Ekihsatahs 40
40
Kii'onahkicikaatek Kihci'anami'epakwaanekamik
1KaaTipencikenitc itahsh Moosihs (Moses) okii'ikoon, 2“Nihtam hsa kiisihs pimakinsotc, peshik inakinsotc, onahkitoohkan Kihci anami'e pakwaanekamik ketashi maawaci'itink. 3Piintik tahsh i'imaa ishi ahtoohkan i'i ahshotamaakemahkahk, kipiika'ikehkan itahsh keshi ahtek i'i ahshotamaakemahkahk. 4Toohpowinaahk itahsh kaye piintikatoohkan, cionahtooyan i'imaa wenci tipentaakwahkin kekoonan. Waahsahkonencikanaahk itahsh kaye piintikatoohkan, cionahkitooyan waahsahkonencikanan. 5I'i tahsh kaye wesaawi shooniyaa waapihkowank kaashi minaahsikenk i'imaa ishi ahtoohkan enaahsamihsink ahshotamaakemahkahk. Akootoohkan itahsh kaye kekipiika'ikaakaaniwank keonci piintikenaaniwank i'imaa Kihci anami'e pakwaanekamikonk. 6I'i tahsh keshi pakitinaahsonaaniwank i'imaa kika ishi ahtoon kaaonci piintikenaaniwank inahke Kihci anami'e pakwaanekamik. 7I'i tahsh kihci kisiinkwaaninaakan i'imaa kika ishi ahtoon nahsawaya'ii eshi'ayaak kihci anami'e pakwaanekamik, i'i kaye kaashi pakitinaahsonk. 8Kika onahkitoon hsa kaye ciwaahkaa piinci wiimpihcikaatek, kika akootoon itahsh kaye kekipiika'ikaakaaniwank waahkaa menikanihcikanink kaaonci piintikaaniwank.”
9“Kihkinawaacihcikani pimite kika aapacihtoon cikihkinawaatentaakohtooyan Kihci anami'e pakwaanekamik, kahkina kaye kekoon i'imaa ehtek; cipehkentaakohtooyan ini kaye i'imaa eyaakin, miitahsh i'i wiinke cikihtentaakwahk. 10Miitahsh kaye ketootaman cikihkinawaatentaakohtooyan i'i keshi caakisikaatekin pakitinaahsowinan, kahkina kaye kekoonan i'imaa keaapacihcikaatekin. Kika pehkentaakohtoon hsa 'i keshi pakitinaahsonk, miitahsh i'i cikihtentaakwahk. 11Miitahsh peshikwan keshi kihkinawaatentaakohtooyan i'i kihci kisiinkwaaninaakan, i'i kaye kaashi ahpahtek.”
12“Kika piinaa tahsh a'a Eran (Aaron), i'i kaye okosihsa' i'imaa kaashi piintikenaaniwank Kihci anami'e pakwaanekamik, kika kisiihsipanaak itahsh nipiini ciaapacihtaawatc. 13Kika pihcihkonaye'aa tahsh Eran anami'e kikishkikanan, kika kihkinawaatentaako'aa tahsh kaye, cipehkentaakositc, miitahsh keinanohkiihtawitc cianami'ewikimaawitc. 14Kika piinimaa' itahsh kaye okosihsa', cipihsihkamoo'imatc naapishkikanan. 15Kika kihkinawaatentaako'aak itahsh kewiinawaa taapishkoo kaakii ishi kihkinawaatentaako'imatc otetewaan, ci‑inanohkiihtawiwaatc itahsh cianami'ewikimaawiwaatc. I'i tahsh keshi kihkinawaatentaako'atwaa cianami'ewikimaawiwaatc, mii hsa ko 'i kenehpici ishihsenik minihk iko keni ayaanihke nitaawiki'itinitc opiiwesiimiwaa',” okii'ikoon.
