaakii'-ahshamintwaa, kaawiin tahsh wiin ehtakwakimintwaa iki ihkwewak, iki kaye apinoonciishak. 39Miitahsh Ciisahs kaa'ishi kiiwenisha'waatc i'i kaapaahtiinonitc, ciimaanink itahsh kiihpoosi, weti hsa ekii'-ishaatc ahkiink Maakatanink (Magadan).
Currently Selected:
Maahtiyo 15: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
Maahtiyo 15
15
Kaakiihpi ishi aayaanihke kihkino'amaakowaatc i'i okehteaya'aamiwaapanii'
(Mark 7.1-13)
1 Perahsiik (Pharisees) iki kaye onahshowewi kihkino'amaakek Ceroosalamink (Jerusalem) kiihpi onciiwak ekiih pinaasihkawaawaatc Ciisahsoon ekii'-inaawaatc: 2“Wekonenini tahsh kikihkino'amawaakanak wenci tootansikwaa i'i kaakiihpi aayaanihke kihkino'amaakooyank kaakiihpi nihtaa ishihcikenitc i'iweniwa' otaanaank kaakiih pimaatisinitc. Kaawiin iitok kwayahk inahke ishikisiininciihsiiwak kikihkino'amawaakanak cipwaa wiihsiniwaatc,” okii'-inaawaan.
3Ciisahs itahsh kii'‑ihkito: “Wekonen itahsh kekiinawaa wenci tootansiwek Kishemanitoo okakiih kimiwewin, nawac ini kitaanihke kihkino'amaatiwiniwaa ehkanawentamek? 4#Exo 20.12; 21.17. Kishemanitoo tahsh kii'‑ihkito: ‘Kihtenim kitete, kimaamaa kaye. Kiishpin itahsh awiya maci inaatc oteten, omaamaan kaye, taka tanihsaakaniwi.’ 5Kiinawaa tahsh o'o kitishihcikem, awiya kekoonini e'ayaatc kekii'onci wiici'aahpan ini oteten komaa kaye omaamaan, kiishpin tahsh ihkitotc, ‘Kekii'-miininaampaan aasha ninkii'-miinaa Kishemanitoo,’ 6miitahsh kaawiin memwehc oka kihtenimaahsiin ini oteten, ehkitoyek. Miitahsh eshi piikonamowek Kishemanitoo otihkitowin, i'iwe nawac ewiih piminisha'amek kiinawaa kitishihtwaawiniwaan. 7Kiinawaa ominwaatisiihshihtook! Aahpici kwayahk kikii'-ikowaakopan Aaiseya (Isaiah) ekiih kanootamawaakopanen Kishemanitoon:
8‘Kishemanitoo ihkito, oko pemaatisiwaatc nintikook ehkihci inenimiwaatc.
Ote'iwaank itahsh wiin nahpaac inahke inentamook kaainentamowak.
9Anihshaa hsa nintanami'ehtaakook,
aaniihsh awahshime kihkino'amaakewak ini ininiiwi kihkino'amaakewinan
taapishkoo e'inwaatamowaatc ihsa ini Kishemanitoon okihkino'amaakewinini.’ ”
Awiya kaaonci inakimintc ehteahpiihtentaakosihsik cianami'ehtawaatc Kishemanitoon
(Mark 7.14-23)
10Ciisahs itahsh okiih kanoonaa' awiya' cinaasihkaakotc, ekii'-inaatc: “Pisintamok, nihsitohtamok o'o! 11Kaawiin wiin awiya kaainanciketc onci inakimaahsii ehteahpiihtentaakosihsik cianami'ehtawaatc Kishemanitoon,#15.11 ehteahpiihtentaakosihsik cianami'ehtawaatc Kishemanitoon: waapantan Wiinentaakosiwin ihkitowinan kaashi oshipii'ikaatekin. i'iweni hsa kaaonci kiikitotc otoonink onci inakimaa ehteahpiihtentaakosihsik.”
12 Kihkino'amawaakanak itahsh okii'-inaawaan Ciisahsoon: “Kikihkenimaak ina Perahsiik (Pharisees) aaniin ehpiihci maanentamowaatc kaakii'-ihkitoyan?” okii'-inaawaan.
13Ciisahs tahsh kii'‑ihkito: “Kihtikaanan kaakiih kihtikaatansik a'a ninTete kihcikiishikonk kaa‑ayaatc, kahkina tamanipicikaatewan. 14#Luk 6.39. Keko papaa pisiskenimaahkekwaanik! Kaawiin ohsha waapihsiiwak mihsawaa aanakakwe niikaaniihtawaawaatc kaawaapihsinik. Kiishpin kaawaapihsik niikaaniihtawaatc ini kotak kaawaapihsinik, minciniish tapiintaanihkaanehsewak.”
15Piitar (Peter) tahsh kii'‑ihkito: “Wiintamawihshinaam aaniin mayaa ehkitoomakahk i'i eshi kihkino'ikeyan.”
16Ciisahs tahsh okii'-inaa': “Kaawiin ina kekiinawaa mahshi kitoonihsitohtamaawinihsiim? 17Kaawiin ina kinihsitohtansiim? Kekoonini awiya kaamiicitc omihsataank ishihseni, tani saaka'amoomakanini tahsh. 18#Mat 12.34. I'iweni tahsh kekoonini kaapi onciinik i'imaa ote'ink, miihsa i'iweni keonci teahpiihtenimikohsik Kishemanitoon. 19Miitahsh onoweniwan kaaonci ikin i'imaa awiya ote'ink, maci inentamowinan, nihshiwewin, kaapimenimaatc pahkaan awiyan owiitikemaakanini, anoociko awiya kaashi pihshikwaatisitc, kimootiwin, kiiwanimowin, macitashimiwewin. 20Miiwan itahsh ini kaaonciinakimintc awiya ehteahpiihtenimikohsik Kishemanitoon. A'a tahsh wiin kaakisiininciihsik cipwaa wiihsinitc, kaawiin i'imaa i'i inahke taonci inakimaahsii,” kii'‑ihkito.
Kaakii'ishi mashkawi tepweyenimikotc ihkwewan
(Mark 7.24-30)
21Ciisahs tahsh kii'anionci maacaa weti ekii'-ishaatc ahkiink Tayar (Tyre) shikwa Saaitan (Sidon) kaakii'ishi ayaanikin. 22A'a tahsh ihkwe i'imaa Kenan (Canaan) ahkiink kaakii'-onciitc, kaakiih Coowiwihsik i'imaa kaaishitaatc ahkiink, okiih pinaasihkawaan Ciisahsoon ekiih kishiiwetc: “Kiin Tepitink (David) kaaontahkaanesiyan!#15.22 Tepitink kaaontahkaanesiyan: waapantan 9.27. Kohpaasinawihshin! Nintaanihs ohsha okikishkaakon maciahcaahkwan, maawac iko ehkihci maashi ayaatc,” ekii'-inaatc.
23Ciisahs tahsh kaawiin okii'-nahkwehtawaahsiin. Okihkino'amawaakana' itahsh okii'-ikoo': “Inkoci ishinisha'o a'a ihkwe! Kinipaaci nisha'okonaan, ompiikisi kaye,” ekii'-ikotc.
24Ciisahs tahsh kii'‑ihkito: “Iki ohsha kaapimaatisiwaatc i'imaa Isriyalihkaank (Israel), kaawanihshinowaatc maanahcaanihshak, kaakii'onci piicinisha'okooyaan.”
25O'o tahsh ahpii a'a ihkwe okiih pinaasihkawaan ekii'-ociciinkwanapiihtawaatc, ekii'-ihkitotc: “Taka naatamawihshin.”
26Ciisahs tahsh kii'‑ihkito: “Iki hsa apinoonciishak omiicimimiwaa kaawiin taaminonaakwahsinoon ciotaahpinamawintwaapan ciahpakitamawintwaapan iki animohshak.”#15.26 animohshak: I'i hsa ahpii animohshink Coowak okii'-ishinihkaanaawaa' kaakiih Coowiwihsinik. Kaawiin okiih teahpiihtenimaahsiwaawaa', onsaam aanihsh kaawiin kii'onci tipentaakosihsiiwa' wiinawaa wiin Kishemanitoon ekii'-onci tipentaakosiwaatc.