16Miitahsh Moosihs kaaishihciketc kahkina kekoon kaakii ishi anoonikotc kaaTipencikenitc. 17Miitahsh kaaishihsenik, eani niishopipoonakaanik, nihtam kiisihsoon ehpimakinsonitc, peshik einakinsonitc, mii 'i kiihkiishahkitoowaatc i'i Kihci anami'e pakwaanekamik. 18Miihsh Moosihs kaakii onahkitootc Kihci anami'e pakwaanekamik. Okii oshihsitoon keshi kihtahtenik. Miitahsh kaaishi onahkitootc keishinaakwaninik, mihtikoo' ekiih patahkinaatc, pemitaahkwakoocininitc itahsh kaye ekii akoonaatc. 19Miitahsh pakwaanekamikwekin kaaishi aapacihtootc ekii akwana'ank i'i kaakii onahkitootc Kihci anami'e pakwaanekamik. Wiinke hsa ekii akwana'ank misiwe, ekii ishihciketc kaakii'ikotc kaaTipencikenitc. 20Okiih piina'waa' itahsh i'i niishin napakaapihkahsinii' kaaishi oshipii'ikaatekin mitaahso onahshowewinan i'imaa ahshotamaakemahkahkonk. Miihsh kaaishi naapaahkohsitootc ini mihtikoon i'imaa mahkahkonk, ekiih kipa'ank i'i mahkahk, akwanaapowe'ikan kaashi poonencikaatenikin macitootamowinan ecikaatenik. 21Okiih piintikatoon itahsh i'i ahshotamaakemahkahk i'imaa Kihci anami'e pakwaanekamikonk. Miihsh kaaishi akootootc kipiika'ikan, ekii aakaweka'ank i'i ahshotamaakemahkahkoni. Kii‑ishihcike kaakii ishi anoonikotc kaaTipencikenitc.
22Toohpowinaahk itahsh kaye okiih piintikatoon i'imaa Kihci anami'e pakwaanekamikonk kiiwetinonk inahkeyiik saakicaya'ii ekii ishi ahtootc kipiika'ikanink. 23Okii onahsaan hsa kaye pahkweshikanan enaahsamiinitc kaaTipencikenitc, ekii ishihciketc kaakii'ikotc kaaTipencikenitc. 24Okii onahtoon itahsh kaye waahsahkonencikanaahkoni i'imaa piintik shaawanonk inahkeya'ii Kihci anami'e pakwaanekamikonk nahpaac inahke kaakii ishi ahtenik toohpowinaahkoni. 25Miitahsh kaaishi sahka'ank ini waahsahkonencikanan, ekii ishihciketc kaakii'ikotc kaaTipencikenitc. 26Okii onahtoon itahsh kaye wesaawi shooniyaa waapihkowaninik ketashi minaahsikewintc i'imaa maawaci'itiiwikamikonk ontaahsinahke kaakii ishi akootenik kipiika'ikan. 27Okii sahka'aan itahsh minaahsikan, ekii ishihciketc kaakii'ikotc kaaTipencikenitc. 28Okii onakootoon itahsh kaye kipiika'ikan i'imaa kaakii onci piintikewintc Kihci anami'e pakwaanekamikonk. 29Okii onahtoon itahsh kaye keshi caakisikaatenikin pakitinaahsowinan i'imaa ontaahsinahkeyiik kipiika'ikanink kaa‑ani onci piintikewintc. Miitahsh i'imaa kaaishi caakisank kaye kaapakitinaahswaatank i'i pahkweshikaniwi pakitinikewin. Kii‑ishihcike aaniin kaakii'ikotc kaaTipencikenitc. 30Kihci kisiinkwaaninaakan itahsh okii ishi onahtoon cishi ahtenik i'imaa nahsawaya'ii eshi'ayaanik Kihci anami'e pakwaanekamik i'i kaye eshi'ayaanik kaashi pakitinaahsonk, nipiini tahsh i'imaa okii ahtoon keshi pehkaapaawasonk. 31Miitahsh i'imaa Moosihs, Eran kaye, okosihsini kaye kaaishi kisiininciiwaatc, ekiih kisiipiikisitewaatc itahsh kaye. 32Miitahsh i'imaa kaakii ishi kisiipiikiiwaatc ahpii ko waahpiintikewaatc Kihci anami'e pakwaanekamikonk, komaa kaye ewii naasihkamowaatc kaashi pakitinaahsonk. Kii‑ishihcike hsa Moosihs aaniin kaakii ishi anoonikotc kaaTipencikenitc. 33Miitahsh Moosihs kaaishi oshihtootc ciwaahkaa piinci wiimpihcikaatenik misiwe Kihci anami'e pakwaanekamikonk, kaashi pakitinaahsowintc kaye. Okii akootoon itahsh kipiika'ikan i'imaa kaaishi waahkaa kipiika'ikaatek kaaonci piintikewintc. Miitahsh i'i Moosihs kaaishi kiishihtootc otanohkiiwin.
Wahkwiini Kii'ayaanik Pakwaanekamikonk Tenentaakositc KaaTipenciketc
34 #
1Ki 8.10,11; Isa 6.4; Rev 15.8. Wahkwi tahsh kiihkipwaanahkwanini Kihci anami'e pakwaanekamikonk. Miihsh kaaTipenciketc okihci inentaakosiwin misiwe kaakii mooshkine ayaanik i'imaa Kihci anami'e pakwaanekamikonk. 35Kaawiin itahsh Moosihs okiih kashkihtoohsiin cipiintiketc i'imaa Kihci anami'e pakwaanekamikonk, onsaam aaniihsh wahkwi i'imaa kii‑ishi kihci waanahkwanini, kaaTipencikenitc kaye okihci inentaakosiwinini misiwe imaa kiimooshkine ayaani Kihci anami'e pakwaanekamikonk. 36Minihk itahsh Isriyalak kaahpimikosiwaatc, paanimaa ehta ko i'i wahkwiini eonci ishpishkaanik i'imaa Kihci anami'e pakwaanekamikonk, mii 'i paanimaa kaaishi maacii kosiwaatc. 37Kiishpin itahsh wiin kii‑ishpishkaahsininik, kaawiin kiimaacii kosihsiiwak, paanimaa ehtako ehkiishikaninik kii‑ishpishkaanik. 38Minihk itahsh iko kaakiih papaamikosiwaatc, i'i hsa wahkwiini tepentaminitc kaaTipencikenitc kiiayaani i'imaa Kihci anami'e pakwaanekamikonk ehkiishikaninik. Ehtipihkaninik hsa kii‑ishkotewanini i'i wahkwi. Kahkina tahsh Isriyalak okii waapantaanaawaa minihk iko kaakiih papaamikosiwaatc.
Currently Selected:
Ekihsatahs 40: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
Ekihsatahs 40
40
Kii'onahkicikaatek Kihci'anami'epakwaanekamik
1KaaTipencikenitc itahsh Moosihs (Moses) okii'ikoon, 2“Nihtam hsa kiisihs pimakinsotc, peshik inakinsotc, onahkitoohkan Kihci anami'e pakwaanekamik ketashi maawaci'itink. 3Piintik tahsh i'imaa ishi ahtoohkan i'i ahshotamaakemahkahk, kipiika'ikehkan itahsh keshi ahtek i'i ahshotamaakemahkahk. 4Toohpowinaahk itahsh kaye piintikatoohkan, cionahtooyan i'imaa wenci tipentaakwahkin kekoonan. Waahsahkonencikanaahk itahsh kaye piintikatoohkan, cionahkitooyan waahsahkonencikanan. 5I'i tahsh kaye wesaawi shooniyaa waapihkowank kaashi minaahsikenk i'imaa ishi ahtoohkan enaahsamihsink ahshotamaakemahkahk. Akootoohkan itahsh kaye kekipiika'ikaakaaniwank keonci piintikenaaniwank i'imaa Kihci anami'e pakwaanekamikonk. 6I'i tahsh keshi pakitinaahsonaaniwank i'imaa kika ishi ahtoon kaaonci piintikenaaniwank inahke Kihci anami'e pakwaanekamik. 7I'i tahsh kihci kisiinkwaaninaakan i'imaa kika ishi ahtoon nahsawaya'ii eshi'ayaak kihci anami'e pakwaanekamik, i'i kaye kaashi pakitinaahsonk. 8Kika onahkitoon hsa kaye ciwaahkaa piinci wiimpihcikaatek, kika akootoon itahsh kaye kekipiika'ikaakaaniwank waahkaa menikanihcikanink kaaonci piintikaaniwank.”