27Ihkwe tahsh kii'‑ihkito: “Tepwe i'i kaaihkitoyan, shaakooc itahsh animohshak omiicinaawaan ini ishkwancikanan wiihsiniwinaahtikonk kaaonci pankihsininikin kiiwiihsininitc i'i kaatipenimikowaatc.”
28Ciisahs okii'-inaan: “Aahpici kimashkawitepweyentam! Miihsa ketootaakooyan kaashi mihsawentaman,” okii'-inaan. Miitahsh ahpii kaakii'-minoayaanitc ini otaanihsan a'a ihkwe.
Ciisahs ekii'-minoayaa'aatc aaniiniko kaainaahpinenitc
29Ciisahs tahsh kii'anionci maacaa. Weti tahsh saaka'ikaniink Kaalaliink (Galilee) kii'ani ishi pimaashakaame. Kii'ahkwaamaciwe tahsh ekii'-onapitc. 30Kiihpaahtiinowa' itahsh kaakiih pinaasihkaakotc, ekiih piinaanitc kaamaahkishkaanitc, kaawaapihsinik, kaamaahkisinitc, kaakii kitohsinik, kotak kaye otaahkosii', ekii'ishi pakitinimintc i'imaa eshi sitepitc. Miitahsh kaa'ishi minoayaa'aatc. 31Oko tahsh kaakii'-maamawi ayaawaatc wiinke kiihkihci maamahkaatentamook ahpii e'waapamaawaatc kaakii kitohsinik ehkiikitonitc, kaamaahkisinitc kaye e'minoayaanitc, kaapimohsehsinik kaye ehpimohsenitc, kaawaapihsinik kaye e'waapinitc, e'nanaahkomaawaatc ini Isriyalak (Israel) oKishemanitoomiwaan.
Ciisahs otahshamaa' niiwink mitaahswaahk
(Mark 8.1-10)
32Ciisahs tahsh okiih kanoonaa' okihkino'amawaakana' ekii'-inaatc: “Aahpici hsa ninkohpaatenimaak oko kaapaahtiinowaatc, aaniihsh aasha nihsokiishik nimpimi wiiciiwikook, kekoonini tahsh e'ayaahsikwaa kemiiciwaatc. Kaawiin kaye nintinentansii cikiiwe nisha'wakwaa ahkawe wiihsinihsikwaa. Tanoontepwaanawihcikewak.”
33Kihkino'amawaakanak tahsh kii'‑ihkitowak: “Pikwatahkamik itahsh e'ayaayank, aanti tahsh inaa keontinamankipan miicim ciahshamintwaapan oko kaapaahtiinowaatc?”
34Ciisahs kii'‑ihkito: “Aaniiminihk pahkweshikan eyaawek?”
Okii'-inaawaan tahsh: “Niishwaahso (7) pahkweshikanihkaanak pankii kaye kiikooyenhsak.” 35Ciisahs tahsh okiih kanoonaa' kahkina cinamatapinitc i'imaa mihtahkamik. 36Okii'-otaahpinaa' itahsh i'i niishwaahso (7) pahkweshikanenhsihkaana', i'i kaye kiikooyenhsa', ekii'-nanaahkomaatc Kishemanitoon. Miitahsh kaa'ishi pahpahkwepinaatc ekii'-maamiinaatc i'i okihkino'amawaakana'. Oko tahsh kihkino'amawaakanak okii'-ahshamaawaa' i'imaa kaakii'-ayaanitc. 37Kahkina tahsh kiihtewiihsiniwak. Kihkino'amawaakanak tahsh okii'-otaahpinaanaawaa niishwaahso mashkohsiimahkahk kaakii'-ishkohsenik miicimini. 38Niiwink mitaahswaahk (4,000) tahsh kiihtahshiwak iki ininiwak kaakii'-ahshamintwaa, kaawiin tahsh wiin ehtakwakimintwaa iki ihkwewak, iki kaye apinoonciishak. 39Miitahsh Ciisahs kaa'ishi kiiwenisha'waatc i'i kaapaahtiinonitc, ciimaanink itahsh kiihpoosi, weti hsa ekii'-ishaatc ahkiink Maakatanink (Magadan).
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society