9“Kihkinawaacihcikani pimite kika aapacihtoon cikihkinawaatentaakohtooyan Kihci anami'e pakwaanekamik, kahkina kaye kekoon i'imaa ehtek; cipehkentaakohtooyan ini kaye i'imaa eyaakin, miitahsh i'i wiinke cikihtentaakwahk. 10Miitahsh kaye ketootaman cikihkinawaatentaakohtooyan i'i keshi caakisikaatekin pakitinaahsowinan, kahkina kaye kekoonan i'imaa keaapacihcikaatekin. Kika pehkentaakohtoon hsa 'i keshi pakitinaahsonk, miitahsh i'i cikihtentaakwahk. 11Miitahsh peshikwan keshi kihkinawaatentaakohtooyan i'i kihci kisiinkwaaninaakan, i'i kaye kaashi ahpahtek.”
12“Kika piinaa tahsh a'a Eran (Aaron), i'i kaye okosihsa' i'imaa kaashi piintikenaaniwank Kihci anami'e pakwaanekamik, kika kisiihsipanaak itahsh nipiini ciaapacihtaawatc. 13Kika pihcihkonaye'aa tahsh Eran anami'e kikishkikanan, kika kihkinawaatentaako'aa tahsh kaye, cipehkentaakositc, miitahsh keinanohkiihtawitc cianami'ewikimaawitc. 14Kika piinimaa' itahsh kaye okosihsa', cipihsihkamoo'imatc naapishkikanan. 15Kika kihkinawaatentaako'aak itahsh kewiinawaa taapishkoo kaakii ishi kihkinawaatentaako'imatc otetewaan, ci‑inanohkiihtawiwaatc itahsh cianami'ewikimaawiwaatc. I'i tahsh keshi kihkinawaatentaako'atwaa cianami'ewikimaawiwaatc, mii hsa ko 'i kenehpici ishihsenik minihk iko keni ayaanihke nitaawiki'itinitc opiiwesiimiwaa',” okii'ikoon.
16Miitahsh Moosihs kaaishihciketc kahkina kekoon kaakii ishi anoonikotc kaaTipencikenitc. 17Miitahsh kaaishihsenik, eani niishopipoonakaanik, nihtam kiisihsoon ehpimakinsonitc, peshik einakinsonitc, mii 'i kiihkiishahkitoowaatc i'i Kihci anami'e pakwaanekamik. 18Miihsh Moosihs kaakii onahkitootc Kihci anami'e pakwaanekamik. Okii oshihsitoon keshi kihtahtenik. Miitahsh kaaishi onahkitootc keishinaakwaninik, mihtikoo' ekiih patahkinaatc, pemitaahkwakoocininitc itahsh kaye ekii akoonaatc. 19Miitahsh pakwaanekamikwekin kaaishi aapacihtootc ekii akwana'ank i'i kaakii onahkitootc Kihci anami'e pakwaanekamik. Wiinke hsa ekii akwana'ank misiwe, ekii ishihciketc kaakii'ikotc kaaTipencikenitc. 20Okiih piina'waa' itahsh i'i niishin napakaapihkahsinii' kaaishi oshipii'ikaatekin mitaahso onahshowewinan i'imaa ahshotamaakemahkahkonk. Miihsh kaaishi naapaahkohsitootc ini mihtikoon i'imaa mahkahkonk, ekiih kipa'ank i'i mahkahk, akwanaapowe'ikan kaashi poonencikaatenikin macitootamowinan ecikaatenik. 21Okiih piintikatoon itahsh i'i ahshotamaakemahkahk i'imaa Kihci anami'e pakwaanekamikonk. Miihsh kaaishi akootootc kipiika'ikan, ekii aakaweka'ank i'i ahshotamaakemahkahkoni. Kii‑ishihcike kaakii ishi anoonikotc kaaTipencikenitc.
22Toohpowinaahk itahsh kaye okiih piintikatoon i'imaa Kihci anami'e pakwaanekamikonk kiiwetinonk inahkeyiik saakicaya'ii ekii ishi ahtootc kipiika'ikanink. 23Okii onahsaan hsa kaye pahkweshikanan enaahsamiinitc kaaTipencikenitc, ekii ishihciketc kaakii'ikotc kaaTipencikenitc. 24Okii onahtoon itahsh kaye waahsahkonencikanaahkoni i'imaa piintik shaawanonk inahkeya'ii Kihci anami'e pakwaanekamikonk nahpaac inahke kaakii ishi ahtenik toohpowinaahkoni. 25Miitahsh kaaishi sahka'ank ini waahsahkonencikanan, ekii ishihciketc kaakii'ikotc kaaTipencikenitc. 26Okii onahtoon itahsh kaye wesaawi shooniyaa waapihkowaninik ketashi minaahsikewintc i'imaa maawaci'itiiwikamikonk ontaahsinahke kaakii ishi akootenik kipiika'ikan. 27Okii sahka'aan itahsh minaahsikan, ekii ishihciketc kaakii'ikotc kaaTipencikenitc. 28Okii onakootoon itahsh kaye kipiika'ikan i'imaa kaakii onci piintikewintc Kihci anami'e pakwaanekamikonk. 29Okii onahtoon itahsh kaye keshi caakisikaatenikin pakitinaahsowinan i'imaa ontaahsinahkeyiik kipiika'ikanink kaa‑ani onci piintikewintc. Miitahsh i'imaa kaaishi caakisank kaye kaapakitinaahswaatank i'i pahkweshikaniwi pakitinikewin. Kii‑ishihcike aaniin kaakii'ikotc kaaTipencikenitc. 30Kihci kisiinkwaaninaakan itahsh okii ishi onahtoon cishi ahtenik i'imaa nahsawaya'ii eshi'ayaanik Kihci anami'e pakwaanekamik i'i kaye eshi'ayaanik kaashi pakitinaahsonk, nipiini tahsh i'imaa okii ahtoon keshi pehkaapaawasonk. 31Miitahsh i'imaa Moosihs, Eran kaye, okosihsini kaye kaaishi kisiininciiwaatc, ekiih kisiipiikisitewaatc itahsh kaye. 32Miitahsh i'imaa kaakii ishi kisiipiikiiwaatc ahpii ko waahpiintikewaatc Kihci anami'e pakwaanekamikonk, komaa kaye ewii naasihkamowaatc kaashi pakitinaahsonk. Kii‑ishihcike hsa Moosihs aaniin kaakii ishi anoonikotc kaaTipencikenitc. 33Miitahsh Moosihs kaaishi oshihtootc ciwaahkaa piinci wiimpihcikaatenik misiwe Kihci anami'e pakwaanekamikonk, kaashi pakitinaahsowintc kaye. Okii akootoon itahsh kipiika'ikan i'imaa kaaishi waahkaa kipiika'ikaatek kaaonci piintikewintc. Miitahsh i'i Moosihs kaaishi kiishihtootc otanohkiiwin.
Wahkwiini Kii'ayaanik Pakwaanekamikonk Tenentaakositc KaaTipenciketc
34 #
1Ki 8.10,11; Isa 6.4; Rev 15.8. Wahkwi tahsh kiihkipwaanahkwanini Kihci anami'e pakwaanekamikonk. Miihsh kaaTipenciketc okihci inentaakosiwin misiwe kaakii mooshkine ayaanik i'imaa Kihci anami'e pakwaanekamikonk. 35Kaawiin itahsh Moosihs okiih kashkihtoohsiin cipiintiketc i'imaa Kihci anami'e pakwaanekamikonk, onsaam aaniihsh wahkwi i'imaa kii‑ishi kihci waanahkwanini, kaaTipencikenitc kaye okihci inentaakosiwinini misiwe imaa kiimooshkine ayaani Kihci anami'e pakwaanekamikonk. 36Minihk itahsh Isriyalak kaahpimikosiwaatc, paanimaa ehta ko i'i wahkwiini eonci ishpishkaanik i'imaa Kihci anami'e pakwaanekamikonk, mii 'i paanimaa kaaishi maacii kosiwaatc. 37Kiishpin itahsh wiin kii‑ishpishkaahsininik, kaawiin kiimaacii kosihsiiwak, paanimaa ehtako ehkiishikaninik kii‑ishpishkaanik. 38Minihk itahsh iko kaakiih papaamikosiwaatc, i'i hsa wahkwiini tepentaminitc kaaTipencikenitc kiiayaani i'imaa Kihci anami'e pakwaanekamikonk ehkiishikaninik. Ehtipihkaninik hsa kii‑ishkotewanini i'i wahkwi. Kahkina tahsh Isriyalak okii waapantaanaawaa minihk iko kaakiih papaamikosiwaatc.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society